როგორ შევიძინო?

ავტორიზაცია

ყველა კატეგორია

რა ვაჩუქო?
აქსესუარები სილამაზე და კოსმეტიკა საჩუქარი ბავშვებისთვის დეკორი სხვადასხვა
ავტო ნაწილები ბავშვებისათვის ვიდეო თამაშები & კონსოლები ზოო პროდუქცია კომპიუტერული ტექნიკა მობილური ტელეფონები & აქსესუარები მუსიკა მუსიკალური ინსტრუმენტები საათები სათამაშოები & ჰობი
ასაწყობი სათამაშოები ბურთები, ფრიზბი & ბუმერანგები გამჭვირვალე & ფერადი ბურთულები დრონები თამაშები კლასიკური სათამაშოები მანქანები, თვითმფრინავები, გემები & ძრავები მატარებლები მოდელები & კომპლექტი მოქმედებითი / მოძრავი მცირე წლოვნებისთვის რობოტები, მონსტრები, კოსმოსური მხეცები საბავშვო დისტანციური მანქანები საბავშვო სატერფულიანი მანქანები საბითუმო გაყიდვები საგანმანათლებლო სათამაშო ჯარისკაცები საპნის ბუშტები სატელევიზიო & ფილმის პერსონაჟები სწრაფი კვების სათამაშოები ფაზლები, თავსატეხები, რუბიკის კუბები ფუმფულა / ბეწვის სათამაშოები ცნობილი ცხოველები ძველებური & ანტიკვარული სათამაშოები საბითუმო გაყიდვები
სამკაულები სამომხმარებლო ელექტროტექნიკა სახლი და ეზო სპორტული საქონელი ტანსაცმელი, ფეხსაცმელი და აქსესუარები ფოტო და ვიდეო კამერები წიგნები ჯანმრთელობა და სილამაზე

ოთახის მცენარეები და მათი მოვლის გზები: როგორ შევქმნათ ბუნებრივი სივრცე ჩვენ ირგვლივ?

მეგი კაზეიშვილი
63374

წაკითხვა

მოწონება

ბლოგერი : მეგი კაზეიშვილი

გამწვანება სახლში - სიმშვიდის, ჯანმრთელობისა და სილამაზის გარანტი,მარტივად მოსავლელი ოთახის მცენარეები,

გამწვანება სახლში - სიმშვიდის, ჯანმრთელობისა და სილამაზის გარანტი

მარტივად მოსავლელი ოთახის მცენარეები

მცენარეები ორგანიზმებია, რომლებიც მზის ენერგიით იკვებებიან. ისინი ფოტოსინთეზის დროს ითვისებენ ნახშირორჟანგს და გამოჰყოფენ ჟანგბადს. ამიტომ, მათ ცოცხალი სამყაროსთვის განსაკუთრებული მნიშვნელობა აქვს. ამბობენ, რომ გამწვანება ამა თუ იმ ადგილის "ფილტვებია", რადგან სწორედ მცენარეები გვაძლევს საშუალებას, ვისუნთქოთ.

დღევანდელი დასავლური სამყაროს დიდი ქალაქების დაგეგმარებაში უფრო და უფრო მეტი ყურადღება ექცევა გამწვანების საკითხს. ქალაქების სპეციფიკა: მანქანები, საწარმოები და მათგან გამომდინარე გამონაბოლქვი თუ დაბინძურება საფრთხეს უქმნის ჯანსაღ გარემოსა და ქალაქებში მცხოვრები ადამიანების ჯანმრთელობას. ისინიც მეტად ცდილობენ, ბუნებისგან შორს ყოფნა იმით შეივსონ, რომ სახლშივე შეიქმნან ჯანსაღი გარემო, რისთვისაც ერთ-ერთი საუკეთესო გზა ოთახებში მცენარეების მოთავსებაა.

სწორედ ამის გამო, ბლოგი შეეხება ოთახის მცენარეებს, მათ მოვლასა და სასარგებლო თვისებებს. ყველა შემოთავაზებული მცენარე საკმაოდ უპრეტენზიოა და მათი ყოლა (დიახ, ყოლა, რადგან ისინი ცოცხალი არსებები არიან, რომლებიც ჩვენზე ზრუნავენ) თქვენს სახლს გააჯანსაღებს და გაალამაზებს. ბევრი სასარგებლო თვისების გარდა, მცენარეები დეკორაციის ნაწილიცაა.

 

1) მცენარე, რომლის გარეშეც სახლი წარმოუდგენელი ხდება

ოთახის მცენარე - ალოე

ალოეს გარეშე ვერ წარმომიდგენია ვერც ერთი სახლი, რადგან ის ყოველმხრივ უნიკალური მცენარეა. პირველ რიგში, უნდა აღინიშნოს, რომ ადვილად მოსავლელია. ალოე ღამე გამოჰყოფს ჟანბადს და ჰაერს წმენდს ზედმეტი ნახშირბადისგან. ასევე, იგი პატარა "სასწრაფო დახმარებაა", რადგან ძალიან ბევრი სამკურნალო თვისება აქვს, მაგალითად, მისი წვენი მისწრებაა გაციებისთვის, აგრეთვე, შველის თავის ტკივილს. მას შემდეგ, რაც ალოე შევიძინე, მიკვირს, მანამდე მის გარეშე როგორ ვძლებდი. აღნიშნული მცენარე ძალიან უხდება ოთახის დეკორაციასაც.

 

2) ბარაქის მომტანი მცენარე

პილეა, იგივე "ჩინური ფულის ხე" ან "იაპონური დოლარი"

პილეა ჭინჭრისებრთა ოჯახის წარმომადგენელია, რომელსაც ბარაქის სიმბოლოდ მიიჩნევენ და ამ მარტივი მიზეზის გამო "ჩინურ ფულის ხესაც" უწოდებენ. ის მცირე ზომის, სულ 30 სმ-მდე სიმაღლის მცენარეა, მკვეთრი მწვანე შეფერილობის. ამ მცენარეს ყვავილი გამოაქვს ხოლმე, ოღონდ წვრილი, თითქმის - შეუმჩნეველი. პილეა განსაკუთრებულ მოვლას არ საჭიროებს, მიუხედავად იმისა, რომ ტენიანობის მოყვარულია. ზაფხულში 7-9 დღეში ერთხელ უნდა მოვრწყათ, ხოლო ზამთარში - წყალი 10 დღეში ერთხელ სრულიად ჰყოფნის.

ზაფხულის თბილ დღეებში შეგიძლიათ, მცენარე გარეთაც გამოიტანოთ, თუმცა მზის სხივებსა და ორპირ ქარს შეძლებისდაგვარად უნდა მოარიდოთ. მიუხედავად იმისა, რომ "ფულის ხე" პოპულარულობით გამოირჩევა, ზოგმა არც კი იცის, რომ სამკურნალო თვისებებით იგი ალოეს არ ჩამოუვარდება. ის არის ბაქტერიციდული, ანტივირუსული, ანთების საწინააღმდეგო და ა.შ. ასევე, ვინ იცის, იქნებ თავისი მეტსახელების წყალობით მან ბარაქა მართლაც მოგიტანოთ?..

მცენარე - "ჩინური ფულის ხე" შეგიძლიათ იხილოთ ამ ლინკზე

 

3) ბუნება, რომელიც გვჭირდება

ახლა კი შემოგთავაზებთ მცენარეს, რომელიც ძალიან სასარგებლოა ჩვენი ორგანიზმისთვის. ეს სანსევიერია გახლავთ, რომელსაც "გველის ტყავასა" და "სიდედრის ენასაც" უწოდებენ. ეს ერთ-ერთი საუკეთესო ჰაერის გამწმენდი მცენარეა, ალოეს მსგავსად ღამე გამოჰყოფს ჟანგბადის დიდ რაოდენობას და არ საჭიროებს განსაკუთრებულ მოვლას.

გარდა ამისა, სანსევიერია ძალიან უხდება ნებისმიერი ოთახის ინტერიერს. არ არის დაბალი ოთახის მცენარე, ზამთარში შეგვიძლია, 21 დღეში ერთხელ მოვრწყათ, ხოლო ზაფხულში - 7-10 დღეში, ანუ, არ არის პრეტენზიული მცენარე და მისი მოვლა ადვილია. სანსევიერია შეგიძლიათ, შეიძინოთ პრაიმით, რაც ნიშნავს, რომ შეგეძლებათ, ის მიიღოთ საუკეთესო ფასად, უფასო მიწოდებით, და ძალიან სწრაფად.

 

4) ქლოროფიტუმი - მცენარე საოცარი უნარით

მეცნიერები ოთახში ჰაერის გასაწმენდად სხვადასხვა ცდას ატარებენ, მაგალითად, მცირე ზომის სპეციალურ ოთახში ათავსებენ მცენარეებს, შემდეგ იქ დაბინძურებული ჰაერი შეჰყავთ და აკვირდებიან, თუ რომელი მცენარე წმენდს ჰაერს უკეთესად. სწორედ ამ ცდების შედეგად გაირკვა, რომ ერთი მოზრდილი ქლოროფიტუმი ჰაერს 24 საათის განმავლობაში მინარევებისაგან მთლიანად ასუფთავებს. ამიტომ, ვისაც სამზარეულოში გამწოვი არ გაქვთ, იქნებ ჯობდეს, მეტად იფიქროთ ამ მცენარის ყოლაზე, რადგან ეჭვგარეშეა, სამზარეულოში ჰაერის გასუფთავება აუცილებლად დაგჭირდებათ.

როგორ მოვუაროთ? სხვა მცენარეების მსგავსად, არც ქლოროფიტუმია რთულად მოსავლელი, ის თითქმის ყველა ტიპის ნიადაგზე იზრდება. მორწყვას განსაკუთრებით გაზაფხულზე ითხოვს, ზამთარში კი წყალი უნდა შეუმციროთ. რაც შეეხება მზის სხივებს, კარგია, თუ განათებულ ადგილზე იქნება, რადგან ჩრდილში მისი ფოთლები უფერულდება. მიუხედავად იმისა, რომ მისი მოვლა დიდ შრომასთან არ არის დაკავშირებული, მაინც ეცადეთ, კარგად მოუაროთ, რადგან არასწორი მოვლის პირობებში მცენარეზე გარეგნულად აისახება ყველაფერი ( მიუხედავად იმისა, რომ არ მოკვდება). ქლოროფიტუმი შეგიძლიათ, იხილოთ აქ.

 

5) ლავანდა - დეკორატიული, სამკურნალო და არომატული მცენარე

ლავანდა - მცენარე, რომელიც ბევრი სახეობის არსებობს და შესანიშნავად ხარობს ყველა ტიპის ბაღში. ის დიდი პოპულარობით სარგებლობდა შუა საუკუნეებში. სახელი ლავანდა "გასუფთავებას, რეცხვას" ნიშნავს. მის გამხმარ ყვავილებს ძველი რომაელები აბანოშიც კი იყენებდნენ. სურნელების გამო ლავანდა გამოიყენება სუნამოების დასამზადებლად, მისი ზეთი აგრეთვე კარგია კანის დასატენიანებლად.

უნდა აღინიშნოს, რომ ამ მცენარეს სამკურნალო თვისებები აქვს: პირველ რიგში, იგი რელაქსაციის კარგი საშუალებაა, გვეხმარება დაძინებასა და სიმშვიდის შენარჩუნებაში, აქვს ძლიერი ანტისეპტიკური თვისება, გამოიყენება შაკიკის წინააღმდეგაც. ლავანდაც არ არის ძალიან ფაქიზი მცენარე, მისი ზოგიერთი სახეობა ძლიერ ყინვასაც კი უძლებს. ასე რომ, ლავანდას ყოლა პრობლემის საწყისი სულაც არ არის.

 

ყვავილების მორწყვა, როგორც სასიამოვნო პროცესი

რითი მოვრწყათ ჩვენი მცენარეები? ადამიანს, როდესაც იგი რამეს აკეთებს, საქმე მხოლოდ მაშინ გამოსდის კარგად, თუ სიყვარულით აკეთებს, ამიტომ, მნიშვნელოვანი ფაქტორია, მას ყვავილები უყვარდეს, თუმცა ძალიან მნიშვნელოვანია მოტივაციაც. თითქოს უცნაურია - როგორ უნდა აიმაღლოს ადამიანმა ყვავილების მორწყვის მოტივაცია და ენთუზიაზმი, არსებობს კი ასეთი რამ საერთოდ? თუმცა, როდესაც ამ ყვავილების სარწყავს ნახავთ, მიხვდებით, რომ ამ კითხვაზე დადებითი პასუხის გაცემა შეიძლება.

სარწყავი საკმაოდ კრეატიული და ძალიან ლამაზია. მას ცოტა ძველებური ფორმა აქვს და ამასთანავე, დახვეწილიცაა. აღარ არის საჭირო ყვავილების მოსავლელი ნივთების ასაღებად საკუჭნაოში ჩასვლა, რადგან სარწყავი ძალიან მოუხდება ნებისმიერი ოთახის ინტერიერს, ამიტომ, უბრალოდ, სადმე დადეთ და მასში გაერთიანებული იქნება დეკორაცია და საჭიროება.

და ბოლოს, არასდროს დაგავიწყდეთ, როგორი მნიშვნელოვანია მცენარეები ჩვენი ჯანმრთელობისთვის. ბუნებასთან ახლოს ყოფნა, თუნდაც მცენარებიისთვის საკუთარი სახლის კარის გაღება დაგეხმარებათ, შეიქმნათ ძალიან სასიამოვნო და მშვიდი ბუნებრივი სივრცე თქვენ გარშემო. გაგვიზიარეთ თქვენი გამოცდილება ამ ან სხვა მცენარეებთან დაკავშირებით. რომელია თქვენი საყვარელი ოთახის მცენარე და როგორ უვლით მას?

ბლოგერი : მეგი კაზეიშვილი
წაკითხვა : 63374
მოწონება :
გაზირება :
სხვა ბლოგები :
კომენტარები :