თუ თქვენც დიდი ხანია ამ მოვლენას ელოდებით, მაშინ ნამდვილად სასიამოვნო წუთები გელოდებათ წინ.

მსოფლიო საფეხბურთო ციებ-ცხელებამ მოიცვა. მთელი ყურადღება ჩვენი მეზობელი ქვეყნისკენაა მიპყრობილი. ყველა ცნობილი ფეხბურთელი ერთ ქვეყანაში შეგროვდა და სასურველი მიზნის მისაღწევად თავს არ ზოგავს. თუ თქვენც დიდი ხანია ამ მოვლენას ელოდებით, მაშინ ნამდვილად სასიამოვნო წუთები გელოდებათ წინ. იქნებ არ ხართ ფეხბურთის დიდი გულშემატკივარი და გულში ფიქრობთ: „რითაა სასიამოვნო იმის ყურება, როგორ ერთობა 22 მილიონერი ერთი ბურთით?!“. მაგრამ შეიძლება ოჯახის წევრი სხვანაირად ფიქრობს და ყოველ ღამე არ გაძინებთ ყვირილით: „გოოოლ! მესიი!“. როგორც არ უნდა იყოს, ეს მოვლენა თქვენს ოჯახში უკვალოდ არ ჩაივლის.

მოკლედ მსოფლიო ჩემპიონატის ისტორიაზე. 1930 წლიდან ყოველ ოთხ წელიწადში ერთხელ მთელი მსოფლიო სულგანაბული ელოდება ჩემპიონატის დაწყებას. უნდა აღინიშნოს, რომ თავიდან ამ წამოწყებას მსოფლიო მაინც და მაინც ზარ-ზეიმით არ შეხვედრია. რადგან ფეხბურთის პირველ მსოფლიო ჩემპიონატში მხოლოდ 13 გუნდი მონაწილეობდა. მაგრამ მას შემდეგ ფეხბურთში ბევრი რამ შეიცვალა და დღესდღეობით ამ სპორტულ ღონისძიებაში დაახლოებით 200 ქვეყანა იღებს მონაწილეობას. მაგრამ ამ ყველაფერს წინ უსწრებდა სხვა ღირსშესანიშნავი მოვლენები. მაგალითად, იცოდით თუ არა, რომ პირველი ოფიციალური, საერთაშორისო საფეხბურთო მატში 1872 წელს ჩატარდა, როცა ინგლისი და შოტლანდია დაუპირსპირდნენ ერთმანეთს? სტურებმა შოტლანდიელები მინიმალური სხვაობით 1:0 დაამარცხეს. ამის შემდეგ ფეხბურთი გასცდა მშობლიურ ბრიტანეთის კუნძულებს, და უკვე 1902 წლის ივლისის თვეში პირველი ოფიციალური მატში ბრიტანეთის ფარგლებს გარეთ, მონტევიდეოში, ურუგვაისა და არგენტინას შორის ჩატარდა. ნახეს რა ამ სპროტის პოპულარობა, მიხვდნენ, რომ ნელ-ნელა ხალხი მისადმი უფრო მეტ ინტერესს იჩენდა. ამიტომ ვიღაც ჭკვიან ადამიანს აზრად მოუვიდა საერთაშორისო გაერთიანების შექმნა, რომელიც სპორტის ამ სახეობას სწორ მიმართულებას მისცემდა. ასე გაჩნდა FIFA-ს (ფეხბურთის ასოციაციათა საერთაშორისო ფედერაცია) შექმნის იდეა. ამ მიზნით 1904 წლის 21 მაისს პარიზში ორგანიზაციის წევრმა ქვეყნებმა, ბელგიამ, დანიამ, საფრანგეთმა, ნიდერლანდებმა, ესპანეთმა, შვედეთმა და შვეიცარიამ საფუძველი ჩაუყარა FIFA-ს საერთაშორისო ორგანიზაციას. მის პრეზიდენტად კი ფრანგი რობერ გერენი აირჩიეს. დღესდღეობით კი ფედერაციაში 211 წევრი ქვეყანაა გაერთიანებული. ამ ორგანიზაციის ფუნქცია საფეხბურთო ჩემპიონატების ორგანიზება და ზოგადად ფეხბურთის პოპულარიზაცია გახლავთ. თუ კი იმ პერიოდებში ფეხბურთს მეტი სტიმული სჭირდებოდა, დღეს ცოტა სხვაგვარადაა საქმე. თამამად შეგვიძლია ვთქვათ, რომ ეს მსოფლიოში ყველაზე პოპულარული სპორტის სახეობაა.

მაგრამ მოდი შევეშვათ წარსულს და აწმყოს დავუბრუნდეთ. მთელი ოთხი წელიწადი ველოდით ამ მომენტს და საბოლოოდ გვეღირსა კიდევაც. ბევრი ფან-კლუბებსა თუ კინოთეტრებში სიარულს, სახლში ლუდით ხელში ჯდომას ამჯობინებს. როგორ მოვემზადოთ ამ მოვლენისთვის? გთავაზობთ რამოდენიმე ვარიანტს, რომელიც როგორც ჩემთვის ასე ბევრისთვის სასიამოვნო აღმოჩნდა.

დამეთანხმებით, რომ არაფერი ჯობია მეგობრებთან ერთად სასიამოვნო მომენტების გაზიარებას. ფეხბურთშიც ასეა. პირადად მე და ალბათ თქვენც, მეტს სიამოვნებას მაშინ იღებთ, როცა მეგობრების წრეში გულშემატკივრობთ საყვარელ გუნდს. ხომ არ შეიძენდით გასაბერ აუზს? შეიძლება იკითხოთ, ეგ რა შუაშიაო? რამდენადაც ზაფხულში გაუსაძლისი სიცხეა და მატჩებიც ზოგჯერ შუადღისით იმართება, ოთხ კედელს შორის ჯდომას ჯობია გარეთ მოკალათდეთ. წარმოიდგინეთ, როგორ ნებივრობთ აუზში მეგობრებთან ერთად, სადაც გასაბერ ლეიბზე ხართ წამოწოლილი და ლუდს მიირთმევთ. ან შეგეძლოთ საქანელის ყიდვა გეცადათ და ეზოში ოჯახთან ერთად მოკალათება (თუ რათქმაუნდა ფეხბურთზე ალერგია არააქვთ). ნებისმიერ შემთხვევაში იდეა ასეთია: ერთად უკეთესია!

რომელ გუნდს გულშემატკივრობთ? ბრაზილიას, ესპანეთს, პორტუგალის თუ არგენტინას? ჩამონათვალი შეიძლება უსასრულოდ გაგრძელდეს. იქნებ თქვენი საყვარელი გუნდი ვერც მოხვდა მსოფლიო ჩემპიონატზე, ან იქნებ გამოეთიშა ასპარეზობას. პირადად მე ძალიან გული დამწყდა ეგვიპტეზე, მაგრამ რას ვიზამთ, ფეხბურთში ყველაფერი ხდება. როგორც არ უნდა იყოს, ფავორიტი მაინც გეყოლებათ. ნამდვილი გულშემატკივარი გულშემატკივრობას მაისურის შეძენით იწყებს. ამის გაკეთება სახლიდან გაუსვლელად ინტერნეტ მაღაზიიდან შეგიძლიათ. შეარჩიეთ ბრაზილიის, ესპანეთის, ხორვატიის ან საფრანგეთის თქვენი ზომის მაისურები. ამ მხრივ შეზღუდული არ ხართ, რადგან შეგიძლიათ როგორც საშინაო ისე გასვლითი მატჩების ფორმები შეიძინოთ. ბევრი თავგადაკლული ფანი შარფებზეც არ ამბობს უარს. როგორც ჩანს იმიტომ, რომ უყვართ ჰაერში მისი ფრიალი, რომელიც ისეთ შეგრძნებას იძლევა, თითქოს სტადიონზე ხარ. ამ სიცხეში ხომ აუცილებლად დაგჭირდებათ კეპი? მარკეტინგის სპეციალისტებმა ეს კარგად იციან, ამიტომ კეპებზე საყვარელი გუნდის სიმბოლიკები დაახატეს, რათა ჩვენთის ცხოვრება მრავალფეროვანი გაეხადათ და ცოტა ფული თვითონაც ეშოვათ. რას არ მოიფიქრებს კაცი?!

ძველად ქართველ მეომრებს ბრძოლაში დროშები მიჰქონდათ. დროშა ქვეყნის სიმბოლო იყო და მის დაკარგვას თავის დაკარგვა სჯობდა. რა შეიძლება ითქვას თანამედროვე მედროშეებზე? გაქვთ სახლში ბრაზილიის, გერმანიის, შვედეთის თუ ურუგვაის დროშა? ალბათ იკითხავთ სულ ბრაზილიით რატომ იწყებსო. უკაცრავად, მაგრამ ფეხბურთის აქტიურად ყურება მაშინ დავიწყე, როცა ბრაზილიის ნაკრებში ყველა ფეხბურთელი მსოფლიო დონის ვარსკვლავი იყო. ასე რომ, ამ ქვეყნის მიმართ სიმპატიები დღემდე გამომყვა. ვნახოთ წელს თუ გამახარებენ.

ისურვებდი სახლში ლუდის კათხა გქონოდა, რომელსაც ორიგინალური ფორმა აქვს? და ორიგინალურში რას ვგულისხმობთ? გახსენით ლინკი და ნახავთ. ან ჭიქები სადაც ყველა მონაწილე ქვეყნების დროშებია დახატული? ასეთი აქსესუარები ჩემპიონატის დამთავრების შემდეგ სასიამოვნო მოგონებად დაგრჩებათ, განსაკუთრებით მაშინ, თუ მუნდიალს თქვენი საყვარელი გუნდი მოიგებს.

და ბოლოს, ვიფიქრე კიდევ რა უნდა დაჭირდეს ფეხბურთის ქომაგს, რომ თამაშისგან სიამოვნება მიიღოს მეთქი. უცებ გონებაში ასეთი სურათი წარმოვიდგინე: მეგობრების წრეში ბუნებაში ვარ გასული და ჩაციებულ ლუდს მივირთმეთვ. მაგრამ ამისათვის სამგზავრო მაცივარი დამჭირდება. მასში რაც შეიძლება მეტი ყინული უნდა ჩავყარო და ჩავდო ჩემი საყვარელი ლუდი. დამეთანხმებით არაფერი ჯობია ბუნებაში კარგ კომპანიონებთან ერთად ჯდომას და ფეხბურთის ყურებას. ხომ არ ცდიდით?

მაშ ასე, ფინალამდე ბევრი არაა დარჩენილი. დაძაბულობა ყოველ დღე მატულობს. პროგნოზებიც ყოველ წუთს იცვლება. ეს დამაახასიათებელიცაა მსოფლიო ჩემპიონატისთვის. ყველაფერი შეიძლება მოხდეს და ამიტომ არ გამოტოვოთ არც ერთი თამაში.