რატომ უნდა იყოს ყურადღების ცენტრში ის, ვინც არც კი გჯობიათ ფიზიკური მონაცემებით.

მოგბეზრდათ ჩრდილში ყოფნა? მოგბეზრდათ იმის ყურება, თუ როგორ იქცევენ განებივრებული გოგონები ყურადღებას მხოლოდ იმიტომ, რომ ძვირიანი ბრენდული ტანსაცმელი და ნივთები აქვთ? მაშინ ეს სტატია თქვენთვისაა.

ალბათ გაგჩენიათ უსამართლობის გრძნობა მაშინ, როცა საზოგადოების სიმპათიას იმსახურებს ის, ვინც სულაც არ გეჩვენებათ მომხიბვლელად. ბუნებრივია, გაგიჩნდეთ კითხვა, თუ რატომ უნდა იყოს ყურადღების ცენტრში ის, ვინც არც კი გჯობიათ ფიზიკური მონაცემებით. ამის პასუხი მარტივია: ასეთ ადამიანებს თანდაყოლილი ნიჭი აქვთ, საკუთარი თავისთვის კარგი რეკლამის გაკეთებით საზოგადოებაზე გავლენა მოახდინონ. ფრედერიკ ბეგბედერიც დამეხმარება, რომ ჩვენ ყველანი ვუკეთებთ საკუთარ თავს რეკლამას, მაგრამ საზოგადოებაზე მორგებულმა ხალხმა რამდენიმე განსაკუთრებული ხრიკი იცის, რითიც ყველას ხიბლავს:

1. ფერებით მანიპულირება;

2. ზოგიერთი სხეულის ნაწილის გამოკვეთა;

3. სურნელის შერჩევა;

4. ღიმილი;

ბრენდული ტანსაცმელი კარგია, ყურადღებასაც იქცევს, თუმცა ეს ერთადერთი საშუალება როდია საზოგადოების მოსახიბლად? დაიმახსოვრეთ, ეს ოქროს წესია: არ აქვს მნიშვნელობა, რა გაცვიათ, მთავარია - როგორ გაცვიათ. მთავარი და უმარტივესი, რაც შეგიძლიათ გააკეთოთ, ფერის სწორად შერჩევაა. მაშ ასე, პუნქტი პირველი:

1) ფერებით მანიპულირება.

პირველი ფერი, რომელზეც ყურადღება უნდა გაამახვილოთ, წითელია. იმასაც კი ამბობენ, რომ მისი დანახვისას ადამიანს გული უჩქარდება. წითელი ვნების აღმძვრელი ფერია, ფერი, რომელიც სხვებთან შედარებით ყველაზე მეტად იქცევს ყურადღებას. იგი პირველია, რომელსაც ადამიანი აღიქვამს.

იბიჯიზე შეგიძლიათ ნახოთ ულამაზესი წითელი კაბა, რომელიც არ არის გადატვირთული და ნებისმიერი ფორმის სხეულს უხდება და სხვა წითელი კაბების მრავალფეროვანი არჩევანი. წითელი ტუჩსაცხიც საკმაოდ მომხიბვლელია და ასევე შეგიძლიათ გაიკეთოთ წითელი ტრენდული სათვალეც.

ყურადღების მისაქცევად შესანიშნავი ფერია ყვითელიც. ყვითელი ასოცირდება ბედნიერებასთან, ის სიხარულისა და მხიარულების ფერია, შესაბამისად, იდეალურია შტაბეჭდილების მოსახდენად. ყველაფერთან ერთად, ის საკმაოდ ვინტაჟურიცაა.

შეგიძლიათ ჩაიცვათ ყვითელი ფერის კაბა, გაიკეთოთ ყვითელი სათვალე და/ან ჩანთა.

თუ სტაბილურ, მშვიდ და ნდობის აღმძვრელ ფერს ეძებთ, ეს ფერი ლურჯი და მისი ტონებია. ის ჰარმონიასა და სიბრძნესთან ასოცირდება. ეს ფერი გასაუბრებებზე განსაკუთრებით გამოგადგებათ.

შეგვიძლია შემოგთავაზოთ საზაფხულო ლურჯი კაბა, რომლითაც აუცილებლად მიიქცევთ ყურადღებას და ამასთანავე იმავე ფერის სადა და ლამაზი ტოპი.

თეთრი გამოხატავს სიფაქიზეს, სინაზეს, სიწმინდესა და ახალგაზრდობას. სწორედ ამიტომ, ანგელოზებსაც უმეტესად თეთრი ფერით გამოსახავენ. ის, შავი ფერის მსგავსად, თითქმის ყველაფერს უხდება. როცა ადამიანს თეთრი აცვია, იქმნება შთაბეჭდილება, რომ თითქოს ანათებს. თეთრი ფერის სამოსი ყველაზე ნაკლებად შთანთქავს მზის სხივებს, შესაბამისად, მასში ზაფხულის ცხელ დღეებში ყველაზე გრილად იქნებით.

განსაკუთრებით ლამაზია უბრალო თეთრი მაისური ან პერანგი და ჯინსი. მათი კომბინაცია ერთდროულად უბრალო, კომფორტული და მომხიბვლელია.

წითელი ფერისგან განსხვავებით, რომელიც ადამიანს აღაგზნებს და აფორიაქებს, ვარდისფერი ამშვიდებს და ადუნებს. ვარდისფერს უმეტესად ქალები ატარებენ და ქალურობასაც უკავშირებენ, თუმცა ვაღიაროთ, რომ ის მამაკაცებსაც არანაკლებ უხდებათ.

ვარდისფერი განსაკუთრებულად უხდება რუჯს, ამიტომაც, თუ ზღვაზე გეგმავთ წასვლას, ან ზღვის მაგივრად სოლარიუმში, აივანზე, სახურავზე ან ნებისმიერ სხვა ადგილას აპირებთ გარუჯვას, ვარდისფერი კაბა  შეძენა იდეალური გადაწყვეტილებაა. ზღვისთვის საცურაო კოსტიუმი.

 და ბოლოს, მივადექით ყველასთვის საყვარელ ფერს - შავს. არ ვიცი, რამდენად ეთანხმებით, თუმცა ერთხელ მაინც გექნებათ გაგონილი ფრაზა: ,,black is always elegant” . შავთან ძალიან ბევრი რამ ასოცირდება, მათ შორის სიძლიერე, ჭკუა, სტილი და ელეგანტურობა. როცა ტანსაცმლის არცევა ჭირს, შავის ჩაცმა კარგი ხრიკია, თუმცა ის ზაფხულში ნაკლებად გამოგადგებათ. ამ ფერში, თეთრისგან განსხვავებით, ყველაზე მეტად დაგცხებათ, რადგან ის ყველაზე მეტად შთანთქავს სინათლეს.

შავი ყველაფერი მომიბვლელია: კაბები, ტყავის ქურთუკი, ტოპები და შავი ტუჩსაცხიც კი.

2) ზოგიერთი სხეულის ნაწილის გამოკვეთა

ალბათ ბევრი თქვენგანი ფიქრობს, რომ თუ მაინცდამაინც გრძელი, გამხდარი და ლამაზი ფეხები, წვრილი წელი და სხვა მრავალი ფიზიკური მახასიათებელი არ აქვს, საზოგადოებას ვერაფრით გააკვირვებს ან მოხიბლავს, რაც, რა თქმა უნდა, არ  არის სიმართლე. გაითვალისწინეთ, თქვენი ყველაზე დიდი კოზირი მხრებია! მოშიშვლებული მხრები ყველას ხიბლავს, განსაკუთრებით, მამრობითი სქესის წარმომადგენლებს.

მაისურები და კაბები მოშიშვლებული მხრებით შეგიძლიათ იხილოთ იბიჯიზე.

3) კარგი სურნელი

მოშიშვლებული მხრები კარგია, თუმცა ამას სუნამოს გარეშე ეფექტი ეკარგება. კვლევის მიხედვით დადასტურებულია, რომ ტვინი კარგი სუნის მქონე ადამიანს ავტომატურად მომხიბვლელად აღიქვამს. მისი გამოყენება კი ჩვენი მიზნის მისაღწევად ნამდვილად გამოგვადგება.

საყოველთაოდ აღიარებული სუნამოებია: Coco Mademoisell, Chance, Gabirelle, Chloe, Good Girl, Guerlain და სხვები.

4) ღიმილი

ნათქვამია, რომ ღიმილი ადამიანის ბუნებრივი მაკიაჟია. კარგი ღიმილით ყველას მარტივად შეაყვარებ თავს.

თუმცა ლამაზი თეთრი კბილების ქონა არც ისე მარტივი საქმე და საკმაოდ ძვირი სიამოვნებაცაა. ამისთვის არსებობს მრავალი გამწმენდი საშუალება, რომელიც მოკლე დროში იაფად და ხარისხიანად გაგიწმენდთ კბილებს.

საბოლოო ჯამში შევთანხმდეთ იმაზე, რომ მოხიბვლა უფრო კონკრეტული ცნებაა, ვიდრე სილამაზე. რას ვუწოდებთ სილამაზეს, მეტად სუბიექტური საკითხია, ამიტომ იმის მაგიერ, რომ სარკეში უკმაყოფილოებმა ჩავიხედოთ და ჩვენი თავი შევადაროთ იმ გოგონებს, რომლებიც ,,სტანდარტებს“ აკმაყოფილებენ, სჯობს საკუთარი თავის სწორად წარმოჩენაზე ვიზრუნოთ. სილამაზის სტანდარტები არ არსებობს, არსებობს მოხიბვლის ხერხები და თავდაჯერებულობა, ამიტომ გამოიყენეთ დღევანდელ სტატიაში მიღებული ცოდნა, გჯეროდეთ საკუთარი თავის და ყურადღების მიღმა არასდროს დარჩებით.