მოდა ბრუნავს - მინი ჯინსის ქვედაბოლო ისევ აქტუალურია,რა ხერხით შეიძლება თინეიჯერი შვილის გაოცება?,

მოდა ბრუნავს - მინი ჯინსის ქვედაბოლო ისევ აქტუალურია,

რა ხერხით შეიძლება თინეიჯერი შვილის სასიამოვნოდ გაოცება?

დღევანდელი ბლოგის თემა თინეიჯერებსა და მათ ჩაცმულობას, ინტერესებს შეეხება. როგორი გარდერობის ჰქონდა სურთ მათ ახალი სასწავლო წლისთვის? რა შეესაბამება მათ გემოვნებას? ამ შეკითხვებზე პასუხს სულ რაღაც 7 ნივთით მიიღებთ. მათი შეძენა დაგეხმარებათ, დაზოგოთ დრო, ფული, ენერგია და კარგად მოემზადოთ სკოლისთვის. მანამდე კი, სანამ ამ ნივთების ჩამოთვლას დავიწყებ, რამდენიმე ფრაზით სიტყვა "თინეიჯერს" განგიმარტავთ.

სიტყვა "თინეიჯერი" ასოცირდება თავისუფლებასთან, ხოლო თავისუფლება ყველასთვის სხვადასხვა რამესთანაა გაიგივებული. მნიშვნელოვანია, ახალგაზრდამ ცნება "თავისუფლებაში" არ დაინახოს მხოლოდ ის მნიშვნელობა, რომ მისთვის ყველაფერი ნებადართულია და შეუძლია, რაც უნდა, ის აკეთოს. არამედ, მან უნდა გააცნობიეროს, რომ თავისუფლება გულისხმობს დიდ პასუხისმგებლობასა და ვალდებულებებს საკუთარი თავისა და სხვების წინაშე.

"მე უკვე დიდი ვარ და ჩემს თავს მე თვითონ მივხედავ, არ მჭირდება შენი დახმარება" - ეს სიტყვები ხშირად ჩნდება თინეიჯერებისა და მშობლების ურთიერთობაში. დღეს ძირითადად გოგონებზე ვისაუბრებ, რომლებსაც ამ ასაკში, სურთ იყვნენ დამოუკიდებლები, რაც უამრავ რაიმეში გამოიხატება. მაგალითად: „მარტო წავალ სასკოლო საყიდლებზე, შენი რჩევა რად მინდა" - ეს ფრაზა შეიძლება, დედის მიმართულებით წარმოითქვას.

რა თქმა უნდა, საყიდლებზე მარტო სიარული და დამოუკიდებლობა პრობლემას არ წარმოადგენს, თუმცა იქნებ ჯობდეს, საერთოდაც, არ იყოს აუცილებელი მაღაზიებსა თუ ბაზრობებში სიარული და გარდერობი სახლიდან გაუსვლელად შეავსოთ. შესთავაზეთ თქვენს თინეიჯერ შვილსა თუ მეგობარს, მიმართონ ონლაინ შოპინგს. საყიდლებზე მაღაზიიდან მაღაზიაში ბოდიალი, ფასებზე ვაჭრობა და სხვა თანმხლები ფაქტორები საკმაოდ დამღლელია, სწორედ ამიტომ, ჯობს, ნივთები სახლიდან გაუსვლელად შეიძინოთ ebg.ge ზე. თანაც, სავარაუდოდ, ეს პროცესი უფრო საინტერესო და სახალისო იქნება, პროდუქტის ერთად დათვალიერება, შეფასება და არჩევაც ნაკლებად დამღლელი გამოვა.

1) მინი ჯინსის ქვედაბოლო

თინეიჯერებს სურთ, ყოველთვის მოდურად გამოიყურებოდნენ, რათა არ ჩამორჩნენ თანატოლებს. სწორედ ამიტომ, ისინი, რასაკვირველია, იმას არჩევენ, რაც მოდაშია. წელს საკმაოდ აქტუალური გახდა ჯინსის მოკლე ქვედაბოლო, იგი პრაქტიკულია, რადგან მარტივად ჯდება როგორც სპორტულ, ასევე - კლასიკურ სტილში. მისი ჩაცმა კედებთან ერთადაც შეიძლება და - ქუსლიან ფეხსაცმელთანაც. მოდურია როგორც მომდგარი ქვედაბოლო, აგრეთვე აი, ასეთი ტრაპეცია-ქვედაბოლოც.

2) ჯინსის შარვალი

გოგონებს კაბის ჩაცმა განსაკუთრებით უხდებათ და ალამაზებთ, მაგრამ ორი აზრი არ არსებობს, რომ ყოველდღიურობისთვის შარვალი უფრო პრაქტიკული და მოსახერხებელია. ეს შარვალი მოდურიციაა, კომფორტულიც და ადვილად ჯდება თითქმის ყველა თინეიჯერის გემოვნებაში. ყოველდღიური სტილის მაღალწელიანი სტრეიჯია. ზომას და ფერს თქვენ თვითონ ირჩევთ. მე უფრო ღია ფერს ავირჩევდი, ვიდრე - მუქს, რადგან მუქი წელს მოდურ ფერებს შორის ვერ მოხვდა.

3) ფეხსაცმელი

ჩაცმულობაში ერთ-ერთ მნიშვნელოვან ფაქტორს ფეხსაცმელი წარმოადგენს. რადგან სკოლაზე ვსაუბრობთ, აქ კლასიკური ფეხსაცმელი არ გამოგვადგება, რადგან ყოველდღიურად მისი ტარება მოუხერხებელია. ამიტომ საჭიროა რაღაც სპორტული, რაღა თქმა უნდა, ის, რაც მოდაშია. ჰოდა, სულ მთლად ისეთი რომ არ ვიყიდოთ, რომელიც ყველას აცვია და ამასთან ერთად, შენაძენი მოდურიც რომ იყოს, ამ ბოტასს გირჩევთ, რადგან წელს ბრჭყვიალა განსაკუთრებით შემოვიდა მოდაში. მოცემულია რამდენიმე ფერის, იხილეთ ამ ლინკზე.

4) ჩანთა

სკოლა ვახსენეთ და როგორ შეიძლება თემამ ზურგჩანთა არ მოიტანოს? თანაც ასეთი - კრეატიული, მოსახერხებელი, მოდური, მკლავებსა და ზურგზე მასაჟორებით, რაც აუცილებელია იმისთვის, რომ რამდენიმე წიგნის ტარება უფრო მარტივი გავხადოთ. ეს ზურგჩანთა ხერხემლისთვის უფრო მსუბუქად ასატანია, აქვს რამდენიმე სათავსო, წიგნებიც თავისუფლად ეტევა. ასეთი ჩანთა თინეიჯერებს ნამდვილად აუმაღლებს სწავლის სტიმულს, რაც ნამდვილად სჭირდებათ. ამ ზურგჩანთის არჩევა მრავალი ნახატით შეიძლება.

5) ბლუზი

"ზემოთ რა ჩავიცვა, კაბას რომ მოუხდეს?" ამ კითხვის თავიდან აცილებაში ეს ბლუზი დაგეხმარებათ. ღია ფერები ახლა ყველაზე მოდურია და მართალია, მუქი ფერი (განსაკუთრებით - შავი) მოდიდან არასდროს გადის, მაგრამ მე მაინც იმას გირჩევთ, რაც ამ მომენტში მოდურად ითვლება. მაგალითად, შეგიძლიათ, აირჩიოთ ღია ცისფერი, მასზე ასახული ყვავილები სიხალისეს მატებს ჩაცმულობას. ეს ზედა არც ბლუზია და არც მაისური, სადღაც მათ შორისაა, ამიტომ კლასიკურ სტილსაც ეხამება და სპორტულსაც, ე.წ. "ქეჟუალ" სტილში გადის.

6) წინდები

უკეთესი იქნება, თუ კედში არა დაბალყელიან, არამედ - მაღალყელიან წინდას ჩაიცვამთ, თუმცა არაჩვეულებრივს, არამედ - ლამაზად ილუსტრირებულს. აჯობებს, იყოს ასეთი თეთრი წინდა, რადგან იგი სკოლასთანაც ასოცირდება და თანაც, ახლა საკმაოდ აქტუალურია.

7) ბადიანი კოლგოტი

ხშირადაა, როცა მშობლები ვერ ეგუებიან იმას, რომ მათი გოგონა იზრდება და სავარაუდოდ, გემოვნება ეცვლება, სურს, უკვე ქალის ტანსაცმლის ჩაცმაზე გადავიდეს და ბავშვურ სამოსზე უარი თქვას. ასეთი შეიძლება იყოს ბადიანი კოლგოტი, რომელიც საკმაოდ აქტუალურია და რა გასაკვირია, თუ თინეიჯერს მისი შეძენა მოუნდება. აჯობებს, გული არ დაწყვიტოთ, რა თქმა უნდა, თუ მას აქვს ისეთი კაბა, რომელიც ამ კოლგოტს მოუხდება და ზედმეტად ღიადაც არ გამოაჩენს. მოცემულ ბმულზე მისი ფასიც მისაღებია, ზომას და ბადეებს შორის სხვაობას კი თქვენ თვითონ ირჩევთ. შეგიძლიათ, შვილს ის საჩუქრადაც გამოუწეროთ, ალბათ, ეს მისთვის ძალიან მოულოდნელი და სასიამოვნო იქნება და ის თანამედროვე და პროგრესულ მშობლად ჩაგთვლით.

თინეიჯერებისთვის გაგება არც ისე რთულია. მათ მოსწონთ იმის ტარება და ჩაცმა, რაც უმეტესობას მოსწონს, ანუ, უყვართ ყველაფერი ის, რაც ტრენდულია. ამ თაობის წარმომადგენლებს ხშირად საკუთარი მშობლები საკმაოდ მოძველებული შეხედულებების მქონე ადამიანებად წარმოუდგენიათ, ამიტომ, გააკვირვეთ ისინი იმით, რომ შეგიძლიათ, სამყაროს მათი გადმოსახედიდანაც შეხედოთ, გქონდეთ ახალგაზრდული გემოვნება და ჩაცმასთან დაკავშირებით არ იყოთ ზედმეტად მკაცრი. წარმოდგენილი ნივთები ნებისმიერი თინეიჯერი გოგონას გარდერობს უნაკლოს გახდის და სკოლაში წასვლის სტიმულსაც მისცემს, რადგან იქ მისულს ყველა შეამჩნევს და აღნიშნავს, რომ იგი ლამაზად გამოიყურება. რაც მთავარია, გამოწერა უნდა იჩქაროთ - სკოლა სულ მალე დაიწყება, ნივთების ჩამოსვლას კი დრო სჭირდება. წარმატებებს გისურვებთ!