დაგეგმე წინასწარ ლაშქრობის სამზადისი, თავიდან აიცილე გაუთვალისწინებელი შემთხვევები

ლაშქრობა საუკეთესო საშუალებაა განსატვირთად. ორი დღით ქალაქგარეთ გასვლით აივსებით ახალი ენერგიით, გაიცნობთ ახალ ადგილებს. ცოტა ხნით მოშორდებით ქალაქის ხმაურს და რუტინას. ლაშქრობაში როგორც საკუთარ თავს, ასევე ჯგუფის წევრებს გაიცნობთ უკეთესად. აღმოაჩენთ ახალ შესაძლებლობებს.

ლაშქრობა და ექსკურსია ერთმანეთში არ უნდა აგვერიოს, შესაბამისად უნდა მოვემზადოთ ორი და მეტ დღიანი თავგადასავლისთვის, რომ რთული გზა გაიმარტივოთ, წინასწარ დაგეგმეთ და გაითვალისწინეთ ყველაფერი შეძლებისდაგვარად.

ფეხსაცმელი არის ყველაზე მნიშვნელოვანი აქსესუარი. ის არ უნდა იყოს ახალი, გამოცდილი უნდა გქონდეთ რამდენად კომფორტულია მთელი დღით ტარება, ამით თავიდან აირიდებთ მიკროტრამვებს.

დავიწყოთ იქიდან, რომ ღამისთევით წასვლისას გავითვალისწინოთ სად დავიძინებთ და როგორ.

კარავი უნდა იყოს წყალგაუმტარი,. მსუბუქი, ადვილად უნდა იშლებოდეს და იკეცებოდეს. იმის გათვალისწინებით თუ ვისთან ერთად მიდიხართ, შეარჩიეთ კარვის ზომა. 1-2 კაციანი ან 3-4 კაციანი. შერჩევისას ასევე გაითვლისწინეთ კარვის ვენტილაცია.

კარავში დგჭირდებათ ლეიბი  და საძილე ტომარა. ორივე უნდა იყოს წყალგაუმტარი, მსუბუქი და ადვილად უნდა იკეცებოდეს, რათა შორ მანძილზე ჩანთაზე დამაგრებული ატაროთ. საძილე ტომრის სისქე შეარჩიეთ სეზონის და ტემპერატურის შესაბამისად.

არ გაუშვათ შანსი ხელიდან, თუ მთაში ხართ და ცა მოწმენდილია, დაიძინეთ ღია ცის ქვეშ. საოცარი ხედი მთელი ცხოვრება გემახსოვრებათ.

ლაშქრობის დაგეგმვისას ამინდის პროგნოზის წინასწარ ნახვა არ დაგავიწყდეთ, მაგრამ თავის დაზღვევის მიზნით მაინც თან იქონიეთ საწვიმარი,  რომელიც მარტივად დაიკეცება და მსუბუქი იქნება. ასევე საწვიმარი ფეხსაცმელი.

ჩანთაზე არ დაზოგოთ თანხა და აირჩიეთ ხარისხიანი, ორმაგი ნაკერებით. ის არავითარ შემთხვევაში არ უნდა დაგიზიანდეთ. ჩალაგებისას მის ძირში მოათავსეთ მძიმე ნივთები, რასაც გადაადგილების დროს ნაკლებად გამოიყენებთ. ისეთი ნივთები კი რაც დღის განმავლობაში დაგჭირდებათ, მოათავსეთ ჩანთის ზედაპირზე. მგალითად: მობილურის დამტენი, რომელიც მზის ენერგიაზე მუშაობს, ბინოკლი, თავზე დასამაგრებელი ფარანი,  კომპასი, SOS და პირველადი დახმარების ნივთები, მათარა და თერმოსი დაამაგრეთ ჩანთას გარედან.

კვება ლაშქრობის დროს ძალიან მნიშვნელოვანია. დღის განმავლობაში ძალიან ბევრ კალორიას ხარჯავთ და უნდა აინაზღაუროთ. საჭმლის მომზადებას შეძლებთ მინი გაზქურაზე. ჭურჭელი  უნდა იყოს მეტალის, მაგრამ მსუბუქი. ასევე მეტი კომფორტისთვის თან იქონიეთ გასაშლელი მაგიდა-სკამები.  

ღამე, როდესაც კარვებს გაშლით და ცეცხლს დაანთებთ, დაიცავით დისტანცია 3-4 მეტრი კარვიდან კოცონამდე. საღამოს გასამრავალფეროვნებლად და გასართობად, ადგილი თუ გექნებათ წაიღეთ ბლუთუზ დინამიკი,  რომელიც ასევე მზის ენერგიაზე იმუშავებს.

ღამე ბანაკის მიმდებარე ტერიტორიაზე გადასაადგილებლად, თავზე დასამაგრებელ ფარანთან ერთად შეგიძლიათ გამოიყენოთ ასევე დიდი ფარანი, რომელიც მზის ენერგიაზე მუშაობს და დაგეხმარებათ იმ შემთხვევაში თუ ელემენტები დაგიჯდებათ. უსაფრთხოების მიზნით ბანაკს არ მოშორდეთ  დიდი დისტანციით. წადით მეგობართან ერთად და აცნობეთ ჯგუფს თქვენი მარშრუტის შესახებ.  

გაგვიზიარეთ თქვენი გამოცდილება და საყვარელი ადგილები ლაშქრობისთვის. თუ რამე გამომრჩა, არ დაგეზაროთ და კომენტარებში დაამატეთ. გისურვებთ შთაბეჭდილებებით აღსავსე თავგადასავლებს.