როგორ შევიძინო?

ავტორიზაცია

ყველა კატეგორია

რა ვაჩუქო?
აქსესუარები სილამაზე და კოსმეტიკა საჩუქარი ბავშვებისთვის დეკორი სხვადასხვა
ავტო ნაწილები ბავშვებისათვის ვიდეო თამაშები & კონსოლები ზოო პროდუქცია კომპიუტერული ტექნიკა მობილური ტელეფონები & აქსესუარები მუსიკა მუსიკალური ინსტრუმენტები საათები სათამაშოები & ჰობი
ასაწყობი სათამაშოები ბურთები, ფრიზბი & ბუმერანგები გამჭვირვალე & ფერადი ბურთულები დრონები თამაშები კლასიკური სათამაშოები მანქანები, თვითმფრინავები, გემები & ძრავები მატარებლები მოდელები & კომპლექტი მოქმედებითი / მოძრავი მცირე წლოვნებისთვის რობოტები, მონსტრები, კოსმოსური მხეცები საბავშვო დისტანციური მანქანები საბავშვო სატერფულიანი მანქანები საბითუმო გაყიდვები საგანმანათლებლო სათამაშო ჯარისკაცები საპნის ბუშტები სატელევიზიო & ფილმის პერსონაჟები სწრაფი კვების სათამაშოები ფაზლები, თავსატეხები, რუბიკის კუბები ფუმფულა / ბეწვის სათამაშოები ცნობილი ცხოველები ძველებური & ანტიკვარული სათამაშოები საბითუმო გაყიდვები
სამკაულები სამომხმარებლო ელექტროტექნიკა სახლი და ეზო სპორტული საქონელი ტანსაცმელი, ფეხსაცმელი და აქსესუარები ფოტო და ვიდეო კამერები წიგნები ჯანმრთელობა და სილამაზე

ლამაზი ფრჩხილების საიდუმლო, მკურნალობა და მოვლა

მეგი კაზეიშვილი
5407

წაკითხვა

მოწონება

ბლოგერი : მეგი კაზეიშვილი

ვიტამინები, რომლებიც ფრჩხილებს აქერცვლისგან, მტვრევისა და შეთხელებისგან იცავს,

რომელი ინსტრუმენტების ქონაა აუცილებელი ფრჩხილების გასალამაზებლად?,

ვიტამინები, რომლებიც ფრჩხილებს აქერცვლისგან, მტვრევისა და შეთხელებისგან იცავს

რომელი ინსტრუმენტების ქონაა აუცილებელი ფრჩხილების გასალამაზებლად?

შეიძლება, ქალს ულამაზესად ჰქონდეს მაკიაჟი გაკეთებული, მოდის თანამედროვე სტანდარტების მიხედვით ეცვას, მაგრამ ვიზუალი პატარა დეტალმა გააფუჭოს - ეს ფრჩხილებია. ქალის ფრჩხილები იმის მაჩვენებელია, თუ რამდენად უვლის იგი თავს და აქცევს ყურადღებას თუნდაც წვრილმანებს საკუთარ გარეგნობაში. ცხადია, სხვადასხვა ტიპის ფრჩხილები არსებობს (ამოზნექილი, ჩაზნექილი, ვიწრო, ფართე, თხელი, სქელი და ა.შ) და იმისთვის, რომ ნებისმიერი მათგანი მაქსიმალურად კარგად გამოიყურებოდეს, ყველას სწორი მოვლა სჭირდება.

ზოგი ქალი სულაც არაა კმაყოფილი იმით, თუ როგორ გამოიყურება მისი ფრჩხილები, სხვის შემხედვარეს კი უჩნდება კითხვა: "რაშია მისი ფრჩხილების საიდუმლო?" სინამდვილეში, თითების სილამაზის გასაღები საკმაოდ მარტივი და ბანალურია - ესაა ჯანმრთელობა და ყურადღება. მოვლასთან დაკავშირებით არსებობს სხვადასხვა პრობლემა და უნდა ვიცოდეთ, რას უნდა მივაქციოთ ყურადღება, რათა ჩვენი ფრჩხილები ისე გამოიყურებოდეს, როგორც გვსურს. ამ ბლოგში ყურადღებას იმ სამ პრობლემაზე გავამახვილებთ, რაც ადამიანების უმეტესობას აწუხებს. წარმოგიდგენთ როგორც სამკურნალო, ისე - მოვლისა და გალამაზებისთვის საჭირო საშუალებებს. ვეცდები, დაგეხმაროთ იმ პრობლემების აღმოფხვრაში, რომლებიც აქერცვლას, მტვრევასა და შეთხელებას უკავშირდება.

1) მტვრევადი ფრჩხილები და D ვიტამინი

ყველა ქალს სურს, ჰქონდეს გრძელი და ლამაზი ფრჩხილები, თუმცა ზოგისთვის გაზრდა ადვილი არ არის, რადგან ფრჩხილები მალე ტყდებათ. ეს შეიძლება, გამოწვეული იყოს ვიტამინის ნაკლებობით, რომელიც არა მარტო აღნიშნულ დისკომფორტს, არამედ - ჯანმრთელობის ბევრს სხვა პრობლემას წარმოქმნის. მტვრევის ერთ-ერთი მიზეზი შეიძლება, D ვიტამინის ნაკლებობა იყოს.

D ვიტამინი ცხიმში ხსნადია, ის ხელს უწყობს ნაწლავებში კალციუმის, ფოსფატის, რკინის, მაგნიუმისა და თუთიის შეწოვას. გარდა იმისა, რომ შეგვიძლია, საკვებისა და პრეპარატის სახით მივიღოთ, ასევე, უნდა ვიცოდეთ, რომ ვიტამინი D ულტრაიისფერი სხივებითაც სინთეზდება. შეგვიძლია თუ არა ამ პრობლემის მოგვარება მზის სხივების გარეშე? რა, თქმა, უნდა, შეგვიძლია. საჭიროა მხოლოდ D ვიტამინის მიღება.

ფრჩხილების მტვრევის თავიდან აცილებაში ასევე დაგვეხმარება სპეციალური ზეთი, რომელიც ფრჩხილის მიდამოებში უნდა შევიზილოთ. მაგრამ მტვრევის საწინააღმდეგოდ არჩევანი ამით არ შემოიფარგლება. სხვა საშუალებებია: A ვიტამინისა და Ca-ს მიღება. თითოეული ეს საშუალება ამაგრებს ფრჩხილს.

2) თხელი ფრჩხილები და C ვიტამინი

არსებობს შეხედულება, რომ ფრჩხილების მიხედვით ადამიანის ხასიათის გაგება შეიძლება და თხელი ფრჩხილების ადამიანები ყველასთვის კეთილმოსურნენი, მაგრამ სუსტები არიან. შეიძლება, მართლაც ასეა, თუმცა უფრო მნიშვნელოვანია, თუ რა იწვევს ფრჩხილების შეთხელებას. ამის მიზეზი ორგანიზმში შეიძლება C ვიტამინის ნაკლებობა იყოს. ვიტამინი C წყალში ხსნადია, იგი პირველად 1923-1927 წწ. ლიმნის წვენიდან გამოჰყვეს. მისი მიღება ფრჩხილებს შეთხელებისგან იცავს, მაგრამ აქვს მრავალი სხვა სასარგებლო თვისებაც: არეგულირებს სისხლის შედედებას, აწესრიგებს კაპილარების გამტარობას, მონაწილეობს სისხლწარმოქმნაში, მოქმედებს ანთებისა და ალერგიის წინააღმდეგ, აწესრიგებს სტრესის შედეგად გამოწვეულ პრობლემებს, აძლიერებს აღდგენით პროცესებს, და ზრდის ინფექციების მიმართ მდგრადობას. 

ძალიან მნიშვნელოვანია E ვიტამინიც, რომლის ნაკლებობაც ფრჩხილის ელასტიურობას ამცირებს. ამ ვიტამინის მიღების წყალობით ფრჩხილი უფრო სწრაფად იზრდება. რა თქმა უნდა, მისი მიღება სწორი კვებით შეიძლება, თუმცა ხშირად, დღევანდელი ცხოვრების წესიდან გამომდინარე, რაციონის სწორად შერჩევა არ გამოგვდის, ამიტომ, ვიტამინს გირჩევდით. ფრჩხილების სიჯანსაღის გარდა, E ვიტამინი ორგანიზმში მოხვედრილი ტოქსიკური ნივთიერებებისთვის ერთგვარ ბარიერს ქმნის, ამცირებს ონკოლოგიური დაავადებების გაჩენის ალბათონას და აფერხებს დაბერების პროცესს.

3) ფრჩხილების აქერცვლა - B ვიტამინი

ხშირად მინახავს ადამიანები, ვისაც ლაქის მოშორებისას ექერცლებათ ფრჩხილები. შორიდან რომ არ მოვუარო, ცოცხალ მაგალითად ჩემი დაქალები მყავს, მათ უმეტესობას მუდმივად აწუხებდა ეს პრობლემა. როდესაც ფრჩხილი იქერცლება, პარალელურად თხელდება და იმტვრევა კიდეც. საბედნიეროდ, გავიგეთ, რომ ეს B ვიტამინის ნაკლებობის ბრალი იყო.

ამას გარდა, B ჯგუფის ვიტამინების უკმარისობა ფრჩხილზე ღარების, თეთრი ლაქების თუ ხაზებისა და ნახეთქების გაჩენას იწვევს. მნიშვნელოვანია ამ ჯგუფის ყველა ვიტამინი (B1, B2, B3, B5), რადგან მათში სხვადასხვა კონცენტრაციითაა სასარგებლო ნივთიერებები. ამიტომ, თუ თქვენც იგივე პრობლემა გაწუხებთ, გადადით ლინკზე და იხილეთ ვიტამინი, რომელიც პრობლემას აღმოფხვრის.

რა თქმა უნდა, პრობლემები ამ ყველაფრით არ მთავრდება, ფრჩხილების გაჯანსაღებასა და გალამაზებას სხვა ბაერიერებიც უდგას წინ. მაგრამ მე ვეცადე, ყველაზე გავრცელებული პრობლემები და მათი გადაჭრის გზები აღმენიშნა. არ უნდა დავივიწყოთ მოვლის ხალხური მეთოდებიც, რადგან ისინიც ამართლებს. მაგალითად, თუ ფრჩხილებზე ყვითელი ფერი დაგკრავთ, ეს ფერი ვიტამინის გარდა, ლიმნის წვენმაც უნდა გაგიქროთ. აგრეთვე, აღნიშნავენ, რომ კარგია სოდა და იოდი.

მოვლისთვის აუცილებელი ნივთები

როგორც დასაწყისში აღვნიშნე, ბლოგში ფრჩხილების მოვლის საშუალებებსაც შევეხები. როგორ გავაკეთოთ ეს? სწორი მოვლისთვის რამდენიმე წესის დაცვაა საჭირო. პირველ რიგში, ძალიან კარგია, თუ გამოვიყენებთ კრემებს ფრჩხილების მოვლისთვის (შეგიძლიათ, თავად აარჩიოთ, რომელი გჭირდებათ). ასევე, მნიშვნელოვანია, ვიქონიოთ და გამოვიყენოთ ქლიბი, რათა ფრჩხილებს სასურველი ფორმა მივცეთ. სხვადასხვანაირი ქლიბი შეგიძლიათ იხილოთ აქ.

რა თქმა უნდა, ნუნების მოჭრა აუცილებელია, თუმცა, თუ წინასწარ დავარბილებთ მათ, მაგალითად, თბილ წყალში, ეს საქმე საგრძნობლად გამარტივდება. დიდი მნიშვნელობა აქვს, რას გამოვიყენებთ ლაქის მოსაცილებლად. მაქსიმალურად უნდა ვეცადოთ, მოსაშორებელი საშუალება არ შეიცავდეს ბევრ აცეტონს. სითხე აცეტონის გარეშე შეგიძლიათ, ნახოთ ამ ბმულზე 

ფრჩხილების მოსავლელად უმნიშვნელოვანესია ყველა აუცილებელი ინსტრუმენტის ქონა. მათი ერთ კომპლექტად შეძენა ყველაზე კარგი გამოსავალია. დააჭირეთ აქ ერთად თავმოყრილი საჭირო ნივთების სანახავად.

უკანასკნელი დეტალი - ლაქი

რა თქმა უნდა, გვერდს ვერ ავუვლით ფრჩხილის ლაქს. მას შემდეგ, რაც მივმართავთ მოვლის საშუალებებს, ისღა დაგვრჩენია, ფრჩხილებს ლამაზი ფერი და დიზაინი შევურჩიოთ, რათა უნაკლოდ გამოვიყურებოდეთ და სხვების მხრიდან მოწონება დავიმსახუროთ. ბმულზე შეგიძლიათ, აარჩიოთ თქვენთვის სასურველი ფერის ლაქი. ფერთან დაკავშირებით აქვე ერთ პატარა რჩევას მოგცემთ: იცით, რომელია ლაქი, რომელიც ყველაფერს უხდება? მიიჩნევენ, რომ სწორედ ასეთია რძისფერი.

არ დაგავიწყდეთ, რომ ხშირად ისიც საჭიროა, ფრჩხილები, ასე ვთქვათ, დაასვენოთ და ამოასუნთქოთ - ეს უჯრედების აღდგენას უწყობს ხელს. ამიტომ, ზოგჯერ რამდენიმე ან თუნდაც, ერთი დღე ლაქის გარეშე გაატარეთ. საბოლოო ჯამში, ლამაზი ფრჩხილების ქონა არც ისე შრომატევადია და არც მეტისმეტად ბევრ პროცედურას მოითხოვს. თქვენ ფრჩხილებთან დაკავშირებული რომელი პრობლემა გაწუხებთ და როგორ ებრძვით მას?

ბლოგერი : მეგი კაზეიშვილი
წაკითხვა : 5407
მოწონება :
გაზირება :
სხვა ბლოგები :
კომენტარები :