თუ დედამიწაზე სამოთხის ძებნაში ხართ, ეს ბლოგი სწორედ თქვენთვისაა

თუ დედამიწაზე სამოთხის ძებნაში ხართ, ეს ბლოგი სწორედ თქვენთვისაა.გული მწყდება, რომ ძალიან გვიან აღმოვაჩინე ეს ადგილი და აღმოჩენიდან კიდევ უფრო გვიან მომიწია მისი მონახულება...

დღეს დეტალურად აგიხსნით, თუ როგორ მოხვდეთ კახისის ტბაზე და რა დაგხვდებათ იქ.

თუ ფეხით აპირებთ დაბაძველის ტბების მონახულებას, შეგიძლიათ ბორჯომამადე მატარებლით ან მარშუტკით ჩამოხვიდეთ.

ბორჯომიდან შეგიძლიათ მარშუტკით ან ტაქსით მიხვიდეთ ჭობისხევის გადასახვევთან სადაც ორი ხიდია. თუ მანქანით წასვლის სურვილი გაქვთ შეგიძლიათ სამანქანო ხიდთან ჩამოხვიდეთ და იქ დაელოდოთ ამვლელ მანქანას რომელსაც გაყვებით ავტოსტოპის დახმარებით ან თუ ფეხით აპირებთ რამდენიმე მეტრში არის "კონწიალა ხიდი" საიდანაც სოფელს გაივლით მოკლე გზებით და დაადგებით გზას…

სოფელი ჭობისხევიდან არის დაახლოებით 12 კილომეტრი კახისის ტბამდე...

გზად როცა სოფელს გაივლით მალევე შეხვდებით საბჭოთა დროინდელ საბაგირო ბოძებს, რომელზე ასვლაც შესაძლებელია, თუმცა ზოგ მათგანზე კიბეები არც თუ ისე სანდოა მაგრამ ასვლა ღირს. იქიდან მშვენიერი პანორამული ხედები იშლება, საიდანაც  თუ 360იანი კამერაც გექნებათ, დამიჯერეთ ფანტასტიკურ ფოტოებს გადაიღებთ.

აუცილებელია კომფორტული ზურგჩანათა შეარჩიოთ, თითქოს არაფერია 12 კილომეტრი, გზაც საკმაოდ მარტივია, მაგრამ ტვირთით არაკომფორტული ჩანთის ტარება ძალიან გაგიჭირდებათ. მხრების ტკივილი და ბეჭების დაჭიმულობა სერიოზული დისკომფორტის შემქმნელია, ამიტომ წინასწარ გაფრთხილებთ, ჩანთა სწორად შეარჩიეთ.

კახისზე წასასვლელეად აუცილებელია კარგი ამინდები დაგემთხვევთ, რასაც თავისი უარყოფითი მხარეებიც აქვს, წინასწარ გაითვალისწინეთ, რომ მზისგან დამცავი კრემი, ქუდი და სათვალე ჩაიგდოთ ჩანთაში რათა, უკან დახრუკული არ დაბრუნდეთ.

დაბაძველში შესვლას მიხვდებით ხის პატარა კოტეჯების გამოჩენით, მწვანეში ჩაფლული კოტეჯები შეგიძლიათ გამოიყენოთ დასარჩენად თუ რომელიმეს ნახავთ ცარიელს ამ დროს მოსახელობა ადის საქონელი აყავთ საძოვრებზე…

გზას განაგრძობთ, არსად არ გადაუხვევთ პირდაპირ გზის სავალ ნაწილს გაუყვებით და დაინახავთ პირველ ტბას კოტეჯებთან, რომელიც არაა შეუხედავი თუმცა "ვაუ ეს რა ვნახეც" არაა. აქედან გზას პირდაპირ გაყვებით და დაახლოებით 500 მეტრის გავლის შემდეგ მიხვალთ კახისის ტბაზე.

მესამე ტბის სანახავად ნურც წახვალთ დიდი არაფერია ახლოს ვერ მივედი, რადგან დაახლოებით 40 მეტრამდე აქეთ ჭაობია გამოწეული და სულ ტალახიანი გამოვედი იქიდან თან საშინელი მისადგომია გზა არ არის და დამეგლიჯა ყველაფერი.

ტბების სილამაზით დატკბობის შემდეგ, მთებში ცხენით გასეირნება თუ მოგინდათ არც ეს იქნება პრობლემა, ადგილობრივებს ჰყავთ ცხენები და შეგიძლიათ სთხოვოთ, უარს არ გეტყვიან ძალიან კარგი ხალხია…

თუ ღამით დარჩენას აპირებთ, პირველი რაც თან უნდა წაიღოთ არის კარავი. საკარვე ადგილი ბევრია. არის ქვებით საცეცხლე ადგილებიც გაკეთებული. სასმელი წყალი ტბის გვერდზეა დაახლოებით 400 მეტრში,საკმაოდ ცივი და გემრიელი. თუ კარვით წახვალთ და გაგიწვიმდებათ ან შეგცივდებათ თავისუფლად შეგიძლიათ წინასწარ შერჩეული კოტეჯი მიითვისოთ ცოტახნით თუ არ აურევთ და დაუსუფთავებთ და დაუტოვებთ ისე როგორც დაგხვდათ…

ასევე შეგიძლიათ ჰამაკი წაიღოთ, და ბოლომდე მისცეთ თავი ნეტარებას, ეგ სრული მდეიტაციისთვის ვფიქრობ ყველაზე მეტად დაგეხმარებათ. მისი დაკიდება შეგიძლიათ როგორც ხეებზე ტბასთსან ასევე კოტეჯში და თუ ექსრტიმის მოყვარული ხართ ღამეც დაიძინოთ ჰამაკში.

თუ მხოლოდ ერთი დღე გაქვთ ერთ დღეშიც მოასწრებთ ასვლას და ჩამოსვლას თუმცა ჭობისხევში ცოტა დაღამებულზე მოგიწევთ ჩამობრუნება.  

ბორჯომიდან დილით 8 ზე წავედი და 1 ის ნახევარზე ადგილზე ვიყავი.  თუ იმავე დღეს გსურთ დაბრუნება დაახლოებით 4 საათი გექნებათ იქ დასარჩენად და 4 საათში რომ წამოხვიდეთ უკან ნორმალურ დროს ჩამოხვალთ ბორჯომში. მაგრამ მე ვფიქრობ იქ ასული ერთ დღეში არ უნდა გამოიქცე.

უკანა გზაზე მე მოკლე გზით წამოვედი ვერ აღვწერ იმ გზას კლდეებზე სრიალი და სიკვდილზე თვალებში ყურება მომიწია ასე რომ თქვენ არ გირჩევთ მიუხედავად იმისა, რომ დაახლოებით 5 კმს მოიგებთ ძალიან საშიშია და სიცოცხლის ფასად არ ღისრ თუ ჩემსავით ექსტემალი არ ხართ.