როგორ შევიძინო?

ავტორიზაცია

ყველა კატეგორია

რა ვაჩუქო?
აქსესუარები სილამაზე და კოსმეტიკა საჩუქარი ბავშვებისთვის დეკორი სხვადასხვა
ავტო ნაწილები ბავშვებისათვის ვიდეო თამაშები & კონსოლები ზოო პროდუქცია კომპიუტერული ტექნიკა მობილური ტელეფონები & აქსესუარები მუსიკა მუსიკალური ინსტრუმენტები საათები სათამაშოები & ჰობი
ასაწყობი სათამაშოები ბურთები, ფრიზბი & ბუმერანგები გამჭვირვალე & ფერადი ბურთულები დრონები თამაშები კლასიკური სათამაშოები მანქანები, თვითმფრინავები, გემები & ძრავები მატარებლები მოდელები & კომპლექტი მოქმედებითი / მოძრავი მცირე წლოვნებისთვის რობოტები, მონსტრები, კოსმოსური მხეცები საბავშვო დისტანციური მანქანები საბავშვო სატერფულიანი მანქანები საბითუმო გაყიდვები საგანმანათლებლო სათამაშო ჯარისკაცები საპნის ბუშტები სატელევიზიო & ფილმის პერსონაჟები სწრაფი კვების სათამაშოები ფაზლები, თავსატეხები, რუბიკის კუბები ფუმფულა / ბეწვის სათამაშოები ცნობილი ცხოველები ძველებური & ანტიკვარული სათამაშოები საბითუმო გაყიდვები
სამკაულები სამომხმარებლო ელექტროტექნიკა სახლი და ეზო სპორტული საქონელი ტანსაცმელი, ფეხსაცმელი და აქსესუარები ფოტო და ვიდეო კამერები წიგნები ჯანმრთელობა და სილამაზე

7 რამ, რაც თქვენს მეგობარ გოგონას დაბადების დღეზე ყველაზე მეტად გაახარებს

ანი
4939

წაკითხვა

მოწონება

ბლოგერი : ანი

ნუ აჩუქებთ იმას, რაც მხოლოდ თქვენ მოგწონთ, ნუ დაგავიწყდებათ, რომ საჩუქარს მისთვის ყიდულობ და არა - საკუთარი თავისთვის!

საჩუქრები ყველასთვის მტკივნეული თემაა, რადგან რთულად ასარჩევია. ალბათ გაგჩენიათ კითხვა, თუ რა აჩუქოთ თქვენს მეგობარ გოგონას დაბადების დღეზე, ისე, რომ მასაც მოეწონოს და ბანალურიც არ გამოვიდეს. ასეთი საჩუქრის არჩევა საკმაოდ რთულია. ამ დროს ყოველთვის უნდა გაითვალისწინოთ გოგონას გემოვნება, გაიხსენოთ მისი ჰობი თუ პროფესია და ხასიათი.

საჩუქრის შერჩევისას გაიხსენეთ მისი ოცნებები და სურვილები, თუ გაქვთ იმის საშუალება, რომ მისი ამქვეყნიური ოცნება და სურვილი აასრულოთ, მაშინ ნუ დააყოვნებთ. თუ ამის საშუალება არ გაქვთ, მაშინ შეეცადეთ, მისი საოცნებო რამის მსგავსი ნივთი თუ აქსესუარი შეარჩიოთ. ნუ აჩუქებთ იმას, რაც მხოლოდ თქვენ მოგწონთ, ნუ დაგავიწყდებათ, რომ საჩუქარს მისთვის ყიდულობ და არა - საკუთარი თავისთვის!
თუ თქვენი შეყვარებული ან მეგობარი წუწუნა და წუნიაა, მაშინ ბლოგში არსებული ნივთები მას უკმაყოფილოს ნამდვილად არ დატოვებს.

fujifilm instax

1) თუ მას მოსწონს ფოტოების გადაღება, მოგზაურობა და თავგადასავლები, მაშინ მას ისეთი რამ უნდა აჩუქოთ, რაც ამ მომენტების დამახსოვრებაში და აღბეჭვდაში დაეხმარება, ამ შემთხვევაში - ფოტოაპარატი. ეს ყველა გოგოსთვის სასურველი და საოცნებო ნივთია, ისეთ, რომელსაც აუცილებლად იქონიებდა. გოგონების უმეტესობას ფოტოაპარატი მოსწონს ყვითელ, ვარდისფერ ან ცისფერ ფერებში, მაგრამ ეს, რა თქმა უნდა, კვლავ მის გემოვნებაზეა დამოკიდებული.
განვიხილოთ Fujifilm instax mini 9,რომელიც საკმაოდ დიდი პოპულარობით და აქტუალურობით სარგებლობს. მას აქვს კომპაქტური ტიპის კამერა, მუდმივი განათება (რომლის კონტროლი ავტომატურად შეგიძლიათ) და ეფექტური დიაპაზონი (0,6-2,7მ). ასევე, კარგად შეუძლია განათების რეგულირება და ახლო მანძილიდან გადაღება (35სმ-მდე).

ფუნჯების ნაკრები

2) გოგონების უმეტესობას მოსწონს მაკიაჟი და კოსმეტიკა. სავარაუდოდ, ეცდებით, ასეთ გოგოს რაიმე სახის კოსმეტიკა აჩუქოთ (მაგალითად, ტონალური ან ტუჩსაცხი), რის შესახებაც თავად თქვენ წარმოდგენაც არ გაქვთ. ნემისმიერი ტიპის კოსმეტიკის შეძენისას აუცილებელია მრავალი ფაქტორის გათვალისწინება, ეს იქნება ფერი, ზომა, ხარისხი, ბრენდი თუ სხვა. საერთოდ, ხარისხიანი კოსმეტიკური საშუალებები საკმაოდ ძვირი ღირს, რის გამოც შეიძლება ერთ ტონალურში, ტუჩსაცხში, ტუჩის ფანქარსა და ტუშში დაახლოებით 40 ლარამდე თანხის დახარჯვა მოგიწიოთ. ამის ნაცვლად, ფუნჯების კოლექციას გთავაზობთ, რაც მის უკმაყოფილებას ნამდვილად არ გამოიწვევს. ასე ზედმეტი ხარჯებისგან თავს უფრო ადვილადაც დაიძვრენთ და საჩუქრის ავტორსაც გაახარებთ.

ყურსასმენი

3) შემდეგი ნივთი, რომელიც მუსიკის მოყვარულ ადამიანს - როგორც ბიჭს, ისე გოგოს, აუცილებლად აღაფრთოვანებს, არის ბლუთუზ დინამიკი ან ყურსასმენი, ან ბლუთუზ ყურსასმენი. ყურსასმენების შერჩევა საკმაოდ რთულია. რა თქმა უნდა, პირველ რიგში უნდა გავითვალისწინოთ ხარისხი და კომფორტულობა. შესაძლოა, ყურსასმენს ხმის ხარისხი შესანიშნავი ჰქონდეს, თუმცა ნაკლებად კომფორტული აღმოჩნდეს, ან პირიქით - კომფორტული იყოს და უხარისხო. კარგი იქნება, თუ თქვენი ყურსასმენის თავები მეტალის იქნება. ასე შეძლებთ, ზედმეტი ხმებისგან გათავისუფლდეთ და თქვენი საყვარელი მუსიკით დატკბეთ.

წიგნის განათება

4) თქვენი მეგობარი წიგნის ჭიაა და ვერ გადაწყვიტეთ, რომელი ჟანრის და მწერლის წიგნი აჩუქოთ? ნუ იქნებით ბანალურები, არაა სავალდებულო, წიგნის მოყვარულებს რომელიმე ცნობილი ან უცნობი წიგნი აჩუქოთ, რომელიც ან დააინტერესებს, ან - არა. შეგიძლიათ, წიგნის მანათობელი სანათი აჩუქოთ, ის მისთვის ღამის საუკეთესო მეგობარი გახდება. ასეთი სანათის ერთ-ერთი პლიუსი ზომაა. ის გოგონას ჩანთაში დიდ ადგილს არ დაიკავებს და მისი სასურველ ადგილას წაღება თავისუფლად შეიძლება.

წყალი

5) წყალი ჩვენს ცხოვრებაში ძალიან მნიშვნელოვანია. ჩვენს ორგანიზმში წყლის რაოდენობა 70-90%-მდე აღწევს, რაც ასაკის მატებასთან ერთად თანდათან იკლებს. თუ ადამიანი წყლის საკმარის რაოდენობას არ იღებს, მაშინ მისი ორგანიზმი ნელ-ნელა სუსტდება და იფიტება. ჩვენთვის ენერგიის ძირიდათი წყარო სწორედ წყალია და ამიტომ უნდა ვეცადოთ, ის რაც შეეხება, ბევრი მივიღოთ.
ვარჯიშის მოყვარულ გოგონებსა და მათ, ვინც ცხოვრების ჯანსაღ წესს მიჰყვება, ენერგია ნამდვილად სჭირდებათ. ამიტომ, იციან, თუ რამხელა მნიშვნელობა აქვს წყალს მათი ორგანიზმისთვის. წყლის ტარებისთვის აუცილებელია კონტეინერი (ბოთლი), რისი თან წაღებაც ყოველთვის სასურველია. ყველასთვის ცნობილია ფაქტი, რომ ადამიანს პლასტმასის ბოთლი ზიანს აყენებს, ასე რომ, გთავაზობთ შუშის ბოთლების სამგვარ, ფერად და ლამაზ დიზაინს. მათ შორის ერთ-ერთს აქვს სპრეის ფუნქციაც, რითიც შეგიძლიათ სიცხეში მარტივად და სასიამოვნოდ გაგრილდეთ.

აკრილის საღებავები

6) მარტივი მისახვედრია, თუ რა გაუხარდებათ გოგონებს, რომელთა ჰობიც ხატვა და ხელოვნებაა. თუ გსურთ, რომ ხატვის მოყვარული გოგონები ყველაზე მეტად გააბედნიეროთ, მაშინ მათთვის სტანდარტულზე ოდნავ მეტის დახარჯვა მოგიწევთ. მნიშვნელობა არ აქვს რაოდენობას, მხატვარისთვის უმთავარესი ფუნჯისა და საღებავის ხარისხია. როგორ შევარჩიოთ კარგი და ხარისხიანი ფუნჯი საღებავებთან ერთად? უმჯობესია შეიძინოთ აკრილის საღებავები, რომლებიც განკუთვნილია როგორც პროფესიონალი მხატვრებისთვის, ისე - დამწყებთათვის. აკრილის საღებავი საკმაოდ მალე შრება, მათი გახსნა შესაძლებელია წყალშიც, „წყალგამძლეობა“ კი დამოკიდებულია იმაზე, თუ რამდენად კარგად და რა დოზითაა წყალში საღებავები გახსნილი. აკრილი გამოიყენება როგორც მხატვრობაში, ისე - ხელნაკეთი ნივთებისთვის დეკორაციის გასაკეთებლად, კედელზე და ქვაზე ხატვისთვის. რაც შეეხება ფუნჯს, უმჯობესია, თუ იგი იქნება ფუნებრივი ბეწვის და აკრილისთვის განკუთვნილი.
ამას გარდა, მხატვრობის მოყვარულებს შეგიძლიათ, საყვარელი მხატვრის ნახატების პრინტით ჭიქა, პოსტერი, ჩანთა, ყელსაბამი ან რაიმე მსგავსი ნივთი აჩუქოთ.

პანდორა

7) და ბოლოს, ძალიან ცოტა გოგონა მოიძებნება, ვისაც პანდორას სამაჯური არ მოეწონება. მიუხედავად იმისა, რომ უმეტესმა მათგანმა არ იცის, თუ რა მნიშვნელობის მქონეა პანდორას სამაჯური, ის მაინც მოსწონთ. ეს ბრენდი საკმაოდ პოპულარული, მოთხოვნადი და მოდურია. პანდორა დანიაში, 1982 წელს შეიქმნა. შექმნის მიზანი ინდივიდუალურობისთვის ხაზის გასმა იყო, იგი ქალებს საკუთარი ისტორიის შექმნასა და მოგონებების აღბეჭვდაში ეხმარება, რასაც ჩარმების სხვადასხვა ფორმის, ზომის და დიზაინის მიხედვით ახერხებს. პანდორას ძირითადი „ჯაჭვი“ ჩარმებისგან განსხვავებით უმეტეს შემთხვევაში ვერცხლისაა. შეგიძლიათ, მხოლოდ ჯაჭვი შეიძინოთ და ჩარმები თქვენი სურვილით შეარჩიოთ, ან მეგობარ გოგოს მზა სამაჯური მიართვათ.

საჩუქარი გოგონასთვის

იმედია, ჩემი რჩევები საჩუქრის არჩევაზე ოდნავ მაინც გამოგადგებათ და საყვარელი ადამიანის გახარებაში დაგეხმარებათ.

ბლოგერი : ანი
წაკითხვა : 4939
მოწონება :
გაზირება :
სხვა ბლოგები :
კომენტარები :