მოახლოვდა ის პერიოდი, როდესაც ცხელი დღეები სასიამოვნო სულაც აღარ არის

უკვე დადგა ზაფხული და მოახლოვდა ის პერიოდი, როდესაც ცხელი დღეები სასიამოვნო სულაც აღარ არის. როცა თერმომეტრი 300+ აჩვენებს, გვინდა არ გვინდა საკუთარი თავისა და ჩვენს ირგვლივ არსებული გარემოს გაგრილებაზე ფიქრს ვიწყებთ. დღეს რამოდენიმე მოწყობილობა შეგირჩიეთ, რომელიც ზაფხულის სიცხის გადატანაში დაგეხმარებათ და თავს უფრო კომფორტულად გაგრძნობინებთ.

პირველი ალბათ რაც გაგრილებაზე გვახსენდება არის კონდიციონერი, რომელიც ალბათ საუკეთესო გამოსავალია ამ სიტუაციიდან. შეგახსენებთ, რომ კონდიციონერებზე ჩვენი ონლაინ მაღაზია საკმაოდ ხელსაყრელ ფასებს გთავაზობთ. თუ შეძენას გადაწყვეტთ გირჩევთ ჯერ ამ სტატიას გაეცნოთ – 5 ნაბიჯი კონდიციონერის სწორად შესარჩევად.

თუმცა, არის მომენტები როდესაც კონდიციონერი სრულ გაგრილებას ვერ უზრუნველყოფს. მაგალითად, სახლის გარეთ, როდესაც ქუჩაში ვმოძრაობთ ან სალაშქროდ მივდივართ. ამ შემთხვევაში უფრო კომპაქტური მოწყობილობა გვჭირდება.

სწორედ ასეთი მოსახერხებელი გაჯეტია ტელეფონზე ან პლანშეტზე შესაერთებელი მინი ვენტილატორი, რომელიც ძალიან მცირე ენერგიას მოიხმარს და ძვირიც არ ღირს. თუმცა გაითვალისწინეთ, მოწყობილობამ მუშაობა რომ შეძლოს, მხოლოდ ანდროიდ სმარტფონის შემთხვევაში, თქვენს ტელეფონს უნდა გააჩნდეს OTG ფუნქცია.

დროის უმეტეს ნაწილს ტელეფონების გარდა პერსონალურ კომპიუტერებთან და ლეპტოპებთანაც ვატარებთ. არ აქვს მნიშვნელობა უბრალოდ ვერთობით თუ ვმუშაობთ ცივი გონება და გაგრილება ამ შემთხვევაშიც აუცილებელია. გირჩევთ სპეციალურად კომპიუტერისთვის განკუთვნილი მინი ვენტილატორიც ხელს გააყოლოთ, რომელსაც USB პორტის საშუალებით დაუკავშირებთ. აგრეთვე არსებობს განათებისა და საათის ან თერმომეტრის ფუნქციით აღჭურვილი ვენტილატორებიც.

მოგეხსენებათ, თანამედროვე ლეპტოპებს რამოდენიმე USB პორტი გააჩნია თუ ერთის ნაცვლად ორ მინი ვენტილიატორს გამოიყენებთ, დამიჯერეთ, სრულიად დაგავიწყდებათ სიცხესთან დაკავშირებული პრობლემები.

გაგრილებასთან ერთად თუ ჰაერის დატენიანებაც გსურთ, მაშინ საუკეთესო ვარიანტი იქნება ხელის ვენტილატორი 2/1-ში, რომელიც პორტატულია და იტენება ჩვეულებრივი ტელეფონის დამტენით. გააჩნია სამი რეჟიმი: 1. მხოლოდ ვენტილაცია (7 საათი მუშაობს), 2. მხოლოდ დატენიანება (5 საათი მუშაობს) და 3. ვენტილაცია და დატენიანება ერთად (3 საათი მუშაობს).

ამ კონსტრუქციის მქონე მოწყობილობის რამოდენიმე ვარიაცია არსებობს, შეგიძლიათ სხვა მოდელებსაც გადახედოთ: Cooling Mist Fan 1, Cooling Mist Fan 2, Cooling Mist Fan 3.

ჰაერის გაგრილებასთან ერთად მნიშვნელოვანია საკვები პროდუქტებისა და სასმელების გაციებაც. ამაში მინი მაცივარი დაგეხმარებათ, რომელიც შეგიძლიათ მანქანაში დადგათ ან ლაშქრობაში წაიღოთ.

მზის ქვეშ ადამიანი ძალიან ბევრ სითხეს კარგავს, რაც შეიძლება უარყოფითად აისახოს მის ჯამრთელობაზე განსაკუთრებით კი ფიზიკური აქტივობისას. ამისთვის აუცილებელია ხელთ ყოველთვის გქონდეთ წყლის მარაგი და არა მხოლოდ, ასეთ დროს სასარგებლო ვიტამინებიც მნიშვნელოვანია. ამისთვის გთავაზობთ იდეალურ გამოსავალს — საკმაოდ მიმზიდველი დიზაინის მქონე ბოთლ-შეიკერს , რომელსაც ფსკერზე წვენსაწური აქვს დამაგრებული. თქვენ მხოლოდ ერთხელ ათავსებთ მასში ხილს და შემდეგ მთელი დღის განმავლობაში სასიამოვნო არომატისა და გემოს მქონე წყლის მარაგი გარანტირებული გაქვთ.

ზაფხულს ყოველთვის თან ახლავს კოღოებისა და სხვადასხვა მწერების გააქტიურებაც. ერთი შეხედვით რთულია ამ პრობლემას სერიოზულად შეხედო, თუმცა ძალიან ბევრისთვის საღამოობით კოღოების გამაყრუებელი ბზუილი შესაძლოა საკმაოდ აუტანელი იყოს. ამ შემთხვევაში დროს კომფორტულად გაგატარებინებთ სპეციალური კოღოების სასრუტი დანადგარი, რომელიც სრულიად უსაფრთხოა ჯამრთელობისთვის და მანათობელ ელექტრო სპირალზე გაცილებით ეფექტურია.