იმოგზაურეთ ვირტუალურ სამყაროში, გაიგეთ როგორ აარჩიოთ სწორად სათვალე.

ტექნოლოგიები ყოველწლიურად ვითარდება და ახალ-ახალ მწვერვალებს აღწევს. რამოდენიმე წლის წინ ალბათ მხოლოდ ფილმებში თუ ნახავდით ვირტუალური რეალობის ატრაქციონს დღეს კი იგი ყველასთვის ხელმისაწვდომია. ამისთვის დაგჭირდებათ მხოლოდ სმარტფონი და ვირტუალური რეალობის სათვალე, რომლის სწორად შერჩევაშიც დღევანდელი სტატიის საშუალებით დაგეხმარებით. აქვე მინდა ავღნიშნო, რომ ვირტუალური რეალობის შექმნა შესაძლებელია სპეციალური VR-ჩაფხუტებით, რომელსაც სმარტფონის გამოყენება არ სჭირდება და გაცილებით უკეთეს ეფექტსაც იძლევა.

ვირტუალური რეალობის (VR) სათვალის შერჩევა მარტივი არ არის, ვინაიდან მისი ბაზარი საკმაოდ სეგმენტირებულია, მყიდველი ძალიან ადვილად შეიძლება დააბნიოს სხვადასხვა ბრენდებმა, მოდელებმა და მათმა სპეციფიკაციებმა. პირველ რიგში სანამ ამ მოწყობილობის შეძენას გადაწყვეტთ, დაფიქრდით რამდენის გადახდას გეგმავთ?! უკეთ რომ გაგარკვიოთ VR-მოწყობილობებს სამ საფასო კატეგორიად დავყოფ: ბიუჯეტური, საშუალო და პრემიალური.

ბიუჯეტური მოწყობილობები: 15-50 ლარი

ყველაზე დაბალფასიანი VR-სათვალეები დამზადებულია მუყაოსგან, იგი მარტივ ასაწყობ კონსტრუქციას წარმოადგენს ორი ლინზით და სმარტფონის სამაგრით (არ აქვს მნიშვნელობა ანდროიდი იქნება თუ აიოსი). პირველად ასეთი დიზაინი Google-მა წარმოადგინა და მას Cardboard უწოდა.

შემქმნელების ჩანაფიქრით იგი გათვლილი უნდა ყოფილიყო ფართო მასებზე. მოლოდინებმა გაამართლა, Google Cardboard-მა ძალიან სწრაფად მოიპოვა პოპულარობა და ცოტა ხანში მის ბაზაზე შეიქმნა უკვე პლასტმასისგან და სხვა მატერიალებისგან დამზადებული ასევე ბიუჯეტური ვირტუალური რეალობის მოწყობილობები. მაგალითისთვის გადახედეთ ჩვენს მაღაზიაში არსებულ მოდელებს: VR Box , VR Headset.

რა შეუძლია?!

მათი ძირითადი დანიშნულება 3600 ვიდეოების ყურება და მარტივი თამაშების გახსნა წარმოადგენს. აქტიური მოძრაობის არარსებობის გამო ბიუჯეტური მოწყობილობებისგან ვირტუალური რეალობის სრული ეფექტის შეგრძნებას ვერ შეძლებთ. თუმცა, როდესაც პირველად გამოცდით საკუთარ თავზე, დამერწმუნეთ, მაინც ბევრს იხალისებთ. ასეთი მოწყობილობების მთავარი პლიუსებია – დაბალი ფასი კომპაქტური დიზაინი.

გაითვალისწინეთ!!!

• VR-სათვალეები გათვლილია 4-6 ინჩიანი სმარტფონებისთვის.

• გრაფიკის ხარისხი ძირითადად დამოკიდებული იქნება თქვენი ტელეფონის ეკრანის რეზოლუციაზე და პროცესორის სიძლიერეზე.

საშუალო ფასის მოწყობილობები: 50-200 ლარი

ბიუჯეტური მოდელების მსგავსად ამ კატეგორიის მოწყობილობებშიც სმარტფონი იდება, თუმცა VR-სათვალეს გააჩნია დამატებითი სენსორები, რომლებიც ართულებენ მართვის პროცესს და გაცილებით ამაღლებენ ვირტუალური რეალობის ეფექტს.

ამ საფასო სეგმენტის ყველაზე ცნობილი წარმომადგენლები არიან Samsung Gear VR და Google Daydream View, რომლებიც მხოლოდ ანდროიდ-სმარტფონებისთვისაა განკუთვნილი.

აგრეთვე არანკლები ხარისხით გამოირჩევიან ისეთი შედარებით ნაკლებად პოპულარული მოდელები როგორებიც არიან Homido VR ,  Merge VR,  Xiaomi VR, რომლებშიც ანდროიდთან ერთად ეიფლის ტელეფონების გამოყენებაც შეგიძლიათ.

რა შეუძლია?!

დამატებითი სენსორების საშუალებით თავის მოძრაობის დაფიქსირება უფრო ზუსტად ხდება, რაც ფილმების ყურებისას გამოსახულების ჩვენების ხარისხს ზრდის და ხოლო თამაშებს უფრო ინტერაქტიურს ხდის. შეიძლება ითქვას, ილუზია უფრო დამაჯერებელი ხდება. თუმცა ამ მოწყობილობებს პრემიალური მოდელებამდე მაინც ბევრი უკლიათ.

ამ სეგმენტის მოწყობილობები ძირითადად Bluetooth-პულტებთან ან ჯოისტიკებთან ერთად იყიდება. ამასთან VR-სათვალეებს კორპუსზე დამატებული აქვთ ღილაკები, რომელთა საშუალებითაც საბაზო ფუქციების რეგულირება ხდება.

გაითვალისწინეთ!!!

• VR-სათვალეები გათვლილია 4-6 ინჩიანი სმარტფონებისთვის.

• ყურადღება მიაქციეთ, თუ რა მასალისგანაა დამზადებული, როგორი ლინზები უზის.

• აღჭურვილია თუ არა სენსორებით.

• მოყვება თუ არა გეიმპადი ან სამართავი პულტი.

პრემიალური მოწყობილობები: 500-2000 ლარი

ეს გახლავთ VR-ბაზრის ერთგვარი უმაღლესი ლიგა, რომელშიც შემავალი მოდელები ალბათ თითოეული ადამიანის ოცნებაა. წინა მოდელებისგან განსხვავებით მათ გამოსაყენებლად სმარტფონი არ დაგჭირდებათ, ამჯერად მათი კომპიუტერთან დაკავშირება მოგიწევთ. პრემიალური VR-ჩაფხუტები გამოირჩევიან რთული, ერგონომიული დიზაინით და აღჭურვილები არიან მაღალი რეზოლუციის მქონე ეკრანებით, აუდიო სისტემებით და უამრავი სენსორით.

ამ სეგმენტის მთავარი წარმომადგენლები არიან Oculus Rift,  HTC Vive და Sony PlayStation VR.  მათი გამოყენებისთვის მხოლოდ მათი შეძენა არ კმარა. მაგალითად სონის ვირტუალური რეალობის ჩაფხუტის ფუნქციონირებისთვის Sony PlayStation 4 დაგჭირდებათ, ხოლო Oculus Rift-ისა და HTC Vive-ისთვის კი ძლიერი კომპიუტერი Windows-ით.

რა შეუძლია?!

ამ კლასის მოწყობილობები გრაფიკისა და აუდიო ეფექტების უმაღლესი დონის დემონსტრირებას ახდენენ. მათი დიზაინის უჩვეულობა მნახველში დისკომფორტს არ იწვევს. სხვადასხვა სენსორებისა და შიდა კამერების საშუალებით კი ზუსტად ხდება მომხმარებლის მოძრაობის დაფიქსირება. ყველა ეს ფაქტორი უზრუნველყოფს იდეალური ვირტუალური რეალობის შექმნას.

გაითვალისწინეთ!!!

• პრემიალური VR-ჩაფხუტი მხოლოდ იმ შემთხვევაში შეიძინეთ თუ შესაბამისი სიძლიერის კომპიუტერს ფლობთ, რომელზეც მას აამუშავებთ.

• ურიგო არ იქნება გადახედოთ თამაშების კატალოგებს, თუ რომელი მწარმოებელი რას სთავაზობს საკუთარ მომხმარებელს. კატალოგები PS VR-ისთვის იდება PlayStation-ის ოფიციალურ საიტზე, ხოლო Rift-ისა და Vive-ისთვის Steam-ი დაათვალიერეთ

• მოწყობილობის ყიდვისას ყურადღება მიაქციეთ კომპლექტაციას. მაგალითად საბაზო HTC Vive იყიდება სენსორებით და კონტროლერებით ხოლო PRO ვერსია – დამატებითი აქსესუარების გარეშე.

სტატიაში მოცემულ მოწყობილობებზე მოქმედებს გარანტია და განვადება მოქნილი პირობებით.

გისურებთ იღბლიან შოპინგს!