როგორ შევიძინო?

ავტორიზაცია

ყველა კატეგორია

რა ვაჩუქო?
აქსესუარები სილამაზე და კოსმეტიკა საჩუქარი ბავშვებისთვის დეკორი სხვადასხვა
ავტო ნაწილები ბავშვებისათვის ვიდეო თამაშები & კონსოლები ზოო პროდუქცია კომპიუტერული ტექნიკა მობილური ტელეფონები & აქსესუარები მუსიკა მუსიკალური ინსტრუმენტები საათები სათამაშოები & ჰობი
ასაწყობი სათამაშოები ბურთები, ფრიზბი & ბუმერანგები გამჭვირვალე & ფერადი ბურთულები დრონები თამაშები კლასიკური სათამაშოები მანქანები, თვითმფრინავები, გემები & ძრავები მატარებლები მოდელები & კომპლექტი მოქმედებითი / მოძრავი მცირე წლოვნებისთვის რობოტები, მონსტრები, კოსმოსური მხეცები საბავშვო დისტანციური მანქანები საბავშვო სატერფულიანი მანქანები საბითუმო გაყიდვები საგანმანათლებლო სათამაშო ჯარისკაცები საპნის ბუშტები სატელევიზიო & ფილმის პერსონაჟები სწრაფი კვების სათამაშოები ფაზლები, თავსატეხები, რუბიკის კუბები ფუმფულა / ბეწვის სათამაშოები ცნობილი ცხოველები ძველებური & ანტიკვარული სათამაშოები საბითუმო გაყიდვები
სამკაულები სამომხმარებლო ელექტროტექნიკა სახლი და ეზო სპორტული საქონელი ტანსაცმელი, ფეხსაცმელი და აქსესუარები ფოტო და ვიდეო კამერები წიგნები ჯანმრთელობა და სილამაზე

იცით როგორ უნდა შეარჩიოთ სამზარეულოს ტექნიკა?

თინათინ დარბაიძე
1647

წაკითხვა

მოწონება

ბლოგერი : თინათინ დარბაიძე

გაიმარტივე ყოველდღიურობა, თანამედროვე ტექნიკით

კაცობრიობამ უკვე მიაღწია იმას, რაც ყოველთვის ძალიან უნდოდა - ეს არის კომფორტი. საცხოვრებელ სახლს დღეს იშვიათად ნახავთ თანამედროვე საყოფაცხოვრებო ტექნიკის გარეშე, რომელიც შექმნილია იმისათვის, რომ ადამიანის მაქსიმალური კომფორტი უზრუნველყოს.

არანორმალურად დატვირთული რეჟიმის მქონე ყოველდღიურობაში სულ უფრო დიდ მნიშვნელობას იძენს ტექნოლოგიური პროდუქტი. წარმოიდგინეთ, სამზარეულოში რომ არ გქონდეთ მიკროტალღური ღუმელი, რომელიც წამებში გითბობთ საკვებს. ან დილით ადრე ამდგარმა ცხელი და არომატული ფინჯანი ყავის, ჩაის, ან თუნდაც უგემრიელესი ხილის „ფრეში“-ს მომზადება რომ ვერ შეძლოთ ყავის აპრატის, ჩაიდნის ან წვენსაწურის არქონის გამო.

დილის საუზმეს განსაკუთრებული მნიშვნელობა აქვს ჯანსაღი დღის დასაწყებად. ახლა ალბათ თქვენც იგივე გაიფიქრეთ, რაც მე - ტოსტერი რომ არ იყოს რა მეშველებოდა?“ მართალი ვარ? ალბათ კი, რადგან ფინჯან ჩაისთან, ყავასთან ან წვენთან ერთად მომზადებული, ახლადდატოსტილი ხრაშუნა პური სხვადასხვა შიგთავსით, ყველასთვის უსაყვარლესი და ჯანსაღი საუზმეა.

სამზარეულოს ტექნიკა

რა თქმა უნდა, ყველა ზემოთჩამოთვლილი ტექნიკა მხოლოდ ნივთებია, რომლებიც ჩვენს გარშემოა და მათ გარეშე ცხოვრება არ დასრულდებოდა, თუმცა კომფორტის უზრუნველყოფა, მხოლოდ მათ შეუძლიათ. სამზარეულოს ტექნიკა საუკეთესო დამხმარეა სახლის პირობებში.

ტექნოლოგია ძალიან სწრაფად ვითარდება, შესაბამისად ვითარდება და იხვეწება საყოფაცხოვრებო ტექნიკაც. ძველი მოდელების ჩანაცვლება გაუმჯობესებული მახასიათებლების მქონე ახალი მოდელებით, ფაქტობრივად, ყოველწლიურად ხდება. საყოფაცხოვრებო ტექნიკის განვითარებაში ყველაზე დიდი ნახტომი მოხდა ელექტროობის გაჩენის შემდეგ. სხვადასხვა სახის მოწყობილობები იქმნებოდა იმისათვის, რომ ადამიანის შრომა შემსუბუქებულიყო და მისი პროდუქტიულობა გაზრდილიყო. ზოგიერთმა თანამედროვე მოწყობილობამ სრულად ჩაანაცვლა ადამიანი კონკრეტულ საქმიანობაში.

სამზარეულოს ტექნიკა

ტექნოლოგიის განვითარების პროცესში მოწყობილობების შექმნასთან ერთად შედის იმ ინსტრუმენტების განვითარებაც, რომელთა დახმარებით მარტივდება სხვადასხვა საჭიროებისა და დანიშნულების მქონე მოწყობილობების შეძენის შესაძლებლობა. ალბათ მიხვდით რას ვგულისხმობ, დიახ, ინტერნეტ-მაღაზია - ეს სწორედ ის ადგილია, სადაც ნებისმიერი სასურველი ნივთის შეძენა შეგიძლიათ სახლიდან გაუსვლელად - ესეც ხომ კომფორტის ნაწილია?
პირადად მე ძალიან ხშირად ვიყენებ ინტერნეტ-მაღაზიებს სხვადასხვა ნივთის შესაძენად. დრო ფაქტიურად არასოდეს მაქვს, გადატვირთული გრაფიკის გამო. ამიტომ, როცა სამსახურიდან სახლში ვბრუდები, ცოტა ხნით ვისვენებ და შემდეგ დივანზე მოკალათებულს ლეპტოპი მუხლებზე მიდევს და გულდასმით ვიწყებ ინტერნეტში იმ ნივთის ძებნას, რომლის შეძენაც მსურს. სხვათა შორის, საყოფაცხოვრებო და განსაკუთრებით სამზარეულოს წვრილი ტექნიკის უდიდესი ნაწილი სწორედ ასე შევიძინე.

წვრილი ტექნიკა

გურმანი ვარ, მაგრამ ბევრს არასოდეს ვჭამ. მიყვარს სამზარეულოში ყოფნა და იმპროვიზაცია, ასევე უკვე ტრადიციულად დამკვიდრებულ კერძების ჩემეული ინტერპრეტირება, განსხვავებული გემოების კომბინაციებით კერძების მომზადება. დესერტის მომზადების პროცესი და მისი გაფორმება ჩემთვის რიტუალივითა.

ცოტა ხნის წინ სოციალურ ქსელში ყოფნისას რეკლამა ვნახე, სადაც წარმოდგენილი იყო უგემრიელესი რეცეპტი, რომლის მომზადებასაც სჭირდებოდა ფრის აპარატი. დავიწყე ინტერნეტში ამ მოწყობილობის ძებნა და აღმოვაჩინე, რომ ინტერნეტ-მაღაზიებში უამრავი შეთავაზებაა და თქვენი სამზარეულო  საჭირო საყოფაცხოვრებო ტექნიკის გარეშე ნამდვილად არ დარჩება. ფასი განისაზღვრება  ბრენდისა და ტექნიკური მახასიათებლების მიხედვით.

მოკლედ, ძიების შემდეგ შევარჩიე ფრის აპარატი, ის უკვე ჩემს კალათაშია და მელოდება როდის შევიძენ. დარწმუნებული ვარ, მისი დახმარებით, ძალიან გემრიელ კარტოფილის ფრის და სხვა კერძებს მოვამზადებ.საყოფაცხოვრებო ტექნიკის შერჩევა-შეძენაზე საუბრისა და რჩევების პარალელურად, მინდა გაგიზიაროთ რამდენიმე მარტივი რეცეპტი, რომლითაც უგემრიელესი კერძები მზადდება უმოკლეს დროში:

მაკარონი ყველით

N1 - გამომცხვარი მაკარონი ყველით

ინგრედიენტები

მაკარონი - 600 გრ

ერბო ან ზეთი - 60 გრ

კვერცხი - 2 ც

დაფხვნილი ყველი - 200 გრ

ორცხობილა - 2 ს,კ

მარილი - გმეოვნების მიხედვით

მომზადების წესები:

მარილწყალში მოხარშულ და გაწურულ მაკარონს შევურიოთ ერბო (ან ზეთი) და კვვერცხი, დავდოთ ზეთწასმულ და ორცხობილამოყრილ ტაფაზე ან საცხობი თუნუქის ფირფიტაზე, ზემოდან მოვაყაროთ გახეხილი ყველი და გამოვაცხოთ ელქტრო ღუმელში ან გაზქურის ღუმელში 15-20 წუთის განმავლობაში.

N2 - მიწის თხილში შემწვარი - ხრაშუნა ქათმის ბარკლები

ინგრედიენტები:

ქათმის ბარკლები - 5 ც.

მიწის თხილი (გახეხილი) – 100 გ

საფანელი - 80 გ

კვერცხი - 1 ც.

კეტჩუპი - 1 ს.კ.

მარილი - 0,5 ჩ.კ.

სანელებლები - გემოვნებით

მცენარეული ზეთი - 60 მლ

მომზადება:

ქათმის ბარკლებს მოაცილეთ კანი. ჯამში ათქვიფეთ კვერცხი, დაუმატეთ მარილი და კეტჩუპი. ათქვიფეთ. პოლიეთილენის პაკეტში ან თეფშზე აურიეთ ერთმანეთში საფანელი, გახეხილი მიწის თხილი და სანელებლები. შემდეგ ამოავლეთ კეტჩუპთან ერთად ათქვეფილ კვერცხში და ბოლოს საფანელში. მთლიანად დაფარეთ ბარკალი მშრალი ნარევით და შეწვით ფრის აპრატში კარგად გაცხელებულ ზეთში (დაახლოებით 20-30 წუთი).

N3 - შუ მარწყვის კრემით და შოკოლადის მინანქრით

ინგრედიენტები

კრემი:

მარწყვი - 10 ცალი

კვერცხის გული - 2 ცალი

ნაღები - 2 ჭიქა

შაქარი - 1/4 ჭიქა

სახამებელი - 1/4 ჭიქა

შოკოლადის დროპსები - 1 ჭიქა

ცომი:

წყალი - 1 ჭიქა

კარაქი - 8 ს/კ

ფქვილი - 1 ჭიქა

ვანილის ექსტრაქტი - 1 ს/კ

კვერცხი - 3 ცალი

მომზადების წესები:

მარწყვს მოაცალეთ ყუნწები და დაჭერით პატარა კუბიკებად. ქვაბში აურიეთ 2 კვერცხის გული და 2 ჭიქა ნაღები, დადგით გაზქურაზე და როგორც კი შეთბება, დაუმატეთ შაქარი, სახამებელი, ურიეთ შეუჩერებლად, სანამ მასა არ გასქელდება. ბოლოს დაუმატეთ დაჭრილი მარწყვი, აურიეთ და გადმოდგით ცეცხლიდან. გადააფარეთ საკვების შესაფუთი ცელოფანი ისე, რომ კრემს ედებოდეს. ასე გააცივეთ.

ქვაბში ჩაასხით წყალი, დადგით ცეცხლზე და დაუმატეთ 8 ს/კ კარაქი. ურიეთ, სანამ კარაქი ბოლომდე არ გადნება. როგორც კი მასა ადუღდება, დაუმატეთ 1 ჭიქა ფქვილი და სწრაფი მოძრაობით ურიეთ, სანამ ცომი ისეთი არ გახდება, რომ ქვაბის კედლებს არ ეკრობოდეს. გადმოდგით ცეცხლიდან, შეაგრილეთ, დაუმატეთ ვანილის ექსტრაქტი და შეაზილეთ სათითაოდ კვერცხები. მიღებული მასა მოათავსეთ საკონდიტრო ტომარაში და დასვით პერგამენდაფენილი ფირფიტაზე შუს პატარა ფორმები. 

აცხვეთ 220 გრადუსზე 20 წუთის განმავლობაში. გამომცხვარი შუ გააგრილეთ, შემდეგ ფრთხილად გახვრიტეთ ბლაგვპირიანი დანის მეშვეობით ძირში და ამოავსეთ მარწყვის კრემით. ქვაბში გაადნეთ შოკოლადის დროპსები (ან შოკოლადის ფილა) და ამოავლეთ შუები გამდნარი შოკოლადის მინანქარში.

გემრიელად მიირთვით!

საუზმის რეცეპტები

და ბოლოს

N4 - სახელდახელო ჰამბურგერი

ეს ჩემი რეცეპტია და თუ ცდით მის მომზადებას, აუცილებლად დამეთანხმებით, რომ არ ვაჭარებებ როცა ვამბობ „ძალიან გემრიელია“

2 ცალი ასეთი ჰამბურგერის მოსამზადებლად დაგჭირდებათ:

-ჰამბურგერის პური, სეზამის მარცვლებით - 2 ც

-დამარინადებული კიტრი, საშუალო ზომის - 2 ც

-ქათმის სტეიკი (ნახევარფაბრიკატი) – 1ც

-მაიონეზი (გემოვნებით)

-კეტჩუპი (გემოვნებით)

მომზადების წესი:

ტაფა კარგად გააცხელეთ, დაასხით ზეთი და ქათმის სტეიკი დაბალ ცეცხლზე შებრაწეთ ორივე მხრიდან. ცოტა რომ შეგრილდება გაჭერით შუაზე. ჰამბურგერის პურზე დაალაგეთ თხლად დაჭრილი კიტრის მარინადი, ქათმის სტეიკი, მოასხით მაიონეზი და კეტჩუპი, დააფარეთ პურის ზედა ნაწილი. ჰამბურგერი მზად არის. გემრიელად მიირთვით!

ეს არის უსწრაფესი და უგემრიელესი საუზმეც და ვახშამიც. ჰამბურგერი კიდევ უფრო გემრიელი იქნება, თუ მას მსუბუქად შეათბობთ სენდვიჩის აპარატში. სცადეთ და თავად დარწმუნდებით.

 

ბლოგერი : თინათინ დარბაიძე
წაკითხვა : 1647
მოწონება :
გაზირება :
სხვა ბლოგები :
კომენტარები :