როგორ შევიძინო?

ავტორიზაცია

ყველა კატეგორია

რა ვაჩუქო?
აქსესუარები სილამაზე და კოსმეტიკა საჩუქარი ბავშვებისთვის დეკორი სხვადასხვა
ავტო ნაწილები ბავშვებისათვის ვიდეო თამაშები & კონსოლები ზოო პროდუქცია კომპიუტერული ტექნიკა მობილური ტელეფონები & აქსესუარები მუსიკა მუსიკალური ინსტრუმენტები საათები სათამაშოები & ჰობი
ასაწყობი სათამაშოები ბურთები, ფრიზბი & ბუმერანგები გამჭვირვალე & ფერადი ბურთულები დრონები თამაშები კლასიკური სათამაშოები მანქანები, თვითმფრინავები, გემები & ძრავები მატარებლები მოდელები & კომპლექტი მოქმედებითი / მოძრავი მცირე წლოვნებისთვის რობოტები, მონსტრები, კოსმოსური მხეცები საბავშვო დისტანციური მანქანები საბავშვო სატერფულიანი მანქანები საბითუმო გაყიდვები საგანმანათლებლო სათამაშო ჯარისკაცები საპნის ბუშტები სატელევიზიო & ფილმის პერსონაჟები სწრაფი კვების სათამაშოები ფაზლები, თავსატეხები, რუბიკის კუბები ფუმფულა / ბეწვის სათამაშოები ცნობილი ცხოველები ძველებური & ანტიკვარული სათამაშოები საბითუმო გაყიდვები
სამკაულები სამომხმარებლო ელექტროტექნიკა სახლი და ეზო სპორტული საქონელი ტანსაცმელი, ფეხსაცმელი და აქსესუარები ფოტო და ვიდეო კამერები წიგნები ჯანმრთელობა და სილამაზე

რა შეიძლება აჩუქო ადამიანს, ვისაც წიგნის კითხვა უყვარს?

მეგი კაზეიშვილი
45465

წაკითხვა

მოწონება

ბლოგერი : მეგი კაზეიშვილი

კიდევ ერთი წიგნი... ან საინტერესო აქსესუარები

დღეს ბიბლიოფილების სამყაროს შევეხები და მოგიყვებით ნივთების შესახებ, რომლებსაც ყველა წიგნების მოყვარული იმსახურებს. არსებობს ადამიანების კატეგორია, რომლებთაც  მთელი დღის განმავლობაში შეუძლიათ კითხვა. ავტორის სიტყვებს მტვერსასრუტივით ისრუტავენ, აბზაცებში იკარგებიან,  მთელი არსებით შეიგრძნობენ მოთხრობილ ისტორიებს და უბრალოდ ბედნიერები არიან, რომ წიგნი შეიქმნა.

წიგნები

პირველ რიგში სანიშნეებს შევეხები, რაც აუცილებელია წიგნების მოყვარულს ჰქონდეს. წარმოიდგინეთ, რომ მოკალათებული ხართ საწოლზე, საყვარელ წიგნში მთელი არსებით ჩაფლული, საოცრად მაგარ მომენტზე, აი ისეთზე შერლოკ ჰოლმსმა კვალს სწრაფად, რომ მიაგნო და ჰოპ, ყავა მოგინდათ. გამოძიებით ისე ხართ გართული, წიგნიც ინსტიქტურად დახურეთ. რამდენიმე წუთში საყვარელი ფინჯნით ხელში ბრუნდებით, ძალიან ჩქარობთ რომ შერლოკის ინტუიციას მიჰყვეთ, თუმცა ნამდვილად ვერაფერში დაგეხმარებათ სისწრაფე, რადგან წიგნის გვერდებში ბოდიალი  არ აგცდებათ. გვერდის ძებნაში ყავაც გაცივდა და კომფორტული საღამოს გეგმები ჩაგეშალათ. მოკლედ, ეს რომ არ მოხდეს და საყვარელ წიგნზე მოცდენა ტყუილად არც ერთი წამით არ მოგიწიოთ, სასწრაფოდ შეიძინეთ სანიშნე. თუ გაქვთ , მაინც აუცილებლად უნდა გადახედოთ, ისეთი სანიშნეებია, სუნთქვა შეგეკვრებათ მანამ, სანამ შეიძენთ.

ფინჯანი

მეორე, რაც წიგნების მოყვარულთ სჭირდებათ არის წიგნების თარო. დარწმუნებული ვარ ბევრ თქვენგანს წიგნების საკმაოდ დიდი მარაგი აქვს, მაგრამ  მხოლოდ ცოტას თუ ექნება ჰაეროვნად ჩამოლაგებული თაროზე. წარმოიდგინეთ, მოდიხართ სამსახურიდან დაღლილი, საშინელ ხასიათზე, მაგრამ ხედავთ საყვარელი წიგნებით სავსე თაროს,  ამჩნევთ ყვავილებს, რომელიც წინა საღამოს ჩააწყვეთ საყვავილეში. მთელი დაღლილობა კარს უკან დარჩა და მხოლოდ თქვენ და წიგნები... მერწმუნეთ, რომ არა წიგნების თაროზე სადად დალაგებული წიგნები, ამგვარი სურვილი არ შეგიპყრობდათ.

წიგნის თარო

ჩემი აზრით, ყველაზე აუცილებელი ნივთი ბიბლიოფილებისთვის  წიგნის სანათია,  ადამიანების უმეტესობა მთელი დღის განმავლობაში დაკავებულია, ამის გამო მათ გვიან უწევთ საყვარელ რომანებთან ჩაჯდომა.  ერთ მხარეს ძილი მეორე მხარეს წიგნის პერსონაჟები გვექაჩებიან. მოკლედ, მანამ ვკითხულობთ, სანამ ორივე თვალი არ დაგვეხუჭება. მაგრამ მალევე გვაღვიძებს შუქი, რომელიც წიგნის კითხვისას დაგვრჩა, ნახევრად მძინარე ვდგებით, რამდენიმე წუთი ჩუსტის ძებნას ვუნდებით, სადღაც რომ შეგორდა. ცოტაც და შუქი ჩამქრალია, თუმცა "ძილი გატყდა". ასეთი რთული ღამე, რომ თავიდან ავიცილოთ უბრალოდ წიგნის სანათი უნდა შევიძინოთ, არჩევანი დიდია, შეგიძლიათ სასურველი ზომის და ფორმის შეარჩიოთ.

წიგნის სანათი

მათ, ვისაც ავტორის მიერ შეთხზული ისტორიების კითხვა უყვარს, საკუთარის შექმნაც სიამოვნებს. ასეთი ადამიანები წერენ ყველაზე ბედნიერ მომენტშიც და ყველაზე მტკივნეულ სიტუაციაშიც. წერა საუკეთესო თავშესაფარია, თუ  ერთფეროვანი სამყაროდან გაქცევა გინდა. დაფიქრდით, როცა ცუდი ხასიათი გადაივლის და თქვენს გულში გამოიდარებს, როგორი სასიამოვნო იქნება ისტორიის წაკითხვა რაც გადაგხდათ, თქვენი სიტყვები კი აშკარად იმსახურებს ულამაზეს დღიურში  გაიშალოს და არა ფურცლის ნაგლეჯზე. რა თქმა უნდა ბგერების ჰაეროვნებისთვის კარგი ხარისხის კალამიც საჭიროა. თუ ბეჭვდა გირჩევნიათ ხელით წერას მაშინ მოკალათდით და ლეპტოპს გაუზიარეთ თქვენი დარდი.  შეიძლება უბრალოდ გიყვარს საყვარელი ფრაზების წიგნიდან ამოკრება, მაშინ მინი დღიური გამოგადგება ან ფანქარი წიგნში მოსანიშნად. მოკლედ აქ იმდენად დიდი არჩევანია, რთულია მხოლოდ ერთი შეარჩიო. უთუოდ სურვილი შეგიპყრობს ყველას ყიდვისა.

ლეპტოპი

ზურგჩანთა ისეთივე მნიშვნელოვაანია, როგორიც  სანიშნე, სანათი და ა.შ. მაგალითად მიდიხართ დასასვენებლად მთაში. ზღვა და წიგნები ჩემი აზრით, ნაკლებად ეთავსება ერთმანეთს და ამიტომ გადავწყვიტე მკაცრად, რომ მთაში მიდიხართ. რა თქმა უნდა ეს ხუმრობით, სადაც უნდა წახვიდეთ წიგნები არასდროს არის ზედმეტი. მოკლედ, ემზადებით. ჩაალაგეთ საჭირო ნივთები ჩემოდანში, მაგრამ წიგნის ადგილი საერთოდ არ დაგრჩათ, არც მის გარეშე გინდათ წასვლა, რადგან რამდენიმე ახალი შეძენილი გაქვთ, საგანგებოდ არდადეგებისთვის. მაქსიმალურად იქექებით ძველ ნივთებში. ალბათ მიაგნებთ კიდეც ძველ ზურგჩანთას, მაგრამ აშკარად არ მოგივათ თვალში. ამგვარი არეულობა რომ არ შეგექმნათ, იმხელა არჩევანს გთავაზობთ, რომ წიგნებს სულ სიხარულით ჩააწყობთ ახალთახალ ჩანთაში. თუმცა საუკეთესო არჩევნად გამჭვირვალე ჩანთა მიმაჩნია. წარმოიდგინეთ, მიდიხართ ქუჩაში და ყველა თქვენ გიყურებთ, ზოგიერთი ალბათ თავის საყვარელ წიგნსაც მოკრავს თვალს.  ჟიულ ვერნის წიგნიც თუ თან გაქვთ, შეიძლება ბევრი დაიკარგოს მის თავგადასავლებში თქვენთან ერთად. აი, ისეთი ჩანთაა, მხოლოდ პოზიტივს რომ აფრქვევს მასში ჩაწყობილი ნივთების საშუალებით.

ზურგჩანთა

თუ თქვენი მეგობარიც თქვენსავით ბიბლიოფილია, სულაც არ არის რთული მისთვის საჩუქრის  შერჩევა. ყოველთვის წიგნს ვერ აჩუქებთ, უბრალოდ ბანალურია. ამიტომ ცოტა ორიგინალურობა და სულ ეგაა. ალბათ ფიქრობთ: "ნეტავ, რა კრეატივის დანახვა შეუძლიათ ბიბლიოფილებს"-ო, მაგრამ ცდებით. ეს ნივთები მათთვის ბედნიერების მომტანი იქნება. თუ აჩუქებთ მაისურს, შეიძლება არც არასდროს გაიხადოს. მაგალითად, წარმოიდგინეთ, გჩუქნიან მაისურს საყვარელი წარწერით. ოდესმე მოგინდებათ კი, რომ გაიხადოთ?! ალბათ, არა, რადგან სურვილი შეგიპყრობთ, რომ ის ყველამ ნახოს. ამას თუ ისიც ემატება, რომ თქვენი საყვარელი ფერის მაისურია, მაშინ ბევრად უკეთ ყოფილა ყველაფერი. თუ თქვენს მეგობარს ყავა ან ჩაი უყვარს, არ დაიზაროთ და ეს ფინჯანი აჩუქეთ, რადგან ისე გაახარებთ, რომ ყოველთვის თქვენი საჩუქრით ისარგებლებს, თან პოპულარულიც გახდება ფინჯანი - ალბათ, ბევრ ფოტოს გადაუღებს და ტელეფონითვე რომელიმე სოციალურ ქსელზე ატვირთავს. მოკლედ, ისე გაახარებთ, რომ უამრავ მადლობას გადაგიხდით.

თუ სხვისი ბედნიერება ისევე გახარებთ, როგორც საკუთარი, ამ ნივთებისთვის თანხა არ დაიშუროთ.

წიგნი

საჩუქრებს ვახსენებდით და აუცილებლად მინდა გითხრათ, რომ წიგნის ჭია ბავშვებიც არიან. ამიტომ, თუ ბავშვს საჩუქარს ჩუქნით, ზღაპრის წიგნთან ერთად ბლოკნოტი და ფერადი ფანქრებიც  გაახარებს.

ფერადი ფანქრები

დღეისათვის სულ ეს იყო, რისი თქმაც მინდოდა. იმედი მაქვს, ჩემი ბლოგი სასიამოვნო აღმოჩნდა წიგნების მოყვარულთათვის. კიდევ უფრო გამიხარდება, საჩუქრის შერჩევაშიც თუ დაგეხმარეთ. წარმატებასთან ერთად, წიგნებში, ახალ ნივთებთან ერთად ბედნიერ მოგზაურობას გისურვებთ.

 

ბლოგერი : მეგი კაზეიშვილი
წაკითხვა : 45465
მოწონება :
გაზირება :
სხვა ბლოგები :
კომენტარები :