ნივთები რაც აუცილებლად უნდა გქონდეს, ზაფხულის სასიამოვნოდ გასატარებლად

მზე, ზღვა, ზაფხული... ამ სიტყვების გაგონებაზე ყველანი შვებულებამდე თუ არდადეგებამდე დარჩენილი კვირებისა და დღეების თვლას ვიწყებთ — რაც უფრო ახლოსაა იგი მით უფრო დამღლელად გადის დრო. დასვენება, რომელიც ადამიანს ჩვეულებრივ წელიწადში ერთხელ აქვს წარმოადგენს პერიოდს, როდესაც ის ივიწყებს ყოველდღიურ რუტინას და მთლიანად დასვენებას ეძლევა. „ყველაფერი ამ სანუკვარი დღეებისთვის“ — თითქოს სარეკლამო სლოგანივით ჟღერს, მაგრამ სიმართლეა, დასვენებას ხელი არაფერმა უნდა შეუშალოს. აუცილებელია, თადარიგი დროულად დაიჭიროთ: აირჩიოთ საინტერესო ადგილი, დაჯავშნოთ სასტუმრო და გაამზადოთ ჩემოდანი. დღეს მოგიყვებით იმ საჭირო ტანსაცმლისა თუ აქსესუარების შესახებ, რომლებიც დასვენების იდეალურად გატარებაში დაგეხმარებათ.

შეარჩიეთ ჩემოდანი

გაგიკვირდებათ და დასვენების დონე და ხარისხი პირდაპირ არის დამოკიდებული იმაზე თუ რამდენად კომფორტული და ფუნქციონალურია თქვენი ჩემოდანი ან ზურგჩანთა. მცირე მონაკვეთიანი საზაფხულო შვებულებისთვის პატარა ან საშუალო ზომის შეარჩიეთ. გთავაზობთ, თვალი გადაავლოთ შემდეგ მოდელებს: Shoulder Duffle Bag, Rolling Wheeled Bag, Military Messenger Bag, Retro Bag .  

შორტები

კაცის საცურაო კოსტუმში მთავარია მატერიის ხარისხი, ფერი და კონსტრუქცია. სურათები და გაფორმება სხვადასხვა შეიძლება იყოს – სადა მონოტონურიდან  ნათელ და ექსცენტრიულამდე.

ძალიან ნათელი და თბილი ფერები უფრო გარუჯულ კანს მოუხდება, მუქი ფერის მოდელები კი ღიას. სასურველია, ზურგჩანთაში ორივე ტიპის სამოსი ჩადოთ – ერთს რუჯის მიღებამდე ჩაიცმევთ, მეორეს კი გარუჯვის შემდეგ.

რაც შეეხება სიგრძეს, თუ 90-იანებში გრძელი შორტები იყო მოდაში ახლა პირიქით გახსნილი და უფრო გამომწვევი მოდელებია აქტუალური. გირჩევდით, რომ ზომიერება დაგეჭირათ და ნორმალური ზომის შორტები მოგერგოთ. მაგალითად შემდეგი მოდელები: Knee Lined Swim Shorts, Casual Beach Pants.

შორტების შერჩევისას გაითვალისწინეთ თქვენი აღნაგობა, რათა მაქსიმალურად წარმოსადეგად გამოიყურებოდეთ. თქვენი ფიგურის პროპორციებიდან გამომდნინარე აარჩიეთ მოდელი.

თუ მაღალი ხართ მაშინ სასურველია თქვენი შორტებიც, შესაბამისად, გრძელი და მუხლებზე ოდნავ ზემოთ იყოს, ხოლო პირიქით დაბალი სიმაღლის შემთხვევაში ეცადეთ  მოკლე შორტებს მიანიჭოთ უპირატესობა.

აგრეთვე გაითვალისწინეთ, რომ მსხვილ და სრულ მამაკაცებს ვერტიკალური ზოლების მქონე შორტები უფრო ათლეტურად წარმოაჩენს, ხოლო გამხდრებს პირიქით ჰორიზონტალურ ზოლიანი მოდელები მოუხდებათ.

ფეხსაცმელი

საზაფხულო ფეხსაცმელი პირველ რიგში უნდა იყოს მსუბუქი, მოსახერხებელი და, სასურველია, სწრაფად შრობადი. სანაპიროს სიახლოვეს სამოძრაოდ უფრო რეზინის სანდლები გამოგადგებათ.

ქალაქის ქუჩებში სასეირნოდ ტოპსაიდერებს ან მოკასინებს მიანიჭეთ უპირატესობა. ასევე გირჩევდით ნორვეგიული ბრენდის Swims-ის პროდუქციას, რომელიც საკმაოდ მაღალი ხარისხით გამოირჩევა.

ქუდი და სათვალე

თქვენი საცურაო კოსტუმის სტილის შესაბამისად შეგიძლიათ არჩევანი რამოდენიმე ტიპის ქუდს შორის გააკეთოთ:

• მსუბუქი შლიაპა

• პანამა

• ბეისბოლის კეპი

სამივე მათგანი დაგიცავთ მზის სხივებისგან და იდეალურად დაემატება თქვენი პლიაჟის კომპლექტს.

რაც შეეხება სათვალეებს, გთავაზობთ აგეცნოთ შემდეგ სტატიას: https://ebg.ge/blog/11-სათვალე-ფილმებიდან--რომელიც-უცილებლად-უნდა-იცოდე/46

ელექტრონიკა

დასასვენებლად რაც უფრო ნაკლებს მოწყობილობებს წაიღებთ, მით უფრო უკეთესია. სჯობს ერთგვარი დასვენება მათაც მოუწყოთ და ბუნებრივი სილამაზით დატკბეთ.

თუმცა, ელექტრონული „გაჯეტები“ ხელს ყოველთვის როდი გვიშლიან. მათი უმრავლესობა ცხოვრებას გვიმარტივებს და დროის მაქსიმალურად რაციონალურად გამოყენებაში გვეხმარება.

მაგალითად თუ ზღვაზე გადაწყვეტთ წასვლას გირჩევთ აუცილებლად შეიძინოთ წყალგამძლე ფოტო-კამერა, იგი იდელაურ კომპანიონობას გაგიწევთ როგორც წყალში ისე ხმელეთზე. გთავაზობთ შემდეგ მოდლებს: Akaso EK7000 Wifi 4K,  SJ5000 12MP Ultra HD, SJ9000 4K Ultra HD.

აგრეთვე გირჩევთ ხელს გააყოლოთ ბლუთუზ დინამიკი და ყურსასმენები, რომელიც მხიარულებასა და ხალისს შემატებს თქვენს დასვენებას. დინამიკებში JBL FLIP 4-ს ანალოგი არ მოეძებნება, თუმცა შეგიძლიათ სხვა მოდელებსაც გადაავლოთ თვალი: Axess SPBL1043, RainBow Stereo Speaker. რაც შეეხება ყურსასმენებს, აქაც საკმაოდ ფართო ასორტიმენტია: Waterproof Earphone, Earphone for Apple , Mini Earbuds .

ზაფხულის ცხელი დღეების გადატანაში დაგეხმარებათ მინი ვენტილატორი, რომელსაც სმარტფონს ან პლანშეტს თავისუფლად მოარგებთ. მაგალითად ეს მოდელი სულ რაღაც 10 ლარამდე ღირს – Mini Electric Cooler .

სახლიდან გასვლისას აუცილებლად თან იქონიეთ ფაუერ ბანკიც, რომელიც თავიდან აგაცილებთ თქვენი სმარტფონის ელემენტის მოულოდნელ დაჯდომასთან დაკავშირებულ სხვადასხვა უხერხულ შემთხვევებს. გთავაზობთ როგორც მცირე მოცულობიან გარე დამტენებს, ისე შედარებით მოზრდილებს.