• 200 გრ. შაქრის პუდრა

• 4 ს.კ წყალი

დაასხით შაქრის პუდრს წყალი და დაადგით დაბალ ცეცხლზე სანამ მინანქარი პრიალა არ გახდება, გამუდმებით ურიეთ.

ფერის შესაცვლელად ჩართეთ ფანტაზია. მაგ. ყავისფერი მინანქრის მისაღებად დაამატეთ კაკაო ან 1 ფილა შოკოლადი. ნარინჯისფერის მისაღებად კურკუმა და პატარა ნაჭერი კარაქი. ასევე ბუნებრივ საღებავად გამოდგება მალინის მურაბა, ალუბლის წვენი, კივი.

როდესაც საღებავი მზად გექნებათ, შეუდექით გაფორმებას. გადაიტანეთ მინანქარი სამზარეულოს ფანქარში  და შექმენით ჯადოსნური ნამცხვრის დიზაინი საკუთარი ხელით.

ცხელი სასმელები

ზამთარს, ახალ წელს და ნამცხვარს არაფერი უხდება ისე, როგორც ცხელი გლინტვეინი ან ცხელი შოკოლადი. თქვენი სუფრაც უფრო გალამაზდება თუ საახალწლო ჭურჭელი დაამშვენებს მას.

უგემრიელესი გლინტვეინის რეცეპტი

დაგჭირდებათ:

• ¾ ჭიქა წყალი

• ¾ ჭიქა ყავისფერი შაქარი

• 1 დარიჩინის ჩხირი

• 1 ფორთოხალი

• 1 ჩ.ჭ მიხაკი

• 750 მლ წითელი ღვინო

წყალი, შაქარი, დარიჩინი, მიხაკი მოვათავსოთ ქვაბში და დავდგათ დაბალ ცეცხლზე. როდესაც მივიღებთ სიროფისმაგვარ მასას ამოვიღოთ მიხაკი და დარიჩინი. დავამატოთ ღვინო და რგოლებად დაჭრილი ფორთოხალი. გლინტვეინი არ უნდა მივიყვანოთ ადუღებამდე. მივირთვათ ცხელი. გემოსთვის ძალიან მნიშვნელოვანია ჭურჭელი რითიც მივირთმევთ სასმელს.

ცხელი შოკოლადისთვის კი ჭიქა თერმოსი არის იდეალური. რაც გაგიმარტივებთ ახალი წლის მეორე დილას, დათოვლილ ცივ ქუჩებში სიარულს. განწყობის ასამაღლებლად გირჩევთ თერმოსი მოათავსოთ საახალწლო ჩანთაში.

იდეალური ცხელი შოკოლადის მოსამზადებლად დაგჭირდებათ:

• 400 გრ. შესქელებული რძე

• ½ ჭიქა უშაქრო კაკაოს ფხვნილი

• 1 ½ ჩ.კ ვანილის ექსტრაქტი

• 1/8  ჩ.კ მარილი

• 6 ½ ჭიქა ცხელი წყალი

• ზეფირი

შესქელებული რძე, კაკაო, ვანილის ექსტრაქტი და მარილი ავურიოთ ერმანეთში კარგად გახსნამდე. ნელ-ნელა დავამატოთ წყალი და გავხსნათ, დავდგათ ცეცხლზე ადუღებამდე. გადმოვიტანოთ ჭიქებში და დავამატოთ ზეფირი. ვიზუალური ეფექტისთვის შეიძლება მოვახეხოთ შავი შოკოლადი.

ალკოჰოლური სასმელები

საახალწლო მაგიდის გაფორმებისთვის პატარა დეტალები ძალიან მნიშვნელოვანია. სუფრა ალკოჰოლური სასმლის გარეშე წარმოუდგენელია, ჩვენ შეგვიძლია გამოვიყენოთ პატარა ჭიქის  დეკორაცია და მეტად გავახალისოთ ღვინის თუ კოქტეილის ჭიქები.

მინდა გაგაცნოთ რამდენიმე მარტივი კოქტეილი, რათა თქვენი საახალწლო სუფრა მეტად მრავალფეროვანი გახდეს.

1.ფორთოხლის კოქტეილის რეცეპტი

დაგჭირდებათ:

• შამპანური (მშრალი)-750 მლ

• თეთრი ღვინო (მშრალი)-750

• ფორთოხლის წვენი - 1,5 ლ.

მომზადების წესი:

შანპანურს და წვენს ვაციებთ, გადაგვაქვს ერთ ჭურელში, ვამატებთ ღვინოს. 10 წუთით ცარიელ ჭიქებს საყინულეში ვათავსებთ და შემგედ ვავსებთ გამზადებული კოქტეილით. შეგვიძლია გავაფორმოთ ფორთოხლის ნაჭრებით.

2.ჟოლოს კოქტეილის რეცეპტი 

დაგჭირდებათ:

•  ჟოლოს წვენი – 3 ჭიქა

• ლაიმის წვენი – 1 სადილის კოვზი

• მშრალი შამპანური – 750 მლ

• ლაიმი – 1 ცალი.

მომზადების წესი:

ჭიქის პირი დავასველოთ ლაიმის წვენით, ამოვავლოთ შაქარში. ჟოლოსა და ლაიმის წვენი შევურიოთ. თითოეულ ჭიქაში 0,5 ჭიქა ჟოლოსა და ლამის წვენი ჩავასხათ და შემდეგ შამპანური დავუმატოთ.

 

3. მანდარინის კოქტეილის რეცეპტი

დაგჭირდებათ:

• არაყი  - 50 მლ

• მანდარინის წვენი - 150 მლ

• ალუბლის წვენი-50 მლ

• მანდარინი - 20 გ

• გაყინული ალუბალი-20 გ

• ყინულის კუბიკები - 180 გ

მომზადების წესი: 

ჭიქაში ჩაყარეთ ყინულის კუბიკები. დაასხით 50 მლ არაყი.

დაამატეთ მანდარინის და ალუბლის წვენი, კოქტეილის კოვზით ფრთხილად აურიეთ. დაამატეთ გაყინული (უკურკო) ალუბალი.

შეგიძლიათ მორთოთ მანდარინის ნაჭრებით.

 

გააფორმეთ მაგიდა  მაგიდის გადასაფარებელით, სკამის ჩიხოლით, დანა-ჩანგლის ჩასადებით და გააოცეთ ყველა თქვენი საახალწლო სუფრით.

გაგვიზიარეთ რეცეპტები თქვენი საახალწლო სუფრიდან და ასევე რჩეები, თუ რას დაამატებდით დეკორაციებში.