როგორ შევიძინო?

ავტორიზაცია

ყველა კატეგორია

რა ვაჩუქო?
აქსესუარები სილამაზე და კოსმეტიკა საჩუქარი ბავშვებისთვის დეკორი სხვადასხვა
ავტო ნაწილები ბავშვებისათვის ვიდეო თამაშები & კონსოლები ზოო პროდუქცია კომპიუტერული ტექნიკა მობილური ტელეფონები & აქსესუარები მუსიკა მუსიკალური ინსტრუმენტები საათები სათამაშოები & ჰობი
ასაწყობი სათამაშოები ბურთები, ფრიზბი & ბუმერანგები გამჭვირვალე & ფერადი ბურთულები დრონები თამაშები კლასიკური სათამაშოები მანქანები, თვითმფრინავები, გემები & ძრავები მატარებლები მოდელები & კომპლექტი მოქმედებითი / მოძრავი მცირე წლოვნებისთვის რობოტები, მონსტრები, კოსმოსური მხეცები საბავშვო დისტანციური მანქანები საბავშვო სატერფულიანი მანქანები საბითუმო გაყიდვები საგანმანათლებლო სათამაშო ჯარისკაცები საპნის ბუშტები სატელევიზიო & ფილმის პერსონაჟები სწრაფი კვების სათამაშოები ფაზლები, თავსატეხები, რუბიკის კუბები ფუმფულა / ბეწვის სათამაშოები ცნობილი ცხოველები ძველებური & ანტიკვარული სათამაშოები საბითუმო გაყიდვები
სამკაულები სამომხმარებლო ელექტროტექნიკა სახლი და ეზო სპორტული საქონელი ტანსაცმელი, ფეხსაცმელი და აქსესუარები ფოტო და ვიდეო კამერები წიგნები ჯანმრთელობა და სილამაზე

რჩევები კომპიუტერის ასაწყობად: როგორ უნდა ავარჩიოთ მისი ნაწილები?

ტარიელ მარაქველიძე
6532

წაკითხვა

მოწონება

ბლოგერი : ტარიელ მარაქველიძე

რომელ პროცესორს უნდა მივანიჭოთ უპირატესობა? ,

ქეისები განათებითა და გამაგრილებელი სისტემით,

ფაქტია,რომ დღესდღეობით ჩვენ ვცხოვრობთ ტექნიკის, ინტერნეტისა და კომპიუტერების ოქროს ხანაში, და რა იქნება საუკეთესო გასართობი, თუ არა ინტერნეტთამაშების მეგობრებთან ერთად თამაში. მაგრამ თუ გინდათ, რომ მეგობრულ დაცინვას გადაურჩეთ და მათ თვალში ე.წ. "noob''-ი (ანუ კომპიუტერისა თუ ინტერნეტის გამოყენების უცოდინარი) არ იყოთ (რაც უმეტეს შემთხვევაში თქვენი მოძველებული სისტემის ბრალი იქნება), მაშინ თქვენ გჭირდებათ ახალი კომპიუტერული სისტემა. ასევე, თუ პროგრამირების შესწავლა გსურთ ან უკვე ხართ პროგრამისტი და ძლიერი კომპიუტერი გჭირდებათ, ამ ბლოგში შემოთავაზებული რჩევები თქვენთვისაცაა. რა თქმა უნდა, შეგიძლიათ, კომპიუტერი შეიძინოთ, რაც ქართულ ბაზარზე საკმაოდ მრავლადაა. მაგრამ ეს გაცილებით ბევრი დაგიჯდებათ, ვიდრე თქვენი ხელით აწყობა, ამასთან ერთად, თქვენზე უკეთ არავის ეცოდინება, რა სიძლიერის და პარამეტრების კომპიუტერი გჭირდებათ. მაშ ასე, დავიწყოთ ყველაზე მნიშვნელოვანი ნაწილების არჩევა.

1) კომპიუტერის ქეისი

კომპიუტერის ქეისი, იგივე ,,ყუთი" უმნიშვნელოვანეს ნაწილს წარმოადგენს, რადგან მასში თავსდება მთელი მუშა მექანიზმი. ამასთანავე, მას უფრო ესთეტიკური დანიშნულება აქვს, ვიდრე შიდა ნაწილებს, ამიტომ, ჩემი რჩევა იქნება, რომ თუ თანხის სიმცირეს არ უჩივით, ახალი ქეისი შეიძინოთ, რადგან ასეთი არამარტო სილამაზით გამოირჩევა, არამედ - გაგრილების სისტემით, განათებებითა და იმითაც, რომ თითქმის საერთოდ არ ხმაურობს. ჩემი პირადი გამოცდილებით გეტყოდით, რომ ჩინური პროდუქციის შეძენა არ ღირს. შეიძლება, ისინი ძალიან მომხიბვლელად გამოიყურებიან, მაგრამ ხარისხით ნამდვილად ვერ დაიკვეხნიან. მე პირადად NZXT Phantom მაქვს და მისით ძალიან კმაყოფილი ვარ.

2) პროცესორი

მეორე და წინაზე უფრო მნიშვნელოვანი ნაწილი, რომლის გარეშეც კომპიუტერი ვერ იმუშავებს, პროცესორია. ბაზარზე 2 ძირითადი კომპანიაა წარმოდგენილი: პირველია Intel-ი, მეორე კი AMD-ი. დღესდღეობით ბაზარზე პირველი პროდუქტი ლიდერობს, მაგრამ AMD-ი მის ბიუჯეტურ ვერსიას წარმოადგენს და რეალურად, დიდად არ ჩამორჩება. ჩემი რჩევა იქნება, ჩაიხედოთ საფულეში და ამის მიხედვით განსაზღროთ, რომელს შეიძენთ. შეგიძლიათ, შეიძინოთ არა უახლესი, არამედ წინა ვერსიებიც, მაგრამ ამ შემთხვევაში intel-ს მიანიჭეთ უპირატესობა. თუკი თანხის ნაკლებობას არ უჩივით, მაშინ intel core i9 სწორედ თქვენთვისაა შექმნილი.

3) დედაპლატა

დედაპლატა - ნაწილი, სადაც ყველაფერი ერთად იყრის თავს. დედაპლატის არჩევისას გაითვალისწინეთ, რომ მას უნდა გააჩნდეს პროცესორთან დამაკავშირებელი ისეთი ველი, რომელიც მას იდეალურად მოერგება. ამის გაგება მარტივია მონაცემების გადახედვით. i9 პროცესორისათვის საუკეთესო დედაპლატაა MSI X299.

4) ოპერატიული მეხსიერება

თუკი კომპიუტერის აწყობას აპირებთ, ერთ-ერთი უმნიშვნელოვანესი ნაწილი სწორედ ოპერატიულია. ასე რომ, მასზე თანხის დაზოგვაზე არ უნდა იფიქროთ. ჩემი რჩევაა, შეიძინოთ Kingston HyperX Fury, რომელიც ძალიან ძლიერი სისტემაა.

5) გრაფიკის ბარათი

ერთ-ერთი მთავარი პრობლემა, რასაც თამაშისას ყველაზე ხშირად ვაწყდებით, ის არის, რომ კომპიუტერი ჭედავს, ძალიან ცუდი გამოსახულება აქვს ან ერთ კადრზე ხშირად იყინება. სწორედ ამ პრობლემებს აგაცილებთ თავიდან ვიდეობარათი. მსოფლიო ბაზარზე საუკეთესო ვიდეობარათი, რომელსაც წინააღმდეგობასა და კონკურენციას სხვა ვიდეობარათები ვერ უწევს, Titan X გახლავთ.

6) კვების ბლოკი

ძლიერი ნაწილების კომპიუტერულ სისტემას საკმაოდ დიდი რაოდენობის ელექტროენერგია სჭირდება, ამიტომ მათთვის ცუდი კვების ბლოკი ნიშნავს დედაბარათის გადაწვის მაღალ რისკს, ასე რომ, მხოლოდ და მხოლოდ ცნობილ და ლიცენზირებულ პროდუქტს ენდეთ, ისეთს, როგორიც EVGA 700 BR 80-ია.

7) მაუსი და კლავიატურა

თუკი თამაშს აპირებთ, მაშინ აუცილებლად დაგჭირდებათ მაუსი, რომელიც სწორედ გეიმინგისთვის იქნება შექმნილი. მაუსის არჩევისას მის განათებასა და ესთეტიკურ მხარეს დიდ ყურადღებას ნუ მიაქცევთ, აქცენტი გააკეთეთ ფირმასა და ხარისხზე. შეეცადეთ, შეიძინოთ ისეთი ბრენდების პროდუქცია, როგორებიცაა, მაგალითად: Intel, Razor, Bloody და Asus. მათი მაუსები უფრო დიდხანს და ხარისხიანად მოგემსახურებათ.

კლავიატურაც უმნიშვნელოვანეს ატრიბუტს წარმოადგენს გეიმინგისათვისა თუ პროგრამირებისთვის. დღევანდელ დღეს ყველაზე კარგი კლავიატურის გამორჩევა რთულია, მაგრამ გეიმერების 67%-ი razer hutsman-ს ირჩევს. ის საკმაოდ მაღალი ხარისხის კლავიატურაა და გახლავთ მსოფლიოში გეიმინგისთვის ერთ-ერთი ყველაზე ცნობილი და კარგი პროდუქციის მწარმოებელი კომპანიის პროდუქცია, რომელიც ასევე აწარმოებს მაუსებს, ქეისებს, მაუსის დასადებებს, ყურსასმენებს და კომპიუტერის თითქმის ყველა სხვა ატრიბუტებს.

8) გაგრილების სისტემა

მოგეხსენებათ, კომპიუტერის პროცესორი და დედაპლატა ძალიან დიდ სითბოს გამოყოფს და იქმნება სისტემის გადახურების საფრთხეც. ამის თავიდან ასაცილებლად შეიქმნა უახლესი სისტემა, რომელიც 100-ჯერ ეფექტურია, ვიდრე მინივენტილატორები, რომლებიც პროცესორებს მოყვება, ამასთანავე, ისინი ძალიან ლამაზია. მე პირადად გირჩევდით NZXT Kraken-ს, რომელიც ასევე საკმაოდ ცნობილი კომპიუტერული ტექნიკის მწარმოებელი კომპანიის მიერაა შექმნილი. შეგიძლიათ, უფრო დიდი მასშტაბის გამაგრილებელი სისტემაც შეიძინოთ, მაგრამ ისეთი კომპიუტერისთვის, რომელსაც ზემოთ ჩამოთვლილი ნაწილები აქვს, (რომელსაც ყველანაირი თამაშის ჩართვა შეუძლია) ეს არ წარმოადგენს განსაკუთრებულ საჭიროებას. ამასთან, დიდი გაგრილების სისტემის ჩაყენება სპეციალურ მომზადებას მოითხოვს, რომლის გარეშეც შეიძლება, თქვენმა ქულერმა მოლოდინი არ გაამართლოს, რაც ასეთ ძვირ პროდუქციაში გადახდილ თანხას სულ ქარს გაატანს.

დაბოლოს, გაითვალისწინეთ, რომ აქ მხოლოდ ყველაზე მნიშვნელოვანი ნაწილებია მითითებული, რომელიც გეიმინგისათვის ყველაზე აუცილებელია (და ისეთი ნაწილები, როგორიცაა შიდა მეხსიერება, არ გამომრჩენია, უბრალოდ, მათ ძალიან მნიშვნელოვნად არ ვთვლი). ასევე, მიიღეთ რჩევა და შეეცადეთ, ამ ნაწილების ისეთ პერიოდში შეძენა, როდესაც ფასდაკლებებია მაგ: ახალ წელს, ჰეოუინის და სხვათ დღესასწაულების დროს - ამ შემთხვევაში საკმაოდ დიდ თანას დაზოგავთ.

ბლოგერი : ტარიელ მარაქველიძე
წაკითხვა : 6532
მოწონება :
გაზირება :
სხვა ბლოგები :
კომენტარები :