წინ გველოდება თვეები, რომლებიც ოფლიანობით, სიცხით და მწერების შემოსევით გამოირჩევა. დიახ, ამ წელს მეტად ცხელ ზაფხულ გვპირდებიან. როგორ შეგვიძლია პატარა ედემის ბაღი მოვიწყოთ სახლში და მოვემზადოთ წელიწადით ამ დროისთვის?

„როგორ დაცხა!“ — სულ ცოტა ხანში ამ სიტყვებს ბევრი გაიმეორებს. წინ გველოდება თვეები, რომლებიც ოფლიანობით, სიცხით და მწერების შემოსევით გამოირჩევა. დიახ, ამ წელს მეტად ცხელ ზაფხულ გვპირდებიან. როგორ შეგვიძლია პატარა ედემის ბაღი მოვიწყოთ სახლში და მოვემზადოთ წელიწადით ამ დროისთვის? გთავაზობთ გაეცნოთ რამოდენიმე პრაქტიკულ ვარიანტებს.

პირველ რიგში, დააყენეთ სახლში კონდენციონერი. მნიშვნელოვანია სწორად შევარჩიოთ კონდენციონერებიც, ისეთები როგორიცაა SAMSUNG და HYUNDAI-ს ფირმები. მისი მუშაობის პრინციპი ძალიან მარტივია — ოთახში ჰაერის ტემპერატურის დაწევა ან აწევა. მას იყენებენ შენობებში ჰაერის არასასურველი ნაწილაკების გასაწმენდად. სიცხე ოდიდგანვე დიდ პრობლემას წარმოადგენდა ადამიანებისთვის, ამიტომ ისინი სხავადასხვა მეთოდით ებრძოდნენ მას. ერთ-ერთი ცნობის თანახმად ძველ ეგვიპტეში ფანჯარასთან ჰკიდებდნენ სველ ლერწამს. ნეტა რატომ? დაღვრილი წყალი ორთქლდებოდა და ფანჯრიდან ქარს გრილი ჰაერი შემოჰქონდა. რას არ მოგაფიქრებინებს სიცხე?! როგორც ამბობენ, პირველი ელექტრო კონდენციონერი უილის კარიერმა ბუფალოში (ნიუ-ორკი) გამოიგონა. ეს მოვლენა 1902 წელს მოხდა. უფრო კონკრეტულად კი 17 ივლისს, გაგანია ზაფხულში. იქიდან მოყოლებული ამ გამოგონებამ ნელ-ნელა მთელ მსოფლიოში მოიკიდა ფეხი. ესეც მოკლე ისტორია, მაგრამ მოდი ეხლა ჩვენს სახლს დავუბრუნდეთ. კარგი იქნება თუ შევამოწმებთ კოდენციონერის ფილტრს და საჭიროების შემთხვევაში გავწმინდავთ მას, რადგან დასვრილი ფილტრი კონდენციონერის ჩართვისას არასასიამოვნო სუნს აფრქვევს. მას შემდეგ რაც კონდენციონერის ამბებს მოვაგვარებთ, დაუპატიჟებელ სტუმრებსაც უნდა მივხედოთ.

ვის ვგულისხმობთ? კოღოები, ბუზები და სხვა მწერები. აბა დაფიქრდით რამდენად რთულად ასატანია როცა გზააბნეული კოღო ღამე მოსვენებას არ გაძლევს თავისი გამაყრუებელი წუილით! ან რაოდენ რთულია იმის დანახვა, როგორ ნებივრობს უმისამართოდ შემოჭრილი ბუზი საგულდაგულოდ მომზადებულ წვნიანში! თუ გინდათ, რომ ეს არ მოხდეს, ფანრჯებზე მწერებისგან დამცავი ბადე დააყენეთ. აბა ეხლა სცადონ და დაგვირღვიონ მყუდროება. შეგიძლიათ უფრო დაიზღვიოთ თავი და მწერების საწინააღმდეგო სპრეი გამოიყენოთ. მაგრამ მის გამოყენებამდე წაიკითხეთ ინსტრუქციები, დარწმუნდით, რომ თქვენს შინაურ ცხოველებს საფრთხეს არ უქნით. უბრალოდ დახურეთ კარები და ფანჯრები, დარწმუნდით რომ ოთახში ნიავი არსაიდან შემოდის. შენჯღრევის შემდეგ მოასხურეთ სპრეი ჰაერში, ავეჯიდან ასე 1 მეტრის დაშორებით. დატოვეთ ოთახი დაახლოებით 15 წუთი და შემდეგ 30 წუთის განმავლობაში კარგად გაანიავეთ. მაშ ასე, მწერებსაც თავისი ადგილი მივუჩინეთ.

რა მოვუხერხოთ ბავშვებს? წელიწადის ეს დრო მათთვის კარგად დასამახსოვრებელი რომ იყოს, შეიძინეთ გასაბერი აუზი. ზაფხულის ცხელ დღეებში წყალში ყოფნა თქვენი სუპერმენისთვის ძალიან მნიშვნელოვანია. მაგრამ აუზში წყუმპალაობისას ჯობია ცალი თვალი ბაშვზე გეჭიროთ. ნათქვამია სიფრთხილეს თავი არ სტკივაო. თუ დიდი ზომის გასაბერი აუზი გაქვთ რომელშიც თქვენც ეტევით, მაშინ თქვენს პატარას ყოველთვის გაუკეთეთ ხელზე გასაბერი სამკლაურები ან კისრის ბალიშები. ბევრ ბავშვს მოსწონს წყლის სათამაშოები, ისარგებლეთ ამ მომენტით და პატარასთვის შეარჩიეთ გასაბერი ფლამინგო, რომელიც მაშველ რგოლადაც გამოდგება. თუ შვილები გყავთ, შეეცადეთ იმდენად დიდი აუზი არ შეიძინოთ, რომ შიგ ჩასასვლელად კიბე დაგჭირდეთ. პატარები აუცილებლად მოიწევენ რაიმე ზიანს, ამიტომ თუ გინდათ ზედმეტი თავის ტკივილი აირიდოთ, უყიდეთ ბავშვს მცირე ზომის აუზი და თქვენს აუზთან ახლოს დადგით. მათთვის მთავარია გაერთონ, ასე რომ წყლის სიღრმეს გადამწყვეტი მნიშვნელობა არააქ. მაშ ასე, ბაშვებიც მეტ-ნაკლებად დავასაქმეთ.

ეხლა კი ვისაუბროთ მთავარ პრობლემაზე რომელიც ზაფხულში ყველას გვაწუხებს. მაინც რაზე? ძილზე. ბევრი ჩივის, რომ ზაფხულობით რთულია დაძინება, რადგან ღამითაც კი ზოგან აუტანლად ცხელა. ამ პრობლემის მოსაგვარებლად ყველამ სხვადასხვა მეთოდს მიმართა. გთავაზობთ რამოდენიმეს. ზოგმა სცადა მთელი ღამე ვენტილატორი ჩაერთო. მაგრამ მის გამოყენებასაც ცოდნა უნდა. რას ვგულისხმობთ? ცუდი იქნება თუ ვენტილატორს პირდაპირ დაიდგამთ, ისე, რომ მთელი ღამე უწვეტლივ გიბერავდეთ. დარწმუნებული იყავით, რომ უმეტეს შემთხვევაში სურდოს აიკიდებთ. წარმოიდგინეთ, ზაფხულის პაპანაქებაა და თქვენ სურდო გაწუხებთ! დააყენეთ ის მოძრავ რეჟიმზე ან თუ ეს რეჟიმი არააქ, მაშინ ოდნავ გვერდზე გაწიეთ რომ ჰაერი პირდაპირ არ გირტყამდეთ.

გიყვართ ღია ცის ქვეშ დაძინება? ეს შესანიშნავი აზრია! თუ პატარა ეზო მაინც გაქვთ, გააბით ჰამაკი და გემრიელად მოკალათდით. საღამოს ნაზი სიო თქვენს დასვენებას კიდევ უფრო სასიამოვნოს გახდის. მაგრამ თუ ისეთ ადგილას ცხოვრობთ სადაც კოღოები ქვეყანასაა მოდებული, მაშინ ჩათვალეთ, რომ ჰამაკზე წამოწოლით მათ თქვენი თავი ლანგრით მიართვით!

ასეთ დროს შეგიძლიათ კარავი გაშალოთ, შეიტანოთ შინ გასაბერი ლეიბი და მშვიდად მიეცეთ ღრმა ძილს. მართალია ღია ცის ქვეშ არ ხართ, მაგრამ ბეტონის კედლებს შორის მაინც არ გძინავთ.

გვინდა არ გვინდა, შუადღის პაპანაქებაში გარეთ გვიწევს მოძრაობა. ხშირია შემთხვევები, როცა დაუდევრობის შედეგად ზოგმა მზის დარტყმაც კი მიიღო და თუ ამას გადაურჩა, ძალიან დაიზაგრა. კარგი იქნება თუკი შევეჩვევით ქუდის ტარებას. შეგვიძლია კეპი, პანამიკი ან სხვა სტილის ქუდი შევარჩიოთ გემოვნებისა და ასაკის მიხედვით. უნდა ვაღიაროთ, რომ ამ მხრივ მანდილოსნებს საკმაოდ ფართო არჩევანი გაქვთ. ონლაინ მაღაზიებსა თუ ჩვენს საიტზე, თქვენთვის სასურველი „თავსაბურავის“ მოძებნას იოლად შეძლებთ.

მნიშვნელოვანია ყოველთვის თან ვატაროთ მზის სათვალეები. მწველი მზე კარგს არაფერს უქადის ჩვენს თვალებს. ასე რომ, მზის სათვაალეები დაგვეხმარება კომფორტულად ვიგრძნოთ თავი.

მართალია პაპანაქება მზისგან თავდაცვა შესაძლებელია, მაგრამ შეეცადეთ მაქსიმალურად აარიდოთ თავი შუადღისით მუშაობას ან გადაადგილებას. წეღან ძილზე ვისაუბრეთ, ჩემს თავზე მაქ გამოცდილი  და ალბათ თქვენც დამეთანხმებით, რომ დღის ამ მონაკვეთში უფრო ადვილად შეიძლება ჩაძინება. ბევრი რჩევები მოგვისმენია იმის თაობაზე, რომ ზაფხულში რაც შეიძლება დიდი რაოდენობით უნდა მივიღოთ წყალი. რადგან ორგანიზმი ამ დროს ასე ვთქვათ კარგავს წყლის მარაგს რომელიც ოფლის სახით გამოდის, ამიტომ მას მარაგის შევსება სჭირდება. შეიძლება იკითხოთ: «და მაინც რამდენია ეს „დიდი რაოდენობით წყალი?“». მარტივად რომ ვთქვათ, იმდენი რამდენსაც ორგანიზმი მოგთხოვთ. საორიენტაციოდ რომ ავიღოთ, დაახლოებით ორი ლიტრი წყალი ყოველდღე ან უფრო მეტი. გახსოვდეთ, მეტი წყალი მეტი ენერგიაა!

და ბოლოს, ორიოდე სიტყვა ვთქვათ ტანსაცმელზეც. კარგი იქნება უმეტესად შორტები ან მოკლე მკლავიანი ზედა გვეცმევა. მაგრამ შეეცადეთ, რომ ისინი ტანზე ძალიან არ იყოს მომდგარი. ჯობია თუ ცოტა განიერი და ფართო იქნება. რატომ? ეს საშუალებას მისცემს კანს „ისუნთქოს“ და ნაკლებ ოფლიანობას გამოიწვევს. ამ საკითხზე ინფორმაციის მოძიებისას საინტერესო დეტალს წავაწყდი: გვირჩევდნენ რომ მუქი ფერის ზედას, მაგალითად, შავის ნაცვლად ღია ფერის ზედა, მაგალითად, თეთრი ჩაგვეცვა. როგორც აღმოჩნდა მიზეზი ის არის, რომ შავი, ასე ვთქვათ, იწოვს სხივებს ხოლო თეთრი ფერის კი პირიქით, ირეკლავს მას. შეგიძლიათ თავადაც სცადოთ და ნახოთ სხვაობა.

მაშ ასე, სულ სამი თვე და ეს სეზონიც ჩაივლის. მაგრამ ცოტაოდენი ძალისხმევის შედეგად ზაფხული სასიამოვნოდ მოგვაგონდება.