ნივთები, რაც ყველა პოტერჰედს უნდა ქონდეს

ჯოან როულინგის შვიდტომეული ჰარი პოტერის ჯადოსნურ თავგადასავლებზე მკითხველთა ფართო აუდიტორიაში დიდი პოპულარობითა და სიყვარულით სარგებლობს. ახალგაზრდა ქალმა, რომლის ცხოვრებაც იდეალური არ ყოფილა, ნებისმიერი ასაკის წარმომადგენლისთვის თავბრუს დახვევა და ნაწარმოების ობობის ქსელსავით დახლართულ სიუჟეტში ჩათრევა მოახერხა, რაც, ვფიქრობ, არც თუ ისე მარტივი იქნებოდა.

საზოგადოება (გამორჩეულად კი ბავშვები) ისე დაუმეობრდა ჰარი პოტერსა და მის ამხანაგებს, წითურ რონსა და გონიერ ჰერმიონს, რომ ვეღარც საკმაოდ სქელტანიანი წიგნები იკმარა და მათ ეკრანიზაციებსაც აღარ დასჯერდა. მათი სურვილი ყოველდღიურობის ისეთი ნივთებით გახალისება გახდა, რომლებიც ჰარი პოტერთან იქნებოდა დაკავშირებული. სამწუხაროდ, საქართველოში მსგავსი ნივთები ხშირად არ გვხვდება და მათ მოსაპოვებლად გრძელვადიანი ძიება გვიწევს. ასეთ შემთხვევაში მარტივი გამოსავალი ონლაინ მაღაზიებით სარგებლობაა.

არსებობს ადამიანთა კატეგორია, რომლებიც დიდ სიამოვნებას იღებენ, როდესაც მათი იმიჯი მათივე გემოვნებაზე მეტყველებს. თუ მათი საყვარელი პერსონაჟი ჰარი პოტერი ან მისი რომელიმე მეგობარია, ჩემი რჩევა იქნებოდა, შეეძინათ მაისური მათი გამოსახულებით ან თუნდაც შარფები ჰოგვორტსის რომელიმე ჯგუფის გერბით. შეგიძლიათ, ასეთ შარფებს იგივენაირი ქუდებიც შეუსაბამოთ და ზამთარში თავი თბილად და ამავდროულად, განსაკუთრებულ ადამიანად დაიგულოთ.

ასეთი ტანისამოსით კმაყოფილები დარჩებით და თავს საყვარელ გმირებთანაც გააიგივებთ, რაც განწყობის ამაღლებაში დაგეხმარებათ. თუ ისეთი ჩანთების ტარება მოგბეზრდათ, რომელთაც სხვების ხელშიც ხშირად ხედავთ, ჰოგვორტსის გერბით ძალიან ორიგინალურ ჩანთებს გირჩევთ, “ცხრა მთელი სამი მეოთხედითა” და კომფორტული სათავსოთი. მას თან მოჰყვება ქამარი, რომლის საშუალებითაც ჩანთის მხარზე გადაკიდებასაც შეძლებთ.

მოგზაურობის მოყვარულთათვის ნამდვილი მისწრებაა ზურგჩანთა, რომელიც აუცილებლად დაუვიწყარ დღეებს გაგატარებინებთ, შესაძლოა, იმაზე დაუვიწყარი თავგადასავალიც გერგოთ წილად, ვიდრე ეს ჰარი პოტერის შემთხვევაში მოხდა. წვიმიან ამინდში ქოლგის გარეშე ხომ ქუჩაში გასვლა წარმოუდგენელია, ჰოდა ამაზე ჰარი პოტერის ფანებმა წინასწარ ამაზე უნდა იზრუნოთ - დიზაინერებმა ეს მშვენიერი ქოლგა სწორედ თქვენთვის შექმნეს!

შედარებით მცირე ასაკის წარმომადგენლებისთვის კი მრავალი სათამაშო და გასართობი არსებობს. მათი დახმარებით ბავშვმა შეიძლება წარმოიდგინოს, რომ თავადაც ჯადოქარია და განსაკუთრებული უნარები გააჩნია. შესაძლებელია ''ჰარი პოტერის'' ფიგურებად ქცეული პერსონაჟების შეძენაც.

მერწმუნეთ, ასეთი საჩუქარი თქვენს შვილებს, უმცროს დებს/ძმებს ძალიან გაახარებთ და აღაფრთოვანებთ. პოტერჰედებისთვის შესანიშნავი ვარიანტია ე.წ. ''ბრელოკებიც'', რომელთა ჩამოკიდებაც სამაჯურებზე, ჩანთებზე შეგიძლიათ. შეუძლებელია, ჰარი პოტერზე ვსაუბრობდეთ და მისი ბუ, ჰედვიგი არ გაგვახსენდეს. ონლაინ მაღაზია იბიჯი გაძლევთ შანსს, თქვენს პატარებს ფუმფულა სათამაშო აჩუქოთ, რომელიც მათ ყოველთვის ჰედვიგს გაახსენებს.

ალბათ, ისიც ყველას გვახსოვს, როგორ წარმოვიდგენდით კალმებსა და ფანქრებს ჯადოსნურ ჯოხებად, დღეს კი გვაქვს შესაძლებლობა, ზედმეტი წვალება ბავშვებს თავიდან ავარიდოთ, მით უმეტეს, რომ სავაჭრო სივრცეში ჯოხების დიდ მრავალფეროვნებასა და სიჭრილეს იხილავთ.

მობილური ტელეფონი - ეს ხომ ის ნივთია, რომელსაც ყველგან და ყოველთვის დავატარებთ. მაშ, რა დაგვიდგება წინ, რომ მობილურის დამცავებიც ისეთი დიზაინით შევარჩიოთ, რომელიც როულინგთან და მის მიერ შექმნილ უჩვეულო სამყაროსთან იქნება კავშირში? დარწმუნებული ვარ, ასეთი ქეისის გამოყენებით თქვენი მობილურთან მიჯაჭვულობის ხარისხი გაიზრდება, მაგრამ ვიმედოვნებ, უარყოფითი შედეგი დადებით მოვლენებს არ გადააჭარბებს.

ყველაფერთან ერთად, თავის დამშვენება ულამაზესი ყელსაბამებითაც შეგიძლიათ, რომლებიც ნებისმიერ შემხვედრს სწორედ რომ ჰარი პოტერს გაახსენებს. მასთან ერთად ტყავის სამაჯურს თუ გაიკეთებთ ანგელოზის ფრთებით, დილა დღესასწაულად გექცევათ. ასე ერთფეროვნებისგან გათავისუფლდებით და მეგობრებშიც აღტაცებას გამოიწვევთ.

ვივარაუდებ, რომ ჩემს მკითხველებს შორის მოიძებნება ისეთი ადამიანები, რომელთაც ჩემსავით უყვართ წერა, ჩანაწერების გაკეთება, საკუთარი ემოციების ფურცლებზე გადმოტანა. მოგეხსენებათ, მუზა სურვილს ყოველთვის არ ემორჩილება. შთაგონების მოსაზიდად კი ისეთი ნივთები უნდა შევარჩიოთ, ჩვენში ახალ შეგრძნებებს რომ წარმოშობენ. სწორედ ეს როლი და ფუნქცია აკისრია ტყავის წიგნაკს, რომელსაც სიძველისა და რაც მთავარია, მისტიკის ელფერი დაჰკრავს.

იმისთვის, რომ ზღაპარში იმოგზაუროთ, ჯადოსნური ჯოხი სულაც არ არის საჭირო. მთავარი სურვილი და მონდომებაა, რომელთა შემდეგაც აუცილებლად მიხვდებით, რომ ნივთების ჰაერში გადაადგილება შეგიძლიათ... მერე რა, თუ ეს მხოლოდ ხელების დახმარებით ხდება?!