რა სახის პრობლემები აქვთ სამზარეულოში მოტრიალე ადამიანებს? ჩემი აზრით, ისინი ასე ჟღერს: - “ქვაბი ისე გაცხელდა, რომ ხელი დამიწვა!”, “სად წავიღო ეს დასვრილი კოვზი?!”, “კარტოფილს სიმეტრიულად ვერასდროს ვჭრი!”. ეს სწორედ ის წვრილმანებია, რომლებიც, ცალ-ცალკე, თითქოს - არაფერი, მაგრამ ერთად კულინარებს დიდ დისკომფორტს უქმნიან.

ყველაზე კრეატიული და პრაქტიკული ნივთები კულინარებისთვის

მზარეულის ასისტენტი, დინოზავრი ჩამჩა და მაიმუნი ჩამოსაკიდებლები

რა დაგვიცავს ხახვის ჭრის დროს ცრემლებისგან?

რა სახის პრობლემები აქვთ სამზარეულოში მოტრიალე ადამიანებს? ჩემი აზრით, ისინი ასე ჟღერს: - “ქვაბი ისე გაცხელდა, რომ ხელი დამიწვა!”, “სად წავიღო ეს დასვრილი კოვზი?!”, “კარტოფილს სიმეტრიულად ვერასდროს ვჭრი!”. ეს სწორედ ის წვრილმანებია, რომლებიც, ცალ-ცალკე, თითქოს - არაფერი, მაგრამ ერთად კულინარებს დიდ დისკომფორტს უქმნიან.

წვრილმანი პრობლემები გვერდზე რომ გადავდოთ, ფაქტია, როდესაც სამზარეულოში ტრიალი რუტინა ხდება, პროცესისგან სიამოვნების მიღებაც იკარგება. სწორედ ამიტომ, თუ თქვენთვის უკვე დამღლელია ნაცნობ სივრცეში სადილის მომზადება, მაშინ ეს ნივთები თქვენთვისაა - 10 პატარა კრეატიული საგანი კერძების მომზადებას უფრო მოსახერხებელს გახდის, ხოლო თქვენს სამზარეულოს - უფრო მხიარულს.

1. მზარეულის ასისტენტი

ეს პატარა კაცუნაა, ნივთი, რომლის არსებობის შესახებ, შესაძლოა, ბევრმა არც კი იცოდეს. მეც მხოლოდ ახლა გავიგე, რომ სამზარეულოში შეგვიძლია, ვიყოლიოთ დამხმარე  - ე.წ. მზარეულის ასისტენტი. ეს ნივთი იმაში გამოიყენება, რომ მაგრდება ქვაბის კიდეზე და იჭერს მის თავსახურს, ტოვებს სივრცეს ქვაბსა და თავსახურს შორის. ეს ჰაერის ცირკულაციას განაპირობებს, რაც, თავის მხრივ, ხელს უწყობს, რომ წყალი არ გადმოვიდეს და ცეცხლი არ ჩააქროს. ერთი სიტყვით, ჩვენი პატარა ასისტენტი ერთ-ერთ მთავარ თავის ტკივილს გვაშორებს.

2. მაიმუნი ჩამოსაკიდებლები

ხანდახან არ ვიცით, სად უნდა წავიღოთ სამზარეულოს სხვადასხვა ნივთი, იქნება ეს ტილო, სარეცხი ღრუბელი, მაკრატელი, პირსახოცი, დიდი კოვზი თუ სხვა რამ. მაიმუნი ჩამოსაკიდებლები სწორედ იმისთვის შეიქმნა, რომ ნივთები სასურველ ადგილას ჩამოვკიდოთ და სივრცე მაქსიმალურად პრაქტიკულად გამოვიყენოთ. შეგიძლიათ, პატარა მაიმუნები ნებისმიერ ადგილას დაკიდოთ მათი ხელებით, კუდებზე კი სხვადასხვა რამ ჩამოკიდოთ. “მაიმუნები” თქვენს სამზარეულოს სიხალისეს შესძენს, დაგეხმარებათ, ახლოს, ხელის ერთ გაწვდენაზე იქონიოთ საჭირო ნივთები, ნებისმიერ დროს ჩამოხსნათ და გამოიყენოთ.

3. იურული პერიოდის ჩამჩა

სადილის მომზადებისას, სხვადასხვა სუნელის შერევის დროს საჭიროა, კერძს მოვურიოთ. ამ დროს დიდ პრობლემას წარმოადგენს ის, თუ სად წავიღოთ კოვზი, რომელიც დაისვარა და რომლის გარეცხვის არც დრო გვაქვს, არც - საჭიროება, ვინაიდან იგი მალე ისევ უნდა გამოვიყენოთ. სწორედ ამისთვისაა შექმნილი ე.წ. იურული პერიოდის ჩამჩა, ანუ დასადგამი კოვზი დინოზავრის ფორმით. შეგიძლიათ, ამ ჩამჩით კერძს მოურიოთ, ქვაბიდან სუპი გადმოიღოთ და ნებისმიერ ადგილას დადგათ. ხოლო როცა არ დაგჭირდებათ, ის უბრალოდ, სუვენირივით გაალამაზებს თქვენს სამზარეულოს.

4. პიცის მჭრელი მოტოციკლი

მართალია, მრგვალი დანები, რომლითაც ვჭრით პიცას, ხაჭაპურს, ლობიანს და ა.შ., დიდი ინოვაცია აღარ არის, თუმცა განსაკუთრებული გაჯეტია პიცის მჭრელი მოტოციკლი. რა თქმა უნდა, ის, როგორც ყველა მსგავსი ფუნქციის ნივთი, თავიდან გარიდებთ პიცის უსწორმასწოროდ დაჭრას, მისი საშუალებით ნაჭრები ერთმანეთის პროპორციული გამოვა და უფრო მადისაღმძვრელიც გახდება. მოტოციკლის სწორად დადგმაც პრობლემას არ წარმოადგენს და ისევე, როგორც ამ ბლოგში წარმოდგენილი სხვა ნივთები, გაფორმების ფუნქციასაც ითავსებს.

5. ქვაბის მაგნიტური პეპლები

როგორ გადმოვდგათ სადილი ქურიდან ზედმეტი ტილოს დახმარებისა და ხელის დაწვის გარეშე? ზუსტად ამაში დაგეხმარებათ ეს მაგნიტური პეპლები. ისინი გვეხმარებიან, ქვაბი ან სხვა გაცხელებული ჭურჭელი ყოველგვარი დისკომფორტის გარეშე მივიტანოთ დანიშნულების ადგილას. არც ისე მცირე ზომის პეპლები, შეგიძლიათ, თქვენს მაცივარზე მიაკროთ მაშინ, როცა არ გჭირდებათ. ისინი თქვენი დამხმარენიც იქნებიან და დეკორაციულ ფუნქციასაც შეითავსებენ.

6. წყალგამძლე სამკლავურები

მშრალი ხელები რეცხვის დროს. როგორ? ამ კითხვაზე პასუხის გაცემას ეს წყალგამძლე სამკლავურები გაგცემთ. ხდება ხოლმე ისე, რომ საკმარისია ნიჟარასთან მისვლა და წყლის მოშვება, რომ უკვე მკლავები გვისველდება. ეს საკმაოდ არაკომფორტულია, განსაკუთრებით მაშინ, როცა მხოლოდ ერთი თეფშის გარეცხვა გვიწევს. სწორედ ამ დისკომფორტის მოსაგვარებლად არსებობს წყალგამძლე სამკლავურები, რომელთა მეშვეობითაც შეგვეძლება, გარეცხვის მერე “მშრალად გამოვიდეთ”, როგორც პირდაპირი, ისე - ირიბი მნიშვნელობით.

7. ხახვისგან დამცავი სათვალე

რატომ გვატირებს ხახვი? ის გამოჰყოფს ქიმიკატს, რომელიც ასტიმულირებს თვალის საცრემლე ჯირკვლებს, რის გამოც, ასე ვთქვათ, ტირილს ვიწყებთ. ერთი სული გვაქვს, ხახვის დაჭრა დავასრულოთ, თანაც, ცრემლებით სავსე თვალების გამო უკვე ნორმალურად იმასაც ვეღარ ვხედავთ, რასაც ვაკეთებთ. ამ პრობლემის გადასაჭრელად არსებობს ხახვისგან დამცავი სათვალე, რომელიც თვალებს გაღიზიანებისგან იცავს. ასევე, სათვალის მინები არ არის ბუნდოვანი და იძლევა კარგი ხილვადობის გარანტიას.

8. სპირალური დანა

ეს არის ნივთი იმ მზარეულებისათვის, ვისთვისაც კერძების ვიზუალს დიდი მნიშვნელობა აქვს. სპირალურად მჭრელი დანის საშუალებით ბოსტნეულს ულამაზეს ხვეულ ნაჭრებად დაჭრით. ამასთანავე, საგანი საკმაოდ პრაქტიკულია, გვეხმარება ენერგიის დაზოგვაში, სწრაფად და ძალის გამოყენების გარეშე ჭრის ბოსტნეულს, მაგალითად: სტაფილოს, კიტრს და ა.შ. იგი იხილეთ ამ ბმულზე.

9. ხილისა და ბოსტნეულის მჭრელი

ისინი, ვისაც სახლში მზარეულის როლი აქვთ, მაგრამ დიდი გამოცდილებითა და გაწაფულობით ვერ დაიკვეხნიან, ერთ-ერთ ყველაზე პრობლემურ საკითხად ხილისა და ბოსტნეულის დაჭრას აღიქვამენ. ეს ორი რამის გამოა: პირველი, ამ დროს შესაძლოა, თითი გავიჭრათ; და მეორე - ხშირად დაჭრა სიმეტრიულად არ გამოგვდის. ზუსტად ამიტომ მეტად გამოსადეგი მოწყობილობაა ხილისა და ბოსტნეულის მჭრელი. ეს არის ერთგვარი დასაჭრელი ფორმა. მისი მეშვეობით, ზემოთ აღნიშნული ორივე პრობლემა მოგვარდება - თითოეული ნაჭერი იდეალურად სიმეტრიული ზომისა და ფორმის იქნება და თანაც, პომიდვრისა თუ ატმის თითებით ჭერა არ მოგვიწევს, შესაბამისად, ხელის გაჭრის რისკი აღარ იქნება.

10. კურკის მოსაშორებელი

როგორ გავხადოთ ზაფხულის ხილის მირთმევა ბავშვებისთვის უსაფრთხო? კურკოვანთა კულტურები, ისეთები, როგორიცაა ბალი და ალუბალი, შეიძლება, სახიფათო იყოს, რადგან კურკის გადაყლაპვის შანსი არსებობს. ამას გარდა, მსგავსი ხილისგან კურკის განცალკევება საკმაოდ არაკომფორტული პროცესია - ხელები გვესვრება, ნაყოფის ფორმაც იკარგება. ამ პრობლემის მოსაგვარებლად არსებობს ნივთი, რომლის დახმარებითაც შეგეძლებათ, ხელის ერთი მოძრაობით მოაშოროთ ხილს კურკა და თქვენმა პატარამაც ის უსაფრთხოდ მიირთვას. კურკის მოსაშორებელი იხილეთ ამ ლინკზე.

ბლოგში შემოგთავაზეთ სულ რაღაც 10 ნივთი, რომლებიც  სამზარეულოში ტრიალს უფრო მარტივსა და სახალისოს გახდის. დროც და ნერვებიც დაგეზოგებათ, ისინი სტიმულს მოგცემთ, რაც შეიძლება მეტი გემრიელი კერძი მოამზადოთ და საქმის დროს არ გაღიზიანდეთ ან შეჩერდეთ წვრილმანი ბარიერების გამო. ამ ათის გარდა, არსებობს სხვა, მსგავსი დამხმარე მოწყობილობებიც, რაც შეგიძლიათ, იხილოთ ჩვენს გვერდზე სახელწოდებით - “მხიარული კულინარია”.