როგორ უნდა აირჩიოთ ინვენტარი ნადირობისთვის

XXl საუკუნეში, ბუნებასთან კონტაქტი ძალიან მცირე დოზით აქვს ადამიანს, ეს კი ძირითადად ქალაქის ცხოვრების რიტმიდან გამომდინარეობს, რადგან დროის უდიდესი ნაწილი ქალაქში ცხოვრებას სჭირდება, აქ კი ძალიან რთულია ჯანსაღი ცხოვრების წესს მისდიო, ვინაიდან  ადამიანებს ფეხით სიარულიც კი ძალიან იშვიათად უწევთ და დამოკიდებულები არიან სრულიად ტრანსპორტზე.

ამიტომ, მე გთავაზობთ ერთ-ერთ ძალიან საინტერესო და განტვირთვის კარგ საშუალებას, რომელიც უკვე ჩემს ჰობადაა ქცეული. ეს არის "ნადირობა".

სანამ ნადირობას გადაწყვეტთ, გირჩევთ ისწავლოთ იარაღის შერჩევა და მიზანში სროლა, რაც გაგიმარტივებთ ნადირობას, ასევე აუცილებელია ვაზნების სწორად შერჩევა. დამწყები ყოველთვის უნდა იღებდეს კონსულტაციას, განსაკუთრებით ვაზნების შესახებ, რადგან ყველა ფრინველს თუ ცხოველს სხვადასხვა ნომრის ვაზნა სჭირდება.

ასევე ბევრი დეტალია გასათვალისწინებელი, მაგრამ დღეს გიამბობთ თუ როგორ ვემზადები სანადიროდ წასასვლელად და გაგაცნობთ მონადირის აღჭურვილობას. ეს ყველაფერი თავდაპირველად  მე არ გამითვალისწინებია,  ვფიქრობ ამიტომაც ,რამდენიმე ნადირობა სრულიად უშედეგო აღმოჩნდა.

ნივთების სია, რასაც სულ თან ვატარებ, როდესაც სანადიროდ მივდივარ:

ტევადი ჩანთა -  რომელშიც თავს მოუყრით ყველა საჭირო და გამოსადეგარ ნივთს.

საგზალი - აუცილებელია საკვების წაღება, რადგან შეიძლება მთელი დღის განმავლობაში მოგიწიოთ სიარული და ეს საკმაოდ დამღლელია, ამიტომ თქვენ გჭირდებათ საკვები, რათა აღიდგინოთ ძალები. ასევე წყლის მარაგი, რაც შეიძლება საკვებზე მნიშვნელოვანიც აღმოჩნდეს.

დანა - ექსტრემალური სიტუაციებიდან გამომდინარე, თუნდაც ნანადირევის დამუშავებისთვის აუცილებელია მჭრელი, კომპაქტური დანა.

ასანთი - რომლითაც დავანთებთ ცეცხლს, გასათბობად, წყლის ასადუღებლად და საჭმლის მოსამზადებლად. დამიჯერეთ ეს ერთ-ერთი აუცილებელი ნივთია და სახლში ნუ დატოვებთ. მე ყოველთვის თან ვატარებ წყალგაუმტარ ასანთს, რომელიც მიზერულ თანხად შევიძინე, მაგრამ საუკეთესო შენაძენია რაც გამიკეთებია.

კარავი - თქვენ სიტუაციიდან გამომდინარე, შეიძლება მოგიწიოთ ბუნებაში ღია ცისქვეშ  ღამის გათენება, ამიტომ გამოგადგებათ კარავი. გაითვალისწინეთ მისი ზომა.

ფარანი - აუცილებელი ნივთი,ტყეში  ღამით დარჩენისთვის. გაითვალისწინეთ მისი ენერგიის დონე და თან წაიღეთ დამატებითი ენერგიის წყარო.

კომპასი - გზის აბნევის დროს, დაგეხმარებათ სასურველი ადგილის მოსაძებნად.

მოსახერხებელი ჭურჭელი - წყლის ასადუღებლად, ან საკვების მოსამზადებლად. ის აუცილებლად უნდა იყოს მსუბუქი.

ფოტოაპარატი- ბევრი საინტერესო კადრის გადასაღებად, რაც შემდეგ პირად ისტორიაში გრჩებათ.

აუცილებელია თან იქონიოთ იარაღის საბუთები, რადგან ყოფილა შემთხვევა საბუთის არქონის გამო პრობლემები შემქმნია. აქვე გირჩევთ ჩანთას საბუთებისთვის, რომელსაც დაიმაგრებთ წელზე და გადაადგილების დროს არ შეგიქმნით დისკომფორტს.

სამედიცინო ჩანთა- რადგან, შეიძლება ნებისმიერ მომენტში დაგჭირდეთ და სჯობს, თავი წინასწარ დაიზღვიოთ, რათა თავიდან აიცილოთ გართულებები.

სანადირო სამოსი და ფეხსაცმელი - ეს ყველაფერიც უნდა იყოს ძალიან მოხერხებული და თქვენს ტანზე მორგებული. განსაკუთრებით ფეხსაცმელი, რომელიც უკეთესია თუ ახალი არ იქნება, რადგან არ გაგიჭირდეთ გადაადგილება.

ასევე თბილი ქურთუკი ქუდთან ერთად. რა თქმა უნდა სჯობს წყალგაუმტარი,  ბუნებასთან შეხამებული ფერებით.

იარაღის თემაზე კი მე ბევრს არ გესაუბრებით, რადგან ჩემი აზრით ყოველმა მონადირემ მისი გემოვნების და შეხედულებების მიხედვით უნდა მოირგოს და შეარჩიოს ის.

მე კი ამჟამად ვხმარობ: BROWNING A-5-ის ტიპის იარაღს, რომელიც დიდ მოწონებას იმსახურებს ჩემგან და არა მარტო ჩემგან.

მე დღეს გაგიზიარეთ აღჭურვილობის ჩამონათვალი, რომლითაც თავად დავდივარ სანადიროდ.

ასევე გთხოვთ გამიზიაროთ თქვენი რჩევები.

ყოველთვის ინადირეთ კანონების და წესების გათვალისწინებით.

წარმატებას გისურვებთ.