რა უნდა გაითვალისწინონ მშობლებმა, ბავშვისთვის სათამაშოს შერჩევისას.

ალბათ თქვენც ყოფილხართ სათამაშოების მაღაზიაში და დიდხანს გიფიქრიათ თუ რომელი სათამაშო იქნებოდა საუკეთესო თქვენი პატარასთვის, რადგან სათამაშოები ბავშვის განვითარებას უწყობს ხელს. მაღაზიებში ძალიან დიდი არჩევანია დაწყებული ხის სათამაშოებიდან, დამთავრებული სამაგიდო თამაშებით. რთულია აარჩიო საუკეთესო, რადგან ყველა ძალიან კარგად გამოიყურება, მაგრამ არსებობს რამდენიმე ფაქტორი რომლებიც აუცილებლად უნდა გაითვალისწინოთ, სანამ სათამაშოს შეიძენთ, ესენია : 

1.ასაკი

ყველაზე მნიშვნელოვანი, სათამაშოს შერჩევისას არის ბავშვის ასაკი, რაც ყველა მშობლემა უნდა გაითვალისწინოს. ასაკის მატებასთან ერთად სათამაშოები უფრო კომპლექსური ხდება და  მეტი ნაწილისგან შედგება, რის გამოც ბავშვებს უჭირთ არასწორად შერჩეული სათამაშოს აღქმა ან მსგავსი ნივთები საფრთხეს უქმნიან მათ. ასაკის გათვალისიწნებით უნდა აირჩიოთ იდეალური სათამაშო თქვენი პატარებისთვის, ეს ძალიან მარტივია, რადგან ყველა სათამაშოს აქვს წარწერა, თუ რა ასაკის ბავშვებისთვისაა განკუთვნილი.

2.უსაფრთხოება

აუცილებლად შეარჩიეთ სათამაშო, რომელიც უსაფრთხო იქნება თქვენი პატარებისთვის და მისმა ვიზუალურმა მხარემ არ დაგაბნიოთ. სათამაშო უნდა იყოს გამძლე ყოველგვარი მომწამლავი  ნივთიერებების გარეშე და არ უნდა ჰქონდეს წვეტიანი დაბოლოებები. ბავშვს ადვილად უნდა შეეძლოს მისი ხელში დაჭერა, ამიტომ შეარჩიეთ ძალიან მსუბუქი სათამაშო.

3.კრეატიულობა

თამაში საუკეთესო გზაა პატარებისთვის აღმოაჩინონ საკუთარი შესაძლებლობები, შეარჩიეთ სათამაშო რომელიც დაეხმარება ბავშვს გამოავლინონ თავიანთი დაფარული უნარები, ამისათვის კარგია სამაგიდო თამაშები, ფაზლები, ასაწყობი კუბები და მსგავსი სათამაშოები, ისინი აუმჯობოსებენ წარმოსახვით უნარს და ეხმარებიან პატარებს დამოუკიდებლად მიიღონ გადაწყვეტილებები.

4.ფიზიკური აქტივობა

გარდა გონებრივი განვითარებისა აუცილებელია ბავშვი ფიზიკურადაც აქტიური იყოს, განსაკუთრებით 21-ე საუკუნეში, როდესაც ბავშვები ეკრანებთან დიდ დროს ატარებენ, ამიტომ სათამაშოების დახმარებით უნდა შეიცნონ რეალური სამყარო და აქტიური ცხოვრება, დარწმუნდით რომ სათამაშო ხელს შეუწყობს მათ ფიზიკურ განვითარებას. ასეთი სათამაშოებია კარავი, ტვისტერი, მინი ბატუტი და უამრავი სხვა.

5.მრავალი ფუნქცია

ისეთი სათამაშოები, რომლებსაც რამდენიმე ფუნქცია აქვს უფრო დადებითად მოქმედებენ ბავშვებზე ვიდრე ერთფუნქციურები. კარგი იქნება, თუ სათამაშო იქნება რამდნიმე ნაწილიანი, შესაძლებელია იყოს სხვადასხვა მატერიისგან დამზადებული, ჰქონდეს ხმა, განათება და სხვა მახასიათებლები. მუსიკალური სათამაშო მაგიდა , სამედიცინო აღჭურვილობა  და მსგავსი სათამაშოები უფრო ძლიერად მოქმედებენ ბავშვებზე და ხელს უწყობენ მათ გონებრივ განვითარებას.

6.ინტერესები

პატარებს ადრეული ასაკდიანვე უჩნდებათ სხვადასხვა ინტერესები, ზოგს ცხოველები მოსწონს,  ზოგს კონკრეტული მულტფილმის გმირი, ნაწილი კი მუსიკის ან სპორტის მიამრთ იჩენს განსაკუთრებულ ყურადღებას, ამიტომ აუცილებლად უნდა გაითვალისწინოთ მათი ინტერესები, როდესაც სათამაშოს არჩევთ, რომ მათთვის ეს პერიოდი უფრო საინტერესო მხიარული და მრავლისმომცემი იყოს. შეიძინეთ საბავშვო გიტარა, მინი კალათბურთი , სუპერგმირები და უამრავი სხვა.

7.საგანმანათლებლო

ბავშვები ძალიან სწრაფად და მარტივად ითვისებენ ყველაფერს, ამიტომ ჩვენ უნდა დავეხმაროთ მათ პატარა ასაკიდანვე შეისწავლონ და მიიღონ სხვადასხვა ინფორმაცია ისე, რომ ამით დისკომფორტი არ შევუქმნათ. პირიქით, ეს პროცესი უფრო სახალისო და საინტერესო უნდა გავხადოთ, ამისთვის შეგიძლიათ გამოიყენოთ ახალი სიტყვების სასწავლი წიგნები , ასაწყობი ანბანი, სახატავი აღჭურვილობა და სხვა.

თუ გაითვალისწინებთ ჩამოთვლილ რჩევებს, თქვენ აუცილებლად იპოვით იდეალურ სათამაშოს თქვენი შვილისთვის, რომელიც დაეხმარება ფიზიკურ და გონებრივ განვითარებაში.