იზრუნეთ სახლის ინტერიერზე, გაახარეთ თქვენი პატარები სათამაშოებით, შეიძინეთ საჩუქრები ახლობლებისთვის, შეარჩიეთ საკუთარი ავტოსთვის რაიმე ახალი,

ნივთი, რომელიც ბავშვს მეცნიერებისადმი ინტერესს გაუჩენს

გასაღების შესანახი ქვა და მანათობელი წიგნი

დღესდღეობით უამრავი საინტერესო და ორიგინალური ნივთი არსებობს, რომლებიც უფრო სახალისოს ხდიან ჩვენს ცხოვრებას და მნიშვნელოვნად გვიმარტივებენ ყოველდღიურ ყოფას. ბლოგისთვის 10 ასეთი ნივთი შევარჩიე, რომლებიც გამოგვადგება როგორც განტვირთვისთვის, ისე - ცოტა თამაშისთვის და თქვენ წარმოიდგინეთ, სერიოზული იმიჯის შექმნისთვისაც კი. საგნები აგრეთვე, შეგიძლიათ შეიძინოთ ოჯახის წევრებისთვის.

1) მინი-არკადა ორი მოთამაშისთვის

პროდუქტის შეძენა შეგიძლიათ აქ.

ორი ჯოისტიკი, ფერადი დისპლეი და 220 ჩაწერილი თამაში. დიზაინი შესრულებულია რეტროს სტილში და ზედმიწევნით იმეორებს გასული საუკუნის ყველაზე პოპულარულ სათამაშო ავტომატების სტილს, მხოლოდ ერთი განსხვავებით – იგი ძალიან პატარაა, სიგრძე მხოლოდ 15 სმ-ია, ხოლო ეკრანის დიაგონალი 2.8 დიუმს შეადგენს.

არსებობს ამ მოწყობილობის მეორე, უფრო გამარტივებული ვერსია, რომელიც გათვლილია მხოლოდ ერთ მოთამაშეზე. ის იხილეთ ამ ბმულზე.

2) გასაღების ორიგინალური შესანახი

აგარაკის ან მანქანის გასაღების ხალიჩის ქვეშ დადება არც ისე უსაფრთხო და საზრიანი გადაწყვეტილებაა. აი, ქვის საცავი კი სწორედ ის არის, რაც თქვენ გჭირდებათ. ამ საკმაოდ კრეატიულ საცავში შეგიძლიათ, შეინახოთ არა მხოლოდ გასაღებები, არამედ სხვა ისეთი მნიშვნელოვანი ნივთებიც, როგორიცაა, მაგალითად, სამკაული, მეხსიერების ბარათი და ა.შ. პროდუქტი გაკეთებულია ნამდვილი ქვისგან, ასე რომ, ერთი შეხედვით მისი ამოცნობა ადვილი არ იქნება.

3) კაკლის სამტვრევი ზამბარით

თხილისა და კაკლის დამტვრევის პრაქტიკა ძველ სკამზე, დამიჯერეთ, უკვე გასულ საუკუნეს ჩაბარდა. გთავაზობთ თანამედროვე მექანიკურ სამტვრევ მოწყობილობას, რომლის საშუალებითაც ზეტმეტი ძალდატანების გარეშე, ხელის ერთი მოძრაობით შეძლებთ ნებისმიერი თხილეულის გატეხვას. სამტვრევი იხილეთ აქ.

4) ღამის სანათი წიგნის დიზაინით

ეს საკმაოდ ორიგინალური და სასიამოვნო შენაძენი იქნება თქვენთვის და თქვენი ოჯახისთვის. დღისით სანათი შეგიძლიათ, დაკეცოთ და მას ჩვეულებრივი წიგნის ფორმა ექნება, ღამით კი, როდესაც გაშლით და აანთებთ, ზღაპრულ ატმოსფეროს შექმნის თქვენს ოთახში. ამ ბმულზე შეგიძლიათ შეარჩიოთ სანათი თქვენთვის სასურველი ფერის მიხედვით.

5) მინი საკალათბურთო მოედანი

ეს პატარა საკალათბურთი მოედანია, ფარით და ბურთით, რომელმაც შეიძლება, ოფისში მაშინ გაგართოთ, როცა ცოტაოდენი თავისუფალი დრო გამოგიჩნდებათ. ასევე, იგი იდეალური დანამატი იქნება სახლში სამუშაო კაბინეტისთვის. ეს პატარა ნივთი დაკავებული და საქმიანი ადამიანებისთვის ყველაზე კარგი იმითაა, რომ მათ ხანდახან ყველაზე მეტად სჭირდებათ განტვირთვა და თამაში, რათა მუდმივი მუშაობით ზედმეტად არ გადაიტვირთონ. მინი მოედანი იკეცება და შეგიძლიათ, ჯიბითაც ატაროთ.

6) ავტომობილის პოლირების კომპლექტი

რა არის პოლირება? მისი მიზანია ავტომობილის მცირე დეფექტების გადაფარვა სპეციალური ლაქის შემცველი ფენით და შედეგად, მანქანისთვის გარეგნული იერის განახლება. მსგავსი მომსახურება ავტოსერვისებში საკმაოდ ძვირი ღირს, ამიტომ, ზოგი საკუთარი ხელით ასრულებს პოლირებას. თუ თქვენც გსურთ, თავად მოსინჯოთ საკუთარი ძალები ამ სამუშაოში, წარმოგიდგენთ ავტომობილის პოლირების კომპლექტს, რომელშიც შედის სპეციალური წყალგამძლე ჟელე და რამდენიმე ხელთათმანი მის დასატანად.

7) კალმისტარი

თუ საქმიანი ადამიანი ბრძანდებით, ხშირად გიწევთ მნიშვნელოვან შეხვედრებზე სიარული ან სხვადასხვა საბუთზე ხელის მოწერა, გირჩევთ, ეს კალმისტარი ყოველთვის თან იქონიოთ, იგი ნამდვილად დიდ შთაბეჭდილებას მოახდენს თქვენს კოლეგებზე და თქვენს იმიჯს მნიშვნელოვნად აამაღლებს. მართალია, მსგავსი კალამი უახლესი გამოგონება არ არის, თუმცა ის ამ სიაში იმის გამო მოხვდა, რომ აღარ იყენებენ და დღევანდელობაში იგი ნამდვილად უჩვეულოა. კალმისტარი ასევე სასურველი საჩუქარი-სუვენირი იქნება ნებისმიერი ადამიანისთვის, არ აქვს არსებითი მნიშვნელობა, თუ რა პროფესიისა იგი. მის სანახავად გადადით ბმულზე.

8) ორმაგი ქოლგა

ალბათ, ყველას გქონიათ შემთხვევა, როდესაც წვიმაში მეგობართან ერთად ერთი ქოლგით ყოფილხართ და იმის გამო, რომ იგი ორივეს ვერ გიფარავდათ, სანახევროდ დასველებულხართ. ამ შემთხვევაში თქვენ დაგეხმარებათ ორმაგი ქოლგა (Dualbrella), რომელიც ჩვეულებრივთან შედარებით ორჯერ დიდია. ახლა უკვე დასველების შიშით წვიმის დროს სირბილი აღარ მოგიწევთ და მშვიდად შეძლებთ სეირნობას. "დუალბრელას" შეძენა შეგიძლიათ აქ.

9) წყალზე და მზის ენერგიაზე მომუშავე სათამაშო მანქანა

დღესდღეობით მსოფლიოს ყურადღება ეკოლოგიურად სუფთა მომუშავე ტრანსპორტზეა მიმართული. გამუდმებით მიმდინარეობს ისეთი ენერგიის წყაროების ძიება, რომელიც ბუნებას ზიანს არ მიაყენებს. წარმოგიდგენთ მარილიან წყალზე და მზის ენერგიაზე მომუშავე სათამაშო მანქანას, რომელსაც საკმაოდ დიდი მომავალი აქვს. ამ მოდელს არ სჭირდება ელემენტი, საკმარისია, მას უკანა მხარეს რამდენიმე წვეთი მარილიანი წყალი დააწვეთოთ, ან გადართოთ მზის ენერგიაზე მუშაობის რეჟიმში და იგი მოძრაობას დაიწყებს. მოძრაობა ხდება ქიმიური რეაქციის ხარჯზე, სუფრის მარილში შემავალი ელემენტები ილექება ანოდისა და კათოდის ფენებზე, რომელიც სათამაშოს შიგნითაა დამონტაჟებული.

თუ გსურთ, რომ ბავშვები თავიდანვე მიაჩვიოთ ეკოლოგიურად ჯანსაღ გარემოს, ასწავლოთ ბუნების გაფრთხილება და გაარკვიოთ მარტივ ქიმიურ პროცესებში, გირჩევთ, ეს შანსი ხელიდან არ გაუშვათ.

წყლის რეჟიმზე მუშაობის წესები:

1.   დარწმუნდით, რომ ქვედა ღილაკი შესაბამის რეჟიმზეა დაყენებული;

2.   დაამზადეთ მარილიანი წყლის ხსნარი;

3.   თუ სათამაშო შენელებას დაიწყებს, დაამატეთ ხსნარი და ისევ სწრაფად იმოძრავებს;

4.  იმისთვის, რომ პროდუქტი დიდი ხნით მოგემსახუროთ, ეტაპობრივად საჭიროა ანოდისა და კათოდის ფენების ჟანგისგან გაწმენდა.

მზის ენერგიაზე მუშაობის შემთხვევაში ყველაფერი გაცილებით მარტივადაა. საკმარისია, მანქანა მზის სინათლეზე დადოთ, რომ იგი დამუხტვას დაიწყებს და შესაბამის რეჟიმზე გადართვის შემთხვევაში ამოძრავდება.

10) გასაბერი საწოლი მანქანისთვის

თუ გყავთ ავტომობილი და მას ხშირად იყენებთ, ასეთი მანქანის საწოლი უნდა გქონდეთ. ის მაშინ დაგჭირდებათ, როცა, მაგალითად, შორი მანძილი გაქვთ გასავლელი ან გზაზე დიდი საცობია და უკან მსხდომი მგზავრები ძალიან გადაიღალნენ. ასევე მაშინ, როცა რაიმე გამოუვალი მდგომარეობაა და მანქანაში გიწევთ დაძინება. გასაბერი საწოლი მნიშვნელოვნად კომფორტულს და სასიამოვნოს გახდის თქვენს მგზავრობას. საკმარისია, გაშალოთ უკანა სავარძლებზე, წამოწვეთ და იგი თქვენს მგზავრობას დაუვიწყარ თავგადასავლად გადააქცევს. პროდუქტის ზომა სტანდარტულია და თითქმის ყველა ავტომობილში თავსდება. მისი ყიდვა შეგიძლიათ აქ.

თქვენ რომელი მათგანი უფრო მოგწონთ? გთხოვთ თქვენი იდეები გაგვიზიაროთ კომენტარებში. წარმატებულ შოპინგს გისურვებთ!