ბუნებრიობის გამოჩენა - როგორც გამბედაობა,

რას ნიშნავს "თავისუფალი" წარბები?

ზაფხულიდან შემოდგომაზე გადასვლა ძალიან მტკივნეულია და ადაპტაციისთვის ერთი თვე მაინც გვჭირდება ხოლმე. ყველას გვიჭირს თხელი ტანისამოსის მიტოვება, ზღვიდან წამოსვლა და დასვენების დასრულება. ჩვენი ხასიათიც ცვლება, უდარდელობა გვიქრება, მოკლე და მოხდენილ კაბებს ვემშვიდობებით და იმ მაკიაჟს ვიშორებთ, რომელიც ცხელ ამინდებში საოცრად გვიხდებოდა. მიუხედავად ამ ყველაფრისა, მოსაწყენად დრო არ გვრჩება, რადგან ძველ სეზონთან დამშვიდობება ახალ სეზონთან და შესაბამისად, ახალ ტრენდებთან შეგებებას ნიშნავს.

შეიძლება, ყველასთვის ცნობილი არაა, მაგრამ წელს უცხოურ მოდის წრეებში ფემინიზმის გაძლიერებას უსვამენ ხაზს. პოდიუმზე გამოსული მოდელებიც სწორედ ამ შემართებით, თავაწეული, შეუპოვარი პოზით გამოდიოდნენ და მაკიაჟით ახდენდნენ საკუთარი სიძლიერის დემონსტრირებას. ასე რომ, მოდის სამყაროში შემოდგომა ქალის შინაგან სიძლიერეს, მკვეთრ ფერებსა და ბუნებრიობას გამოხატავს. ამ ბლოგში გაჩვენებთ შემოდგომის 10 ყველაზე ცნობილ ტრენდს, რომელთაგანაც ყველა მათგანი პოდიუმებზე გამოსული მოდელების სტილის მიხედვითაა შედგენილი. უნდა გაგაფრთხილოთ, რომ ეს შემოდგომა თითქოს შეუსაბამო ტენდენციებსაც გვთავაზობს - მოდაში ან ძალიან მინიმალისტური მაკიაჟია, ან - საკმაოდ თამამი. თუმცა ალბათ, სწორედ აქ ჩანს ის, რომ ამ სეზონზე არც ერთი ქალია შეზღუდული არჩევანში - წარმოაჩინოს თავისი თავი ყველაზე ბუნებრივად თუ ყველაზე თამამად.

1) "უმაკიაჟო" მაკიაჟი

შემოდგომა გვთავაზობს ყველაზე იოლ და სასიამოვნო ტრენდს, ბუნებრიობას. თუ სხვა სეზონებზე სახეზე ძალიან ბევრ პუდრს, ტონალურსა და რუმიანას ისვამდით, დროა, ეს შეამციროთ, რადგან ამდენი ძალისხმება ამ სეზონზე აღარ არის საჭირო. ამ ყველაფრის გამოყენება შეგიძლიათ ნაზად და შეუმჩნევლად, ყოველდღიური სახლის მაკიაჟის მსგავსად. უნდა დაფაროთ სახის არასასურველი ადგილი, ნაოჭი თუ აკნე, მაგრამ ესეც მკრთალად, რათა თქვენი სახე ზედმეტად არ დაიფაროს. ძირითადად, ქალები ცდილობენ, რაც შეიძლება მძიმე მაკიაჟი ჰქონდეთ, თუმცა წლევანდელი შემოდგომის ეს ტრენდიც სწორედ სითამამეს უსვამს ხაზს - თამამები ვართ მაშინაც, როცა ექსპერიმენტებს ვატარებთ, და მაშინაც, როცა სახის ბუნებრიობის გამოჩენას არ ვერიდებით.

2) ღია ვარდისფერი რუმიანა

დაივიწყეთ მუქი, ბრონზისფერი ლოყები და ჰაილაითი. დროა, ზემოთ აღნიშნულს სახეზე ღია, შეუმჩნეველი რუმიანა დაუმატოთ. ღია ვარდისფერი ისე წაისვით, რომ ეს ლოყების ბუნებრივ ღაჟღაჟს ჰგავდეს და ძალიან არ იყოს გამოკვეთილი. რუმიანა სინაზეს შემატებს სახეს და თქვენს ღიმილს უფრო მომხიბვლელს გახდის.

3) მკვეთრი ტუჩსაცხი

შემოდგომა თავისი მრავალფეროვნებითაა ცნობილი. ბუნება მწვანე ფერიდან ყვითელსა და წითელზე გადადის. ამიტომ, არ უნდა გაგიკვირდეთ, თუ აქამდე ჩამოთვლილი ტრენდები ქალის ბუნებრივობას ეძღვნებოდა, ახლა ის მისი სიძლიერის გამოჩენით იცვლება. მუქი წითელი და ყავისფერში გარდამავალი ფერები დიდ მოწონებას იწვევს, რადგან მათი ძლიერი ელფერი სითამამესა და სიძლიერეს ასხივებს.

4) გრძელი წამწამები

2018 წლის შემოდგომა გრძელ წამწამებს ითხოვს, ბუნებრივი გრძელი წამწამები კი ქალების მხოლოდ უმცირესობას აქვს. სწორედ ამიტომ, ხელოვნურ წამწამებზე დიდი მოთხოვნაა, შესაბამისად, არჩევანიც ფართოა. სასურველი სისქის, სიგრძისა და ფასის წამწამები შეგიძლიათ, ამ ბმულზე აირჩიოთ. მასთან ერთად კი ტუში არ დაგავიწყდეთ. თუ აქამდე გეგონათ, რომ ტუშს მუქად ისვამდით, ახლა უფრო მეტის წასმაც შეიძლება, რათა მათ სიმკვეთრე შესძინოთ.

5) თვალის ჩრდილების ფერთა პალიტრა

თუ ოდესმე სურვილი გქონიათ, სხადასხვა, ერთმანეთისგან განსხვავებული ფერები ერთად წაგესვათ თვალზე, მაგრამ გადაჭარბებას მოერიდეთ, ახლა თქვენი დრო მოვიდა. მოსაწყენი ერთი ფერი ზაფხულში დავტოვოთ, რადგან შემოდგომა ფერთა სიმრავლეს ითხოვს. შეგიძლიათ, ჩრდილები ერთმანეთს შეუხამოთ. თუ თავიდან მოგეჩვენებათ, რომ "აჭრელდით", არ შეგეშინდეთ, ცდა შედეგს გამოიღებს და მალე შეძლებთ, ფერების ჰარმონია შექმნათ, ან სრულიად დაივიწყოთ წესები და მაგალითად, წითელი ფერი შავით დააბოლოვოთ.

6) მკვეთრი ლაინერი

ხასიათის გამოსაკვეთად შესანიშნავია მუქი და სქელი ლაინერის გამოყენება. თამამ წითელ ტუჩსაცხს სქელი ხაზები ამშვენებს, რომელიც არა მხოლოდ თვალის ზემოთ, არამედ - მის ქვემოთაც კეთდება. ამით თვალის ჭრილი შედარებით დიდი ჩანს და მისი ფერიც უფრო შესამჩნევი ხდება. ეს კიდევ ერთი პატარა ხრიკია ქალური სითამამის გამოსამჟღავნებლად. ამ ბმულზე თქვენთვის სასურველი ბრენდის ლაინერს აირჩევთ და ზედმეტი ძებნაც არ მოგიწევთ.

7) "თავისუფალი" წარბები

აქამდე წარბებს დიდი ყურადღება არ ექცეოდა, ამოქნის და სასურველი ფორმის მიცემის გარდა, მათ არაფრით ცვლიდნენ. ინსტაგრამის მომხმარებლების დამსახურებით, რომლებიც სოციალურ ქსელში ფოტოებს აქტიურად ტვირთავდნენ, წარბები მაკიაჟის განუყრელი ნაწილი გახდა, რის შემდეგაც მათ იწვრილებენ, იგრძელებენ და მრავალნაირად ცვლიან. ახალ სეზონზე კონტურების გასწორების და ბოლოში გამოყვანილი "ისრის" მაგივრად, წარბების "არევას" ანიჭებენ უპირატესობას. ასე რომ, ახლა წარბებისთვის თავისუფალი ფორმის მიცემაა მოდაში და აგრეთვე, უმჯობესია, მათ ღია ყავისფერი გადაუსვათ, სასურველი ფორმის მიცემა კი გელით და წარბების სავარცხლით არის შესაძლებელი.

8) ბრჭყვიალები

ბრჭყვიალა კოსმეტიკა მოდიდან არ გადადის. მათ ფერთა ცვლილებასა და და სიკაშკაშეს მოდელები ხშირად იყენებენ. ვალ გრანდის შექმნილი ტრენდი, ბრჭყვიალებით შუბლის დამშვენება, შემოდგომისთვის დიდ სიგიჟეს სულაც არ წარმოადგენს. ამას გარდა, სასურველი ფერის ბრჭყვიალები შეგიძლიათ წაისვათ, როგორც თვალის ჩრდილი, ტუჩსაცხი, ჰაილაითერი და ა.შ.

9) თმის ხვეული ბოლოები

ლამაზ მაკიაჟს შესაბამისი ვარცხნილობაც უნდა ამშვენებდეს. ამ მხრივ 2018 წლის შემოდგომის ახალი ტრენდი თმის ხვეული ბოლოებია. არ გეგონოთ, თითქოს აუცილებელია კულულების ქონა, საუბარი თმის ტალღოვან, ასე ვთქვათ, "აბურდულ" სტილზეა, ასეთი თმა კი საშრობით გაშრობისას შეგვიძლია, დავიყენოთ და ეს დიდ ძალისხმევასაც არ ითხოვს.

10) წითელი თმა

სხვადასხვა ფერის გამოყენება არა მხოლოდ მაკიჟის გაკეთებისას შეგვიძლია. ახალი სეზონი ახალი ფერის თმას ითხოვს და ეს ფერი ამჟამად წითელია. თმა შეგიძლიათ, ნებისმიერი ტონალობის წითელი საღებავით შეიღებოთ, ღია იქნება ის თუ - მუქი. თუ აქამდე გეშინოდათ, ახლა გარისკეთ მკვეთრი ფერით თმის შეღებვა. თუმცა, არ დაგავიწყდეთ, რომ ზედმეტად ხშირი ღებვა თმას აზიანებს და აუხეშებს.

იმედია, კითხვის დროს მიხვდით, რომ ზამთარი ჯერ კიდევ შორსაა და ტრენდებით ნასიამოვნები და გაოცებულები დარჩით. ბოლოს შემოდგომის კიდევ ერთ ტრენდს გაგიმხელთ, რომელიც ზუსტად იმაზე უსვამს ხაზს, რომ ამინდის ცვლილების მიუხედავად, ზაფხული შეიძლება, თქვენ თავადვე ატაროთ. ამას მოახერხებთ, თუ თავს არ დაუწესებთ ლიმიტებს და გამოაჩენთ ბევრ ფერს - შეგიძლიათ, ყვითლად შეიღებოთ წამწამები, ლაინერი ცისფერი იყოს, ტუჩები მწვანე და ლოყები - იასამნისფერი.