ნივთის შეძენა ისეთივე მარტივია როგორც 1,2,3
1. გაიარეთ საიტზე რეგისტრაცია
2. ჩაირიცხეთ თანხა თქვენს პროფილზე
3. დააჭირეთ ღილაკს “ყიდვა”
სხვა დანარჩენი ჩვენ მოგვანდეთ
თანხის ჩარიცხვა შესაძლებელია
Visa, Mastercard, American Express
-თანხის ჩასარიცხად საიტის პროფილიდან გადადით ბალანსის გვერდზე
-დააკლიკეთ ღილაკს "ბალანსის შევსება"
-შეიყვანეთ ბარათის მონაცემები
-დადასტურების შემდეგ თანხა ავტომატურად ჩაგერიცხებათ
Express Pay, TBC Pay, PayBox
-თანხის ჩასარიცხად გადახდებში იპოვეთ ჩვენი ლოგო
-ჩაწერეთ თქვენი ტელეფონის ნომერი, რომლითაც დარეგისტრირდით ჩვენს საიტზე
-ეკრანზე დაინახავთ თქვენს სახელს, გვარსა და ბალანსს
-შეიტანეთ სასურველი თანხა
-დადასტურებიდან რამდენიმე წამში თქვენს პროფილზე აისახება ჩარიცხული თანხა
თიბისი ბანკი
- გადადით კომუნალურ გადახდებში
- აირჩიეთ "გადახდის დამატება"
- აირჩიეთ "ამანათები და ფოსტა"
- აირჩიეთ "Ebaygeorgia"
- შეიყვანეთ მობილურის ნომერი რომლითაც დარეგისტრირებული ხართ ჩვენს საიტზე
საქართველოს ბანკი
- გადადით გადახდებში
- აირჩიეთ "გადახდის დამატება", (მობილური აპლიკაციის სარგებლობის შემთხვევაში "შაბლონის შექმნა")
- აირჩიეთ "სხვა გადახდები"
- აირჩიეთ "ამანათები და ფოსტა"
- დაამატეთ "EBG"
- შეიყვანეთ მობილურის ნომერი, რომლითაც დარეგისტრირებული ხართ ჩვენს საიტზე
↪ სად მივიღებ ამანათს?
გამოწერილი ამანათის გატანას შეძლებთ საქართველოს მასშტაბით 40-ზე მეტი ფილიალიდან
*სასურველ ფილიალს აირჩევთ ყიდვის დროს.
*ამ ეტაპზე გამოწერილი ამანათების სახლში მიწოდების სერვისი არ გვაქვს.
↪ როგორ ჩავრიცხო თანხა?
გიყვართ ჯომარდობა?
წაკითხვა
მოწონება
გრანდ კანიონი, ფშავის არაგვი, მთიულეთის არაგვი, რიონი, უწერა ან თუნდაც მტკვარი, ეს იმ ადგილების ჩამონათვალია, სადაც შეგიძლიათ გასაბერი ნავით გაცუროთ. ვისაც მეტ ნაკლებად გიზიდავთ ექსტრიმი ან უბრალოდ დროის სასიამოვნოდ გატარება გსურთ, შეგიძლიათ ნაოსნობის ხელოვნებას ეზიაროთ. ნაოსნობა ძალიან მიმზიდველი და ამავე დროს სარისკო გართობაა, ამიტომ თუ გვინდა, რომ სიამოვნება არ ჩავიმწაროთ, რამოდენიმე ფაქტორი უნდა გავითვალისწინოთ. მაგალითად, რომელ მდინარეში გვინდა გავცუროთ, რამდენად სწრაფი დინებაა და რამდენად ხშირად გადავეყრებით ლოდებს. თუმცა საჭირო წვრთნის, აღჭურვილობის და ადგილის შერჩევის შემდეგ, ეს საქმე უფრო მეტ სიამოვნებას მოგანიჭებთ. შეიძლება ფიქრობთ, რომ ცურვა თუ არ იცით მდინარეზეც არაფერი გესაქმებათ, მაგრამ ალბათ გაგაკვირვებთ იმის გაგება, რომ ნაოსნობით ხშირად ისინი არიან დაკავებულნი, ვინც ცურვასთან არ მეგობრობს. ალბათ იკითხავთ: „ ეს როგორ?“. ძალიან მნიშვნელოვანია შევარჩიოთ უსაფრთხო ადგილი და გვქონდეს სათანადო აღჭურვილობა. თუ დამწყები ხართ ან უბრალოდ გსურთ ნაოსნობამ სიამოვნება მოგანიჭოთ, მაშინ ექსტრემალური შეგრძნებების დევნა გვერდზე უნდა გადადოთ. უბრალოდ შეეცადეთ ნაოსნობისგან სიამოვნება მიიღოთ. მას შემდეგ, რაც ადგილს შეარჩევთ, მოიფიქრეთ ვინ გაგიწევთ საუკეთესო გიდობას. მოძებნეთ ისეთი ადამიანი, ვინც მინიმუმ თქვენზე უკეთ იცის ნაოსნობა და იცნობს ადგილს სადაც ნავით ცურვას აპირებთ. სთხოვეთ მას მდინარეში გასვლამდე მცირეოდენი ინსტრუქტაჟი ჩაგიტაროთ და გაგანათლოთ ამ სფეროში. თუ უკვე იპოვეთ შესაფერისი პიროვნება, მაშინ დროა ნავზე და სხვა დეტალებზე დაიწყოთ ფიქრი.
არააქ მნიშვნელობა პროფესიონალი ხართ თუ ახალბედა, ნებისმიერს შეუძლია ნაოსნობა დაუვიწყარ მოგონებად აქციოს, თუკი ყველაფერს სწორად დაგეგმავს და შეძლებისდაგვარად ყველა დეტალს გაითვალისწინებს. მაშ ასე, საიდან დავიწყოთ? მოდი, ვისაუბროთ უსაფრთხოების ზოგად წესებზე. დასაწყისშივე ვთქვათ, რომ ხარისხიანი აღჭურვილობის შეძენას დიდი მნიშვნელობა აქვს. შეარჩიეთ ხარისხიანი გასაბერი ნავი, რომელსაც ნიჩბები წესრიგში აქვს და არსად არაა გახვრეტილი. ჯობია იგი მდინარეში გასვლამდე გაბეროთ და დარწმუნდეთ, რომ ყველაფერი წესრიგშია. დამიჯერეთ, შუაგულ წყალში ასეთი სიურპრიზი ნამდვილად არ გაგახარებთ! შეარჩიეთ ხარისხიანი სამაშველო ჟილეტი და მუდამ ტანთ გეცვათ. თუმცა ჟილეტი გაცვიათ, სულაც არ ნიშნავს, რომ ბოლომდე დაცული ხართ. რას ვგულისხმობთ? მიაქციეთ ყურადღება, რომ სამაგრები შეკრული გქონდეთ და ჟილეტი ტანზე კარგად გქონდეთ შემოჭერილი. თუმცა მთლად ისეც არ უნდა გადაუჭიროთ, რომ სუნთქვა შეგეკრათ. მაგრამ არც ის გვინდა, რომ თუ უეცრად წყალში აღმოვჩნდით, ჟილეტი გაგვძვრეს.
სასურველია და ზოგ შემთხვევაში აუცილებელიც კი, რომ თავზე ჩაფხუტი გვეხუროს, რომელიც ჟილეტის მსგავსად საიმედოდ იქნება დაფიქსირებული ჩვენს თავზე. რატომ? თქვენს პატარას ველოსიპედით სეირნობის ნებას თუ მისცემდით, განა არ იზრუნებდით, რომ ყოველი შემთხვევისთვის თავი დაცული ჰქონოდა? იგივეს თქმა შეიძლება ჩვენზეც, ჯომარდობისას ჩაფხუტი შეუცვლელი ატრიბუტია. იქნებ ადრე გაზაფხულზე გეგმავთ წასვლას? მაშინ ჯობია ამიდნის შესაფერისად ჩაიცვათ. გამომდინარე იქიდან, რომ წელიწადის ამ დროს ჯერ კიდევ ცივა, აჯობებს წყალგაუმტარი ზედა და ქვედა სამოსი გეცვათ. დახურული ფეხსაცმელიც დიდ სამსახურს გაგიწევთ. მაგრამ თუ ზაფხულის პაპანაქებაში გადაწყვიტეთ წასვლა, ეს ნივთები ალბათ ნაკლებად დაგჭირდებათ. კარგი იქნება თუ პოლიპროფილენისგან დამზადებული ზედა გეცმევათ, რადგან დასველების შემთხვევაში ადვილად გაშრება და თავს კომფორტულად გაგრძნობინებთ. აუცილებლად გაიკეთეთ მზის სათვალეები, თანაც ისეთი, რომელიც მოძრაობისას თვალებიდან არ მოგძვრებათ. ჯომარდობისას აუცილებლად დაიზაგრებით, ამიტომ ზედმეტ დამწვრობას თავი რომ აარიდოთ, მზისგან დამცავი ლოსიონი დაგჭირდებათ. თუ ამ მომენტის ფირზე აღბეჭდვა გინდათ, მაშინ ჯობია წყალგაუმტარი კამერის შეძენაზე იფიქროთ, რომელიც ჩაფხუტზე მაგრდება. შემდეგ შეგიძლიათ სახლში ჩაუჯდეთ და კიდევ ერთხელ გაიხსენოთ ნაოსნობისას განცდილი სასიამოვნო წუთები. მნიშვნელოვანია ვიცოდეთ ნიჩაბის სწორად დაჭერა. ერთი ხელი ნიჩბის თავს მოჰკიდეთ და მეორე აუცილებლად ნიჩბის ბოლოში. გაითვალისწინეთ, რომ თუ ნიჩაბს ერთ ხელს გაუშვებთ, ადვილად შეიძლება ან თვალი ჩაგილურჯოთ ან რამოდენიმე კბილი დაგაკლოთ. ასე რომ, მტკიცედ ჩასჭიდეთ მას ხელი!
მოდი ეხლა ყველაზე ცუდი სცენარი წარმოვიდგინოთ. ვთქვათ, ცურვისას „კაპიტანმა“ დაიყვირა: „ფრთხილად, ქვა!“. ამ დროს მნიშვნელოვანია ნიჩაბს ხელი არ გაუშვათ და ნავის „იატაკს“ ან სამაგრს მაგრად ჩაეჭიდოთ. ეს საშუალებას მოგცემთ ნავზე დარჩეთ და მას შემდეგ რას წონასწორობას აღიდგენთ, შეგიძლიათ ჩვეული ტემპით გააგრძელოთ ცურვა. მაგრამ, როგორ უნდა მოიქცეთ თუ მცდელობის მიუხედავად მაინც წყალში აღმოჩნდით? არავითარ შემთხვევაში არ ჩავარდეთ პანიკაში! გახსოვდეთ, თქვენ სამაშველო ჟილეტი გაცვიათ და არ ჩაიძირებით. ეცადეთ ნავისკენ გაცუროთ და მაგრად ჩაეჭიდოთ მას. მსაგვსი შემთხვევები ალბათ იშვიათად მოხდება თუკი ძალიან სწრაფ დინებაში არ მოყვებით. როგორც არ უნდა მოხდეს, არასოდეს დაგავიწყდეთ, რომ ნაოსნობა გუნდური საქმეა და დიდი მნიშვნელობა აქვს, თუ რამდენად უსმენთ თქვენი „კაპიტნის“ მითითებებს.
თუ ლაშქრობაზე მიდიხართ და თან ნავით გასეირნებაც გაქვთ გადაწყვეტილი, სასურველია თან წაიღოთ წყალგაუტარი ზურგჩანთა, სადაც აუცილებელ ნივთებს ჩაილაგებთ. პირველ რიგში ჩადეთ პირველადი დახმარების ნივთები, რომელიც საჭიროების შემთხვევაში გამოიყენებთ. გამონახეთ ადგილი თერმოსისთვის, სადაც დასალევად ვარგისი წყალი გექნებათ. ასევე თერმო ქურთუკი, იმ შემთხვევისათვის, თუ ღამის გათენებას აპირებთ და აუცილებლად ჩადეთ შიგ ერთი მშრალი ქურთუკიც. წაიღებთ თუ არა ტელეფონს ეს თავად გადაწყვიტეთ. მაგრამ აბა დაფიქრდით, რეალურად შეძლებთ თუ არა მათ გამოყენებას ცურვისას? შეიძლება უბრალოდ არჩიოთ, რომ ერთ-ერთს მაინც გქონდეთ ტელეფონი დასარეკად. ამ შემთხვევაში ძვირადღირებული სმარტფონის ნაცვლად, ჯობია რაიმე იაფიანი ტელე გააყოლოთ ხელს. ბოლო ბოლო თუ შემთხვევით გაგიტყდათ, ნაკლებად დაგწყდებათ გული. თუმცა ვიღაცამ შეიძლება თქვას სმართფონის გარეშე ვერ გავძლებო. ამ შემთხვევაში კარგი იქნება თუ ტელეფონს მაგარ კეისში ჩავდებდით, რაც ერთ-ორად შეამცირებდა მისი გატეხვის შანსებს.
ასე რომ, ნაოსნობა ერთობ სასიამოვნო და სახალისო გართობაა. თუმცა როგორც ყველაფერს, მასაც წინასწარ დაგეგმვა და მომზადება ესაჭიროება. მაშ ასე, მოიმარჯვეთ ნიჩბები და გაუყევით დინებას!
დეტალურად
.დარეგისტრირდით ჩვენს ვებგვერდზე
.სტატია კავშირში უნდა იყოს ebg-ს საქმიანობასთან ან და პროდუქციასთან
.გაფორმებული უნდა იყოს ხარისხიანი ფოტო მასალით
.არ უნდა არღვევდეს კანონს საავტორო უფლებების შესახებ
.და, რაც მთავარია, უნდა იყოს საინტერესო
.ყოველ გამოქვეყნებულ სტატიაზე თქვენ მიიღებთ 15 ლარს ebg.ge-ს ბალანსზე
.დამატებითი ანაზღაურება განისაზღვრება 30 დღის განმავლობაში დაგროვებული
უნიკალური წაკითხვის შესაბამისად : 2000 წაკითხვა = +5 ლარი
გადმოგვიგზავნეთ სრულყოფილი სტატია.
ჩვენი რედაქტორი მალევე დაგიკავშირდებათ