როგორ შევიძინო?

ავტორიზაცია

ყველა კატეგორია

რა ვაჩუქო?
აქსესუარები სილამაზე და კოსმეტიკა საჩუქარი ბავშვებისთვის დეკორი სხვადასხვა
ავტო ნაწილები ბავშვებისათვის ვიდეო თამაშები & კონსოლები ზოო პროდუქცია კომპიუტერული ტექნიკა მობილური ტელეფონები & აქსესუარები მუსიკა მუსიკალური ინსტრუმენტები საათები სათამაშოები & ჰობი
ასაწყობი სათამაშოები ბურთები, ფრიზბი & ბუმერანგები გამჭვირვალე & ფერადი ბურთულები დრონები თამაშები კლასიკური სათამაშოები მანქანები, თვითმფრინავები, გემები & ძრავები მატარებლები მოდელები & კომპლექტი მოქმედებითი / მოძრავი მცირე წლოვნებისთვის რობოტები, მონსტრები, კოსმოსური მხეცები საბავშვო დისტანციური მანქანები საბავშვო სატერფულიანი მანქანები საბითუმო გაყიდვები საგანმანათლებლო სათამაშო ჯარისკაცები საპნის ბუშტები სატელევიზიო & ფილმის პერსონაჟები სწრაფი კვების სათამაშოები ფაზლები, თავსატეხები, რუბიკის კუბები ფუმფულა / ბეწვის სათამაშოები ცნობილი ცხოველები ძველებური & ანტიკვარული სათამაშოები საბითუმო გაყიდვები
სამკაულები სამომხმარებლო ელექტროტექნიკა სახლი და ეზო სპორტული საქონელი ტანსაცმელი, ფეხსაცმელი და აქსესუარები ფოტო და ვიდეო კამერები წიგნები ჯანმრთელობა და სილამაზე

რა უნდა გავითვალისწინოთ ნაძვის ხის მორთვისას ?!

სალომე ჯალაღონია
2985

წაკითხვა

მოწონება

ბლოგერი : სალომე ჯალაღონია

საახალწლო გაფორმების ტრადიციული და თანამედროვე მეთოდები

ახალ წლამდე დარჩა 30 დღე, მე კი ჯერ ისიც არ ვიცი როგორი ნაძვის ხე მექნება. რა ფერში მოვრთავ, საჩუქრებს როგორ შევფუთავ. სახლს როგორ გავაფორმებ.... ვრთავ brenda lee- rockin’ around the christmas tree  ვჯდები ყავის ჭიქით ფანჯარასთან და წარმოვიდგენ რომ დიდი ფიფქები ცვივა პირდაპირ ჩემს რაფაზე.

იდეები ნაძვისხის მოსართავად

ჩემთვის ახალი წელი არის წლის საუკეთესო დრო, როდესაც შემიძლია მთელი ჩემი ფანტაზია ჩავრთო და ეს ულამაზესი დღე კიდევ უფრო გავალამაზო. ვცდილობ ყოველ წელს განსხვავებულად მოვაწყო სახლი, მოვრთო ნაძვის ხე, დეკორები შევცვალო. მოკლედ ყველაფრის შეცვლა შემიძლია ერთი რამის გარდა, ნაძვის ხე აუცილებლად უნდა ავაწყო დეკემბრის პირველ კვირაში და ის აუცილებლად გრანდიოზული უნდა იყოს.

 

მორთული ნაძვისხე ქუჩაში

 

ნაძვის თავზე დიდი ვარსკვლავი უნდა ანათებდეს აუცილებლად. ეს ის წესია რომელსაც აუცილებლად ვიცავ. ბავშვობაში მიყვებოდნენ ყოველი ნაძვის ხის მორთვის დროს ლეგენდასავით, რომ ბეთლემში, როდესაც ქრისტე იშვა მღვიმის შესასვლელში 3 ხე იდგა. ზეთისხილის, ბზის და ნაძვის. როდესაც ცისკრის ვარსკვლავმა ქრისტეშობა აცნობა სამყაროს ყველა ისწრაფოდა, თავისი სიხარული ძღვენის მირთმევით გამოეხატა. ზეთის ხემ ზეთისხილი მოისხა, ბზა მწვანედ შეიფოთლა, ხოლო ნაძვმა ვერაფერი მოიფიქრა და დამწყუხრდა, ტოტები ჩამოყარა თითქოს ატირდაო. ამ დროს ციდან ვარსკვლავების წვიმა წამოვიდა, მორთეს ნაძვი და ყველაზე დიდი, კაშკაშა ვარსკვლავი ნაძვის თავზე მოექცა. მეც ამ გადმოცემის თანახმად ყოველ შობა-ახალ წელს, ვალამაზებ ჩემს ნაძვს მანათობელი ვარსკვლავით…

 

ნაძვის ხის ვარსკვლავი

მე რომ XVI საუკუნეში მეცხოვრა, ნაძვის ხეს სანთლებით ავანთებდი, როგორც ეს მარტინ ლუთერმა გააკეთა და საიდანაც დაიბადა ნაძვის ხის მორთვის ტრადიცია. თავდაპირველად, მან წიფლის ხის ტოტები შეამკო სანთლებით, დროთა განმავლობაში კი წიფელი ნაძვმა შეცვალა და დამკვიდრდა ტრადიციად ნაძვის მორთვა ჯერ გერმანიაში, შემდეგ კი მსოფლიოს ყველა ქრისტიანულ ოჯახში. ეს რომანტიკული იდეა რამდენადაც მხიბლავს იმდენად მაშინებს, ამიტომ მიხარია რომ შემიძლია ელექტრონული განათება გამოვიყენო და იმდენი ხანი ანათებდეს ჩემი ნაძვი, რამდენიც მომინდება და ისეთ ფერებში, როგორსაც მე ავირჩევ.

 ნაძვის ხის განათება

განათებებს, სათამაშოებს და საჩუქრების შესაფუთ ქაღალდებს  ვარჩევ იმის მიხედვით თუ როგორ ნაძვის ხეს ვდგავ. ეს შეიძლება იყოს სადა მწვანე,  მწვანე გირჩებით,  მწვანე გირჩებით დათოვლილი  ან მთლიანად თეთრი ნაძვის ხე

სულ სადა მწვანე  და გირჩებიან ნაძვს  ვაფორმებ თეთრი განათებით.  წითელი და ოქროსფერი სათამაშოებით, ასევე ჩემი ხელით დამზადებული თეთრი ფიფქებით. ძალიან მარტივია და თქვენც გასწავლით დამზადებას, დაგჭირდებათ თეთრი ფურცელი, მაკრატელი და ქაღალდის წებო…

ფიფქებით შეგიძლიათ გააფორმოთ ასევე ფანჯრები.

 

ფიფქების დამზადება

 

რაც შეეხება დათოვლილ ნაძვის ხეს, ვაფორმებ თეთრი და ოქროსფერი სათამაშოებით და ლენტებით. სასაჩუქრე ყუთებიც თეთრი, ოქროსფერი ლენტით შეკრული. მე ამ შემთხვევაში განათებას სახლის სხვა ნაწილში ვანაწილებ, მაგრამ თუ თქვენ გნებავთ ნაძვის ხის განათება გამოიყენეთ ყვითელი ნათურები 

 

ნაძვის ხის დეკორაცია

 

ვფიქრობ, წელს არჩევანს გავაკეთებ თეთრ ნაძვის ხეზე 

წარმოვიდგენ და  ვხედავ წითლად მორთულ, დიდ, ლამაზ ნაძვის ხეს, რომელიც ანათებს წითლად  დეკორატიულ ბუხართან და  სანტა კლაუსთან  ერთად.

ნაძვისხის მორთვა, ახალი წელი

კიდევ ერთი მნიშვნელოვანი ნივთი, რომელსაც აუცილებლად ნახავთ ჩემს სახლში არის საშობაო გვირგვინი. მისი ისტორიაც გერმანიიდან იწყება და ძირითადად გამოიყენებოდა, ოჯახური ვახშამის დროს სანთლების ასანთებად. რადგან ჩვენ არ გვაქვს მსგავსი ტრადიცია, თავს უფლებას ვაძლევ ყოველთვის განსხვავებული და მრავალფეროვანი საშობაო გვირგვინი მქონდეს...

თუ კერძო სახლი გაქვთ გირჩევთ დადგათ განათების ნაძვის ხე  და ღამის 12 საათზე ეზოში მოაწყოთ არნახული ფეირვერკი 

 

ამასთან ერთად შეიძლება გამოგადგეთ სტატია, თუ როგორ გააფარმოთ საახალწლო სუფრა

 

იმედი მაქვს გამოგადგებათ ჩემი რჩევები ნაძვის ხის მორთვასთან დაკავშირებით. ასევე, გთხოვთ გაგვიზიაროთ თქვენი იდეები, გვანახეთ თუ როგორ ემზადებით ამ ჯადოსნური ღამისთვის.

 

.

 
ბლოგერი : სალომე ჯალაღონია
წაკითხვა : 2985
მოწონება :
გაზირება :
სხვა ბლოგები :
კომენტარები :