როგორ შევიძინო?

ავტორიზაცია

ყველა კატეგორია

რა ვაჩუქო?
აქსესუარები სილამაზე და კოსმეტიკა საჩუქარი ბავშვებისთვის დეკორი სხვადასხვა
ავტო ნაწილები ბავშვებისათვის ვიდეო თამაშები & კონსოლები ზოო პროდუქცია კომპიუტერული ტექნიკა მობილური ტელეფონები & აქსესუარები მუსიკა მუსიკალური ინსტრუმენტები საათები სათამაშოები & ჰობი
ასაწყობი სათამაშოები ბურთები, ფრიზბი & ბუმერანგები გამჭვირვალე & ფერადი ბურთულები დრონები თამაშები კლასიკური სათამაშოები მანქანები, თვითმფრინავები, გემები & ძრავები მატარებლები მოდელები & კომპლექტი მოქმედებითი / მოძრავი მცირე წლოვნებისთვის რობოტები, მონსტრები, კოსმოსური მხეცები საბავშვო დისტანციური მანქანები საბავშვო სატერფულიანი მანქანები საბითუმო გაყიდვები საგანმანათლებლო სათამაშო ჯარისკაცები საპნის ბუშტები სატელევიზიო & ფილმის პერსონაჟები სწრაფი კვების სათამაშოები ფაზლები, თავსატეხები, რუბიკის კუბები ფუმფულა / ბეწვის სათამაშოები ცნობილი ცხოველები ძველებური & ანტიკვარული სათამაშოები საბითუმო გაყიდვები
სამკაულები სამომხმარებლო ელექტროტექნიკა სახლი და ეზო სპორტული საქონელი ტანსაცმელი, ფეხსაცმელი და აქსესუარები ფოტო და ვიდეო კამერები წიგნები ჯანმრთელობა და სილამაზე

არ გაქვთ დრო მასაჟის პროცედურებზე სასიარულოდ?

თინათინ დარბაიძე
3403

წაკითხვა

მოწონება

ბლოგერი : თინათინ დარბაიძე

ჩაიტარეთ თქვენი ხელით, სახლიდან გაუსვლელად

არ გაქვთ დრო მასაჟის პროცედურებზე სასიარულოდ?  თავისუფლად შეგიძლიათ ის სახლის პირობებში გაიკეთოთ.

თანამედროვე ცხოვრების რიტმი ფაქტიურად მთლიანად გვაცლის ენერგიას და ძალებს, რასაც პერმანენტულად აღდგენა სჭირდება. ამისთვის კი საუკეთესო საშუალება სარელაქსაციო, გამაჯანსაღებელი პროცედურებია. თუმცა გადატვირთული რეჟიმის გამო, რთულია დრო გამონახო სპა სალონებისთვის. როდესაც დაღლილობამ, სხეულის დაჭიმულობამ ძალიან შემაწუხა, დავიწყე ინფორმაციის მოძიება, თუ როგორ დავხმარებოდი ჩემს თავს სახლის პირობებში. შევისწავლე ინტერნეტის საშუალებით რამდენიმე მარტივი ხერხი. რასაც დღეს თქვენც გაგიზიარებთ.

ზურგის მასაჟი

სანამ მასაჟს გაიკეთებთ სახლის პირობებში, აუცილებელია იქონიოთ მასაჟის მოწყობილობები, რადგან მისი საკუთარი ხელით გაკეთება არც ისე იოლია, განსაკუთრებით ზურგის არეში. შევიძინე ელექტრო მასაჟორი რომელიც ძალიან მოსახერხებელი და მსუბუქია,  ეცვლება პირები, არ არის ხმაურიანი მიუხედავად იმისა, რომ რამოდენიმე სიჩქარე აქვს. ეს რაც შეეხება ტანის მასაჟს, ხოლო სახის მასაჟისთვის საუკეთესოა შედარებით მცირე ზომის მასაჟორი რომელიც ასევე მრავალფუნქციურია და მასაჟთან ერთად ერთ-ერთი ყველაზე მნიშვნელოვანი ფუნქცია არის სახის წმენდა. ელექტრო მასაჟორის შერჩევა საწყისი ეტაპია, რომლის გავლის შემდეგ აუცილებლად უნდა შეარჩიოთ სპეციალური მასაჟის ზეთები, რადგან სხეულს და კანს მასაჟამდე სჭირდება მომზადება. ინტერნეტში ინფორმაციის მოძიებისას როგორც პროფესიონალების, ისე მომხმარებლების მხრიდან გაზიარებული ბევრი სასარგებლო რჩევა წავიკითხე. ერთ-ერთი ასეთი რჩევა, რომელსაც ახლა უკვე ჩემგან თქვენ მოისმენთ, ეხება მასაჟისთვის გამოსაყენებლ ზეთებს. თუმცა უნდა გაითვალისწინოთ, რომ არის მასაჟის სხვადასხვა სახეობები, მაგალითად სარელაქსაციო, გამაჯანსაღებელი, საერთო, სახის და ა.შ. შესაბამისად, შერჩეული მასაჟის ტიპიდან გამომდინარე უნდა მოხდეს კანის დასამუშავებელი ზეთების შერჩევაც და კანის ტიპის განსაზღვრაც.

ეს განსაკუთრებით აქტუალურია ქალბატონებისთვის და იმედი მაქვს ამ ბლოგში წარმოდგენილი რჩევები სასარგებლო იქნება ყველასთვის, ვინც მას წაიკთხავს და შემდეგ სახლის პირობებში მასაჟის ჩატარებას გადაწყვეტს.

გაითვალისწინეთ: სანამ მასაჟს დაიწყებთ, აუცილებლად მოიხსენით სამკაულები და გადაივლეთ წყალი.

სახის მასაჟი

დავიწყოთ სახის მასაჟით. უპირველეს ყოვლისა, როგორც უკვე აღვნიშნე, საჭიროა იცოდეთ რა ტიპის კანი გაქვთ - მშრალი, ცხიმიანი თუ კომბინირებული. ასევე გასათვალისწინებელია ასაკობრივი მომენტიც.

ნუშის ზეთი ყველა ტიპის კანისთვის იდეალურია, განსაკუთრებით ეფექტურია 30 წლიდან ასაკის სახის კანისთვის. ის აცხრობს სიწითლეს, ამკვრივებს კუნთოვანი ფენის ნაწილს, ხელს უწყობს მიმიკური ნაოჭების გაქრობას და სახის კანს ბზინვარებასა და ჯანსაღ იერს აძლევს. მისი შეწოვა სწრაფად ხდება.

ატმის ზეთი სასარგებლოა მშრალი კანისთვის, მას აქვს სქელი კონსისტენცია და დიდი ხნის განმავლობაში, ნელ-ნელა შეიწოვება კანის მიერ.

ყურძნის წიპწის ზეთი აქტიურად კვებავს კანის ღრმა ფენებს და ხელს უწყობს კანის გაახალგაზრდავებას.

გარგრის ზეთი იდეალურია მგრძნობიარე კანისთვის, განსაკუთრებით მობერებული კანისთვის, რადგან ის შეიცავს კანის დამატენიანებელ აქტიურ კომპონენტებს.

ჟოჟობას ზეთი შეიცავს კოლაგენს, რომელიც წარმოქმნის კანის ზედაპირის დამცავ ფენას, უნარჩუნებს ტენიანობას და იცავს გარე ფაქტორების ზემოქმედებისგან. კანს აღადგენს, ამშვიდებს და აქრობს სიწითლეს.

ზეითუნის ზეთი საკუთესო საშუალებაა მშრალი და მგრძნობიარე სახის კანისთვის. ის კანის მოვლის უნივერსალურ საშუალებად ითვლება, რადგან შეუძლია დაატენიანოს, კვებოს, ტონუსი მისცეს და შეავსოს კანი А, С და Е ვიტამინებით.

მასაჟის ზეთები

რაც შეეხება სხეულს, მასაჟამდე მის მოსამზადებლად თავისუფლად შეგიძლიათ გამოიყენოთ ზემოთ ჩამოთვლილი ზეთები და სია შეავსოთ ქვემოთ ჩამოთვლილი კოსმეტიკური პროდუქციით.

ქოქოსის ზეთი რომელიც სწრაფად შეიწოვება კანის მიერ და არ ტოვებს ცხიმიან ფენას. არ იწვევს ალერგიას. მისი გამოყენება ხანგრძლივი დროით შეგიძლიათ, მაგარამ იმ პირობით, თუ მას მაცივარში შეინახავთ.

ავოკადოს ზეთი გამომდინარე იქედან, რომ მას მძიმე სტრუქტურა აქვს, პროფესიონალების რჩევაა გამოყენებისას მასში ნუშის ზეთი შევურიოთ ისე წავისვათ კანზე.

კაკაოს ზეთი  ეს პროდუქტი შედარებით ძვირადღირებულია, თუმცა საუკეთესო საშუალებაა ცელულიტის, ნაოჭებისა და სიწითლის მოსაშრებლად. გამოყენებისას ძალიან მცირე რაოდენობაა საკმარისი, შესაბამისად ეკონომიურია და დიდხანს გეყოფათ. ის არ დნება ოთახის ტემპერატურაზე - სხეულზე რამოდენიმე ადგილას დადებული მცირე რაოდენობით საკმარისია, რომ მასაჟის  მოძრაობებით გალღვეს და მთელ სხეულზე გადაინაწილოთ.

კარიტეს ზეთი ასევე ცნობილია როგორც ში-ს ზეთი. ის ძალიან ცხიმიანია და ცალკე მისი გამოყენების რეკომენდაციას პროფესიონალები არ იძლევიან, მათი რჩევით უმჯობესია კარიტეს ზეთში ავურიოთ შედარებით მსუბუქი სტრუქტურის რომელიმე ზეთი და ისე გამოვიყენოთ.

ხორბლის ზეთი ის ერთ-ერთი ყველაზე პოპულარული ზეთია, რომელსაც იყენებენ კოსმეტიკური პროცედურებისთვის. ხობრლის ზეთი საოცრად კვებავს და ერთფეროვანს ხდის კანს, ავსებს მას ვიტამინებითა და მინერალებით.  

მასაჟი

როგორც წესი, სახლში კოსმეტიკური პროცედურების ჩატარებისას სისხლის მიმოქცევა ძლირდება, იხსნება კუნთების დაჭიმულობა, უმჯობესდება თავის ტვინის მუშაობის პროცესი. სახლის მასაჟის დახმარებით შეგიძლიათ როგორც ენერგიით შეივსოთ, ისე მოდუნდეთ და დაისვენოთ - ეს დამოკიდებულია იმაზე, თუ როგორი მოძრაობებით გაიკეთებთ მასაჟს. მაგალითად მოკლე და ძლიერი მოძრაობით ხდება ორგანიზმის გაკაჟება, გამოცოცხლება, ხოლო გრძელი და ნელი მოძრაობებით სხეული დუნდება და მშვიდდება.

გასახდომი მასაჟი

თუ გსურთ სახლის პირობებში სხეულზე ანტიცელულიტური მასაჟის გაკეთება, აქ უკვე ცოტა სხვა წესების დაცვა მოგიწევთ. კერძოდ:

  • პირველ რიგში ცხელი შხაპის ქვეშ გაიხურეთ კუნთები და გაიწმინდეთ კანი სკრაბით - ყავის სკრაბი საუკეთესო ვარიანტია.

  • პრობლემური ადგილები გაიმშრალეთ პირსახოცით გაწითლებამდე.

  • მზად არის? - შეგიძლიათ შეგიძლიათ წაისვათ ანტიცელულიტური კრემი

  • ქვემოდან-ზემოთ ხელის მოძრაობით დაიმუშავეთ პრობლემური ადგილები, შეეცადეთ მაქსიმალური ძალა დაატანოთ - სისხლის მოძრაობის გასაუმჯობესებლად.

  • იმისათვის, რომ მასაჟი შედეგიანი იყოს ის კვირაში 2-3-ჯერ გაიკეთთ 30-40 წუთის განმავლობაში. 8-10 პროცედურა სრულიად საკმარისი იქნება.

გაინტერესებთ რა შედეგი გექნებათ? - გაგიუმჯობესდებათ სისხლის მიმოქცევა, ცელულიტის გროვები მკვეთრად შემცირდება და ე.წ. „ფორთოხლისებური“ კანის ეფექტიც აღარ გექნებათ. ასევე შესამჩნევად დაიკლებთ წონაშიც.

მოსადუნებელი მასაჟის გაკეთბის სურვილის შემთხვევაში:

  • მიიღეთ აბაზანა კუნთების მოსადუნებლად - შეგიძლიათ წყალში შეურიოთ ბალახის ნაყენი.

  • მსუბუქი მოძრაობებით წაისვით კოსმეტიკური ზეთი, რომელსაც აწერია «Relax»

  • მოძრაობა აუცილებლად შეასრულეთ ქვემოდან ზემოთ.

ასეთი მასაჟის შედეგად: გაგიუმჯობესდებათ საერთო ემოციური მდგომარეობა, კუნთები მოდუნდება, გაუმჯობესდება ლიმფის ფუნქცია, რაც იმას ნიშნავს, რომ ორგანიზმიდან ყველა მავნე ნივთირების გამოდევნის პროცედი დაიწყება.

ბალახების ნაყენი მასაჟი

ტერფების მასაჟის გაკეთებისას:

  • წინასწარ დაითბილეთ ფეხები თბილ აბაზანაში. წყალში შეგიძლიათ დაამატოთ ბალახის ნაყენი

  • მოხერხებულად მოთავსდით. მზად ხართ? - გაიმშრალეთ ტერფები და წაისვით ნებისმიერი ცხიმიანი საცხი ისე, რომ ხელები კარგად სრიალებდნენ.

  • დაიზილეთ წრიული მოძრაობით ტერფები და ფრთხილად გაჭიმეთ ფეხის თითები.

ტერფების მასაჟი

შედეგად თქვენ მიიღებთ: კუნთების მოდუნებით გამოწვეულ გარანტირებულ სიამოვნებას. საქმე იმაშია, რომ ფეხის ტერფებში თავმოყრილია ენერგეტიკული არხები, მაგალითად, ფეხის დიდი თითი პასუხისმგებელია თავის ფუნქციაზე, შუათითი თვალების ფუნქციაზე. გარდა ამისა, ასეთი მასაჟი ხელს უწყობს სისხლის მიმოქცევის გაუმჯობესებას, პროფილაქტიკური საშუალებაა ართრიტისთვის, ხსნის დაღლილობას, დაძაბულობას და სტრესს. თან მთლიანობაში აკაჟებს სხეულს.

შეიძლება ამ ბლოგში განსაკუთრებული არაფერი დამიწერია, მაგრამ ერთ რამეში ნამდვილად დამეთანხმებით, რომ მასაჟი, სარელაქსაციო და გამაჯანსაღებელი პროცედურები აუცილებელია იმ გიჟური რეჟიმით გამოწვეული სტრესისა და დაღლილობის მოსაშორებლად და დახარჯული ენერგიის აღსადგენად, რომელიც თითოეული ჩვენგანის ყოველდღიურობაა.

მოკლედ, შესაძლებლობები ბევრია, მთავარია შენ რა გინდა ... მე გირჩევთ არ მოაკლოთ საკუთარ თავს სიამოვნება, რასაც სარელაქსაციო და გამაჯანსაღებელი მასაჟი ჰქვია. დამიჯერეთ, შედეგით ნამდვილად კმაყოფილი დარჩებით



 
ბლოგერი : თინათინ დარბაიძე
წაკითხვა : 3403
მოწონება :
გაზირება :
სხვა ბლოგები :
კომენტარები :