დრონები და მათი მახასიათებლები, მაღალი ხარისხის ბიუჯეტური დრონები,

წარმოგიდგენთ გართობისა და შემეცნების ახალ სტანდარტს - დრონს, რომლის საშუალებითაც ახლიდან შეძლებთ სამყაროს შეცნობას. დღევანდელ სტატიაში მინდა შემოგთავაზოთ დრონის რამოდენიმე მოდელი დამაკმაყოფილებელი მონაცემებითა და ყველასთვის ხელმისაწვდომი ფასით, რომელიც 100-დან 300 ლარამდე იქნება.

აქვე დავამატებ, რომ თუ სასურველი პროდუქტის შეძენისთვის საკმარისი თანხა არ გყოფნით. ჩვენი ონლაინ მაღაზია გთავაზობთ განვადებას შეღავათიანი პროცენტებით.

SG600 RC Quadcopter

რა შეიძლება ითქვას ამ დრონზე? პირველ რიგში აღვნიშნავ, რომ ღირებულების ნაწილში კამერიან დრონებს შორის იგი ოპტიმალური ვარიანტია. მისი შეძენა შეგიძლიათ როგორც კამერით ისე უკამეროდ, თუ კამერით შეიძენთ არჩევანის გაკეთება მოგიწევთ 2 და 0.3 მეგაპიქსელს შორის.

აღნიშნული მოდელის ფრენის ხანგრძლივობა ასი მეტრის რადიუსში 6-8 წუთს შეადგენს. აქვს 720p-იანი გადაღება. მისი წონა კი სულ რაღაც 107 გრამია. კომპლექტში მოყვება 1 ცალი 750 მილიამპერიანი ელემენტი, რომლის დამუხტვასაც 40-60 წუთამდე სჭირდება. SG600-ს ასევე გააჩნია Led განათება - ღამით მისი ლურჯი და წითელი ფერები ლამაზ სანახაობას ქმნის. ამ დრონს გააჩნია როგორ ჯოისიტიკიდან ისე ტელეფონიდან მართვის ფუნქცია.

და ბოლოს მისი კონტროლერი - გამოირჩევა დახვეწილი დიზაინით და გამოსაყენებლადაც მოსახერხებელია. დამატებით მახასიათებლებია: 3D roll, One Key Return.

SG700 RC Quadcopter

ეს დრონი წინამორბედისგან განსხვავებით უფრო დახვეწილი და ელეგანტურია, არ აქვს მნიშვნელობა შავ ფერში აირჩევთ თუ თეთრში.

აღნიშნულ მოდელს ჰაერში გაჩერება 100 მეტრის რადიუსში 8-10 წუთის განმავლობაში შეუძლია. მისი კამერის ხარისხიც 0.3-2 მეგაპიქსელს შორის მერყეობს და იღებს HD 720p რეზოლუციით. SG600-სგან განსხვავებით გაზრდილია მისი ელემენტის მოცულობა 900 mAh-მდე, რომლის დამუხტვასაც 70-80 წუთი სჭირდება. ამ მოდელს ასევე გააჩნია Auto Follower-ი, ანუ ის თქვენ ავტო რეჟიმში გამოგყვებათ და საკუთარი კამერით ჩაიწერს თქვენს აქტივობებს. მისი მაქსიმალური სიჩქარე 10 კმ/სთ უტოლდება.

რაც შეეხება კონტროლერს, წინამორბედისგან დიდად არ განსხვავდება.

KY601S Drone

ამ მოდელის მონაცემები უფრო კარგად ჟღერს ვიდრე ზედა ორის. პირველ რიგში შესაძლებლობა გაქვთ შეურჩიოთ უფრო მაღალი ხარისხის კამერა (5 MP). აგრეთვე იგი აღჭურვილია 1800 მილიამპერიანი ელემენტით, რომლის დამუხტვასაც 120 წუთი სჭირდება, ხოლო ფრენის ხანგრძლივობა 100-150 მეტრის რადიუსში 20 წუთია.

მისი პარამეტრებია 17*13*5 სმ.

გაუმჯობესებულია კონტროლერის დიზაინიც - უფრო ჰაეროვანი და ერგონომიულია. მისი ხელში აღებისთანავე თავს საფრენი ხომალდის ნამდვილ კაპიტანად იგრძნობთ.

Pocket Selfie Drone

შემდეგი დრონი გახლავთ მსოფლიოში ერთ-ერთი ყველაზე მობილური საფრენი აპარატი.

სახელწოდებიდან გამომდინარე ალბათ მიხვდებოდით, რომ მისი მთავარი დანიშნულება სელფების გადაღებაა. დრონის ტარება ჯიბითაც შეგიძლიათ, ხოლო გასაკონტროლებლად სმარტფონი გამოგადგებად.

Pocket Selfie Drone-ის დიზაინი დახვეწილი, მომხიბლავი და პრაქტიკულია. რაც შეეხება მონაცემებს, იგი დაფრინავს მხოლოდ 5-10 წუთი 30 მეტრის რადიუსში, რაც ვფიქრობ საკმარისია მისი ძირითადი მოვალეობის შესასრულებლად. აღჭურვილია HD კამერით და 500 mAh მოცულობის მქონე ელემენტით, რომელიც სრულად 60 წუთში იმუხტება. არ დაგავიწყდეთ, ამ დრონს კამერასთან განათებაც გააჩნია.

მისი ზომაა 15,5*9*6 სმ.

LHX28GWF Dual GPS

აღნიშნული მოდელი, ვიზუალის მხრივ, ბიუჯეტური დრონებიდან ჩემი ფავორიტია. 3LHX28GWF განკუთვნილია მათთვის, ვინც შედარებით მაღალი მონაცემების მქონე საფრენ აპარატს ეძებს.

იგი აღჭურვილია 5 MP-ის 1080P კამერით, 850 მილიამპერიანი ელემენტით და რაც მთავარია ორმაგი GPS-ით. დრონებში GPS ნავიგაცია შორ დისტანციაზე მანევრირებისთვის განსაკუთრებით მნიშვნელოვანია.

ფრენის მაქსიმალური დრო 12 წუთია, რომელიც მხოლოდ 200 მეტრის რადიუსს ითვალისწინებს. აგრეთვე აქვს ლედ განათება

მისი ზომებია: 180*145* 60mm ხოლო წონა სულ რაღაც 157 გრამს შეადგენს,

რაც შეეხება კონტროლერს, ამ მოსახერხებელი დისტანციური პულტის გარდა მისი მართვა ასევე სმარტფონითაც შეგიძლიათ.

DJI TELLO

ამ სტატიის ბოლოს კი მინდა დრონების ყველაზე პოპულარული და დაფასებული მწარმოებლის DJI-ის პროდუქციიდან მორიგი ხარისხიანი და ამასთან ბიუჯეტური დრონი - DJI TELLO წარმოგიდგინოთ.

დავიწყოთ მისი გარეგნობით, სურათში შესაძლოა დიდი მოგეჩვენოთ, თუმცა რეალურად საკმაოდ პატარა და კომპაქტურია, იმართება სმარტფონით და ფრენა 13 წუთის მანძილზე 100 მეტრის რადიუსში შეუძლია. ფოტოს და ვიდეოს 5 მეგაპიქსელიანი კამერით 720p ხარისხით იღებს.

კიდევ ერთხელ ავღნიშნავ DJI TELLO-ს აწყობის ხარისხსა და გამძლეობას. მიუხედავად იმისა, რომ იგი ცნობილ ბრენდს ეკუთვნის, მონაცმებით სხვა ბიუჯეტურ დრონებს არ ჩამოუვარდება და ფასიც საკმაოდ მიმზიდველია თუ გავითვალისწინებთ იმას, რომ DJI-ის ბოლო მოდელების ღირებულება 2000-3000 ლარიდან იწყება.

სტატიის ბოლო მინდა გთხოვოთ, კომენტარებში გაგვიზიაროთ თქვენი გამოცდილება ბიუჯეტურ დრონებთან დაკავშირებით და აპირებთ თუ არა ახლო მომავალში მის შეძენას?

წარმატებებს გისურვებთ!