როგორ შევიძინო?

ავტორიზაცია

ყველა კატეგორია

რა ვაჩუქო?
აქსესუარები სილამაზე და კოსმეტიკა საჩუქარი ბავშვებისთვის დეკორი სხვადასხვა
ავტო ნაწილები ბავშვებისათვის ვიდეო თამაშები & კონსოლები ზოო პროდუქცია კომპიუტერული ტექნიკა მობილური ტელეფონები & აქსესუარები მუსიკა მუსიკალური ინსტრუმენტები საათები სათამაშოები & ჰობი
ასაწყობი სათამაშოები ბურთები, ფრიზბი & ბუმერანგები გამჭვირვალე & ფერადი ბურთულები დრონები თამაშები კლასიკური სათამაშოები მანქანები, თვითმფრინავები, გემები & ძრავები მატარებლები მოდელები & კომპლექტი მოქმედებითი / მოძრავი მცირე წლოვნებისთვის რობოტები, მონსტრები, კოსმოსური მხეცები საბავშვო დისტანციური მანქანები საბავშვო სატერფულიანი მანქანები საბითუმო გაყიდვები საგანმანათლებლო სათამაშო ჯარისკაცები საპნის ბუშტები სატელევიზიო & ფილმის პერსონაჟები სწრაფი კვების სათამაშოები ფაზლები, თავსატეხები, რუბიკის კუბები ფუმფულა / ბეწვის სათამაშოები ცნობილი ცხოველები ძველებური & ანტიკვარული სათამაშოები საბითუმო გაყიდვები
სამკაულები სამომხმარებლო ელექტროტექნიკა სახლი და ეზო სპორტული საქონელი ტანსაცმელი, ფეხსაცმელი და აქსესუარები ფოტო და ვიდეო კამერები წიგნები ჯანმრთელობა და სილამაზე

გადაიღეთ ყველგან და ყოველთვის: კამერა GoPro და მისი აქსესუარები

გიორგი
6726

წაკითხვა

მოწონება

ბლოგერი : გიორგი

GOPro კამერები, კამერების აქსესუარები,

ნაწყვეტი ისტორიიდან

GoPro – ბოლო წლების ერთ-ერთი ყველაზე წარმატებული გამოგონება, რომელმაც მრავალი ადამიანის გული დაიპყრო, ფოტოაპარატი, რომელიც გამორჩეული აქსესუარი გახდა არამარტო სპორტსმენებისა და ექსტრემალებისთვის, არამედ - ჩვეულებრივი ადამიანებისთვისაც. ამ ბლოგში მოკლედ შევეხებით მისი შექმნის ისტორიას და ვისაუბრებთ ბოლოს გამოცემულ ფოტოკამერებზე, ასევე, მათ ზოგიერთ აქსესუარზე.

რა ვიცით GoPro–ს შესახებ? მისი ისტორია 2002 წელს იდგამს ფეხს, როცა GoPro-ს დამფუძნებელმა, ნიკ ვუდმანმა პირველი პროტოტიპების შექმნა დაიწყო. იმ წელს, როცა ნიკი ავსტრალიაში იყო და სერფინგით ნებივრობდა, სურვილი გაუჩნდა, ეს ფირზე აღებეჭდა, თანაც - ახლო კადრებით. მაგრამ ეს შეუძლებელი იყო: არ არსებობდა იმდენად მოსახერხებელი ფოტოაპარატი თუ კამერა, რომელსაც სერფინგით თუ სხვა ექსტრემალური სპორტით დაკავებული ადამიანი თან იქონიებდა.

სწორედ ასე დაიბადა Action Camera–ს შექმნის იდეა. როგორც თვითონ ვუდმანმა თქვა, მან ეს საქმე 10 000$–ით წამოიწყო და 2004 წელს პირველი პატარა ზომის კამერაც გამოჩნდა – A 35mm. მისი ფასი 30$ იყო და კომპანიამ 350 000$–ის მოგება ნახა. დღეს კი GoPro ცნობილი ბრენდია, რომელმაც ბაზარზე მყარად მოიკიდა ფეხი.დღეს ვისაუბრებთ ბოლო მოდელებზე: GoPro Hero, GoPro Hero 5, GoPro Hero 6, და GoPro Fusion.

1) GoPro Hero

აპარატის სანახავად ნახეთ ლინკი.

ეს მოდელი დიზაინით ძალიან გავს GoPro Hero 5 და GoPro Hero 6-ს. სხვა მოდელების მსგავსად, ის 10 მეტრის სიღრმეში უპრობლემოდ მუშაობს. Hero–ს ორი ღილაკი აქვს და მისი კონტროლი ძირითადად სენსორული ეკრანით ხდება. კამერას აქვს USB და HDMI შესაერთებელი, ასევე, Wi-Fi და Bluetooth მხარდაჭერა, რის გამოც პრაქტიკულია გამოსაყენებლად. მას 10-მეგაპიქსელიანი ლინზები აქვს და 1080p ხარისხის ვიდეოს და სურათებს იღებს. თუმცა მას არ შეუძლია 4K ხარისხის ფოტოს გადაღება, მაგრამ დამწყებთათვის ესეც საკმარისია ხოლმე.

2) GoPro Hero 5

GoPro-ს ეს მოდელი ახალი სიტყვაა ამ კომპანიის ისტორიაში, რადგან Hero 4-ის შემდეგ კამერის ზომა დაპატარავდა, მაგრამ Hero 5 უფრო განიერი და მძიმეა. კამერას მართკუთხედის ფორმა აქვს, თუმცა, მომრგვალებული კუთხეების გამო ხელში კომფორტულად შეგიძლიათ მისი დაჭერა. Hero 5 წინამორბედის მსგავსად, სპეციალური დამცავის გარეშე წყალქვეშ 10 მეტრის სიღრმეში ძლებს. ამას გარდა, Wi-Fi და Bluetooth მხარდაჭერაც აქვს.

ეს მოდელი ძალიან გამძლეა, რადგან დავარდნისას უმალ არ იმსხვრევა, პრინციპში, ეს მოსალოდნელიც კია სპორტული ფოტოაპარატისგან. მასში მოთავსებულია 1 220 mAh სიმძლავრის ბატარეა, რის გამოც დიდი ხანი მუშაობს, ხოლო დამუხტვას დიდი დრო არ სჭირდება. წინამორბედებისგან გასხვავებით, Hero 5-ს 12-მეგაპიქსელიანი ლინზები აქვს და 4K ხარისხის სურათებს იღებს. მისი ახალი ფუნქციის (Linear-View) წყალობით პანორამული სურათების გადაღებისას ხარისხი არ იკარგება.

3) GoPro Hero 6

კამერა ნახეთ აქ.

იგი ძალიან ჰგავს Hero 5-ს, თან იმდენად, რომ ადვილად შეიძლება, ერთმანეთში აგერიოთ. მათ შორის მსგავსებაა როგორც დიზაინში, ისე - ფუნქციებშიც. თუმცა Hero 6 წინამორბედის გაუმჯობესებული ვარიანტია. იგი აღჭურვილია GP1 პროცესორით, რაც Hero 5-თან შედარებით დიდ უპირატესობას აძლევს, რადგან ბრძანებებს უფრო სწრაფად ასრულებს. ასევე, Hero 6-ს აქვს 4K+ მხარდაჭერა, რაც იმას ნიშნავს, რომ ბევრად ხარისხიან სურათებს და ვიდეოებს იღებს, ვიდრე - Hero 5.

4) GoPro Fusion

ამ მოდელს წინამორბედებისგან პირველ რიგში, დიზაინი განასხვავებს. მაგრამ, დამატებითი სხვაობა ფუნქციებში ვლინდება. მაგალითად, GoPro Fusion-ს 18-მეგაპიქსელიანი ლინზა აქვს, რაც საშუალებას გაძლევთ, 5.2K ხარისხის სურათი და ვიდეო გადაიღოთ. წინამორბედებისგან განსხვავებით, მას არ გააჩნია სენსორული ეკრანი, მხოლოდ მცირე ზომის დისპლეი აქვს, რომელიც აპარატზე გარკვეულ ინფორმაციას გვაძლევს. თუმცა ორივე მხარეს თითო ლინზაა და ამიტომაც, 360 გრადუსით შეუძლია გადაღება.

ეს შთამბეჭდავი ფუნქციები და შესაძლებლობები მსხვერპლს მოითხოვს. Fusion-ის გამოყენება შეგიძლიათ დაახლოებით 10 წუთამდე, ან - ცოტა მეტი. შემდეგ კამერა ხურდება და ცოტა ხნით უნდა დაასვენოთ. ასევე, წყალქვეშ მხოლოდ 5 მეტრამდე სიღრმეში ძლებს და სურათებს იმდენად მაღალი ხარისხით იღებს, რომ 32GB მეხსიერების ბარათს მალევე გაგივსებთ. მაგრამ ამ ყველაფრის მიუხედავად ის GoPro-ს ერთ-ერთი გამორჩეული ქმნილებაა.

აპარატის აქსესუარები

ორიოდე სიტყვით აქსესუარებსაც შევეხოთ. GoPro-ს კამერებისთვის ბევრი აქსესუარი შეიქმნა, მაგრამ ამ ბლოგში ზოგიერთ მათგანზე და მათ ფუნქციებზე ვისაუბრებთ, რადგან ყველა მათგანს ერთ ბლოგში უბრალოდ, ვერ ჩავატევთ. ამიტომ, ყველაზე ფართოდ გავრცელებული 3 აქსესუარი შევარჩიე.

1) ჯოხი კამერისთვის

კამერისთვის არსებობს სპეციალური ჯოხი REMOVU S1 3-Axis, რომლის გამოყენება წვიმიან ამინდშიც შეგიძლიათ, რადგან თუ დაგისველდათ, გაფუჭების არ შეგეშინდებათ. ეს არის ერთგვარი სელფის ჯოხი, რომელიც თავსებადია ბლოგში მოცემულ ყველა კამერასთან. ჯოხს მინი დისპლეი აქვს, რისი დახმარებითაც ადვილად შეგიძლიათ კამერის მართვა. ასევე, მოჰყვება ქეისი, სატენი და დამატებითი აქსესუარები, რაც აუცილებელია მის გამოსაყენებლად.

2) კამერის სამაგრი

სამაგრი შეგიძლიათ, ნახოთ აქ.

თუ ბუნებაში გახვედით და გსურთ, ყველაფერი ფირზე აღბეჭდოთ, აღარ მოგიწევთ იმაზე ფიქრი, როგორ და რაზე დაამაგროთ კამერა. სპეციალური კამერის სამაგრი, რომლის „საცეცების“ სიგრძე 30 სმ-მდე აღწევს, ადვილად მაგრდება ხეზე თუ სხვა ზედაპირზე და საშუალებას გაძლევთ, კამერას სასურველი მიმართულება მისცეთ. სამაგრის მოძრავი თავის წყალობით, თქვენ შეგიძლიათ, ის 360 გრადუსით მოატრიალოთ.

3) ვაკუუმის სამაგრი

თუ ექსტრემალურ კამერებზე ვსაუბრობთ, გვერდს ვერ ავუვლით ვაკუუმის სამაგრს, რომლის დამაგრებაც ავტომობილში თუ მოტოციკლზე შეგიძლიათ. სამაგრი საიმედოდ იჭერს კამერას და რა სიჩქარითაც უნდა იმოძრაოთ, თუ რაიმეს არ წამოედო, არავითარ შემთხვევაში არ ჩამოვარდება.

ასე რომ, GoPro-ს კამერები ღირსეულ ადგილს იკავებს თანამედროვე ცხოვრებაში. მართალია, მათი შეძენა ზოგისთვის შეიძლება, ძვირი სიამოვნება იყოს, მაგრამ თუ ერთხელ მაინც დაიჭერთ ხელში, ის უსათუოდ შეგიყვარდებათ. ორიოდე სიტყვით აქსესუარებზეც ვისაუბრე, მაგრამ როგორც ვთქვი, შეუძლებელია, ყველა აქსესუარს ერთ ბლოგში მოუყარო თავი. ძვირფასო მკითხველო, თქვენ რომელ აქსესუარებს ანიჭებთ უპირატესობას და რატოს? ხომ არ გაგვიზიარებდით თქვენს მოსაზრებებს?

ბლოგერი : გიორგი
წაკითხვა : 6726
მოწონება :
გაზირება :
სხვა ბლოგები :
კომენტარები :