თქვენმა საჩუქარმა ადრესატი რომ გაახაროს სწორად უნდა შეარჩიოთ

როგორც წინა ბლოგში შევთანხმდით საჩუქარი მთავარია გულით იყოს ნაჩუქარი და ადრესატს აუცილებლად მოეწონება. მაგრამ არჩევისას უნდა გაითვალისწინოთ ინტერესები და სურვილები, თუ გნებავთ, რომ თქვენი საჩუქარი ნამდვილად გამოსადეგი აღმოჩნდეს..

ჩემთვის მამაკაცის საჩუქრის შერჩევა ბევრად რთულია, რადგან თავში მხოლოდ სტანდარტული საჩუქრები მომდის, რითიც ვერ დავარწმუნებ ადამიანს, რომ მასზე ვიფიქრე და არა უბრალოდ მოვალეობა მოვიხადე.

მე გეტყვით რას ვჩუქნი მამაჩემს, მეუღლეს და ძმას, თქვენ კი აირჩიეთ რომელ კატეგორიას მიეკუთვნება თქვენი ადრესატი და ამის მიხედვით შეარჩიეთ იდეალური საჩუქარი.

მამაჩემისთვის, რომელიც მუდმივად იცვამს კლასიკურად, დადის საქმიან შეხვედრებზე და ძალიან უყვარს აქსესუარები, ყოველთვის მიადვილდება საჩუქრის შერჩევა. მისთვის იდეალური ნივთი რაც ოდესმე მიჩუქებია იყო პერანგის საკინძი და კალამი, ერთი დიზაინით. ყოველთვის, როდესაც შესაძლებლობა ეძლევა შეხვედრებზე კალამი გამოიყენოს, სრული კომპლექტით იმოსება ხოლმე და თავდაჯერებულად არის წარმოდგენილი ყველა შეხვედრაზე.

ამის შემდეგ ხშირად ვჩუქნიდი ცალკე საკინძებს და ცალკე კალმებს ბლოკნოტებთან ერთად, სანამ საფულე არ დაკარგა და გადავწყვიტე ახალი მეჩუქებინა.

შემდეგი ყველაზე წარმატებული საჩუქარი აღმოჩნდა ჰალსტუხი, რომლის დიზაინსაც ვუხამებ ნაჩუქარ საკინძებს და ვხედავ ყოველდღიურობაში როგორ იყენებს ჩემი ადრესატი ნაჩუქარ ნივთებს, რაც ჩემთვის დიდი ბედნიერებაა.

ჩემი მეუღლე, ჩემს ნაჩუქარ წერილებსაც კი დიდი სიხარულით იღებს და ინახავს წლების განმავლობაში, ვიცი რომ ჩემგან ყველაფერი მთელი გულით გაუხარდება, თუმცა საჩუქრის შერჩევისას ყოველთვის ვითვალისწინებ მის ინტერესებს და გემოვნებას.

ძირითადად არჩევანს ვაჩერებ აქსესუარებზე, რადგან ძალიან უყვარს და ყოველდღიურად იყენებს ისეთ ნივთებს, როგორიც არის ხის სამაჯურები, ხის სათვალის ბუდე და ტყავის ქამარები სხვადასხვა ფერებში.

ერთ-ერთი საუკეთესო საჩუქარი რაც ჩემგან მიუღია არის მეტალის ბარათების ჩასადები.საფულის თან ტარება არ უყვარს, რადგან დიდ ადგილს მოითხოვს და მისი ჯიბეში მოთავსება არაკომფორტულია, ბარათებს ატარებდა თან და ხან კარგავდა, ხან აზიანებდა. ახლა კი პრობლემაც მოგვარდა და ჩემი საჩუქარი იმაზე გამოსადეგი აღმოჩნდა, ვიდრე ველოდი.

ჩემი ძმისთვის საჩუქრის შერჩევა ყოველთვის პრობლემაა. ერთ დღეს ერთი ფერი და ნივთი რომ მოსწონს, მეორე დღეს ზედ აღარ უყურებს. ამიტომ ყოველ ჯერზე ვჩუქნი ყურსასმენს ან ტყავის სამაჯურს, სულ განსხვავებულ ფერებს და მათ ხასიათის შესაბამისად უნაცვლებს ერთმანეთს.

ერთადერთი, რაც ძალიან სწორად გავთვალე ის იყო, რომ საყვარელი ფეხბურთის გუნდის ბრელოკი და წვერის მოვლის კომპლექტი ვაჩუქე.

დარწმუნებული ვარ თქვენს გარშემოც იქნებიან ამ კატეგორიის მამაკაცები და ადვილად შეარჩევთ მათთვის საჩუქრებს ჩემი რჩევების გათვალისწინებით. 

გამიზიარეთ თქვენ რას ჩუქნით საყვარელ მამაკაცებს და როგორ არჩევთ მათთვის შესაფერის საჩუქარს.