როგორ შევიძინო?

ავტორიზაცია

ყველა კატეგორია

რა ვაჩუქო?
აქსესუარები სილამაზე და კოსმეტიკა საჩუქარი ბავშვებისთვის დეკორი სხვადასხვა
ავტო ნაწილები ბავშვებისათვის ვიდეო თამაშები & კონსოლები ზოო პროდუქცია კომპიუტერული ტექნიკა მობილური ტელეფონები & აქსესუარები მუსიკა მუსიკალური ინსტრუმენტები საათები სათამაშოები & ჰობი
ასაწყობი სათამაშოები ბურთები, ფრიზბი & ბუმერანგები გამჭვირვალე & ფერადი ბურთულები დრონები თამაშები კლასიკური სათამაშოები მანქანები, თვითმფრინავები, გემები & ძრავები მატარებლები მოდელები & კომპლექტი მოქმედებითი / მოძრავი მცირე წლოვნებისთვის რობოტები, მონსტრები, კოსმოსური მხეცები საბავშვო დისტანციური მანქანები საბავშვო სატერფულიანი მანქანები საბითუმო გაყიდვები საგანმანათლებლო სათამაშო ჯარისკაცები საპნის ბუშტები სატელევიზიო & ფილმის პერსონაჟები სწრაფი კვების სათამაშოები ფაზლები, თავსატეხები, რუბიკის კუბები ფუმფულა / ბეწვის სათამაშოები ცნობილი ცხოველები ძველებური & ანტიკვარული სათამაშოები საბითუმო გაყიდვები
სამკაულები სამომხმარებლო ელექტროტექნიკა სახლი და ეზო სპორტული საქონელი ტანსაცმელი, ფეხსაცმელი და აქსესუარები ფოტო და ვიდეო კამერები წიგნები ჯანმრთელობა და სილამაზე

როგორ მოვემზადოთ ლაშქრობისთვის - საჭირო რჩევები

ტარიელ მარაქველიძე
1039

წაკითხვა

მოწონება

ბლოგერი : ტარიელ მარაქველიძე

რა უნდა ვიცოდეთ ლაშქრობაში წასვლამდე ,

ნივთები რომლებიც საჭიროა ლაშქრობაში,

როგორ დავაღწიოთ თავი კოღოებს,

ყველას გვიოცნებია ჩვენს საყვარელ ადამიანებთან ერთად ბუნებაში გავსულიყავით და დრო სასიამოვნოდ გაგვეტარებინა. გვეცეკვა, გვემღერა და დაუვიწყარი მოგონებები შეგვექმნა. მაგრამ ხანდახან პირიქით ხდება დაუვიწყარი მოგონების მაგივრად ეს ყველაფერი დაუვიწყარ კოშმარად იქცევა ხოლმე. ასეთი კოშმარების თავიდან ასაცილებლად ისეთი პატარ - პატარა რჩევები და მარტივი ხრიკები დაგვეხმარება რომელთა თქვენთვის გაზიარებაც დღეს მე გადავწყვიტე.

მაშ ასე დავიწყოთ:

სინათლე და სითბო

პირველი პრობლემა რომელიც თავს იჩენს ბუნებაში გასვილისას ეს სინათლე და სითბოა. რა იქნება ბუნებაში სინათლისა და სითბოს საუკეთესო წყარო თუ არა კოცონი. რომლის გარშემოც შეიკრიბებით გათბებით ცოტაოდენ ღვინოსაც დალევთ და ზეფირსაც შეწვავთ. მაგრამ ზოგჯერ აღმოჩნდება ხოლმე რომ ასანთი დასველდა და აღარ ინთება. ან კიდევ კოცონს ვერ ანთებთ იმიტომ რომ ხეს ცეცხლი არ ეკიდება. გამოსავალი ერთია შეინახეთ თქვენი ასანთი დახურულ კონტეინერში ან ეგრედწოდებულ zip bag ში ანდაც შეიძინეთ სპეციალური წყალგამძლე ასანთი , იგი არამარტო წყალგამძლეა არამედ ქარსაც დიდ წინააღმდეგობას უწევს.

ასეთი გამძლე ასანთის დამზადება სახლის პირობებშიც შესაძლებელია, თქვენ უბრალოდ ფრჩხილის ლაქი უნდა წაუსვათ თქვენი ასანთის თავებს. რაც შეეხება მეორე პრობლემას. გამოსავალი აქაც სიმარტივეშია - თან უბრალოდ ცოტაოდენი საწვავი უნდა წაიღოთ.

რაც შეეხება ღამის განათებას, ალბათ ასეთ მოგზაურობაში წასვლისას ფანარ აუცილებლად წაიღებთ. როდესაც მოსაღამოვდება საკმარისია ფანარ წყლით სავსე ბოთლს მიამაგროთ (უკეთესი იქნება თუ ფანარს თავზე გასაკეთებელი იქნება) და თქვენი ღამის ნათებაც მზადაა.

კომფორტული საწოლი

მეცნიერულად დამტკიცებული ფაქტია რომ ადამიანი კარგი გამოძინების გარეშე ისტრესება და აგრესიული ხდება. ასეთი სტრესის თავიდან ასაცილებლად ჩვენ კომფორტული საწოლი გვესაჭიროება. თუმცა ჩვენს საწოლს სახლიდან ასეთ მოგზაურობაში თან ვერ წავიყოლებთ. ასე რომ, მაქსიმალური კომფორტის შესაქმნელად თქვენ დაგჭირდებათ მაღალი ხარისხის საძილე ტომარა რომელიც თქვენს გათბობას უზრუნველყოფს. რელაქსაციისთვის კი ე.წ. იოგას ლეიბი გამოგადგებათ (რაც უფრო სქლი იქნება მით უკეთესი).

კვება

არ არის საჭმელი არ არის გართობა. პირადი გამოცდილებიდან გეტყვით, რომ საკვების მიღების გარეშე ადამიანს ხალისი და მოტივაცია ეკარგება და აგრესიული ხდება.

დროთა განმავლობაში ხალხში ჩამოყალიბდა სტიგმა რომლის მიხედვითაც ამ ტიპის მოგზაურობაში წასვლისას თქვენ მხოლოდ კრეკერები და სხვადასხვა სახის კონსერვები უნდა წაიღოთ. თუ მარტო მიდიხართ რამოდენიმე დღით მაშინ შეიძლება, მაგრამ თუ კი ორი ან სამი დღით მიემგზავრებით, თანაც სამ ან ოთხ მეგობართან ერთად - ჩემი რჩევა იქნება, თან წაიღოთ პატარა და სპეციალურად ასეთი მოგზაურობებისათვის შექმნილი კემპინგ მაცივარი, რომელშიც თავისუფლად და თამამად ჩაალაგებთ ხორცეულსა და ბოსტნეულს. რომელიც თავისუფლად ეყოფა სამ-ოთხ ადამიანს რამოდენიმე დღის მანძილზე. მაცივარს ერთი ადამიანი წამოიღებს ხოლო მის ტვირთს სხვები გაინაწილებთ. თქვენს მეგობარზე კი ნუ იღელვებთ მისი ტვირთი დღითიდღე შემცირდება.

ელექტროენერგია

მადლობა ტესლას და მის გამოგონებებს, რომ დღეს იქ ვართ სადაც ვართ. დღესდღეისობით ტექნიკას დიდი რაოდენობით ელექტროენერგია ესაჭიროება და თითქმის ყველაფერი მასზეა დამოკიდებული: თქვენი ტელეფონი, ფანარი და მაცივარიც კი რომელიც კემპინგში თან უნდა წაიღოთ. ასე რომ სანამ მოგზაურობაში წახვიდოდეთ არ დაგავიწყდეთ ერთჯერადი ელემენტების მომარაგება. აგრეთვე შეგიძლიათ შეიძინოთ სპეციალური power bank-ი, რომელსაც სპეციალური მზის პანელები აქვს ჩამონტაჟებული და ამ გზით ტენის თქვენს სმარტ აქსესუარებს.

მწერები

მწერები კერძოდ კი კოღოები მსოფლიოს თითქმის ყველა წერტილში არიან გავრცელებულები. მათგან თავის დაღწევა ტყეშიც შეუძლებელია. ასე რომ, როდესაც სალაშქროდ წახვალთ ისინი უკვე იქ დაგხვდებიან და დაელოდებიან ხელსაყრელ მომენტს თქვენს დასაკბენად და ცხოვრების გასამწარებლად.

ზოგიერთ კარავს აქვს სპეციალურ ბადე რომელიც დაგეხმარებათ თავი დააღწიოთ ამ სახის მწერებს. თუმცა, როდესაც ბუნებაში ხარ თავის კარავში გამოკეტვა ცოტა არ იყოს სისუელეა. გამოსავალს წარმოადგენს კოღოსაგან დამცავი ლოსიონი . კიდევ ერთი ნაცადი საშუალებაა სპეცილური დეზედორი. აქვე გეტყვით იმასაც, რომ ეს მწერები ვერ იტანენ ევკალიპტის სუნს. ასე, რომ ევკალიპტის ხესთან ახლოს დაბანაკება დაგიცავთ მათი ნაკბენებისაგან.

პირველადი დახმარება

როდესაც ისეთ ექსტრემალურ მოგზაურობაში მიდიხარ, სადაც არც მედ პუნქტები და არც აფთიაქებია. წინასწარ გიწევს გაითვალისწინო, ყველა შესაძლო სირთულე რაც ამ მოგზაურობისას შეიძლება შეგემთხვეს. ასეთი შემთხვევების რიცხვი არც ცოტაა და არც ერთფეროვნებით გამოირჩევა. შესაძლია გველმა დაგგესლოთ, ან ხელი გაიჭრათ, გაცივდეთ, ალერგიული რეაქცია გქქონდეთ რაიმე მცენარეზე, ან იქნებ ასთმა გაქვთ. მოკლედ რომ ვთქვათ, სანამ მოგზაურობაში წახვიდოდეთ საჭიროა შეაგროვოთ ინფორმაცია თქვენი მეგობრების დაავადებებზე და მკურნალობისთვის ყველა საჭირო მედიკამენტი მუდამ თან იქონიოთ.

ასეთი სახის პირველადი დახმარების ყუთები და ჩანთები მრავლად გვხვდება ინტერნეტ მაღაზიებში და საკმაოდ დიდი არჩევანიცაა. მედიკამენტები კი შეგიძლიათ აფთიაქში შეიძინოთ.

დარჩით ინფორმირებული

სანამ საკემპინგოდ ან სალაშქროდ წახვიდოდეთ აუცილებლად გაიგეთ ამ ლანდშაფტის თავისებურებები დაადგინეთ თქვენი მარშრუტი და იყავით ორგანიზირებულები, თან იქონიეთ ამ ადგილის რუკა, კომპასი და რაიმე სახის თავდაცვითი იარაღი (მაგ: მაჩეტე ), რომელმაც შესაძლოა ექსტრემალურ სიტუაციებში ცხოველების თავდასხმას გადაგარჩინოს როგორც თქვენ ისევე თქვენი მეგობრები.

ამასთან დაუტოვეთ ინფორმაცია თქვენ შესახებ თქვენს მეგობარს, რომელიც თქვენთან ერთად ვერ მოდის. უთხარით მას თქვენი ზუსტი მარშრუტისა და გეგმების შესახებ. შესაძლოა ამ ინფორმაციით მან თქვენი სიცოცხლე გადაარჩინოს.

და ბოლო რჩევა თუ გინდათ რომ სუფთა და ლამაზ ბუნებაში დაისვენოთ - ის ისეთად უნდა დატოვოთ წამოსვლის შემდეგ როგორიც თქვენს მისვლამდე იყო. არ დაანაგვიანოთ ბუნება და მუდამ იქონიეთ ერთჯერადი პოლიეთილენის პარკი რომლითაც ნაგავს წამოიღებთ.

თუ თვლით რომ იცით ისეთი ხრიკი რომელიც მარტივს გახდის ბუნებაში მეგობრებთან ერთად გასვლის პროცესს, გაუზიარეთ ერთმანეთს კომენტარებში.

ბლოგერი : ტარიელ მარაქველიძე
წაკითხვა : 1039
მოწონება :
გაზირება :
სხვა ბლოგები :
კომენტარები :