ანუ როგორ შევარჩიოთ საათი.

„რომელი საათია?“. ამ კითხვის გაგონებაზე, ალბათ მაშინვე თვალს შეავლებთ თქვენს მაჯას. აღსანიშნავია, რომ მაჯის საათები ჩვენი ყოველდღიური ყოფის განუყოფელ ნაწილად იქცა. მათ დროის ჩვენების გარდა სხვა დამატებითი ფუნქციებიც შეითავსეს. ზოგისთვის ისინი ერთგვარი სამკაული, სასურველი საჩუქრი და უბრალოდ ყოველდღიურობის ნაწილია. და მაინც, რა ვიცით მაჯის საათებზე? როგორ განვსაზღვროთ თუ როგორი საათი შევიძინოთ? მოდი, თავდაპირველად წარსულში გადავინაცვლოთ და მოკლედ გავეცნოთ საათების ისტორიას.

საუკუნეებიდან საათებამდე

ადამიანები ძველი დრიდანვე ვცდილობდით დროის გაზომვას და შედეგად უსასრულობა დავყავით საუკუნეებად, წლებად, თვეებად, კვირებად, დღეებად, საათებად, წუთებად და წამებად. დღეს შეგვიძლია ზუსტად გავიგოთ რა დროა, არ დავაგვიანოთ სამსახურში, დროულად გავიღვიძოთ, ბავშვი სკოლაში დროზე მივიყვანოთ და ა.შ. მაგრამ რის თქმა შეგვიძლია კონკრეტულად მაჯის საათებზე ან ზოგადად საათებზე? არავინ იცის ზუსტად როდის გამოიგონეს პირველი მექანიკური საათი. მაგრამ როგორც ცნობილია პირველი საათები, რომელთა გადატანაც შესაძლებელი იყო, 1500 წელს გამოვიდა ფართო ასპარეზზე. ეს უდავოდ მნიშვნელოვანი მომენტი იყო მესაათეობის განვითარების ისტორიაში. რაც შეეხება მაჯის საათებს, მათ XIX საუკუნის მიწურულს დიდი პოპულარობა მოიპოვეს მდედრობითი სქესის წარმომადგენლებში. ამას ისიც დაემატა, რომ პირველი მსოფლიო ომის დროს არტილერიის ოფიცრებმა შენიშნეს, რომ საათის ჯიბით ტარებას ჯობდა ის მაჯაზე ჰქონოდათ. ზემოთ მოხსენიებულმა მოვლენებმა ხელი შეუწყო მაჯის საათების პოპულარიზაციას. ესეც საათის მოკლე ისტორია, მაგრამ დავუბრუნდეთ მთავარ თემას: როგორ შევარჩიოთ მაჯის საათი? რა კრიტერიუმები უნდა გავითვალისწინოთ?

საათების შერჩევა

როცა ამაზე ვფიქრობდი ერთ დასკვნამდე მივედი: ნივთის შერჩევა მაშინაა ადვილი, როდესაც ზუსტად ვიცი რისთვის ან ვისთვის გამოვიყენებ მას. იგივე პრინციპი დავუკავშირე საათების შერჩევასაც და მივხვდი, რომ სანამ ინტერნეტში საათის ძებნას დავიწყებ, ჯერ უნდა გავიგო რატომ ვყიდულობ საათს? ალბათ დამეთანხმებით, რომ თუკი ბავშვისთვის ვფიქრობთ საათის ყიდვას, უფრო დაბალბიუჯეტიან საათს შევიძენთ. მაგრამ როცა მეგობარს ან საყვარელ ადამიანს გვინდა საჩუქარი გავუკეთოთ, განსხვავებულ არჩვანს გავაკეთებთ. ხოლო თუ ჩვენთვის ვყიდულობთ, მაშინ საერთოდ სხვა კრიტერიუმებით შევაფასებდით. ბევრი რომ არ გავაგრძელო, ჯერ იმაზე უნდა დავფიქრდეთ რა მიზნით გვინდა საათის ყიდვა. ვფიქრობ ქვემოთ მოცემული ინფორმაცია დაგეხმარებათ სასურველი არჩევანის გაკეთებაში. სტატიის კითხვისას გონებაში გქონდეთ მიზანი, რისთვისაც საათს ყიდულობთ და საქმე ერთი ორად გაგიადვილდებათ.

ზოგიერთი კრიტერიუმი

ოდნავ გადავუხვევ თემიდან. როდესაც ახალ ბინაში გადავედი , მისი შელამაზება  გადავწყვიტე, ყვავილებით, სურათებით და სხვა ნივთებით მოვრთე. ბინას რომ გადავხედე, თვალს რაღაც დააკლდა. ალბათ მიხვდით, კედლის საათი მაქვს მხედველობაში. მე დავიწყე კედლის საათების შერჩევა და ვნახე, რომ ამ მხრივ საკმაოდ ფართო არჩევანი იყო. თუკი დიდი კედელი გვაქ და სიცრიელის შევსებათ ვცდილობთ, მაშინ დიდი კედლის საათი დაგვჭირდებოდა, რასაც ვერ ვიტყვით პატარა კედლის შემთხვევაში. ფორმასაც დიდი მნიშვნელობა აქვს, ოთხკუთხედს შევიძენთ, მრგვალს თუ სხვა ფორმისას, ეს დიზაინზე და გემოვნებაზეა დამოკიდებული.

დილით ადრე გაღვიძება ჩემთვის დიდ სირთულეს წარმოადგენს, ამიტომ მჭირდებოდა ისეთი ნივთი, რომელიც მომიგვარებდა ამ სირთულეს. დიახ, სწორად მიმიხვდით, საათი მაღვიძარა ვიგულისხმე. მაგრამ მე ცოტა განსხვავებული, პრაქტიკული მხარე გავითვალისწინე მისი შერჩევისას. როცა ადგომა მეზარებოდა ხელის ერთი მოძრაობით შემეძლო მაღვიძარა გამეთიშა და ძილი გამეგრძელებინა. ვიფიქრე რა ვქნათქო და მარტივი გამოსავალიც ვიპოვე —  საათი მაძღვიძარა ბორბლებით. მას შემდეგ რაც მაძღვიძარა სასურველ დროზე დავაყენე, გამაყრუებელი სირენა ჩაირთო, ვიფიქრე გავთიშავ მეთქი და ამ დროს საათი ამოძრავდა, ჩამოვარდა, ბორბლებზე სიარული დაიწყო და სხვა გზა არ დამიტოვა; მის დასაჭერად აუცილებლად უნდა ავმდგარიყავი. ესეც ახალი აღმოჩენა ჩემთვის!

ეხლა რაც შეეხება მაჯის საათებს. მართალია, სმარტფონზე თვალის შევლებითაც შევძლებდი დროის გაგებას, მაგრამ დამეთანხმებით, რომ მაჯის საათს სულ სხვა ეფექტი აქვს. და როგორი საათი უნდა მეყიდა? არჩევანი რატომღაც მექანიკურ საათზე შევაჩერე. ბევრი ფიქრობს, რომ ასეთმა საათებმა თავისი დრო უკვე მოჭამა, მაგრამ ბოლო წლებში შვეიცარიის მიერ მექანიკური საათების ექსპორტმა კვარცის საათებს გადააჭარბა. რატომ? ალბათ იმიტომ, რომ მექანიკური საათი მფლობელს დიდი ხანი ემსახურება. გაქვთ სახლში მამის ან ბაბუის დანატოვარი მაჯის საათი? თუ დიახ, მაშინ დაეთანხმებით ზემოთქმულს. ჩემს მსგავსად, ზოგს მექანიკურ საათებში რთული მექანიზმი და სიზუსტე მოსწონს. პაწაწინა კბილანები და ზამბარები თავის საქმეს უხმაუროდ ასრულებენ. ხარისხიანი მექანიკური საათი დღე ღამის განმავლობაში, სხვადასხვა ტემპერაზურაზე, მდგომარეობაში და პირობებში ერთგულად მუშაობს.

ჩემს ხელზე საათი რომ შენიშნა, პატარამ თვითონაც მოისურვა საათის ქონა. ამიტომ მომიწია მისთვის საბავშვო საათის შერჩევა. გამოგიტყდებით, ეს არ ყოფილა იოლი. მაგრამ ერთ მეთოდს მივმართე: ათასგვარი ფერის და ფორმის საბავშვო საათებიდან შევარჩიე საათი, რომელზეც მისი საყვარელი გმირი იყო გამოსახული. პატარას კმაყოფილი სახის დანახვამ მიმახვედრა, რომ სწორი არჩევანი გავაკეთე.

ბავშვისთვის საათის შერჩევამ იმდენად გამიტაცა, გადავწყვიტე მეუღლისთვისაც შემერჩია და გამეკეთებინა სიურპრიზი. რადგან საათები უყვარს, არ გამჭირვებია მისთვის სასურველი საჩუქრის შერჩევა. გავითვალისწინე ისიც, რომ მდედრობითი სქესის წარმომადგენლებს ლამაზად გაფორმებული, ფერადი კვარცის საათები იზიდავთ (თუმცა გამონაკლისებიც არიან) და ამ კუთხით დავიწყე საათის შერჩევაც. ფართო არჩევანი მქონდა: სხვადასხვა ფორმის, ფერის და სამაჯურის მქონე საათები, რაც თვალს აჭრელებს. მაგრამ როცა მეტნაკლებად იცი მისი გემოვნება, იმდენად რთული არ არის საჩურქის შერჩევა და მეც არჩევანი ვარდისფერ საათზე გავაკეთე. აქაც გამიმართლა და საჩუქარმა მოწონება დაიმსახურა.

ოჯახისთვის საათების შერჩევისას,  ჩემი ყურადღება სმარტ საათებმაც მიიპყრო. მათმა მრავალფუნქციურმა დანიშნულებამ გადამაწყვეტინა, რომ დრო იყო შეძენაზე მეფიქრა. გამაკვირვა, იმდენად ფართო არჩევანი იყო. ვნახე, რომ ასეთ საათებს სხვადასხვა ფუნქციები ჰქონიათ, რომელიც ფასზეც ახდენს გავლენას. სმართვოჩი ბლუთუზის მხარდაჭერით, რომელიც უკავშირდება სხვადასხვა მოდელის სმართფონებს. ასევე წყალგაუმტარი სმართვოჩები, საათები დარეკვის ფუნქციით და ჩამოტაჟებული კამერით. ზოგი საათის დახმარებით შეგიძლიათ თქვენი გულისცემა შეამოწმოთ, ივარჯიშოთ, მიიღოთ მოკლე ტექსტური შეტყობინებები, დარეკოთ, ითამაშოთ და ასე შემდეგ. გააჩნია როგორი ტიპის საათს აირჩევთ. მაგრამ ჩემი რჩევა იქნებოდა, რომ რაიმე ცნობლი ბრენდის, მაგ, სამსუნგის ან ეფლის სმარტსაათი გეყიდათ. გახსოვდეთ, მთავარი ხარისხია! 

ესეც მოკლე მიმოხილვა მაჯის საათების თემაზე. იმედია შეძლებთ შეარჩიოთ თქვენთვის სასურველი საათი მისაღებ ფასად.

ისღა დამრჩენია, რომ წარმატებები გისურვოთ.