მოგესალმებით, სკოლის დროც მოახლოვდა, სულ რაღაც დღეებია დარჩენილი და დროა, დავიწყოთ მზადებაც. განსაკუთრებით მაშინ, თუ თქვენი პატარა პირველ კლასში შედის. ამ დროს ბავშვი ახალ გარემოში გადადის და მისთვის ეს საკმაოდ რთულია. ხშირად ადაპტაციის პერიოდი 2-3 თვემდე გრძელდება. ამის თავიდან ასაცილებლად რამდენიმე ხერხი არსებობს. რჩევების პარალელურად შემოგთავაზებთ ნივთებსაც, რომლებიც სკოლისთვის აუცილებელი, ბავშვისთვის კი სახალისო იქნება.

ნივთები, რაც ბავშვს კარგად სწავლის სტიმულს მისცემს

სასკოლო ჩანთის შერჩევა

მოგესალმებით, სკოლის დროც მოახლოვდა, სულ რაღაც დღეებია დარჩენილი და დროა, დავიწყოთ მზადებაც. განსაკუთრებით მაშინ, თუ თქვენი პატარა პირველ კლასში შედის. ამ დროს ბავშვი ახალ გარემოში გადადის და მისთვის ეს საკმაოდ რთულია. ხშირად ადაპტაციის პერიოდი 2-3 თვემდე გრძელდება. ამის თავიდან ასაცილებლად რამდენიმე ხერხი არსებობს. რჩევების პარალელურად შემოგთავაზებთ ნივთებსაც, რომლებიც სკოლისთვის აუცილებელი, ბავშვისთვის კი სახალისო იქნება.

1) როგორ ავიცილოთ პირველივე დღესვე ბავშვის ტირილი?

პირველ რიგში, დაელაპარაკეთ ბავშვს სკოლის შესახებ, რადგან მნიშვნელოვანია, რომ სკოლაში წასვლაზე სხვისგან არ გაიგოს. მოკლედ, ესაუბრეთ, რომ სკოლა აუცილებელია და იქ ბევრი საინტერესო რამ ხდება. მაგალითად: აჩუქებენ კომპიუტერს, წიგნებს. ექნებათ სპორტისა და მუსიკის გაკვეთილი, დახატავენ ბევრს და ექნებათ შესვენება, რომლის დროსაც ერთად მიირთმევენ საჭმელს. მაქსიმალურად კარგად დაუხატეთ სკოლა.

არ დაგავიწყდეთ იმის თქმაც, რომ შეიძლება, ბავშვებმა იტირონ, რადგან მათ არ იციან, რომ სკოლა კარგია. საუბარი საჭიროა, რათა შემდეგ სხვის ტირილზე არ ინერვიულოს. ამგვარი მიდგომა დაეხმარება ბავშვს, მარტივად და სწრაფად გაიაროს ადაპტაციის პერიოდი, რაც მშობლისთვისაც ძალიან კარგია, რადგან მას აღარ მოუწევს ყოველ დღე კლასის კართან დგომა. მით უმეტეს, თუ ჩანთასაც სწორად შეარჩევთ და ბავშვისთვის მისი ტარება დამღლელი არ იქნება.

ჩანთა სკოლის ერთ-ერთი ყველაზე მნიშვნელოვანი ატრიბუტია, რომელიც აუცილებლად ბავშვთან ერთად უნდა შეარჩიოთ. პირველ რიგში, ინტერესიდან გამომდინარე უნდა აირჩიოს სასურველი დიზაინით, შემდეგ ბევრი სხვა ფაქტორიც მნიშვნელოვანია. არ უყიდოთ ისეთი ჩანთა, რომელსაც მხოლოდ ერთი გადასაკიდებელი აქვს, რადგან ამგვარის ტარება იწვევს ხერხემლის დეფორმაციას. უმჯობესია, თუ ჩანთას ასევე ექნება ბევრი სათავსო.

მიუხედავად იმისა, რომ ბავშვი შეიძლება, ადამიანი-ობობიანი ან ბანტიანი ჩანთითაც გამხიარულდეს, მას მაინც სჭრიდება რამე უფრო სახალისოც. ასეთია ჩანთა “სმაილებით”, რომლის ტარებასაც შეძლებს, როცა უფრო ცოტა გაკვეთილი ექნება. ის შეგიძლიათ, იხილოთ აქ.

2) დღის სწორი რეჟიმი

ყურადღებით მოეკიდეთ ბავშვის სწავლას. ყოველთვის მიაჩვიეთ, რომ დაიძინოს ერთსა და იმავე დროს. არასდროს ეძინოს 11 საათზე ნაკლები, რადგან ეს ავნებს, როგორც მის ჯამრთელობას, ასევე - სწავლას. სასურველია, საღამო გაატაროს სუფთა ჰაერზე. ამასთანავე, ნუ შეუზღუდავთ თამაშს, რადგან ის სკოლაში სიარულით არ გაზრდილა და კვლავაც სურს გართობა. ეცადეთ, მეცადინეობაც კი ხალისიანი და საინტერესო გახადოთ.

მიაჩვიეთ წესრიგს, მაგალითად იმას, რომ მეცადინეობის შემდეგ მიალაგოს წიგნები, ძილის წინ ჩაალაგოს საჭირო ნივთები, რომ დილისთვის მზად იყოს და ა.შ. ეს შეგიმსუბუქებთ შრომას თქვენ, ხოლო ბავშვი მიეჩვევა წესრიგს. იმისთვის, რომ ხალისით აკეთებდეს ამ ყველაფერს, საჭიროა, ჰქონდეს ნივთები, რომლებიც მოტივაციას აუმაღლებენ.

3) აუცილებელი სასკოლო ნივთები

სკოლა რამდენიმე მთავარი ნივთის გარეშე წარმოუდგენელია. ასეთებია: პენალი, ფანქრები, სახაზავი, სათლელი და კიდევ ბევრი სხვა ნივთი. ზემოთ ვახსენე, რომ ბავშვს მაშინ უხარია ყველაფრის კეთება, როცა რაღაც მოტივაციას უმაღლებს, მისთვის მოტივაციის ამაღლება კი საყვარელი ნივთებით შეიძლება. როგორ უნდა გახდეს რაღაც საყვარელი ნივთი? ის ადამიანს ვიზუალურად უნდა ხიბლავდეს.

დიდხანს ვფიქრობდი, როგორი პენალი შეიძლებოდა, მოსწონებოდა პირველკლასელ ბავშვს.  ბოლოს ჩემს პატარა ნათესავს ვაჩვენე, რომელიც ახლა შედის სკოლაში და მითხრა, რომ ძალიან მოეწონა ეს რძის ბოთლის მსგავსი პენალი. რამდენჯერმე მკითხა: “ეს მართლა ფანქრების ჩანთაა?!” ბავშვებს სწორედ ასეთი ორიგინალური ნივთები იზიდავთ. ასევე, შეგიძლიათ, ამ ლინკზე ნახოთ პენალი, რომელსაც რამდენიმე სათავსო და პატარა დაფაც აქვს.

სათლელი, რომლის ჩაკბეჩაც ნებისმიერ ადამიანს მოუნდება. აუხსენით ბავშვს, რომ ის არ იჭმევა. 4 ფილა შესანიშნავად იტევს ფანქრის ნათალებს. ბავშვს თავისუფლად შეუძლია, მოაწესრიგოს თავისი ფანქრები.

სახაზავი,  რომელიც დაეხმარება თქვენ პატარას, მიეჩვიოს სწორი ხაზების გავლებას, ასევე უნიკალურ თვისებასაც ავლენს. მისი დახმარებით ბავშვი ისწავლის სხვადასხვა რამის ხატვას. მაგალითად: მზე, ვარსკვლავები, მთვარე, პარაშუტი, ჩიტები და ა.შ.

4) ბავშვის სუსტი მხარეები

ეცადეთ, ბავშვი სამეცადინოდ ერთსა და იმავე დროს დასვათ. არ არის საჭირო, გადაბმულად და საათობით ამეცადინოთ. ყოველ 30 წუთში გააკეთეთ 10-წუთიანი შესვენება. ასწავლეთ დამოუკიდებლად მოქმედება, თუმცა, ნურც დახმარებაზე ეტყვით უარს. თუ რამეს ვერ იგებს, საკითხი გადადეთ, სხვა რამე ამეცადინეთ და გაუგებარი თემა შემდეგ აუხსენით. ეცადეთ, განტვირთოთ ხოლმე, მაგალითად იმით, რომ ჰკითხოთ სკოლის ამბების შესახებ. ყოველთვის მოუსმინეთ. ნუ ეტყვით, რომ არ გაინტერესებთ.

არასოდეს ისაუბროთ ცუდად მასწავლებლებზე ბავშვის თანდასწრებით. სწორედ მასწავლებლის ავტორიტეტზეა დამოკიდებული, თუ როგორ ისაწვლის თქვენი შვილი სამომავლოდ. ჰკითხეთ მასწავლებლებსაც, თუ რა უჭირს ბავშვს და რაშია სუსტი, რომ შემდეგ ამის გამოსწორებაზე იმუშაოთ. აუცილებლად მიაქციეთ ყურადღება, როგორ წერს ბავშვი, უფრო ზუსტად, როგორ უჭირავს კალამი. ეს იმისთვისაა საჭირო, რომ არ მიეჩვიოს ცუდად წერას.

5) ნივთი, რომელიც ბავშვებს ყველაზე ხშირად უფუჭდებათ

ხშირად გამიგია წუწუნი იმის შესახებ, რომ ბავშვებს ძალიან ხშირად უფუჭდებათ კალმები. ამის მიზეზი ხშირად არასწორად შერჩეული კალამია. ან ის, რომ ბავშვი არასწორად მოიხმარს კალამს და ეს იწვევს მის გაფუჭებას. რაც შეეხება კალამს, ეცადეთ, რომ ეს იყოს მსუბუქი და წვრილი, როგორიცაა ამ ლინკზე. არსებობს ასევე კალამზე ან ფანქარზე დასამაგრებელი რეზინი, რომელიც შეგიძლიათ იხილოთ აქ, და რომელიც მოხსნის პრობლემას წერასთან დაკავშირებით. ის დაეხმარება ბავშვს, სწორად დაიჭიროს კალამი ან ფანქარი და აგრეთვე, თავიდან ააცილებს თითების ტკენას.

ეს იყო რჩევები, რაც დაგეხმარებათ თქვენც და ბავშვსაც სკოლასთან ადაპტაციის პროცესში. საქმე თქვენთვისაც გამარტივდება, რადგან აღარ მოგიწევთ ბავშვისთვის ყოველდღიური ახსნა, თუ როგორი მნიშვნელოვანია სწავლა.

ყოველთვის ეცადეთ, თქვენს პატარას შეუქმნათ საფუძველი იმისთვის, რომ ის ფსიქოლოგიურად შემდგარი პიროვნება გახდეს. ამისთვის აუცილებელია მოსმენა, მხარდაჭერა და სახალისო ნივთებით აღჭურვა თავიდანვე, რათა ახალ გამოცდილებებს სიხარულით შეეგებოს.

თქვენ რას გვეტყვით? როგორ ამზადებთ ბავშვს სასკოლოდ? უკვე შეურჩიეთ სახალისო ნითები, რაც სწავლას გაუმარტივებს?