გაიგეთ როგორ შეინარჩუნოთ ახალგაზრდობა

ალბათ, ყოველთვის, როცა აზიელების ფოტოებს ათვალიერებთ, გაოცებული რჩებით მათი კანით, რომელიც საკმაოდ ჯანსაღად, დატენიანებულად და მკვრივად გამოიყურება (მიუხედავათ ადამიანის ასაკისა).რატომ არ ეტყობათ აზიელებს ასაკი და როგორ გამოიყურებიან ასე ახალგაზრდულად? ეს განპირობებულია არა მხოლოდ ჰავის და საკვები პროდუქტის მიერ, არამედ - სხვადასხვა ისეთი პროდუქტისა და ზეთების გამოყენების გამოც, რომლებიც კანს არ აბერებს.

რატომ არ აქვთ აზიელებს ნაოჭები და ლაქები 30 წლის ასაკშიც კი? რატომ გამოიყურებიან 45 წლის ქალბატონები 28 წლის გოგონებივით? ამ კითხვებზე პასუხს სტატიაში იპოვით.

აქ განვიხილავთ პროდუქტებს, რომლებიც აზიელების ყოველდღიურობის განუყრელი ნაწილია.

ყველასათვის კარგადაა ცნობილი, თუ რა ზიანი მოაქვს მაკიაჟის ტარებას. მაკიაჟი,  განსაკუთრებით კი - ტონალური, კანისთვის „პირველი მტერია“, რადგან ეს საშუალება კანს აბერებს. თანაც, არ არსებობს ისეთი ტონალური, რომელიც კანს სუნთქვაში ეხმარება. განკსაკუთრებით ცუდია მკვეთრი მაკიაჟი, ამ დროს შესაბამისად უფრო მეტი ტონალურის გამოყენება გიწევთ, ვიდრე - ჩვეულებრივ, ეს კი ხელს უწყობს კანის გამოშრობას და ნაოჭების გაჩენას. აზიელებმა ეს ყველაფერი შესანიშნავად იციან და სწორედ ამიტომ უპირატესობას მსუბუქ მაკიაჟს ანიჭებენ. ამასთანავე, ტონალური კრემის ნაცვლად უმეტეს შემთხვევაში მზისგან დამცავ კრემს იყენებენ.

მაკიაჟის მოშორების მრავალი კოსმეტიკური საშუალება არსებობს, დაწყებული მიცერალური წყლებით, დამთავრებული - სხვადასხვა ტიპის საბავშვო ზეთით. თუმცა, ჩვენ განვიხილავთ საკმაოდ აქტუალურ “HEIMISH”-ის „All Clean Balm“-ს, რომელიც კორეაში საკმაოდ დიდი პოპულარობით სარგებლობს. HEIMISH-ს ეს პროდუქტი საუკეთესოა, რადგან იგი სრულიად ნატურალური ინგრედიენტებისგან შედგება. ის ერგება ყველანაირი ტიპის კანს, განსაკუთრებით - მგრძნობიარეს; გააჩნია მყარი სტრუქტურა, რის გამოც მოჰყვება პატარა კოვზი. კრემი შესანიშნავად წმენდს და აშორებს მაკიაჟს, შეიცავს ქოქოსის კარაქის ექსტრაქტს, შატოს კარაქს და სხვა მრავალ შესანიშნავ ინგრედიენტს, რაც კანს კარგად ატენიანებს და კვებავს. ბალზამი სახეზე დამასაჟების შემდეგ უნდა ჩამოირეცხოს თბილი წყლით და შემშრალდეს პირსახოცის ფაქიზი მოძრაობით. მოშორების შემდეგ გაოცდებით, როდესაც ნახავთ, თუ როგორი რბილი გახდა თქვენი კანი. მისი ერთ-ერთი შესანიშნავი ფუნქცია ისაა, რომ კანს არ აღიზიანებს და საკმაოდ კარგად არბილებს.

შემდეგი კრემი, რომელზეც აზიელები გიჟდებიან, „Foam cleanser“-ია. ის არაჩვეულებრივად აშორებს სახეზე დარჩენილ ბოჭკოებს, ზეთსა და მაკიაჟს. გაგიკვირდებათ და მას ძალიან მარტივად შეუძლია წყალგამძლე მაკიაჟის მოშორებაც კი, კანის გაღიზიანების გარეშე. ეს კრემიც, წინას მსგავსად, განკუთვნილია ყველანაირი ტიპის კანის მქონე ადამიანისთვის, მათ შორის მათთვისაც, ვისაც აკნეს პრობლემები აწუხებს. კრემს არც ასაკობრივი შეზღუდვა აქვს. ის ამავე დროს ახერხებს კანზე დარჩენილი ყველანაირი ცხიმის მოშორებას და უზრუნველყოფს მის სიღრმისეულ წმენდას. მისი პლიუსია ისიცაა, რომ ამცირებს კანის ცხიმიანობას.

პროდუქტი, რომელიც არა მხოლოდ აზიელებისთვის, არამედ მთელი მსოფლიოსთვის საყვარელია, არის ოქროს ნიღაბი. მისი წარმოშობა ინდოეთთანაა დაკავშირებული. ოქროს ნიღბის მუდმივი გამოყენების შედეგად თვალის ირგვლივ შავი წრეები ქრება, კანი უფრო თეთრი და ახალგაზრდული ხდება. ნიღბის წასმის მრავალი პროცედურა არსებობს, რის შედეგადაც სწორდება ნაოჭები, ქრება პიგმენტური ლაქები, კანი უფრო მკვირვი და ელასტიური ხდება და ა.შ. კანი გამოიმუშავებს უფრო მეტ კოლაგენს, რაც მას ელასტიურობას ანიჭებს და შესაბამისად, გვიან ბერდება. ოქროს ნიღაბს გააჩნია ანთებითი პროცესების საწინააღმდეგო თვისებებიც.

ყოველთვის, ყოველთვის, და ყოველთვის უნდა გახსოვდეთ ფაქტი, რომ გარეთ გასვლისას აუცილებელია მზისგან დამცავი კრემის წასმა. რატომ არ აქვთ ლაქები აზიელებს? პასუხი მარტივია - ისინი ძალიან ბევრ მზისგან დამცავ საშუალებას იყენებენ, როგორც - უბრალოდ მაკიაჟისთვის, ისე - გარუჯვისას. კორეაში და იაპონიაში საკმაოდ პოპულარულია შემდეგი კრემები:

 • UVB - მას ძირითადად იყენებენ  მზისგან მიღებული დამწვრობებისთვის, ასევე, ლაქების გასაქრობად და შესამცირებლად.

  • UVA - იყენებენ ასაკის დატყობის საწინააღმდეგოდ და ნაოჭების გასაქრობად. მას უმეტეს  შემთხვევაში ცხიმიანი და სენსიტიური კანისთვის ხმარობენ. ასევე, იგი უფრო ღრმად აღწევს კანში, ვიდრე - UVB კრემი.

  • ANESSA - კარგია ცურვის და ვარჯიშის მოყვარულებისთვის. მისი შეძენა შეგიძლიათ როგორც ვერცხლის, ისე - ოქროს ფორმატით. ვერცხლის ფორმატი უფრო მეტ წყალს შეიცავს და ხელს უშლის ოფლის გამოყოფას, სწორედ ამიტომ, იგი შესანიშნავია სანაპიროსთვის.

ერთ-ერთი საყვარელი პროდუქტი, რომელსაც აზიელები აღმერთებენ, “SK-II”-ია. ეს ეს სახის გამწმედი ბევრი შესანიშნავი თვისებებითაა დაჯილდოვებული:

 • აღიავებს კანის ფერს - კანის ზედაპირს მუდმივად ანახლებს და მბზინვარებას აძლევს.

 • ხელს უშლის ლაქების წარმოშობას - აფერხებს მზისგან გამოწვეული ლაქების გაჩენას და ინარჩუნებს კანის ბუნებრივ მდგომარეობას.

 • ფარავს ნაოჭებს - ამცირებს  წვრილ ხაზებს და ნაოჭების წარმოქმნის საშიშროებას, ასევე კვებავს და ატენიანებს კანს.

 • გლუვი ტექსტურა - აუმჯობესებს და აგრილებს კანს, ასევე, ხდის უფრო რბილს, ნაზსა და გლუვს.

 • ელასტიურობა - კანს ანიჭებს უფრო მეტ ელასტიურობას, აუმჯობესებს მის სიმკვირივეს, ინტენსიურად ატენიანებს და მაქსიმალურად ინარჩუნებს ტენს.

იმედია, ამ სტატიით მოვახერხე თქვენი ინტერესის დაკმაყოფილება აღნიშნულ საკითხთან დაკავშირებით. თუ ჩამოთვილ პროდუქტებს შეიძენთ და მუდმივად გამოიყენებთ, მაშინ თქვენი კანი გაცილებით მკვირვი, ელასტიური და დატენიანებული გახდება, შედეგს კი კრემების გამოყენების დაწყებიდან მალევე შეამჩნევთ.