აუცილებელია, რომ ტანსაცმელი იყოს მოსახერხებელი და თქვენი ზომების შესაბამისი.

დღეს სპორტს ყოველდღიურ ცხოვრებაში ძალიან დიდი მნიშვნელობა ენიჭება. ყველა მამაკაცი ცდილობს, მოხდენილად, ლამაზად გამოიყურებოდეს და სხეული ფორმაში ჰქონდეს. ამ შედეგის მიღწევა კი სახლში ან სპორტ-დარბაზში რეგულარული ვარჯიშით არის შესაძლებელი.

სპორტული აქტივობა შედეგიანი და ამასთანავე სასიამოვნო რომ იყოს, აუცილებელია, რომ ტანსაცმელი იყოს მოსახერხებელი და თქვენი ზომების შესაბამისი. არსებობს სპეციალური Leggings-ები მამაკაცებისთვის, რომლებიც ვარჯიშისთვისაა განკუთვნილი. მათი შერჩევისას ყურადღება უნდა მიექცეს რამდენიმე ფაქტორს: რისგან არის დამზადებული? - ამ საკითხზე აქცენტი უნდა გაკეთდეს მიუხედავად იმისა, თუ რისთვის ირჩევთ ტანსაცმელს. მაგალითად, არც ისე მძიმე ვარჯიშისთვის, იოგისა და პილატესებისთვის შესაფერისი იქნება ბამბის თხელი ქსოვილით დამზადებული ლეგინსები.

უფრო ინტენსიური ვარჯიში ასეთი ტიპის სამოსში რეკომენდებული არ არის. ასევე არ გირჩევთ სინთეტიკური ტანსაცმლის გამოყენებას - ვარჯიშის დროს ის აუცილებლად დისკომფორტს შეგიქმნით; მეორე მნიშვნელოვანი ფაქტორი, ეს არის შარვლის სათავე, რომელიც ან მაღალი უნდა იყოს, ან - საშუალო. დაბალი სათავის მქონე ლეგინსების შეძენისგან მამაკაცებმა თავი უნდა შეიკავონ, რადგან რეზინი, რომელიც შარვლის სათავეშია, საკმაოდ მომჯდარი იქნება სხეულზე და დაბალწელიანი შარვლის ტარების შემთხვევაში ზედმეტად შეგაწუხებთ. შარვლის რეზინთან დაკავშირებით ასევე ყურადღება მიაქციეთ იმ ფაქტორს, რომ რეზინი იყოს რაც შეიძლება ფართო და რბილი, წინააღმდეგ შემთხვევაში, შეგაწუხებთ; Leggings-ები აუცილებლად უნდა შეიძინოთ ზუსტად თქვენი ზომის - თუ ის ოდნავ მაინც პატარა ან დიდი იქნება, ეს ისევ და ისევ დისკომფორტს გამოიწვევს; საუკეთესო ვარიანტი სპორტულ სამოსში არის უნაკერო. თუ ნაკერები მაინცაა, მაშინ ყურადღება მიაქციეთ, რომ ისინი თხელი და რბილი იყოს, რადგან ნაჭერი მჭიდროდ იქნება მიკურლი კანზე და სხვა შემთხვევაში ნაკერები აუცილებლად კანის გაღიზიანებას გამოიწვევს.

Leggings-ები აუცილებლად უნდა იყოს კარგი ხარისხის. ამიტომ, შეძენისას კარგად გადაამოწმეთ, რაიმე ხინჯი არ ჰქონდეს.

მათ, ვინც სპორტულ აქტივობაში ახალბედაა და გადაწყვიტა, ვარჯიში სირბილით დაიწყოს, ვურჩევ, შეიძიოს სპეციალურად სპორტული ვარჯიშისთვის განკუთვნილი, წელისა და მუხლების ზონაზე ჩადგმების მქონე დაჭიმულობის მომხსნელი Leggings-ები. ასეთ სამოსში ფეხები ნაკლებად დაგეღლებათ. გასახდელში ლეგინსების მოსაზომად შესვლისას რამოდენიმე მარტივი მოძრაობა გააკეთეთ, რათა დარწმუნდეთ მისი შეძენის სისწორეში.

სარბენ ლეგინსებში თავის მხრივ უნდა გამოვყოთ რამდენიმე ვარიანტი:

დათბილული - რომელიც ცივი ამინდების დროს სირბილისთვის გამოგადგებათ. მისი გამოყენება დაშვებულია -5 - +5 C° ტემპერატურის დროს; ჩაცმა ასევე შესაძლებელია ფართო შარვლის ქვეშ, როცა მაგალითად, ყინვაში გარეთ ვარჯიშობთ. არსებობს ასევე Tights-ები - რომელთა გამოყენება დაშვებულია -25 C°-ის დროს.

გრძელი Leggings-ები მისაღებია როგორც დარბაზში, ისე - გარეთ ვარჯიშისთვის. ეს სამოსი იდეალურად ერგება სხეულს და იცავს როგორც სახსრებს, კუთნებსა და მყესებს. გრძელი ლეგინსების გამოყენება უმჯობესია გვიან შემოდგომას ან ადრეულ გაზაფხულზე, როცა ტემპერატურა +5-დან +15 C°-ის ფარგლებშია.

არსებობს ასევე სპეციალური ლეგინსები - Sprint, რომლებიც უშუალოდ სირბილისთვისაა განკუთვნილი. ასეთი ტიპის შარვლები დამზადებულია სპეციალური ქსოვილით, რომელიც ატარებს ჰაერს და ძალიან კარგად იწოვს ნესტს. გააჩნიათ სპეციალური ჩადგმები დაჭიმულობის მოსახსნელად მყესების, წელისა და მუხლების ზონაში. მამაკაცი სპრინტებში დაღლას საერთოდ ვერ იგრძნობს და არ გაუჩნდება ტკივილი კუნთებში ხანგრძლივი ვარჯიშის შემდეგაც კი.

მწარმოებლები - ეს კიდევ ერთი ფაქტორია, რომელზე ყურადღების გამახვილება ნამდვილად მნიშვნელოვანია.

გირჩევთ რამდენიმე ცნობილ ბრენდს, რომელთა წარმოებული სპორტული სამოსი ძალიან ხარისხიანი და კომფორტულია, მათში გადახდილი თანხა შეიძლება, სხვებთან შედარებით ოდნავ მეტი იყოს, მაგრამ ხარისხში ფულის გადახდა რეალური დანაზოგის გაკეთების საშუალებას გაძლევთ.

მაშ ასე,  ლეგინსების შეძენისას ეცადეთ არჩევანი გააკეთოთ შემდეგ ბრენდებზე:

Asics

ეს არის იაპონური კომპანია, რომლის ძირითადი მიმართულებაა მოსახერხებელი სპორტული სამოსისა და ფეხსაცმლის გამოშვება. ის 1949 წელს შეიქმნა და  დღეისათვის ამ მიმართულებაში მსოფლიო ლიდერს წარმოადგენს. Asics-ის წარმოების ხაზში არის მამაკაცის Leggings-ები  ფართო ასორტიმენტი.

Mizuno

კიდევ ერთი იაპონური ორგანიზაცია, რომელიც ორიენტირებულია თანამედროვე ტექნოლოგიების გამოყენებით მხოლოდ სპორტული ინვენტარის, ფეხსაცმლის და ტანსაცმლისს გამოშვებაზე. ამ ბრენდის პროდუქციიდან ყველაზე დიდი პოპულარობა მოიპოვა მანათობელმა Leggings-მა, რომლებიც განსაკუთრებით აქტუალურია ღამის პერიოდში;

Adidas

ამ ლოგოტიპზე საუბარი დაუსრულებლად შეიძლება. ის ერთ-ერთი ყველაზე პერსპექტიული კომპანიაა გერმანიაში. ბრენდის Leggings-ები დიდი რაოდენობით გამოდის და მათ სხვადასხვა დანიშნულება აქვთ (სარბენი, სავარჯიშო, სასეირნო და ა.შ.);

Brooks

ამ კომპანიის დასახელება ამერიკელი სპორტსმენის გვარიდან წარმოიშვა. ბრენდის წარმომადგენლები ყველაფერს აკეთებენ იმისათვის, რომ სპორტი და ვარჯიში არა მარტო სასარგებლო, არამედ - სასიამოვნოც იყოს. Brooks-ის ლეგინსების არჩევა და გამოწერა შეგიძლიათ ebay.ge-ს ინტერნეტ მაღაზიაში.

Craft

ეს შვედური ფირმაა, რომელმაც სახელი თერმო-თეთრეულის გამოშვებით გაითქვა. კომპანიის ახალი წარმოება სითბოს შენარჩუნების უნარის მქონე სპორტული ტანსაცმლის ხაზია, რომელშიც ასევე შედის თერმული ლეგინსები. ამ ტანსაცმლის დახმარებით ყინვაში გარეთ ვარჯიში პრობლემას აღარ წარმოადგენს;

Bjorn Daehlie

 

ეს ცნობილი ნორვეგიული კომპანიაა და მისი სახელწოდება სათხილამურო სპროტის ოლიმპიური ჩემპიონის სახელიდან მოდის. Bjorn Daehlie-ს ლეგინსები, ძალიან მაღალი ხარისხის და საიმედოა. ისინი ნებისმიერ გამოცდას უძლებენ;

Ronhill

კიდევ ერთი ცნობილი პორტუგალიური კომპანია, რომლის ძირითადი მიმართულება სპორტული ტანსაცმლის წარმოებაა. მათი Leggings-ები აბრეშუმით შეკერილს ჰგავს, რადგან ნაჭერი ძალიან რბილი და მსუბუქია, მისი ტარება სასიამოვნო და კომფორტულია;

Nike

ეს ამერიკული კომპანია, რომელიც სპორტული ტანსაცმლის წარმოებაზეა ორიენტირებული, უკვე 30 წელზე მეტია, მოღვაწეობს. მისი წარმოების ხაზში შედის სპროტული ტანსაცმელი, ფეხსაცმელი და ინვენტარი. ყოველწლიურად კომპანიის მაღაზიების თაროებზე შეგიძლიათ ნახოთ თანამედროვე ტექნოლოგიების გამოყენებით შექმნილი სპორტული სამოსი და ნივთები, მაგალითად, ლეგინსები, რომლებიც იწოვს ნესტს.