სიყვარულით შექმილი ორიგინალური საჩუქარი

ვალენტინობა მოდის…

შეყვარებული წყვილები ამ დღეს ერთად ატარებენ, ჩუქნიან საჩუქრებს და უწყობენ სიურპრიზებს. მათი მთავარი საფიქრალი წინა პერიოდში კი არის- რა აჩუქონ და რით გაახარონ საყვარელი ადამიანი.

ჩემი აზრით, ძვირფასი და საუკეთესო საჩუქარია, როდესაც გრძნობ, რომ შენზე იფიქრეს და მხოლოდ მოვალეობის მოხდის მიზნით არ გჩუქნიან სტანდარტულ სუნამოს ან სასაჩუქრე ბარათს. ამას სჯობს ხელნაწერი მისალოცი ბარათი და წერილი, ან საკუთარი ხელით დამზადებული რაიმე ნივთი.

თუმცა, ყველას არ ეხერხება ხელსაქმე და ამის გამო არ უნდა გავნაწყენდეთ. თქვენც, თუ იმ ადამიანების რიცხვში ხართ, ვისაც გინდათ ორიგინალური და საყვარელი ადამიანისთვის სპეციალურად დამზადებული საჩუქარი აჩუქოთ, მაგრამ თავად ეს არ შეგიძლიათ, ჩემი რჩევები გამოგადგებათ.

აიღეთ თქვენი საყვარელი და ხშირად გამოყენებადი ფრაზები, ან დაუწერეთ სასიყვარულო ლექსი თქვენთვის ძვირფას ადამიანს და დაბეჭდეთ მაისურზე ან ჭიქაზე. ყოველ ჯერზე, როდესაც ის გამოაღებს კარადას ან დალევს ყავას, თავს გაახსენებს თქვენი სიტყვები და ამით მუდმივად მის გვერდზე აგრძნობინებთ თავს. მაშინაც კი, როდესაც რეალურად შორს იქნებით.

თუ თავად არ შეგიძლიათ მსგავსი რამის მოფიქრება, არ იდარდოთ. საუკუნეების განმავლობაში, ჩვენი პოეტები წერდნენ სატრფიალო ლექსებს და შეგიძლიათ მათი სტოფების მიხედვით დაბეჭდილი მაისურები ან მზა ჭიქები შეიძინოთ და აჩუქოთ.

ასევე შეგიძლიათ გამოიყენოთ ბალიში, თქვენი სათქმელის გადასატანად. ეს საუკეთესო საშუალებაა რომ  თქვენი საყვარელი ადამიანი გაღვიძებისასაც და დაძინებისასაც მუდამ თქვენზე ფიქრობდეს.

თუმცა ვალენტინობის დღისთვის, ჩემი ფავორიტი საჩუქარია პაზლი თქვენი სურათით. წარმოიდგინეთ როგორ აწყობთ მხიარულად საკუთარ თავებს, თან შავ ღვინოს მიირთმევთ. შეგიძლიათ ეს პროცესი მეტად სახალისო გახადოთ და გთავაზობთ მარტივ თამაშს: პაზლი გაყავით ორ ნაწილად და დაიწყეთ დამოუკიდებლად აწყობა, ვინც უფრო მალე დაასრულებს თავის ნაწილს, გამარჯვებულიც ის იქნება და ფილმსაც ის აირჩევს, რომელსაც უყურებთ საღამოს.

მე უბრალოდ გირჩიეთ, როგორ შეგიძლიათ მარტივი საჩუქარი გახადოთ ორიგინალური და დასამახსოვრებელი. მოარგეთ თქვენს სიტუაციას, თუ რისი თქმა გსურთ საყვარელი ადამიანისთვის. ან სულაც გაბედეთ და ამ ხერხით გაანდეთ თქვენი გრძნობები.

გთხოვთ მომიყვეთ თქვენი ისტორიები თუ როგორ ულოცავთ და გილოცავენ, ან ისურვებდით რომ მოგილოცონ ვალენტინობა.

მე კი ყველას გისურვებთ დიდ და ძლიერ სიყვარულს.

გახსოვდეთ, საჩუქარი მთავარია გულით იყოს არჩეული.