სწორად გაანათე და მორთე საახალწლოდ სახლი

დადგა ზამთარი, ჰაერში თითქოს უკვე თოვლის სურნელი იგრძნობა, რა ასოციაციას იწვევს თქვენში წელიწადის ეს დრო? მე პირადად სიტყვა ზამთრის გახსენებისას თვალწინ ახალი წელი, შობა და  სადღესასწაულოდ მორთული სახლი წარმომიდგება ხოლმე, მერე კი ვიწყებ დროის თვლას, თუ რამდენი დარჩა ახალი წლის დადგომამდე.

მართალი ხართ, მანამდე ჯერ კიდევ 1 თვეა, მაგრამ გვეყოფა კი ეს დრო სათანადოდ მომზადებისათვის?!

სახლის გემოვნებიანად  მოწყობისთვის უამრავი კრიტერიუმი არსებობს. მაგალითად, აუცილებელია სხვადასხვა ორნამენტების ფერი შეესაბამებოდეს ჩვენს სახლს. თუ ბინა მკვეთრ ფერებში გვაქვს მოწყობილი უმჯობესია მკვეთრი განათებებისაგან თავი შევიკავოთ, რაც უფრო მშვიდ ფერებშია ჩვენი კედლები შეღებილი, მით მეტად ნათელი დეკორაცია დაგვჭირდება სადღესასწაულო ხასიათის მისაღებად.

მოკლედ ბევრი, რომ აღარ გავაგრძელო, შემოგთავაზებთ რჩევებს, რომლებიც 2019 წელს სახლის ტრენდულად, მოდურად გაფერადებაში და მორთვაში დაგეხმარებათ.

1.საახალწლო განათება

პირველ რიგში აირჩიეთ როგორი განათება გსურთ.

ცივი თეთრი, თბილი თეთრი თუ ფერადი?!

ცივი განათება უხდება თეთრ, დათოვლილ ნაძვის ხეებს. თბილი თეთრი უხდება როგორც დათოვლილ ასევე მწვანე, გირჩის და კენკრის დეკორაციით გაფორმებულ ნაძვებს.

ფერადი განათება კი სულ სადა, მწვანე ნაძვის ხეს.

განათების ფერი ასევე უნდა შეუსაბამოდ ინტერიერს, სადაც დადგავთ ნაძვს. თუ ოთახი ისედაც ცივ ფერებშია, მაშინ განათება თბილი მოუხდება, ხოლო თბილ ფერებში გადაწყვეტილ ინტერიერს ცივი განათება შეესაბამება. ფერადი ნათურები შეუსაბამეთ ერთფერიან სივრცეს, მაგალითად: თეთრს, კრემისფერს, ღია ნაცრისფერს…

არ დაგავიწყდეთ, განათების სიგრძე უნდა შეესაბამებოდეს ნაძვის ხის სიგრძეს.

როგორ დავკიდოთ სინათლეები?! მივყვეთ ინსტრუქციას:

ნაბიჯი 1

შეამოწმეთ, რამდენად გამართულად მუშაობს ყველა სინათლე და თანაბრად ნაწილდება თუ არა შუქი.

ნაბიჯი 2

ვიწყებთ, ნაძვის ხეზე შემოხვევას – შესაძლებელია ზემოდან, მთელ სიმაღლეზე დაშვება, თუმცა ამ შემთხვევაში ბევრი ნათურა დაგვჭირდება, ამიტომ კარგი იქნება თუ უღელტეხილის სახით გავანაწილებთ. დაიწყეთ ნაძვის ხის წვეროდან და მიყევით ბოლომდე, ბოლო ნაწილი შეგიძლიათ ხის უკან დამალოთ.

თუ დაასრულეთ, გაანათეთ ნაძვის ხე და ყველა დეტალს დააკვირდით. ხარვეზები შეგიძლიათ კვლავ ნათურებით შეავსოთ ან ზოგიერთი დეტალი გადაანაცვლოთ. შემდგომ შეაფასეთ თქვენი ნამუშევარი და ისიამოვნეთ მისი ყურებით.

2.საშობაო წინდები

ახალი წელი საჩუქრების გარეშე, დამეთანხმებით, წარმოუდგენელია, ყველა 12 საათს ელოდება, რათა საყვარელ ადამინებს ნაყიდი საჩუქრით სიხარული აჩუქონ ან მიღებულით თავად გაიხარონ. ყველაზე სასიამოვნო კი ეს პროცესი მაშინაა, როცა არავინ იცის რას უნდა ელოდოს ე.წ სანტასგან. საშობაო წინდები  საუკეთესოო გზაა საჩუქრის შესაფუთად.

3. თოვლის ბაბუა

თუ გსურთ სრულყოფილი ნაძვის ხე, მაშინ მას გვერდს სანტა უნდა უმშვენებდეს. საუკეთესო შემოთავაზება კი გრძელფეხება სანტაა, რომელიც სიმაღლეში 135 სანტიმეტრია გაშლილ მდგომარეობაში, ხოლო დაკეცილი 76სანტიმეტრი.  მისი ნახვა შეგიძლიათ აქ.

4. თოვლის ბაბუა ხის კიბეზე

ახალ წელს საჩუქრები ვის მოაქვს? სანტას, მაგრამ სად არის ახლა ის? რა თქმა უნდა, იგი ნაძვის ხეზე ან კედელზე დაკიდებულ კიბეებზე ამოსვლას ცდილობს რათა საჩუქრები დაგვირიგოს. თუ ვინმე იტყვის რომ სანტა არ არსებობს აჩვენეთ ეს კედლისა და ნაძვისხის დეკორაცია და უბრალოდ თქვით, რომ სანტა სულ მალე მოვა.

5.საახალწლო გვირგვინი

ესეც ერთ-ერთი დეტალი რომლითაც თქვენ კარს ახალი წლის იერს შესძენთ, მისი საშუალებით კარებამდე მოსული სტუმარიც კი იგრძნობს ახალი წლის მოახლოვებას მანამ  სანამ შიდა ინტერიერს ნახავდეს. მწვანე დათოვლილი გვირგვინი კენკრითა და გირჩებით, გულგრილს ნამდვილად არავის დატოვებს.

თუ გსურთ, რომ 2019 წელს ღირსეულად შეხვდეთ ამისათვის საჭიროა 2018 წელის იდეალურად დავასრულოთ. როგორც გითხარით, უმჯობესია საახალწლო მზადება ახლავე დაიწყოთ, არ გადადოთ, რადგან სამზადისის ადრიანად დაწყება ყველაფრის უნაკლოდ გაკეთების საწინდარია და ამასთან განწყობასაც წინასწარ შეიქმნით და გახალისდებით. იმედი მაქვს ეს რამდენიმე რჩევა დაგემხარებათ ინტერიერის მორთვასა და გაფერადებაში.

ყველა დეკორაცია ნახეთ აქ.