ყველაზე ორიგინალური და გამოსადეგი აქსესუარები, რომლებიც მაქსიმალურად კომფორტულს გახდის თქვენს მანქანას

დღესდღეობით საქართველოში ავტომობილი გადადგილების მთავარ საშუალებას წარმოადგენს. თუ როგორ გავხადოთ გადაადგილება საინტერესო და უფრო სასიამოვნო, ამას დღევანდელი სტატიიდან გაიგებთ. მინდა შემოგთავაზოთ ყველაზე ორიგინალური და გამოსადეგი აქსესუარები, რომლებიც მაქსიმალურად კომფორტულს გახდის თქვენს მანქანას.

ჰოლოგრამული ფირის საშუალებით თქვენი მანქანა სრულიად ახალ იერს შეიძენს. ჰოლოგრამული ფირით ავტომობილის ექსტერიერის სრულიად დაფარვა საკმაოდ ძვირი სიამოვნებაა, და შესაძლოა ბოლომდე ლეგალური არც იყოს. უმჯობესია, დასაწყისისთვის მცირე რაოდენობის შეფუთვას თუ შეუკვეთთ და მისი საშუალებით სხვადასხვა ზოლითა და ფიგურით გააფორმებთ თქვენს ავტოს.

გზაზე სხვადასხვა მანევრის შესრულებისას სარკეებს განსაკუთრებული მნიშვნელობა აქვს, რამდენიმე დამატებითი სარკე კი ავტომობილის მართვას კიდევ უფრო გაგიადვილებთ. გთავაზობთ, გადახედოთ ჩამოთვლილ მოდელებს: Universal 4.5x2 Large Mirror, 360 Wide Angle Convex Rear Side View, 2 Adjustable Blind Spot Mirrors.

პროექტორული სიჩქარის მაჩვენებელი გადაადგილებისას სიჩქარისა და სხვა დამატებით მაჩვენებლებს პირდაპირ საქარე მინაზე ასახავს. ეს მოწყობილობა ავტომობილის მართვას სულ სხვა ელფერს შესძენს.

ორიგინალური ვიდეორეგისტრატორი - მანქანის სალონში არსებული მთავარი სარკე შეგიძლიათ საკმაოდ მძლავრ ვიდეორეგისტრატორად გადააკეთოთ და ამით ახალი სიცოცხლე მიანიჭოთ თქვენს ავტომობილს.

·         ეკრანი - 6.86 დიუმი, Full HD

·         ერთდროულად ავტომობილის წინა და უკანა ხედვის ჩაწერა

·         რეალური 1400 ხედვის კუთხე და 1080p ხარისხის ვიდეოს ჩაწერა და ფოტოს გადაღება

·         პარკირების ფუნქცია

·         გადაადგილებისას დამხმარე სისტემა (ADAS – advanced driver-assistance system)

·         აღჭურვილია Wi-Fi ანტენით და FM რადიო მიმღებით

·         მუშაობს ანდროიდ 4,4 სისტემაზე, შიდა მეხსიერება RAM 1GB+ROM 16 GB

·         ხელის ერთი მოძრაობით ძილის რეჟიმზე გადაყვანა და ჩვეულებირივ სარკედ გამოყენება.

საჭეზე დასამაგრებელი მინი მაგიდა მათთვისაა განკუთნული, ვისაც, პრაქტიკულად, მანქანაში უწევს  ცხოვრება.

Wi-Fi როუტერის მეშვეობით შეგიძლიათ თქვენი ავტომობილი უკაბელო ინტერნეტით აღჭურვოთ. ამისთვის საკმარისია, ჩადოთ სიმ-ბარათი როუტერში და კვების წყაროში შეაერთოთ. მაღალი სიჩქარის 4G ინტერნეტი მყისიერად გაეშვება თქვენს მანქანაში.

წყალგაუმტარი საბარგული - ყოველთვის, როცა მთელი ოჯახით ქალაქგარეთ გასვლას გეგმავთ, მანქანაში ადგილის პრობლემა იქმნება. სახურავზე დასამაგრებელი საკმაოდ დიდი მოცულობის მქონე საბარგული კი ამას მოგიგვარებთ.

თუ გსურთ, მანქანის სალონში მუდმივად წესრიგი იყოს და სასურველი დოკუმენტები ყოველთვის ხელთ გქონდეთ, მაშინ ორგანაიზერი სწორედ თქვენთვისაა.

ტელეფონის დამჭერი დატენვის ფუნქციით - თანამედროვე სმარტფონები მუშაობის მაღალი ავტონომიურობით ნაკლებად გამოირჩევიან, შესაბამისად, დამტენი ნებისმიერ მანქანაში შეუცვლელი აქსესუარია.

დამცავი ბადე ძაღლის სასეირნოდ - ძაღლებს მანქანის ფანჯრიდან თავის გამოყოფა ძალიან უყვართ, ეს კი საკმაოდ საშიშია. თქვენი მანქანის მინაზე ბადის დაყენების შემთხვევაში კი პრობლემა სრულიად გადაიჭრება.

შტორები ფანჯრებისთვის მინების გამუქების საუკეთესო ალტერნატივაა. ისინი მარტივად მაგრდება და იხსნება.

განწყობის შესაქმნელად გირჩევთ საზურგეებზე დასამაგრებელი მხიარული 3D ბალიშები შეიძინოთ.

დისკებისთვის უჩვეულო სამაგრების დამაგრების შემდეგ თქვენი ავტომობილი გზებზე ყოველთვის ყურადღების ცენტრში იქნება.

220 ვოლტზე გადასაყვანი ინვერტორის შეძენის შემთხვევაში მხოლოდ სტანდარტულ 12 V-ზე აღარ იქნებით დამოკიდებული და მანქანის ენერგიის გამოყენებას სრულფასოვნად შეძლებთ.

გარეგანი გაფორმებისთვის შეგიძლიათ უამრავი სტილის 3D სტიკერი გამოიყენოთ, დაწყებული მცირე შავ-თეთრი ფიგურიდან, დიდი და ფერადი ნახატით დამთავრებული. შეგიძლიათ, გადახედოთ შემდეგ მოდელებს: „ მომზირალი თვალები“, „ობობა“, „ნატყვიარი“, და დასაკრობი ასოები.