სანამ შეძენას გადაწყვეტთ, გაიგეთ მეტი ინფორმაცი დრონების შესახებ , asdas, sadasd, sad

ცხელი ზაფხულის დადგომასთან ერთად ყველა დასასვენებლად ეშურება. რადიომართვადი კვადროკოპტერი კი საშუალებას მოგცემთ თქვენი დასვენება უფრო მრავალფეროვანი გახადოთ, იხალისოთ მეგობრებთან ერთად, დრონის კამერის საშუალებით გადაიღოთ თქვენთვის სასურველი ვიდეოები, ჩაატაროთ სხვადასხვა ექსპერიმენტები და ა.შ. დღევანდელ სტატიაში გაგარკვევთ ყველა იმ თავისებურებისა და დეტალის შესახებ რომელიც დრონის შეძენისას აუცილებლად უნდა .

კვადროკოპტერი (დრონი) - რადიომართვადი მოდელია 4 პროპელერით, რომელთაგანაც 2 საათის ისრის მიმართულებით ბრუნავს, 2 კი საწინააღმდეგოდ. კვადროკოპტერის მთავარი დეტალია ღერძი, რომელზეც დამაგრებულია რადიოელექტრონიკა, ძრავები, პროპელერები, პროპელერების დამცავები, კამერა და ა.შ. დრონის ფასი მისი დეტალების ხარისხიდან და ფუნქციონალიდან გამომდინარეობს, რაც უფრო მეტი სპეციფიკაციებითაა აღჭურვილი ესა თუ ის მოდელი მით უფრო მაღალია მისი ღირებულება.

ფრენის დრო და დაფარვის მანძილი

ფრენის დრო მრავალ ფაქტორზეა დამოკიდებული, თუმცა ძირითად გავლენას ელემენტის მოცულობა და აპარატის წონა ახდენს, დრონი რაც უფრო მსუბუქია და რაც უფრო დიდი ელემენტი აქვს ჩამონტაჟებული მით უფრო დიდ ხანს შეუძლია ფრენა. რაც შეეხება დაფარვის მანძილს იგი რადიოანტენის ხარისხიდან გამომდინარეობს.

ძრავები

დრონებში 2 ტიპის ძრავს შეხვდებით: არაკოლექტორულს და კოლექტორულს. ამ უკანასკნელს შედარებით იაფფასიან მოდელებში ამაგრებენ. არაკოლექტორულს კი პირიქით, ძრავის ეს ტიპი გამოირჩევა გამძლეობით მაღალი მარდი ქმედების კოეფიციენტით ე.ი. სიმძლავრე და სისწრაფე ასეთ ძრავებს გაცილებით მეტი აქვთ.

პროპელერები

რაც უფრო დიდია პროპელერების ზომა მით მაღალია ამწევი ძალა. თუმცა ძალიან დიდი მაშტაბების შემთხვევაში სამართავი პულტის ბრძანებების მყისიერი შესრულება გაუჭირდება. პროპელერებშიც ორი ტიპს შეხვდებით: 2 ფრთით ან 3 ფრთით, ეს უკანასკნელები დრონს შედარებით ასწრაფებენ, ამიტომ მათ ძირითადად სარბოლო მოდელებში იყენებენ.

პროპელერების დამცავები

დრონის ეს დამატება სასიცოცხლოდ მნიშვნელოვანია მათთვის ვინც აპარატს პირველად ყიდულობს და მის მართვაში ჯერ ბოლომდე დახელოვნებული არ არის. პროპელერის დამცავები განკუთვნილია როგორც თავად აპარატის დაზიანებისგან დასაცავად ასევე მის ირგვლივ მყოფთათვის საფრთხის თავიდან ასაცილებლად.

გიროსკოპი, ბარომეტრი და GPS

დღესდღეობით გიროსკოპის სენსორი დრონების უმეტესობას უყენია, იგი ფრენის დროს წონასწორობის დაცვაში ეხმარება.

ბარომეტრის სენსორი წნევის დონეს ადგენს, ასევე თვლის ჰაერში მყოფი დრონიდან მიწამდე არსებულ მანძილს და კვადროკოპტერს საშუალებას აძლევს ჰაერში ერთ წერტილში გაჩერდეს და ამასთან ამ წერტილზე ვერტიკალურად იმოძრაოს, რაც დამერწმუნებით, ვიდეოს გადაღებისას საკმაოდ მნიშვნელოვანი დეტალია.

რაც შეეხება GPS-ს, იგი შედარებით ძვირადღირებულ მოდელებში გვხვდება. ეს სენსორიც დრონს ჰაერში გაჩერებაში ეხმარება. განსხვავებით ბარომეტრისგან იგი ერთ წერტილში გაყინვასა და როგორც ვერტიკალურად ისე ჰორიზონტალურად გადაადგილების საშუალებას იძლევა. აგრეთვე GPS-ით აღჭურვილ დრონებს აფრენის წერტილში ავტომატური დაბრუნების ფუნქციაც გააჩნიათ.

მინი-დრონები კამერის გარეშე: ბავშვებისთვის

თუ ამ საქმეში დამწყები ხართ, ან ბავშვისთვის ეძებთ საჩუქარს, ამასთან არ გსურთ დიდი თანხის გადახდა, მაშინ გირჩევთ ჩვენს მაღაზიაში არსებულ ულტრაბიუჯეტური მოდელებს გადახედოთ, რომელთაც მართალია კამერით გადაღების საშუალება არ აქვთ, თუმცა თავიანთ ფუნქციას შესანიშნავად უმკლავდებიან. განსაკუთრებით გამოვყოფდი შემდეგ მოდელებს:

• JJRC H8 Mini Drone
• JJRC H20 Mini Hexacopter
• JJRC H36 Nano Quadrocopter
• SBEGO Mini FQ777

მონაცემები: ფრენის დრო 5-6 წუთი, დატენვის დრო 40-50 წუთი, დაფარვის მანძილი 20-30 მეტრი.

თავისებურებები: 6 დონიანი გიროსკოპის სისტემა, ჭკვიანი დაბრუნების ფუნქცია აფრენის წერტილში, სიჩქარეების გადასართველი რეჟიმები, 3600 მანევრების შესრულება.

დრონები კამერით: ბიუჯეტური მოდელები

დრონში კამერა ერთ-ერთი მთავარი კომპონენტია. მისი საშუალებით შესაძლებელია, ამა თუ იმ ღონისძიებისა თუ აქტივობის ზევიდან გადაღება და არაჩვეულებრივი კადრების გაკეთება. კამერის ხარისხისა და თავად კვადროკოპტერის ფუნქციონალის მიხედვით ფასები საკმაოდ ცვალებადია. თუ პროფესიონალური კადრების გადაღებას არ აპირებთ და დრონი მხოლოდ სამოყვარულო საქმიანობისთვის გჭირდებათ გირჩევთ შემდეგ მოდელებს გადახედოთ:

• Syma X5SW
• JJRC H37 Baby Elfie
• Visuo XS809HW

მონაცემები: ფრენის დრო 8-10 წუთი, დატენვის დრო 80-120 წუთი, დაფარვის მანძილი 100 მეტრი.

თავისებურებები: ავტოპილოტის რეჟიმი, 6 დონიანი გიროსკოპის სისტემა, ჭკვიანი დაბრუნების ფუნქცია აფრენის წერტილში, 4 სიჩქარიანი რეჟიმი, 3600 მანევრების შესრულება, 2 MP კამერა HD გადაღებით, WiFi საშუალებით გადაღებული ვიდეოს პირდაპირი ტრანსლირება სმარტფონზე (მხოლოდ Syma X5SW და Visuo XS809HW), აგრეთვე სმარტფონის გიროსკოპ სენსორის საშუალებით მართვა (მხოლოდVisuo XS809HW).

პროფესიონალური დრონები: აეროფოტოგადაღებისთვის

თუ პროფესიონალური საქმიანობისთვის ეძებთ შესაბამის აპარატს ან საერთოდ მაღალხარისხიანი ვიდეო და ფოტო კადრები გჭირდებათ გირჩევთ ყურადღება მიაქციოთ დრონების ყველაზე ელიტარულ და ძვირფას მოდელებს. მათ უმეტესობას ჩვეულებრივი კვადროკოპტერებისგან განსხვავებით გაზრდილი აქვთ ფრენისა მანძილი და ხანგრძივობა, არიან უფრო სწრაფები და ძლიერები, გამოირჩევიან ფართო ფუნქციონალით და რაც მთავარია აქვთ ვიდოს 4K ჩაწერის შესაძლებლობა. აღსანიშნავია შემდეგი მოდელები:

DJI Mavic Air - მონაცემები: ელემენტი 2400mAh, ფრენის დრო 21 წუთი, დაფარვის მანძილი 4000 მეტრი.

DJI Phantom 3 SE - მონაცემები: ელემენტი 2900mAh, ფრენის დრო 25 წუთი, დაფარვის მანძილი 4000 მეტრი.

Yuneec Q500 - მონაცემები: ელემენტი 5400mAH, ფრენის დრო 25-30 წუთი, დაფარვის მანძილი 1000 მეტრი.

თავისებურებები: 10 დონიანი მართვის სისტემა, ჭკვიანი დაბრუნების ფუნქცია აფრენის წერტილში, 12MP (მხოლოდ 32MP DJI Mavic Air) კამერა 4K გადაღებით - 30 კადრით წამში, ტრანსლირებით ავტომატურ რეჟიმში სამართავ პულტში ჩამონტაჟებულ FPV-მონიტორზე. შენელებული ვიდეოს გადაღება, ავტოპილოტის რეჟიმი და სხვა უამრავი ჭკვიანი ფუნქცია, რომელიც გულგრილს არავის არ დატოვებს.

თანამედროვე კვადროკოპტერებში იმდენად ბევრი ფუნქცია შეიძლება აღმოაჩინოთ, რომ მათ ჩამოსათვლელად რამოდენიმე საათი დაგჭირდეთ. შედარებით დაბალფასიან მოდელებში ძირითადი თავისებურებებია ავტომატური დაბრუნება და Headless რეჟიმი. ეს უკანასკნელი საშუალებას მოგცემთ დისტანციური პულტით ზუსტად მართოთ მიუხედავად იმისა დრონი თქვენსკენ წინიდან მოძრაობს თუ ზურგის მხრიდან.

რაც შეეხება „ავტოდაბრუნებას“, ეს ნიშნავს დაბრუნებას პულტთან და არა კონკრეტულ კოორდინატებთან. GPS სენსორის გარეშე ამ ფუნქციამ შესაძლოა გამართულად არ იმუშავოს, მაგალითად, თუ პულტს უშუალოდ დრონისკენ არ მიმართავთ შესაძლოა მან ავარიული დაშვება განახორციელოს, ხოლო GPS-ის არსებობის შემთხვევაში სიგნალის დაკარგვის შემდეგაც დრონი წინასწარ გაწერილ კოორდინატზე დაბრუნდება.

აგრეთვე საინტერესო ფუნქციაა Follow Me, რომელიც მხოლოდ ძვირადღირებულ მოდელებს გააჩნიათ, დრონს შეუძლია გაჰყვეს არა მხოლოდ პილოტს არამედ ნებისმიერ მოძრავ ობიექტს. აგრეთვე ავტოპილოტზე უძრავ ობიექტს გარს შემოუაროს.

ერთი სიტყვით, ის რაც რამოდენიმე წლის წინ შეუძლებლად გვეჩვენებოდა დღევანდელი ტექნოლოგიები თითოეულ ჩვენგანს საშუალებას გვაძლევს, რომ საკუთარ თავზე გამოვცადოთ და გავიფართოვოთ თვალსაწიერი.