სიახლე
გამოგვყევი
ონლაინ დახმარება

ავტორიზაცია

სიახლე -ზე.

მალე:

ყველა კატეგორია

ავტო ნაწილები ბავშვებისათვის ვიდეო თამაშები & კონსოლები ზოო პროდუქცია კომპიუტერული ტექნიკა მობილური ტელეფონები & აქსესუარები მუსიკა მუსიკალური ინსტრუმენტები საათები სათამაშოები & ჰობი
ასაწყობი სათამაშოები ბურთები, ფრიზბი & ბუმერანგები გამჭვირვალე & ფერადი ბურთულები დრონები თამაშები კლასიკური სათამაშოები მანქანები, თვითმფრინავები, გემები & ძრავები მატარებლები მოდელები & კომპლექტი მოქმედებითი / მოძრავი მცირე წლოვნებისთვის რობოტები, მონსტრები, კოსმოსური მხეცები საბავშვო დისტანციური მანქანები საბავშვო სატერფულიანი მანქანები საბითუმო გაყიდვები საგანმანათლებლო სათამაშო ჯარისკაცები საპნის ბუშტები სატელევიზიო & ფილმის პერსონაჟები სწრაფი კვების სათამაშოები ფაზლები, თავსატეხები, რუბიკის კუბები ფუმფულა / ბეწვის სათამაშოები ცნობილი ცხოველები ძველებური & ანტიკვარული სათამაშოები საბითუმო გაყიდვები
სამკაულები სამომხმარებლო ელექტროტექნიკა სახლი და ეზო სპორტული საქონელი ტანსაცმელი, ფეხსაცმელი და აქსესუარები ფოტო და ვიდეო კამერები წიგნები ჯანმრთელობა და სილამაზე

კედლის დეკორაცია, მცენარეები და კიდევ 3 რჩევა თქვენი სახლისთვის

მეგი კაზეიშვილი
630

წაკითხვა

მოწონება

ბლოგერი : მეგი კაზეიშვილი

მოგესალმებით, სანამ მოკლედ გეტყოდეთ, თუ ზუსტად რაზე გესაუბრებით, მანამ უნდა გკითხოთ: თქვენი აზრით, რა არის დეკორაცია? ჩემი აზრით, ეს ნამდვილი ხელოვნებაა. ხოლო ზუსტი განმარტებით, ხელოვნების ცალკეული მიმდინარეობაა, რომელიც ძირითადად სცენის გაფორმებას გულისხმობს, სცენების კარგად წარმოჩენის მიზნით, ანუ დეკორაცია ხაზს უსვამს დადებითი დეტალებს და გვეხმარება მათ წარმოჩენაში.

არსებობს სხვადასხვა დეკორატიული ნივთი, ამიტომ, ცალკე მოვიხსენიებთ ხოლმე კედლის დეკორაციიებს (უნდა აღვნიშნო, რომ ჩემი ეს საყვარელი სახეობაა და შემიძლია, დაუსრულებლად ვათვალიერო განსხვავებული დეკორაციები), უფრო ზუსტად კი მისაკრავ სტიკერებს ვეძახით, რომლებიც განსაკუთრებით პოპულარული საძინებლების მოსაწყობადაა. ასევე, მოგეხსენებათ და არსებობს ხელოვნური ყვავილები, რომლებიც, ჩემი აზრით, მხოლოდ იმით განსხვავდებიან ბუნებრივისგან, რომ სუნთქვა არ შეუძლიათ, ვიზუალურად კი დიდ სხვაობას ვერ ვიპოვით.

დღევანდელი ბლოგით მოგცემთ 5 რჩევას სახლის უკეთ მოსაწყობად და პარარელურად გთავაზობთ 5 ნივთს, რომელიც დადებითად მოქმედებს განწყობაზე და სახლის სილამაზესა და მასში გამეფებულ კომფორტს უსვამს ხაზს.

1) როგორი ფერები გამოვიყენო ინტერიერისთვის?!

ჩემი სახლი ჩემი სამყაროა - ვინც ამას იზიარებს, ის მაქსიმალურად ცდილობს, სახლის ინტერიერი გათვლილი იყოს კომფორტზე, ანუ ფერები არჩეულ იქნას მისი გემოვნებიდან გამომდინარე. ექსპერტები გვირჩევენ, ყურადღება მივაქციოთ, საით არის ფანჯრები და ამის მიხედვით შევარჩიოთ ფერები, მაგალითად, თუ ფანჯერბი ჩრდილოეთისკენაა, მაშინ უფრო თბილი ფერები ვამჯობინოთ, ხოლო თუ - სამხრეთისკენ, მაშინ ცივი ფერების შერჩევაა რეკომენდებული.

როგორი ფერებია სამზარეულოსთვის კარგი? მწვანე ფერი შესანიშნავი არჩევანია, რადგან იგი დადებითი ემოციებით გვავსებს და განწყობის ასამაღლებელი საშუალებაც არის, თუმცა, რადგან საზარეულოზეა საუბარი და თან საქართველოში ვცხოვრობთ, სადაც "კაცის გულისკენ გზა კუჭზე გადის", ნარინჯისფერს, ყვითელს და მზესთან რომ ასოცირდება, ისეთ ფერებს გირჩევდით, რადგან როგორც ამბობენ, მსგავსი ფერები მადას მეტად გვიღვიძებს.

კედლის სტიკერი რუკის სახით

პირველი ნივთი გახლავთ კედლის შეღებვის შემდეგ გასახსენებელი ნივთი, მსოფლიოს რუკა, ოღონდ, ეს არ გახლავთ ჩვეულებრივი კედელზე ჩამოსაკიდი, ეს დეკორაციაა, ან შეიძლება, სტიკერიც დავარქვათ. ის შეიძლება, სასარგებლოდ ჩავთვალოთ, რადგან ქვეყნების გეოგრაფიული მდებარეობა აღარ აგვერევა,თანაც, კარგია ბავშვისთვისაც, რუკის მუდმივად დანახვაზე გეოგრაფია, როგორც საგანი, უთუოდ დააინტე რესებს.

2) საძინებლის ჭერი - უბრალოდ თეთრი თუ რამე განსხვავებული

ზემოთ ვისაუბრეთ კედლის დიზაინზე, ხოლო ჭერზე თითქმის არც საუბრობენ, რადგან ისედაც ცნობილია, როგორ უნდა შევარჩიოთ ფერი. თუმცა, მაინც გეტყვით, რომ მას ძირითადად თეთრად ღებავენ, რასაც მე ზედმეტად უბრალოდ აღვიქვამ. მეორე ვარიანტია ჭერის კედლის შესაბამისად შეღებვა, ესე იგი, თუ კედელი მუქი ყავისფერია, ჭერს იგივე ფერში ღიად ღებავენ და ა.შ. მე გირჩევდით, ჭერი თეთრად არ შეღებოთ, გამსაკუთრებით, საძინებელში, რადგან როცა წვებით და მაღლა იხედებით, მხოლოდ სითეთრის დანახვა ერთფეროვანია. ამის გამო ცის იმიტაციას იყენებენ და ჭერს ცისფრად ღებავენ, თქვენ, შეგიძლიათ საძინებლის ჭერზე ცისარტყელაც მოხატოთ.


ვარსკვლავები

რადგან ჭერის დეკორაციაზე მქონდა საუბარი, მინდა შევეხო ვარსკვლავებს, რომლებიც შეგვიძლია, მივამაგროთ ჭერზე და კედლებზე, რა თქმა უნდა, ეს ყველაზე მეტად საძინებლისთვის გამოგვადგება, რადგან ვარსკვლავები ფოსფორისაა და ისინი სიბნელეში ანათებს. ახდენს ღამის ასოციაციას, რაც გვაფიქრებინებს, რომ ღია ცის ქვეშ ვწევართ. ყველაზე საინტერესო კი მგონი, ის არის, რომ შეგვიძლია, ვარსკვლავები დავითვალოთ, მეჭეჭების გაჩენის შიშის გარეშე (ეს ხუმრობით - ერთ-ერთი ცრურწმენის თანახმად ვარსკვლავების დათვლა ხომ მეჭეჭების გაჩენას იწვევს). მანათობელა ვარსკვლავები შეგიძლიათ, იხილოთ აქ.


3) როგორ მოვაწყოთ აბაზანა?

პატარა ზომის აბაზანა ადამიანებს დისკომფორტს უქმნის, მისი მოწყობის დროს ძირითად აქცენტს აკეთებენ მოხერხებულობაზე და ავიწყდებათ სიმყუდროვე. ასევე, თავს იჩენს სივრცის პრობლემაც. თუმცა არსებობს ამის მოგვარების გზებიც, თუ ინტერიერს სწორად მოვაწყობთ. პირველ რიგში, ძალიან მნიშვნელოვანია მოპირკეთება, თუ აბაზანა დიდია, შეგიძლიათ, მუქი კაფელი შეარჩიოთ, ხოლო თუ პატარაა (რაც პრობლემად აღიქმება) რეკომენდებულია ღია ფერის კაფელით მოპირკეთება.

სტიკერი აბაზანისთვის

აბაზანის კარზე მისაკრავი დეკორაცია

გემოვნებით შერჩეული სურათი ან რაიმე აქსესუარი ნებისმიერ ინტერიერს უხდება, თუმცა ზომიერების დაცვა აუცილებელია. აქსესუარებად შეგიძლიათ, გამოიყენოთ დეკორატიული სურათები, ხოლო აბაზანის კარისთვის, სადაც ტუალეტიცაა, სტიკერები კარგი არჩევანია, მით უმეტეს მაშინ, როცა მიგვანიშნებს, თუ რა იმალება ამ კარის უკან. აგრეთვე, ეს თავიდან აგვაცილებს სტუმრების მხრიდან წამოსულ შეკითხვას - ტუალეტი რომელია?!

სტიკერები შეგიძლიათ, ნახოთ ამ ლინკზე.


4) მცირე ზომის აივნის მოწყობა.

როგორ მოვრთოთ მცირე ზომის აივანი?! ამისთვის ოქროს ხელების ქონა არ არის საჭირო, დიზაინის სწორად შერჩევაც საკმარისია. დიდი აივნის ფუფუნება ნაკლებად გვაქვს, თუმცა ეს არ არის პრობლემა, რადგან თუ მას ნათელ ფერებში მოვრთავთ, სივრცე დიდი გამოჩნდება. რაც შეეხება ავეჯს, დადგით კომპაქტური და მსუბუქი გარე ავეჯი, თავისთავად ცხადია, სივრცის დაზოგვისა და ასევე, სურვილის შემთხვევაში, წვიმის დროს სწრაფად და მარტივად ალაგების მიზნით.

როგორც ვახსენეთ, სიმცირის გამო ეცადეთ, აივანი ძალიან არ გადაიტვირთოს ნივთებით, მაგალითად, სკამების ქვეშ გამოიყენეთ რაიმე სათავსო, ასევე, შეგიძლიათ აივანზე მისაკრავი მაგიდა დადგათ, რაც დაგვეხმარება ადგილის დაზოგვაში და ბოლოს, რაც ყველაზე მთავარია, თუ მცენარეები გიყვართ, მოაწყვეთ აივანზე "მინი ბაღი".

კედლის დეკორაცია - სარეველა ბალახი

რადგან აივანის მოწყობაზე ვისაუბრეთ და მცენარეებიც ვახსენეთ, მინდა, რჩევა ამ სარეველა ბალახზეც მოგცეთ, უფრო სწორად რომ ვთქვათ, კედლის დეკორაციაზე. ის აივნის დეკორაციას ძალიან უხდება და უმთავრესი ისაა, რომ არანაირი მოვლა არ სჭირდება, სიმწვანე კი აივანს ბუნებრიობას მატებსც. განსაკუთრებულ უპირატესობას კი ხელოვნურს იმიტომ ვანიჭებ, რომ ის ზამთარ-ზაფხულ მწვანეა.


5) სამუშაო კუთხე

როცა ამ თემაზე ვსაუბრობ, ყოველთვის წიგნებით სავსე კარადა, კუთხეში მდგარი პატარა მაგიდა და პატარა ლეპტოპი მეხატება, თუმცა, ეს ყველაფერი რა თქმა უნდა, ჩემი საყვარელი ფერებით მოწყობილ ოთახში წარმომიდგენია. ძალიან დიდი მნიშვნელობა აქვს, სად ატარებთ სამუშაოსთვის განკუთვნილ დროს, ამიტომ მოტივირდით, რათა თქვენზე მორგებული გარემო შექმნათ.


დეკორატიული სპილო

რატომ უნდა გირჩიოთ სპილო სამუშაო ოთახისთვის? იმიტომ , რომ იგი ძალასთან ასოცირდება. ფენ-შუის მიხედვით სპილო ძალა, სიმდიდრე და სიუხვეა (ვისაც ასტროლოგიის გვჯერა, გაგვატარეთ).რადგანაც მუშაობის დროს ძალა გვესაჭიროება, მგონი, დეკორატიული სპილოს შესაბამისი სიმბოლური დატვირთვა აქვს.

დღეისათვის სულ ეს იყო. შემოგთავაზეთ 5 რჩევა სახლის მოწყობასთან დაკავშირებით და ამდენივე დეკორატიული ნივთი, რომელიც ინტერიერის მოწყობაში დაგეხმარებათ. გვიამბეთ თქვენი ინტერიერის შესახებ, თუ როგორ მოაწყვეთ ის ან მოგვეცით რჩევები, თქვენ როგორ მოაწობდით ინტერიერს და რას დაამატებდით?

ბლოგერი : მეგი კაზეიშვილი