როგორ შევიძინო?

ავტორიზაცია

ყველა კატეგორია

რა ვაჩუქო?
აქსესუარები სილამაზე და კოსმეტიკა საჩუქარი ბავშვებისთვის დეკორი სხვადასხვა
ავტო ნაწილები ბავშვებისათვის ვიდეო თამაშები & კონსოლები ზოო პროდუქცია კომპიუტერული ტექნიკა მობილური ტელეფონები & აქსესუარები მუსიკა მუსიკალური ინსტრუმენტები საათები სათამაშოები & ჰობი
ასაწყობი სათამაშოები ბურთები, ფრიზბი & ბუმერანგები გამჭვირვალე & ფერადი ბურთულები დრონები თამაშები კლასიკური სათამაშოები მანქანები, თვითმფრინავები, გემები & ძრავები მატარებლები მოდელები & კომპლექტი მოქმედებითი / მოძრავი მცირე წლოვნებისთვის რობოტები, მონსტრები, კოსმოსური მხეცები საბავშვო დისტანციური მანქანები საბავშვო სატერფულიანი მანქანები საბითუმო გაყიდვები საგანმანათლებლო სათამაშო ჯარისკაცები საპნის ბუშტები სატელევიზიო & ფილმის პერსონაჟები სწრაფი კვების სათამაშოები ფაზლები, თავსატეხები, რუბიკის კუბები ფუმფულა / ბეწვის სათამაშოები ცნობილი ცხოველები ძველებური & ანტიკვარული სათამაშოები საბითუმო გაყიდვები
სამკაულები სამომხმარებლო ელექტროტექნიკა სახლი და ეზო სპორტული საქონელი ტანსაცმელი, ფეხსაცმელი და აქსესუარები ფოტო და ვიდეო კამერები წიგნები ჯანმრთელობა და სილამაზე

დაიცავით მეგობარი სიცხისგან

გიორგი
1398

წაკითხვა

მოწონება

ბლოგერი : გიორგი

ზაფხულში ყველას სჭირდება გაგრილება, მათ შორის შინაურ ცხოველებსაც. რისი გაკეთება შეგიძლიათ?

„მართალია ნაშვილები ვარ და ეს ოჯახი ჩემთვის მშობლიური არაა, მაგრამ დღეს თავს ისე ვგრძნობ, როგორც საკუთარ სახლში. ბუნდოვნად მახსოვს ის დღე, როცა ჩემი პატრონი პირველად ვნახე, მაშინ ძალიან პატარა ვიყავი. ჩვენ ჩვენი პატრონების ერთგულები ვართ. ჩვენ სხვანაირები ვართ, სხვებისგან განსხვავებით ჩვენ არასოდეს მოვდივართ სახლში გალეშილი მთვრალი, ყვირილით: „მეზობლებო გამოდით! უნდა დაგთვალოთ!“. არასოდეს ვიდებთ წყენას გულში და ვიტანთ ცემასაც. ჩვეულებრივ, პირველები ვესალმებით სახლში მოსულ პატრონებს. ამიტომ ვთვლი, რომ უფრო მეტი ყურადღებით უნდა მეპყრობოდნენ, განსაკუთრებით წელიწადის ამ დროს, როცა ქვეყანას ბუღი ასდის“. გაიტერესებს ვის ეკუთვნის ეს სიტყვები? თქვენს „შინაურ მეგობრებს“, რომლებიც ასე ძალიან გიყვართ. წარმოიდგინეთ, თქვენს ძაღლს რომ ლაპარაკი შეეძლოს, სავარაუდოდ ამ შინაარსის ტექსტით მოგმართავდათ. როგორ შეგვიძლია ჩვენი „მეგობრებისთვის“ ზაფხულის ცხელი დღეები სასიამოვნო გავხადოთ? შეგვეძლო რამოდენიმე ვარიანტი გვეცადა.

მნიშვნელოვანია გვახსოვდეს, რომ ძაღლებს ძალიან ახარებთ ზაფხულის მოსვლა. წელიწადის ამ დროს მათ უფრო მეტად ეძლევათ პატრონთან ერთად სეირნობის შესაძლებლობა. არ უნდა დაგვავიწყდეს, რომ ძაღლები ადამიანების მსგავსად არ გამოყოფენ ოფლს. ეს არ ნიშნავს, რომ საერთოდ არ ოფლიანდებიან, მაგრამ არა ისე, როგორც ჩვენ. რას აკეთებენ ისინი გასაგრილებლად? ალბათ გეცოდინებათ, რომ სხეულის ტემპერატურის დაგდებას ქოშინით ცდილობენ. მაგრამ თუ გარშემო ძალიან ცხელი ჰაერია, უფრო უჭირთ ამის კეთება. ჩვენ რითი დავეხმაროთ? თუ მანქნით მგზავრობთ, არასოდეს გამოვკეტოთ ისინი ცხელ მანქანაში. უყიდეთ ძაღლს საყელური და მიეცით ნება თქვენს გვერდით ისეირნოს. მართალია, ლაპარაკი არ შეუძლია, მაგრამ დარწმუნებული იყავით დიდად მადლიერი დაგრჩებათ. სეირნობისას შეეცადეთ, რომ ცხელ ასფალტზე სიარულისას თათები ძალიან არ გაუხურდეს. ეს როგორ გავაკეთოთ? ინტერნეტ მაღაზიებში მრავლად იპოვით ძაღლის ფეხსაცმელს. თქვენი „მეგობრისთვის“ ეს დიდი შვება იქნება. აბა ერთი წუთით წარმოიდგინეთ, რომ ზაფხულის პაპანაქებაში ასფალტზე ფეხშიშველი დადიხართ! მართალია, ძაღლები ამტანობით გამოირჩევიან, მაგრამ რატომ უნდა ვაწვალოთ ისინი, როცა მარტივად შეგვიძლია ამ პრობლემის მოგვარება?!

ძაღლის ფეხსაცმელი

შეგიძლიათ თავს ცოტა მეტის უფლებაც მისცეთ და მათ გამოპრანჭვაზე იზრუნოთ. ინტერნეტ მაღაზიებში მრავლად ნახავთ ძაღლის მაისურებს, შორტებს და მანათობელ საყელურებს რომლებიც გაალამაზებს თქვენს პატარას. შეგიძლიათ მისთვის კეპი იყიდოთ, რომელიც თვალებს მზის სხივებისაგან დაიცავს. წარმოიდგინეთ, თქვენი ძაღლი გვერდზე კეპით მოგყვებათ!

ძაღლის ტანსაცმელი

 

ზაფხულში ყველას სჭირდება გაგრილება, მათ შორის შინაურ ცხოველებსაც. რისი გაკეთება შეგიძლიათ? ძაღლებს მეტ ნაკლებად უყვართ წყალი, განსაკუთრებით მაშინ, როცა თავიანთ პატრონთან ერთად ნებივრობენ. ამიტომ შეიძინეთ დიდი გასაბერი აუზი, რომელშიც თქვენ და თქვენი „მეგობარი“ ერთად იჭყუმპალავებთ. ჩააგდეთ შიგ გასაბერი ლეიბი, ჩაწექით და ძაღლიც სიამოვნებით ჩაგყვებათ. ბოლო ბოლო ორ კურდღელს ერთად იჭერთ — თქვენც გაგრილდებით და თქვენი ძაღლიც. თუ დიდი ზომის გასაბერ აუზს ვერ გასწვდებით, მაშინ პატარა ზომის აუზი შეიძინეთ და ეცადეთ თქვენი ძაღლი დღის განმავლობაში ხშირად აბანაოთ. მისთვის ეს მოსაბეზრებელი რომ არ იყოს, აუზში წყლის სათამაშოები ჩაუყარეთ და ვერც კი იგრძნობს დროის სვლას.

ძაღლი

გივართ ფრისბი? თქვენი ძაღლი მასზე ჭკუას კარგავს. მის გამოგონებას მიაწერენ უოლტერ ფრედერიკ მორისონს, ამერიკელ გამომგონებელსა და მეწარმეს. მორისონის თქმით, მას ფრისბის გამოგონების იდეა ერთობ უცნაურ ვითარებაში მოუვიდა(ისააკ ნიუტონისა არ იყოს), როცა თავის გელფრედის პოპ-კორნის ჭიქის ხუფი გაისროლა. პლასტმასის ხუფი გასროლისას იზნიქება და სისწრაფეს იძენს. „რატომაც არა?“ — გაიფიქრა მან. ასე დაიბადა ფრისბის შექმნის იდეა. ეს ყველაფერი 1937 წელს მოხდა. რას არ გაიგებს კაცი, მაგრამ მე თუ მკითხავთ თქვენს ძაღლს ეს ისტორია საერთოდ არ აინტერესებს. მისთვის მთავარია ზაფხულობით რაიმე თავშესაქცევი ჰქონდეს. მაშ ასე, გართობის საკითხიც მეტ-ნაკლებად მოვაგვარეთ. ეცადეთ, რომ ძაღლს ყოველთვის ჰქონდეს საკმარისი წყალი. ინტერნეტ მაღაზიებში ნაირ-ნაირ ჯამებს შეხვდებით, რომელიც წყლისთვის შეგიძლიათ გამოიყენოთ.

ძაღლის სახლი

თავშესაფარი ყველას გვჭირდება; ამ მხრივ გამონაკლისს არც ჩვენი პატარა მეგობრები წარმოადგენენ. თუ ეზო გაქვთ, აუცილებლად დადგით ჩრდილში პატარა სახლი ძაღლისთვის. ეცადეთ მას რაც შეიძლება კომფორტული პირობები შეუქმნათ. მიზანი ერთი გვაქ — მას უნდა უხაროდეს სახლში მისვლა.

როცა შინაურ ცხოველებზე ვსაუბრობთ პირველი, ვინც გონებაში მოგვდის ეს ძაღლია. მაგრამ ალბათ, უსამართლობა იქნებოდა ერთი-ორი სიტყვით სახლის სხვა ბინადრებიც რომ არ გვეხსენებინა. ბევრს მოსწონს კატები, ზოგს კი პირიქით, მათ დანახვაზე აყრის. თუ თქვენც გყავთ სახლში „ჩექმებიანი კატა“, მაშინ ეცადეთ მასაც გაუადვილოთ არსებობა ზაფხულში. ძაღლებისგან განსხავებით მათ ძირითადად წამოწოლა და ძილი უყვართ. ასე რომ, ჩართეთ კონდენციონერი ან ვენტილატორი და ფისოსთვის ზაფხული ადვილი ასატანი იქნება. ზოგმა ასეთ მეთოდს მიმართა: პლასტმასის ბოთლში წყალი ჩაასხა და საყინულეში შედგა. მას შემდეგ, ბოთლი ყინულის კრისტალად იქცა, პირსახოცში გაახვია და კატის საწოლზე დადო, სადაც ჩვეულებრივ იძინებს ხოლმე. როცა ძალიან დაცხა, ფისო მას ჩაეხუტა და შვებით ამოისუნთქა. კატას კი არა, მგონი ჩვენც არ გვაწყენდა! და აქაც ერთი უცვლელი კანონი: თუ მანქანით მგზავრობთ, არასოდეს დატოვოთ შიგნით თქვენი კატა. ნამდვილად არ მოგეწონებათ იმის დანახვა, რაც უკან დაბრუნებულს დაგხვდებათ.

კატა

ვის გიყვართ თუთიყუშები? ბევრს, ვინც ბინაში ცხოვრობს ჰყავს თუთიყუში. თუ თქვენც ერთ-ერთი მათგანი ხართ, შეიძლება დაგაინტერესოთ აქ მოცემულმა რჩევებმა. პირველ რიგში თუთიყუშის გალიით დავიწყოთ. კარგი იქნება თუ მას შეძლებისდაგვარად დიდ გალიაში მოვათავსებთ, რომ იქ ყოფნა მისთვის კარცერში ყოფნასავით არ იყოს. ივლისსა და აგვისტოში ჩვენთან განსაკუთრებით ცხელა, ამიტომ იზრუნეთ, რომ მას საკმარისი სიგრილე ჰქონდეს. თუ კონდენციონერის ჩართვას აპირებთ, დარწმუნდით, რომ ცივი ჰაერი პირდაპირ მას არ უბერავს. ეს დააფრთხობს და მოსვენებას დაუკარგავს. თუ ვენტილატორს ჩართავთ, დააყენეთ იგი მბრუნავ რეჟიმზე და დააკვირდით თუთიყუშის რეაქციას. თუ ერთ ადგილას ვერ ისვენებს, ესე იგი ვენტილატორი გალიას უნდა დააშოროთ. მათთვის გაგრილების ყველაზე კარგი საშუალება ჭერის ვენტილატორია. მაგრამ თუ თუთიყუში გარეთაა, აუცილებლად გამორთეთ ვენტილატორი. ალბათ მიმიხვდით რატომაც.

თუთიყუში

წყალი ყველას სჭირდება, მათ შორის თუთიყუშს. ამიტომ პატარა ჯამით ყოველთვის თან უნდა ჰქონდეს საკმარისი რაოდენობის წყალი. ხშირად შეუცვალეთ საკვები და წყალი. თუთიყუშის ყოლისას აუცილებლად დააყენეთ ფანჯარაზე მწერებისგან დამცავები. წინააღმდეგ შემთხვევაში ერთხელაც მან შეიძლება გარეთ განავარდება მოისურვოს და ვეღარც კი ნახოთ.

ამრიგად, ზაფხული ერთნაირად ცხელი იქნება როგორც ჩვენთვის, ისე ჩვენი საყვარელი მეგობრებისთვის. მაგრამ ცოტაოდენი ძალისხმევის ფასად შევძლებთ წელიწადის ეს დრო სასიამოვნოდ გავატაროთ.

 
ბლოგერი : გიორგი
წაკითხვა : 1398
მოწონება :
გაზირება :
სხვა ბლოგები :
კომენტარები :