როგორ შევიძინო?

ავტორიზაცია

ყველა კატეგორია

რა ვაჩუქო?
აქსესუარები სილამაზე და კოსმეტიკა საჩუქარი ბავშვებისთვის დეკორი სხვადასხვა
ავტო ნაწილები ბავშვებისათვის ვიდეო თამაშები & კონსოლები ზოო პროდუქცია კომპიუტერული ტექნიკა მობილური ტელეფონები & აქსესუარები მუსიკა მუსიკალური ინსტრუმენტები საათები სათამაშოები & ჰობი
ასაწყობი სათამაშოები ბურთები, ფრიზბი & ბუმერანგები გამჭვირვალე & ფერადი ბურთულები დრონები თამაშები კლასიკური სათამაშოები მანქანები, თვითმფრინავები, გემები & ძრავები მატარებლები მოდელები & კომპლექტი მოქმედებითი / მოძრავი მცირე წლოვნებისთვის რობოტები, მონსტრები, კოსმოსური მხეცები საბავშვო დისტანციური მანქანები საბავშვო სატერფულიანი მანქანები საბითუმო გაყიდვები საგანმანათლებლო სათამაშო ჯარისკაცები საპნის ბუშტები სატელევიზიო & ფილმის პერსონაჟები სწრაფი კვების სათამაშოები ფაზლები, თავსატეხები, რუბიკის კუბები ფუმფულა / ბეწვის სათამაშოები ცნობილი ცხოველები ძველებური & ანტიკვარული სათამაშოები საბითუმო გაყიდვები
სამკაულები სამომხმარებლო ელექტროტექნიკა სახლი და ეზო სპორტული საქონელი ტანსაცმელი, ფეხსაცმელი და აქსესუარები ფოტო და ვიდეო კამერები წიგნები ჯანმრთელობა და სილამაზე

7 ყველაზე პოპულარული აქსესუარი თქვენი სმარტფონისთვის

ტარიელ მარაქველიძე
1324

წაკითხვა

მოწონება

ბლოგერი : ტარიელ მარაქველიძე

გაჯეტები თქვენი ტელეფონისათვის,როგორ გავხადოთ ჩვენი სმარტფონი მრავალფუნქციური,

დღეს ალბათ აღარ არსებობს ადამიანი სმარტფონის გარეშე, რადგან იგი მნიშვნელოვნად გვიმარტივებს ცხოვრებას და გვეხმარება სხვადასხვა სამუშაოების შესრულებაში. თუმცა ზოგჯერ უფრო მეტი გვჭირდება. თუ თქვენ გსურთ დროს გაასწროთ და თქვენს სმარტფონს ისეთი ფუნქციები შესძინოთ, რომელიც მას არ გააჩნია (ჯერჯერობით). მაშინ თქვენ სწორ სტატიას კითხულობთ.

გინდათ თქვენი ტელეფონი წყალგამძლე გახადოთ ან იქნებ გსურთ რომ იგი gaming აქსესუარად აქციოთ. რას იტყვით მის ჯაშუშურ მოწყობილობად გადაკეთებაზე. ეს ყველაფერი შესაძლებელია თუ ამ გაჯეტებსა და მცირე დამხმარე აქსესუარებს გამოიყენებთ.

1.ტელესკოპი თქვენი სმარტფონისათვის

რით დავიწყებდი თუ არა ამ საინტერესო პატარა გაჯეტით. თუ თქვენ გიყვართ ვარსკვლავებზე დაკვირვება ან უბრალოდ გსურთ, რომ მეზობლებს უთვალთვალოთ :), მაშინ ეს სმარტფონის ბინოკლი აუცილებლად თქვენი უნდა გახდეს. იგი ასევე დაგეხმარებათ ულამაზესი სურათების გადაღებაში.

ამ დამხმარე აქსესუარის მრავალი განსხვავებული მოდელი არსებობს, შესაბამისად სხვადასხვაა შესაძლებლობები და ხარისხი. ჩვეულებრივ ფასის ზრდასთან ერთად ამ აქსესუარის შესაძლებლობებიც იზრდება. დღესდღეობით მისი მაქსიმალური შესაძლებლობა, მხოლოდ ობიექტის ორმოცჯერ გადიდებით შემოიფარგლება, რაც ვფიქრობ, აქსესუარის კვალობაზე სრულიად საკმარისია.

ღირებულებისა და შესაძლებლობების ოპტიმალურ თანხვედრას წარმოადგენს ეს მოდელი. აღსანიშნავია, რომ მისი გამოყენება ჩვეულებრივი ბინოკლის მაგივრადაცაა შესაძლებელი.

2.წყალგაუმტარი ჩანთა

თუ თქვენ ზღვის, წყალქვეშა სამყაროს ან უბრალოდ ფოტოგრაფიის მოყვარული ბრძანდებით და გსურთ წქალქვეშ სურათები სმარტფონით გადაიღოთ, მაშინ თქვენ სწორედ Seawag-ის წყალგაუმტარი ქეისი გჭირდებათ.

ალბათ გაგიჩნდათ კითხვა, რატომ მაინცდამაინც Seawag-ი? მხოლოდ სამი მარტივი მიზეზის გამო: პირველი ესაა კომპაქტურობა, მეორე ესაა გამძლეობა (ანუ ხარისხი) და მესამე - აბსოლუტური დაცვა. მას აქვს ორმაგი ჩაკეტვის სისტემა და აგრეთვე დამზადებულია მაღალი ხარისხის პოლიეთილენისაგან, რომელიც უნარჩუნებს სენსორის ფუნქციას და არის სრულიად გამჭირვალე, რაც საშუალებას მოგცემთ თქვენი სმარტფონი ქეისიდან ამოუღებლად ხანგრძლივი დროის მანძილზე გამოიყენოთ. მაგალითად წვიმიან ან თოვლიან ამინდში.

3.ჯოისტიკები

თუკი თქვენ თამაშების მოყვარული ხართ და გსურთ, რომ თამაშის პროცესი უფრო კომფორტული და მოსახერხებელი გახადოთ, გირჩევთ სპეციალური ჯოისტიკის შეძენაზე დაფიქრდეთ, რომელიც ძალიან მარტივად დაუკავშირდება თქვენს ტელეფონს და ცოტა ხანში თქვენი შეუცვლელი კომპანიონი გახდება.

აღნიშნული უკაბელო bluetooth ჯოისტიკი საკმარისია უბრალოდ სმარტფონს დაუკავშიროთ და თქვენს ხელში აღმოჩნდება სრულფასოვანი და ამასთან კომპაქტური სათამაშო პლატფორმა, რომელიც სმარტფონით თამაშს გაგიმარტივებთ.

4.სურათების პრინტერი

ვის არ უნახავს ფილმებში ფოტოკამერები, რომლებიც სურათს გადაღებისთანავე ბეჭდავდენ. როგორც უკვე აღვნიშნე ყველაფერი ვითარდება და არც Polaroid-ი გახლავთ გამონაკლისი. ერთი სიტყვით პოლაროიდის განვითარებით, დღეს ჩვენ გვაქვს მინი პრინტერი, რომელიც თქვენი სმარტფონით გადაღებულ სურათს რამოდენიმე წამში დაგიბეჭდავთ, ამისათვის კი თქვენ მას უბრალოდ bluetooth-ით უნდა დაუკავშირდეთ (და ჩემი რჩევა იქნება - დროდადრო ფირების შეცვლა არ უნდა დაგავიწყდეთ).

სხვა მინი პრინტერებიდან გამოვყოფდი შემდეგ მოდელებს: LG PoPo, HP Sprocket, Kodak Mini. თუმცა Polaroid Zip-ი საკუთარი სახელისა და ხარისხის ხარჯზე უკვე მრავალი წელია მოწინავე პოზიციებს ინარჩუნებს.

5.ქეისი

ამ კონკრეტული სათაურის ქვეშ ჩვენ მხოლოდ iphone x -ის დამცავ ქეისებს განვიხილავთ. თუ თქვენ ასეთი ძვირადღირებული სმარტფონის მფლობელი ბრძანდებით ალბათ მისი დავარდნის შემთხვევაში გული ძალიან დაგწყდებათ (რაც არც ისე იშვიათად ხდება). ამ უსიამოვნო მოვლენისაგან თავის დასაცავად თქვენ დაგჭირდებათ სპეციალური ქეისი, რომელიც რომელიც თქვენს სმარტფონს არ გააუშნოვებს და იდეალურადაც დაიცავს.

დღესდღეობით ყველაზე დახვეწილი დიზაინის და ამადროულად ყველაზე გამძლე iphone x-ის ქეისის სახელით სარგებლობს RhinoShield Mod-ი რომელსაც გამჭირველე უკანა ნაწილი აქვს და მინიმალისტურ სტილშია გადაწყვეტილი. ერთი შეხედვით ეჭვი შეიძლება შეგეპაროთ მის შესაძლებლობებში, თუმცა მასზე ჩატარებული უამრავი ცდები და ტესტები არ ტყუიან.

6.ჭკვიანი საფულე.

საფულე, ისევე როგორც ტელეფონი დღესდღეობით ადამიანისთვის ერთ-ერთ უმნიშვნელოვანეს აქსესუარს წარმოადგენს, რომელიც ხშირად ხდება ქურდბაცაცაბის სამიზნე. საფულის დაკარგვისგან და მოპარვისგან თავდასაცავად შეიქმნა სწორედ ისეთი ჭკვიანი საფულე როგორიცაა Volterman. იგი დაკავშირებულია თქვენ სმარტფონთან და ისეა დაპროგრამებული, რომ გარკვეული მანძილით დაშორების შემდეგ გზავნის ხმოვან სიგნალს ან მესიჯს, რომელიც მის ადგილმდებარეობას გვატყობინებს.

სამწუხაროდ, ამ ბრენდის საფულეები ამ ბოლო დროს ძალიან იშვიათი გახდა, თუმცა არსებობს მისი მრავალი ანალოგო ჭკვიანი საფულე, რომელსაც იგივე ფუნქციები გააჩნია და არც სტილითა და ფუნქციური შესაძლებლოებით არ ჩამორჩება ზემოთ ხსენებულს.

რაც შეეხება ფასს იგი 40-დან 200 ლარამდე მერყეობს. მართალია ცოტა არ იყოს ძვირია მაგრამ გულმავიწყი ადამიანებისათვის ეს საშუალება უფრო მომგებიანია.

7.ვირტუალური რეალობის სათვალე

გაჯეტი, რომელიც სრულიად ახალი სამყაროსაკენ გვიხსნის კარს. არსებობს რამოდენიმე ტიპის ვირტუალური სათვალე, ზოგიერთი მათგანი დამოუკიდებელ სისტემას წარმოადგენს, ზოგი კომპიუტერის დახმარებით მუშაობს, უმეტესობა კი ტელეფონის საშუალებით ახდენს ჩვენი გონების ვირტუალურ სამყაროში გადაყვანასა და გაცურებას.

ჩემი აზრით, მხოლოდ ესაა საკმარისი იმისათვის, რათა ნახოთ ის რაც არ გინახავთ და შეიგრძნოთ ისე როგორც არასდროს არ შეგიგრძვნიათ. მაგრამ ჩემი რჩევა იქნება, ძალიანაც ნუ გაინებრივებთ თავს და გახსოვდეთ, რომ რეალობა საუკეთესო გასართობია.

 

სულ ეს იყო. გმადლობთ ყურადღებისათვის.

ბლოგერი : ტარიელ მარაქველიძე
წაკითხვა : 1324
მოწონება :
გაზირება :
სხვა ბლოგები :
კომენტარები :