როგორ შევიძინო?

ავტორიზაცია

ყველა კატეგორია

რა ვაჩუქო?
აქსესუარები სილამაზე და კოსმეტიკა საჩუქარი ბავშვებისთვის დეკორი სხვადასხვა
ავტო ნაწილები ბავშვებისათვის ვიდეო თამაშები & კონსოლები ზოო პროდუქცია კომპიუტერული ტექნიკა მობილური ტელეფონები & აქსესუარები მუსიკა მუსიკალური ინსტრუმენტები საათები სათამაშოები & ჰობი
ასაწყობი სათამაშოები ბურთები, ფრიზბი & ბუმერანგები გამჭვირვალე & ფერადი ბურთულები დრონები თამაშები კლასიკური სათამაშოები მანქანები, თვითმფრინავები, გემები & ძრავები მატარებლები მოდელები & კომპლექტი მოქმედებითი / მოძრავი მცირე წლოვნებისთვის რობოტები, მონსტრები, კოსმოსური მხეცები საბავშვო დისტანციური მანქანები საბავშვო სატერფულიანი მანქანები საბითუმო გაყიდვები საგანმანათლებლო სათამაშო ჯარისკაცები საპნის ბუშტები სატელევიზიო & ფილმის პერსონაჟები სწრაფი კვების სათამაშოები ფაზლები, თავსატეხები, რუბიკის კუბები ფუმფულა / ბეწვის სათამაშოები ცნობილი ცხოველები ძველებური & ანტიკვარული სათამაშოები საბითუმო გაყიდვები
სამკაულები სამომხმარებლო ელექტროტექნიკა სახლი და ეზო სპორტული საქონელი ტანსაცმელი, ფეხსაცმელი და აქსესუარები ფოტო და ვიდეო კამერები წიგნები ჯანმრთელობა და სილამაზე

6 ერგონომიული ნივთი რომელიც ცხოვრებას გაგიმარტივებთ

გიორგი
5111

წაკითხვა

მოწონება

ბლოგერი : გიორგი

ერგონომიკის ისტორია, ერგონომიული საოფისე ნივთები, ერგონომიული მაუსი

დაგღალათ გამუდმებით მაუსით მუშაობამ? ფიქრობთ რა გამოსავალი იპოვოთ? გეღლებათ მაჯები როცა კომპიუტერზე ბეჭდავთ? ხომ არ ისურვებდით თქვენი მონიტორი უფრო „მოძრავი“ რომ ყოფილიყო? თუ ეს და მსგავსი საკითხები თქვენთვის აქტუალურია, მაშინ ეს ბლოგიც თქვენთვის ყოფილა. რა იცით ერგონომიული ნივთების შესახებ? მოდით ჯერ ის გავარკვიოთ „ერგონომიკა“ რა არის. ამის გასაგებად, მცირე ხნით წარსულში გადავინაცვლოთ.

ორიოდე სიტყვა ისტორიის ფურცლებიდან

ერგონომიკა ეს არის მეცნიერება, რომლის მიზანია გამონახოს შრომისა და კომფორტული ყოფა-ცხოვრების ყველაზე კომფორტული პირობები. უფრო გასაგებად რომ ვთქვათ, ეს მეცნიერება სწავლობს ადამიანის სამუშაო პირობებს, ტექნიკას რომელსაც ის იყენებს და ცდილობს მათ დახვეწას რათა მუშაობის პროცესი მაქსიმალურად მოსახერეხებელი გახადოს.

პირველად ეს ტერმინი 1857 წელს გამოიყენა ვოჟჩეჩ იასტერბოვსკიმ, როცა სამუშაო პირობების და ტექნიკის გამარტივებაზე საუბრობდა. მას შემდეგ უფრო და უფრო მეტმა აიტაცა მსგავსი იდეები და დანერგეს ყოფით ცხოვრებაში. რაც არ უნდა გასაკვირი იყოს, ერგონომიკის, როგორც მეცნიერების განვითარებას ხელი დიდად შეუწყო პირველმა და მეორე მსოფლიო ომმა. ინჟინრები მთელი მონდომებით ცდილობდნენ საბრძოლო თვითმფრინავების დიზაინის დახვეწას, რათა მისი მართვა უფრო კომფორტული და უსაფრთხო გაეხადათ.

ხოლო 1960–იანი წლების დასაწყისში, როცა ასპარეზზე კომპიუტერული ტექნიკა გამოჩნდა, მეცნიერების ამ დარგმა ეს სფეროც მოიცვა და დაიწყეს კომპიუტერის აქსესუარების შექმნა, რომელიც მაქსიმალურად კომფორტული იქნებოდა. სწორედ აქედან იწყება კომპიუტერული ტექნიკის ისტორიაში ეროგონომიული ნივთების დანერგვის ისტორიაც.

დღეს კი მინდა ვისაუბრო რამოდენიმე ერგონომიულ ნივთზე, რომელთა ქონა მუშაობის პროცესს ბევრად მოსახერხებელს და ნაკლებად დამღლელს გახდის. ამ ბლოგში ყურადღებას კომპიუტერულ და საოფისე ტენქნიკას დავუთმობთ, თუმცა ერგონომიკა უფრო ფართო გაგების მეცნიერებაა და ბევრ სფეროს მოიცავს.

კლავიატურის შესაძენად ეწვიეთ ლინკს

1) ერგონომიული კლავიატურა თქვენი მაჯისთვის

თუ მთელი დღე კლავიატურაზე გიწევთ ბეჭდვა, დროა Microsoft Natural Ergonomic Keyboard 7000-ს შეძენაზე იფიქროთ. მისი უცნაური დიზაინის წყალობით ორივე მაჯა გამართულად დევს კლავიატურაზე, როგორც ეს ჩვეულებრივ სიარულის ან დგომის დროს გაქვთ ხოლმე. ამიტომ ხელები ნაკლებად დაგეღლებათ. თუმცა თავიდან ცოტა შეიძლება გაგიჭირდეთ მიჩვევა, მაგრამ როცა შეეჩვევით ნამდვილად იგრძნობთ განსხვავებას. კლავიატურა უსადენოა და ერგონომიული ლაზერული მაუსიც მოყვება.

2) დაყოფილი კლავიატურა „მაკისთვის“

როცა საქმე კლავიატურას ეხება, განსაკუთრებულად საყურადღებოა როგორ მდგომარეობაში ბეჭდავთ, რადგან ამაზეა დამოკიდებული რამდენად დაგეღლებათ ან არ დაგეღლებათ ხელი. თქვენი ხელი, მაჯები და იდაყვი გამართული უნდა იყოს. სწორედ ამ მიზნის მისაღწევად შეიქმნა Kinesis Freestyle Solo Keyboard დაყოფილი კლავიატურა „მაკისთვის“. თქვენი სურვილის მიხედვით შეგიძლიათ განაცალკევოთ მარჯვენა და მარცხენა ნაწილები ერთმანეთისგან და ხელები სასურველ სიგანეზე გაშალოთ.

კლავიატურას ერთგვარი პირამიდისებური ფორმა აქვს და დასაბეჭდად საკმაოდ მოსახერხებელია. მისი გამოყენებისას მაჯა ნაკლებად გეძაბებათ. გარდა ამისა ,მას ორივე მხარეს გააჩნია delete და escape ღილაკები, ასე რომ, სასურველი ბრძანების მისაცემად დიდი წვალება არ მოგიწევთ. თუმცა დაახლოებით ერთი კვირა მაინც დაგჭირდებათ, გამოყენებას შეეჩვიოთ.

იხილეთ Contour Design Roller Mouse Free

3) „მაუსი“ გორგოლაჭებზე

კვლევების თანახმად, როცა მაუსით ხშირად მუშაობთ და თან სულ ერთი ხელით, მთელი ძალა სწორედ ამ ხელზე გადადის, ამიტომ დროთა განმავლობაში შეიძლება აგტკივდეთ მაჯა, მკლავი, მთლიანი მხარი და კისერიც კი. სურათზე ნაჩვენები მაუსის მართვა ორივე ხელით ხდება. მასზე დამაგრებულია ფართე გორგოლაჭი, რომელიც როგორც ვერტიკალურად, ისე გვერდებზეც მოძრაობს. მართალია შეჩვევას დრო სჭირდება, მაგრამ თქვენი ჯანმრთელობა ამად ღირს.

4) მაუსი ცაციებისთვის

მაუსების უმრავლესობა მარჯვენა ხელით მუშაობისთვისაა გათვლილი. მაგრამ Humanscale Switch Mouse ის გამონაკლისია, რომელიც, ცაციებსაც საქმეს გაუადვილებს. მას V-ს ფორმა აქვს, რისი წყალობითაც მაჯა და მხარი ნაკლებად იტვირთება და ბუნებრივ ფორმას ინარჩუნებს, ისეთს, როგორიც დგომის დროს აქვს. ყველაფერ ამასთან ერთად შესაძლებელია მაუსის ზომაში გაზრდა, მას ოთხი პოზიცია აქვს და მარტივად შეგიძლიათ მოარგოთ როგორც ბავშვის ასევე მოზრდილი ადამიანის ხელის ზომას.

ვერტიკალური მაუსი იხილეთ ბმულზე

5) ვერტიკალური უსადენო მაუსი

მაუსით მუშაობის გასამარტივებლად შეიმუშავეს კიდევ ერთი, განსხვავებული სტილის, ვერტიკალური მაუსი. რატომ ვერტიკალური? მაუსით მუშაობისას ხელი ძირითადად ჰორიზონტალურ მდგომარეობაშია, რაც ჩვენთვის არაბუნებრივია, რადგან მოძრაობისას ჩვეულებრივ, მაჯა სხვა მდგომარეობაშია. ამიტომ ვერტიკალური მაუსის დახმარებით ხელის მტევანი თავის ბუნებრივ პოზიციას ინარჩუნებს და ხელი ნაკლებად გვეღლება.

ერთ–ერთი ბოლო მოდელი Evoluent VerticalMouse 3 Wireless სხვა წინამორბედებისგან ზომით გამოირჩევა. ის უფრო დიდია და მასში ხელის „ჩადება“ უფრო მოსახერეხებელია. თან ეს მოდელი უსადენოა და ხუთი ღილაკი გააჩნია, რომელიც სხავდასხვა ფუნქციას ასრულებს. ფაქტიურად ეს არის საჭე, რომლითაც შეგიძლათ მართოთ თქვენი კომპიუტერი. რაც შეეხება შეთავსებადობას, მისი გამოყენება ერთნაირად შეგიძლიათ როგორც „მაკთან“ ასევე სხვა პერსონალურ კომპიუტერებთან.

6) მონიტორის სამაგრი

საყოველთაოდ ცნობილია, რომ მუშაობისას მონიტორი თქვენი თვალების გასწვრივ უნდა იყოს დამონტაჟებული. ხოლო თქვენსა და მონიტორს შორის დაშორება დაახლოებით 70 სანტიმეტრი მაინც უნდა იყოს, რათა გამოსხივებამ დროთა განმავლობაში მხედველობის დეფექტი არ გამოიწვიოს. მაგრამ თუ მონიტორი დაბლა გიყენიათ, არც ესაა სასურველი, რადგან გამუდმებით ქვემოთ ყურების გამო, შეიძლება დროთა განმავლობაში კისრის არეში მწვავე ტკივილები დაგეწყოთ.

ამ პრობლემების გათვალისწინებით, შეიქმნა Targus Ergonomic Single LCD Display Arm. მისი დამონტაჟება მარტივად შეგიძლიათ სამუშაო მაგიდაზე და სასურველი დისტანციის თუ სიმაღლის მიცემაც საკმაოდ ადვილია. ასე რომ, ამ ნივთის წყალობით დაიცავთ თქვენს თვალებს და კისერს დაზიანებისაგან.

როგორც დასაწყისში აღვინიშნე ერგონომიკა ფართო სპექტრს მოიცავს და თითქმის ყველა საყოფაცხოვრებო სფეროში გამოიყენება. ამ ბლოგში შევეცადე თქვენი ყურადღება ყველაზე გამოყენებად და აუცილებელ ნივთებზე გამემახვილებინა. საინტერესო იქნება თქვენი დაკვირვებების და აზრების მოსმენაც, რომელ ერგონომიულ ნივთს ანიჭებთ უპირატესობას და რატომ?

ბლოგერი : გიორგი
წაკითხვა : 5111
მოწონება :
გაზირება :
სხვა ბლოგები :
კომენტარები :