აგვისტოა, შესაბამისად ზაფხულის ყველაზე ცხელი დღეები გვიდგას. აგვისტოსთან დაკავშირებით ჩემი ცხოვრების ყველაზე ცხელი დღე მახსენდება ხოლმე, რომელიც ჩემი მეგობრის აგარაკზე გავატარე. რამდენიმე დღით ადრე მისმა დედამ დახმარება მთხოვა - თავისი შვილის დაბადების დღის წვეულებას აწყობდა. ვის უნდა სთხოვო, გირჩიოს რაიმე თინეიჯერების წვეულებასთან დაკავშირებით, თუ არა - თავად თინეიჯერს. ჰოდა, მეც დავფიქრდი და დავასახელე ნივთები, რომლებიც დაგვჭირდებოდა - მათ მართლაც საოცრად გაალამაზეს საღამო.

გავაფერადოთ ჩვენი წვეულება!

როგორ გავხადოთ საღამო იდუმალი?

დეკორაციული ყინული, რომელიც არ დნება

აგვისტოა, შესაბამისად, ზაფხულის ყველაზე ცხელი დღეები გვიდგას. აგვისტოსთან დაკავშირებით ჩემი ცხოვრების ყველაზე ცხელი დღე მახსენდება ხოლმე, რომელიც ჩემი მეგობრის აგარაკზე გავატარე. რამდენიმე დღით ადრე მისმა დედამ დახმარება მთხოვა - თავისი შვილის დაბადების დღის წვეულებას აწყობდა. ვის უნდა სთხოვო, გირჩიოს რაიმე თინეიჯერების წვეულებასთან დაკავშირებით, თუ არა - თავად თინეიჯერს. ჰოდა, მეც დავფიქრდი და დავასახელე ნივთები, რომლებიც დაგვჭირდებოდა - მათ მართლაც საოცრად გაალამაზეს საღამო.

დღეს მსურს, გამოცდილება გაგიზიაროთ და შემოგთავაზოთ რამდენიმე რამ, რომელთა საშუალებითაც თქვენს აგარაკზე თინეიჯერებს დაუვიწყარ წვეულებას მოუწყობთ. რაც მთავარია, ამ ნივთების შეძენა უმარტივესად, ერთი კლიკით შეგიძლიათ. საჭირო არ არის, მაინცდამაინც თქვენი თინეიჯერი შვილისა თუ დედმამიშვილის დაბადების დღე მოდიოდეს, ან თავად იყოთ თინეიჯერი, რომელიც წვეულებისთვის ემზადება - მისი მოწყობა განსაკუთრებული მიზეზის გარეშეც შეგიძლიათ.

1. ასო-ბგერის ფორმის ბუშტები

როცა წვეულებაზე ვიწყებთ საუბარს, პირველ რიგში, მახსენდება დეკორაცია და მორთულობა, რადგან სად უღიმღამო ოთახში წვეულების მოწყობა და სად - ლამაზად მოწყობილ სივრცეში. სწორედ ამიტომ, წვეულებასთან დაკავშირებით თუ ვინმეს რჩევას ვაძლევ, საუბარს მაშინვე დეკორაციაზე ვიწყებ.

როგორ მოვიქცეთ, თუ გვსურს, დაბადების დღისთვის ადამიანი გავახაროთ? ამისთვის ეს ბუშტები გამოგადგებათ. მისი საშუალებით ნებისმიერ ადგილას, ნებისმიერი წარწერის გაკეთებას შეძლებთ. შეგიძლიათ, გამოიწეროთ ყველა ლათინური ასო-ბგერა და ასევე, რიცხვები. ფერს კი თავად ირჩევთ. აგრეთვე, თუ ბუშტების შეძენას გადაწყვეტთ, შეგიძლიათ, ბუშტის დამჭერები შეიძინოთ აქ.

2. ყინულის მანათობელი კუბები

ბუშტების შემდეგ მახსენდება ნივთი, რომელიც წვეულებას ძალიან უხდება. ყინულის კუბებში სენსორია ჩამონტაჟებული, შეგიძლიათ, მოათავსოთ კოქტეილის ჭიქაში, თანაც, ერთად 12 ასეთი ყინულის კუბის შეძენა შეგიძლიათ. რაც მთავარია, კუბები არ დნება და მხოლოდ დეკორისთვის გამოიყენება.

3. ნიღბები

“დრეს კოდში” ნიღბებს თუ შემოიღებთ, შესაძლოა, მათ თქვენს party-ზე ცენტრალური ადგილი დაიკავონ. ამიტომ, შემოგთავაზებთ რამდენიმე მათგანს: ეს ვენეციური სტილის ნიღაბია, აქ კი შეგიძლიათ შეარჩიოთ სხვადასხვა ფერის ნიღბები გოგონებისთვის, შავ-თეთრის ნახვა აქ შეგიძლიათ. შემოგთავაზებთ, ასევე, ამ ნიღბებს - მათ სხვადასხვა ფორმა აქვთ და მიუხედავად იმისა, რომ ჰელოუინისთვისაა განკუთვნილი, ნებისმიერ წვეულებაზე გამოდგება. “შენიღბულმა” მოწვეულებმა, შესაძლოა, ერთმანეთი ვერც კი იცნონ, ამით კი საღამო უფრო საინტერესო და იდუმალი გახდება.

4. ფერადი კვამლი

როგორ გავხადოთ წვეულება უფრო ფერადი? “ფერადი კვამლები” მის გაფერადებაში დაგვეხმარება, მათი ხილვა კი ამ ლინკზე შეგიძლიათ. ფერს, რა თქმა უნდა, თავად ირჩევთ. კვამლის გაშვება შეგიძლიათ როგორც დახურულ სივრცეში, ასევე - ღია ცის ქვეშ. ლინკზე მოცემულია სხვადასხვა ფერისა თუ ხარისხის “ფერადი კვამლები”.

5. ბრილიანტის ლენტი

ჩვენს წვეულებას უფრო მდიდრული და გრანდიოზული სახე რომ მივცეთ, ბრილიანტის ლენტები გამოგვადგება. რა თქმა უნდა, ეს ნამდვილი ბრილიანტი არ არის, სამაგიეროდ, ძალიან დახვეწილი და ლამაზია, ამიტომ მისი წყალობით ნებისმიერ ადგილს ულამაზესად მოაწყობთ, ყველა კუთხეს ზღაპრულად გააფორმებთ. ლენტის ნახვა ამ ლინკზე შეგიძლიათ.

6. საქანელა

კეთილმოწყობაზე თუ მიდგება საქმე, წვეულებას თუ ვაწყობ, ეზოს დიდ ყურადღებას ვაქცევ ხოლმე. ეზოს ძალიან უხდება საქანელის დადგმა ან დაკიდება. შეიძლება, იფიქროთ, რომ ეს თინეიჯერების წვეულებას ნაკლებად შეესაბამება, მაგრამ ასე არ არის - საქანელაში ჩაჯდომა ყველას უყვარს. საქანელა შეგიძლიათ უცხოეთიდან გამოიწეროთ აქ ან შეიძინოთ პრაიმით საქართველოში.

7. დინამიკები

სად უნდა გაჟღერდეს თინეიჯერების მიერ არჩეული მუსიკა? დიდ სივრცესა და ბევრ ხალხში ზოგჯერ კომპიუტერის ხმა იკარგება, ამიტომ დინამიკები აგარაკზე იმის გარანტიას იძლევა, რომ თინეიჯერებმა მუსიკას ხმამაღლა მოუსმინონ (რაც ამ თაობას ძალიან უყვარს) და იცეკვონ. შესაბამისად, ამ დინამიკებს შემოგთავაზებთ - ისინი საშუალო ზომისაა, USB-ით არის გაძლიერებული, უერთდება როგორც პერსონალურ კომპიუტერს, ისე - ლეპტოპს, და აქვს კარგი ჟღერადობა.

8. ჩინური ფრანი

როგორ მოვახერხოთ, წვეულებას გრანდიოზული დასასრული რომ ჰქონდეს? ჩინური ფრანი ამისთვის საუკეთესო საშუალებაა. ფრანის გაშვება და ცაში გაფრენილის ყურება ძალიან სასიამოვნო პროცესია. ეს ჩინური ფრანი დაფრინავს მანამ, სანამ მისი სანთელი ბოლომდე არ დაიწვება, დამზადებულია ქაღალდისგან და გამოირჩევა მაღალი ხარისხით, თანაც, 10 ფრანის შეძენა ერთადაა შესაძლებელი.

დღეისათვის ამ ნივთებით შემოვიფარგლები.. ისინი დაგეხმარებიან, მოაწყოთ გასაოცარი წვეულება. თუ ბლოგის წაკითხვისას რაიმე ისეთი ნივთი გაგახსენდათ, რომელსაც დაამატებდით, მოგვწერეთ კომენტარებში!