სექსუალური და მოდური ლუქები

პიჟამაში კომფორტულად ყოფნა სახლის გარეთაც შესაძლებელია. უჩვეულო მოდური ლუქის შექმნა, საკმაოდ რთულია. განსაკუთრებით კი იმ გიჟურ ტრენდებთან მიმართებაში, რომლებსაც მოდის მიმდევრები უნდა დაუმეგობრდნენ 2018 წელს. ერთ-ერთი ასეთია სწოწრედ სტილი „პიჟამა“.

ამ ბლოგში მინდა ვისაუბროთ იმაზე, თუ როგორ უნდა ატაროთ ეს ტრენდი ისე, რომ ვინმეს არ ეგონოს თითქოს ქუჩაში გასვლისას საშინაო ტანსაცმლის გამოცვლა დაგავიწყდათ...

მაშ ასე, დავიწყეთ!

პიჟამა და ლაბადა “Maxi”

გრძელ ლაბადასთან მორგებული პიჟამა - ბოჰემური ტანდემია. უფრო ეფექტური შედეგისთვის, ორივე ელემენტი ისე უნდა შეარჩიოთ, რომ ფერითა და ფაქტურით კონტრასტული იყოს.

პიჟამას კომპლექტი თხელი წელით 

პიჟამას სტილის აუტფიტის დაკომპლექტება ძალიან რთული არ არის — ლუქის გართულება შესაძლებელია თხელი არაორდინალური სტილის ქამრით. დაწნული ქამარი გამოდგება ბოჰოს  სტილის მოყვარულებისთვის, ხოლო კონსერვატორებისთვის — კლასიკური, ნაჭრის ან ტყავის ქამარი. 

ხავერდის პიჟამა

2018 წელს ხავერდი პოპულარობის პიკშია. ასეთი სტილის მთავარი უპირატესობა არის ქსოვილის რბილი და სასიამოვნო ფაქტურა, რაც ტანზე განსაკუთრებით კომფორტულია. შესაბამისად, აქტუალურია ხავერდის პიჟამას სტილი

პიჟამას შარვალი

ყოველდღიურ ლუქში პიჟამას შარვლის ჩართვა მარტივია — უბრალოდ წარმოიდგინეთ, რომ ჩვეულებრივი შარვალი ან ჯინსი გაქვთ და შეუხამეთ მას ზედატანი, ბლუზები და მარტივი მაისურები.

საღამური პერანგი

მსუბუქი ქსოვილები, ნაზი ფერები, თავისუფალი დიზაინი — ახალი გაღვიძებული ქალის სამოსია, თუმცა წლევანდელ სეზონზე არანორმალურად აქტუალური და მოდურია. საკმარისია კარადიდან აბრეშუმის პერანგი გამოიღოთ, დაამატოთ უხეში ბოტები შესაბამის ტონში — და ქუჩაში გასასვლელად მზად იქნებით. ზედმეტად გამჭვირვალე საღამური პერანგის სტილი უმჯობესია ატაროთ ღია ფერის შარვალთან იმისათვის, რომ გარშემომყოფებს ზედმეტი შეკითხვები არ გაუჩნდეთ. 

პიჟამა პრინტით

ნუდის ფერების კლასიკური აუტფიტის პარალელურად ძალიან აქტუალურია ღია, ჩარჩოებიდან ამოვარდნილი და პროვოკაციული სტილი. ასეთ ლუქში საჭიროა მეტი აბსტრაქტული პრინტები, მსუყე ფერები და არაორდინალური ფორმები. 

პიჟამა და სპორტული ტანსაცმელი

აუცილებლად უნდა აღვნიშნოთ 2018 წლის მთავარი სტილი — სპორტ-შიკი. პიჟამა და სპორტული სტილი ძალიან თავსებადია ერთნაირი მსუბუქი განწყობის გამო, ამიტომ, მათი შეხამება ძალიან მარტივია. ყოველდღიური აუტფიტისთვის პიჟამას შარვალზე ჩაიცვით ჰუდი ან სპორტული ქურთუკი და ტრენდული მოცულობითი სპორტული ფეხსაცმელი.

პიჟამა და პიჯაკი

პიჟამას ლუქის სირბილისა და სიმარტივის გასანეიტრალებლად შეგიძლიათ გამოიყენოთ ერთი ელემენტი — მკაცრი სტილის პიჯაკი პიჟამას შარვლის ტონალობაში ან კონტრასტულ ფერში. სქელი ნაჭრით შეკერილი პიჯაკი ძალიან უხდება პიჟამას სტილის სამოსის დაშვებულ, თავისუფალ ქსოვილებს. ლუქის სრულყოფისთვის შეგიძლიათ თავზე წაიკრათ აბრეშუმის შარფი.