ასეთი აქსესუარების სია  ცვალებადია. ის, რაც საჭიროდ თუ აუცილებლად ითვლებოდა 80-იან წლებში, საკმაოდ განსხვავდება იმისგან, რაც ჩვენ დღეისთვის გვჭირდება და მოგვწონს. მიუხედავად ამისა, დაგვერწმუნეთ, რომ სია, რომელსაც ახლა შემოგთავაზებთ, უსათუოდ გაუძლებს დროს და არ ემუქრება, თქვენს გარდერობში უფუნქციობისგან მტვრის დადება.

#1 აუცილებელი ნივთი: ქუსლები კანის ტონალობაში

მსგავს ერთი შეხედვით უბრალო ფეხსაცმელს იმაზე მეტი დატვირთვა აქვს, ვიდრე თქვენ გგონიათ. შეეცადეთ, აარჩიოთ წყვილი, რომელიც თქვენს კანთან ყველაზე მიახლოებული ფერის იქნება. შემატეთ ელეგანტურობა მონოქრომულ ტანსაცმელს, ან სისადავე - ნაჭრებს გადატვირთული პრინტით. აღიქვით ეს აქსესუარი, როგორც თქვენი ფეხების გაგრძელება!
იხილეთ რამდენიმე ვარიანტი მაიკლ კორსის ფეხსაცმელი  მაღალქუსლიანი ფეხსაცმელი  გუჩის ფეხსაცმელი  კრემისფერი ფეხსაცმელი

#2 აუცილებელი ნივთი: მეტალის კლატჩი

პატარა ჩანთა-კლატჩი, ოქროსფერში ან ვერცხლისფერში, უბრალო ჯინსსა და მაისურსაც კი მომენტალურად დახვეწილს გახდის. ასეთი ჩანთა თითქოს სამკაულია, რომელიც, აგრეთვე, ფუნქციონირებს!
აქვე რამდენიმე კარგი ჩანთა ოქროსფერი კლატჩი  კარლოს ფალჩის კლატჩი  შავი კლატჩი

#3 აუცილებელი ნივთი: საათი, რომელიც ყველაფერს უხდება

ტრენდები თითქოს დღითიდღე იცვლება, თუმცა ეს კონკრეტული აქსესუარი უბრალოდ აუცილებელი რჩება დაკავებული ქალბატონებისთვის. შეიძინეთ საათი, რომელიც რაც შეიძლება კლასიკური შესახედაობისაა, და შეუხამეთ ნებისმიერ სტილს - იქნება ეს ფორმალური, სამუშაო სამოსი თუ ნაზი სარაფანი. ვერცხლისფერი, ოქროსფერი, ან თუნდაც მოვარდისფრო ოქროსფერი საათი არასდროს გიმტყუნებთ, თუმცა მეტალის საათი ხარისხიანი ტყავის სამაგრით, თანაბრად გამოსადეგი იქნება. 
მსგავსი საათები EBG-ზე   ტყავის საათი  კვარცის საათი  Kenneth Cole-ის საათი

#4 აუცილებელი ნივთი: მხარზე გადასაკიდი ჩანთა

ყველა ქალს უნდა ჰქონდეს საშუალო ზომის, მხარზე გადასაკიდი ჩანთა, რომელსაც უამრავ სიტუაციაში გამოიყენებს: საყიდლებზე - სავაჭრო ცენტრში, დასვენებისას - ქალაქგარეთ, თუნდაც ყოველდღიურ გარემოში. სასურველია, ჩანთას გრძელი, კომფორტული საკიდი და რამოდენიმე განყოფილება ჰქონდეს, აუცილებელი ნივთების მოხერხებულად ორგანიზებისთვის. ყავისფერი ტყავი თითქმის ყველაფერს უხდება, თუმცა შავი ფერიც შესანიშნავი არჩევანია.
 რეკომენდებული ნივთები  მოდური შავი ჩანთა  ტყავის ჩანთა   Amelie Galanti -ის ყავისფერი ჩანთა  Vans-ის შავი ჩანთა

#5 აუცილებელი ნივთი: თვლიანი საყურე

საყურე ბრილიანტის მსგავსი თვლებით ტანსაცმლის ნებისმიერ კომბინაციას უფრო ქალურსა და თვალწარმტაცს გახდის. ცოტაოდენი ბრწყინვალება აუცილებლად დაგამშვენებთ, და მოდიდანაც არასდროს გადავა.
საყურის რამდენიმე ვარიანტი  ბრილიანტის საყურე  ოქროსფერი საყურე 1 კარატიანი საყურე  2 კარატიანი საყურე

#6 აუცილებელი ნივთი: შლაპა

არაფერი მიგვანიშნებს მოდურ ადამიანზე ისე, როგორც სადა ფერის, ფართო შლაპა. ასეთი ქუდი არა მხოლოდ გაგალამაზებთ, არამედ მზისგანაც დაგიცავთ, და თუ გაგვიანდებათ, არც თუ ისე კარგად დამდგარ თმასაც მარტივად დაგიმალავთ.
აქვე რამდენიმე შლაპა  დაწნული შლაპა  მატყლის შლაპა  მოდური შავი შლაპა  რეტრო შლაპა

#7 აუცილებელი ნივთი: მამაკაცური ქამარი

თქვენი ყოველდღიური სამოსი ვერანაირად იქნება საინტერესო კლასიკური ტყავის ქამრის გარეშე. ყავისფერი, ბრტყელი ან დაწნული ქამარი საკუთარი უბრალოებით დაამშვენებს როგორც  ჯინსს, ასევე შავი ფერის სამოსს თუ ფრიალა საზაფხულო კაბას.
აქვე ქამრები რომლებიც შეგირჩიეთ  ტყავის შავი ქამარი  ქალის მოდური ქამარი  რეტრო ქამარი

#8 აუცილებელი ნივთი: წითელი ბალეტის ფეხსაცმელი

ვერ წარმოიდგენთ, რამდენი სახის სამოსი და სიტუაცია ითხოვს წითელ დაბალძირიან ფეხსაცმელს. ასეთი ფეხსაცმელი, სასურველად, ბალეტის სტილში, არის ზუსტად საკმარისი ოდენობის მრავალფეროვნება შედარებით ნეიტრალური სამოსისათვის, და მისი ჩაცმა არა მხოლოდ ერთ სეზონზე შეიძლება.
რამდენიმე საინტერესო ფეხსაცმელი  ფეხსაცმელი შესაკრავით  სადა ფეხსაცმელი  ფეხსაცმელი ბაფთით  თეთრი წინწკლებით  Salvatore Ferragamo-ს ფეხსაცმელი

#9 აუცილებელი ნივთი: ტილოს ჩანთა

ყველა ქალის მიზანია, იყოს ერთდროულად მოდური და ორგანიზებული. ტილოს ჩანთა დაიკავებს ნებისმიერ ნივთს, იქნება ეს თქვენი ლეპტოპი თუ სავარჯიშო ტანსაცცმელი. შეიძინეთ რაიმე კლასიკური, ან შემატეთ თქვენს სტილს ხასიათი მკვეთრი ფერებით და საინტერესო წარწერით.
ჩანთის რამდენიმე ვარიანტი  ტილოს მოდური ჩანთა  Victoria Secret-ის ჩანთა  ჩანთა ორნამენტებით  ზოლებიანი ჩანთა

#10 აუცილებელი ნივთი: ავიატორის სათვალე

იმისთვის, რომ გაიმარტივოთ აქსესუარების შერჩევის ყოველდღიური პროცესი, აუცილებლად იქონიეთ კლასიკური სათვალე, ავიატორის ან Wayfarer-ის სტილში. ეს სათვალეები მუდამ მოდაშია, და უთუოდ მოუხდება ყველაფერს თქვენს გარდერობში.
ნახეთ სათვალის რამდენიმე ვარიანტი  მზის შავი სათვალე  ავიატორის პოლარიზებული სათვალე  რეტრო სათვალე  Wayfarer-ის სათვალე

ახლა უკვე იცით ყველა ის აქსესუარი, რომელიც აუცილებლად უნდა იქონიოთ. იმედი გვაქვს ჩვენ მიერ შერჩეული ნივთები დაგეხმარებათ გარდერობის გამრავალფეროვნებაში.