ნივთის შეძენა ისეთივე მარტივია როგორც 1,2,3
1. გაიარეთ საიტზე რეგისტრაცია
2. ჩაირიცხეთ თანხა თქვენს პროფილზე
3. დააჭირეთ ღილაკს “ყიდვა”
სხვა დანარჩენი ჩვენ მოგვანდეთ
თანხის ჩარიცხვა შესაძლებელია
Visa, Mastercard, American Express
-თანხის ჩასარიცხად საიტის პროფილიდან გადადით ბალანსის გვერდზე
-დააკლიკეთ ღილაკს "ბალანსის შევსება"
-შეიყვანეთ ბარათის მონაცემები
-დადასტურების შემდეგ თანხა ავტომატურად ჩაგერიცხებათ
Express Pay, TBC Pay, PayBox
-თანხის ჩასარიცხად გადახდებში იპოვეთ ჩვენი ლოგო
-ჩაწერეთ თქვენი ტელეფონის ნომერი, რომლითაც დარეგისტრირდით ჩვენს საიტზე
-ეკრანზე დაინახავთ თქვენს სახელს, გვარსა და ბალანსს
-შეიტანეთ სასურველი თანხა
-დადასტურებიდან რამდენიმე წამში თქვენს პროფილზე აისახება ჩარიცხული თანხა
თიბისი ბანკი
- გადადით კომუნალურ გადახდებში
- აირჩიეთ "გადახდის დამატება"
- აირჩიეთ "ამანათები და ფოსტა"
- აირჩიეთ "Ebaygeorgia"
- შეიყვანეთ მობილურის ნომერი რომლითაც დარეგისტრირებული ხართ ჩვენს საიტზე
საქართველოს ბანკი
- გადადით გადახდებში
- აირჩიეთ "გადახდის დამატება", (მობილური აპლიკაციის სარგებლობის შემთხვევაში "შაბლონის შექმნა")
- აირჩიეთ "სხვა გადახდები"
- აირჩიეთ "ამანათები და ფოსტა"
- დაამატეთ "EBG"
- შეიყვანეთ მობილურის ნომერი, რომლითაც დარეგისტრირებული ხართ ჩვენს საიტზე
↪ სად მივიღებ ამანათს?
გამოწერილი ამანათის გატანას შეძლებთ საქართველოს მასშტაბით 40-ზე მეტი ფილიალიდან
*სასურველ ფილიალს აირჩევთ ყიდვის დროს.
*ამ ეტაპზე გამოწერილი ამანათების სახლში მიწოდების სერვისი არ გვაქვს.
↪ როგორ ჩავრიცხო თანხა?
წაკითხვა
მოწონება
რაში დაგვეხმარება იატაკის "გაუთოება"?
პატარა "შუქურის" აგების მეთოდი
ხანდახან საოჯახო საქმეებს ბოლო არ უჩანს. ნათურა გადაიწვა, ბავშვებმა კედელი მოხატეს, ლამინატის იატაკი ჩაიზნიქა – მსგავს პრობლემებს ყოველდღე ვხვდებით. გაქვთ თუ არა მეთოდები მათ მოსაგვარებლად? შეიძლება, უკვე დახელოვნდით მსგავსი სირთულეების გადაჭრაში, მაგრამ დღეს მინდა, იმ მარტივ საშუალებებსა და ნივთებზე ვისაუბრო, რაც სახლში რაღაცების შეკეთებას ნამდვილ გართობად გიქცევთ.
ამ ბლოგის მთავარი არსი იმაშია, რომ ისეთი ნივთები დააკავშიროს ერთმანეთთან, რომელთაც, ჩვეულებრივ, ერთობლივად არ ვიყენებთ ხოლმე. უბრალოდ, ცოტა ფანტაზია და ყველაზე რთული საქმეც შეიძლება, მარტივად მოგვარდეს. ბლოგში ვისაუბრებ 8 საინტერესო მიგნებაზე, რამაც საოჯახო საქმეების კეთება საგრძნობლად გამიმარტივა. წაკითხვის შემდეგ კი გექნებათ შესაძლებლობა, თქვენც სცადოთ.
1) მაგნიტი
ხშირად დაგვარდნიათ ან დაგკარგვიათ სახრახნისით მუშაობის დროს პატარა ხრახნები? ამ პრობლემამ იმდენად შემაწუხა, რომ იოლი გამოსავლის ძებნა დავიწყე. შედეგად, ასეთ ხერხს მივმართე: სახრახნისზე პატარა მაგნიტი მივამაგრე და პრობლემაც მოგვარდა. მიმაგრებული მაგნიტის წყალობით მთელ რკინაზე მაგნიტური ველი ვრცელდება და ხრახნი ადვილად ჩერდება სახრანისის ბოლოში. ასე რომ, ხრახნი იმ შემთხვევაშიც არ მოძვრება სახრახნისს, თუ ის დავდაყირა გიჭირავთ.
თუმცა, უნდა აღინიშნოს, რომ ეს მეთოდი მხოლოდ სახრახნისით მუშაობისას როდი გამოდგება. თუ გინდათ, ლურსმანი ჩააჭედოთ რთულად მისადგომ ადგილას, მაშინ მიაწებეთ მაგნიტი ჩაქუჩის თავს და პრობლემაც მოგვარდება. შეიძლება, ელექტრო სახრახნისით მუშაობთ და ორივე ხელის გამოყენება არ შეგიძლიათ; აქაც მარტივადაა საქმე - ისევ „ჯადოსნური მაგნიტი“ გიშველით. ელექტრო ხრახნების უმეტესობას ისედაც აქვს მაგნიტის თავი. პრინციპი ერთია - მაგნიტის წყალობით ხრახნი თუ ლურსმანი ხელსაწყოს არ შორდება.
2) ელექტრო სახრახნისი ჯაგრისის თავით
შეიძლება, რაიმე გაქვთ გასაწმენდი, ფანჯარაზე ობობის ქსელები შენიშნეთ ან გსურთ, მინის ქილა შიგნიდან გაწმინდოთ. მართალია, ასეთ საქმეების ყოველდღიურად ვაგვარებთ და შევეჩვიეთ კიდეც მათ კეთებას, მაგრამ სურათზე მოცემული „გამოგონება“ საქმეს ძალიან გაგიმარტივებთ. დრო და ენერგია რომ დაზოგოთ, ელექტრო სახრახნისზე ჯაგრისი მიამაგრეთ და საქმეს შეუდექით. საჭიროებისდა მიხედვით, შეგიძლიათ აკონტროლოთ ბრუნის სისწრაფე და ძალების დაზოგვით, მარტივად გააკეთოთ საქმე.
3) რეზინის სამაგრი ჩაქუჩისთვის
გქონიათ ისეთი შემთხვევა, როცა ლურსმნის დაჭედების მომენტში ჩაქუჩი მიზანს ააცილეთ და იატაკი დააზიანეთ? თითზე აღაფერს ვამბობ. ასეთი შემთხვევების დროს ზიანის მაქსიმალურად ასარიდებლად შექმნეს რეზინის სამაგრი ჩაქუჩისთვის, რომელიც ხრახნით ჩაქუჩის თავზე მჭიდროდ მაგრდება. ეს საშუალებას გაძლევთ, ლურსმანი ჩააჭედოთ და თუ შემთხვევით მიზანს აცდით, იატაკი ნაკლებად დაზიანდება.
4) ბრტყელტუჩა სამაგრი
სახლში ისეთი საქმეების კეთებაც გვიწევს, რომელიც დამატებით განათებას მოითხოვს. შეიძლება, სხვენზე ვართ ასასვლელი და ბნელ სივრცეში გვიწევს მუშაობა. და თუ საქმე ორივე ხელის გამოყენებას ითხოვს, მაშინ დამატებითი „მესამე ხელი“ დაგვჭირდება. ბრტყელტუჩის, რეზინის სამაგრის და სანათის გამოყენებით შეგვიძლია, მინი „შუქურა“ ავაგოთ. დაამაგრეთ სანათი ბრტყელტუჩაზე და მიეცით მას სასურველი მიმართულება. ერთი გასროლით ორ კურდღელს იჭერთ: ხელებიც თავისუფალი გაქვთ და შუქიც საკმარისად გინათებთ.
5) სანათი სახრახნისისთვის
დამატებით განათებას დიდი მნიშვნელობა აქვს, განსაკუთრებით მაშინ, როცა ოთახის ბნელ ადგილებში გვჭირდება საქმის კეთება. ხშირად სახრახნისით ისეთ ადგილებში გვიწევს ძრომიალი, სადაც გარკვევით არაფერი ჩანს. ასე რომ, დავიწყე იმაზე ფიქრი, რა უნდა მეღონა ამ პრობლემის მოსაგვარებლად. ამ სურათზე კრეატიული გამოსავალია ნაჩვენები.
აიღეთ პატარა ზომის სანათი, ისეთი, რომ სახრახნისზე მცირე ზომის იყოს. ლენტის დახმარებით მიამაგრეთ იგი სახრახნისს, ისე, რომ მისი ჩართვა და გამორთვა ადვილად შეგეძლოთ - სანათიც მზადაა! ამ მიგნებას იგივე პრინციპი აქვს, რაც ელექტრო სახრახნისს დამატებითი განათებით. დამეთანხმებით, გენიალურობა სიმარტივეშია. სულ ცოტა ფანტაზია და შეუძლებელი არაფერია.
6) თმის სამაგრი
„თითზე არ დაირტყა!“ ძირითადად, ამ სიტყვების მოძახება ძალიან გვიანია ხოლმე - ზუსტად იმ მომენტში ვიზიანებთ ხოლმე თითს. ეს საკმაოდ მტკივნეულია, ამიტომ, იმავეს თავიდან აცილების მიზნით, ასეთ ხერხს მივმართე: ერთი უბრალო თმის სამაგრი ლურსმანს შემოვავლე და დაჭედება ისე განვაგრძე, პრობლემაც მარტივად მოგვარდა. თუ თმის სამაგრის ხელში ჭერა ნაკლებად გეპიტნავებათ, ამ მოვალეობას მავთულიც შეასრულებს. პრინციპი მარტივია - თითი ლურსმნისგან რაც შეიძლება, შორს უნდა იყოს.
7) ელექტრო სახრახნისის სამაგრი
ყველას გვინახავს სამშენებლო მაღაზიებში დაკიდებული ელექტრო სახრახნისები. თუმცა, იმავეს გაკეთება სახლშის პირობებშიც ძალიან მარტივია. უბრალოდ, აიღეთ ტანსაცმლის საკიდი, ოღონდ ამ შემთხვევაში მყარი ტანსაცმლის საკიდი დაგჭირდებათ, რომელიც ადვილად არ იღუნება, რათა ხელსაწყოს წონას გაუძლოს. შემდეგ გადაჭერით საკიდის თავი და ჩაამაგრეთ ხის ზედაპირს, სადაც შეძლებთ სახრახნისის დაკიდებას.
მიუხედავად იმისა, რომ ამ კონკრეტულ შემთხვევაში ელექტრო სახრახნისზე ვსაუბრობთ, ასეთ საკიდებზე სხვა ხელსაწყოების დაკიდებაც შეგიძლიათ. ამის გაკეთების მთავარი პლუსი ისაა, რომ ნაკლები სივრცე მიაქვს და ხელსაწყოებისთვისაც ერთი კონკრეტული ადგილი გექნებათ შერჩეული. სივრცის დასაზოგად ეს მართლად კარგი საშუალებაა.
8) უთოს დამატებითი დანიშნულება
პატარა პორტატული უთო შეგიძლიათ ნახოთ ლინკზე
როგორ მოვიქცეთ იმ შემთხვევაში, თუ ლამინატის იატაკი დავაზიანეთ? თითქოს, ეს ძალიან სანერვიულოა, მაგრამ ჩაზნექილი იატაკის გასწორება ძალიან მარტივად შეიძლება. აიღეთ ოდნავ სველი ტილო ან ხელსახოცი და დაადეთ იგი დაზიანებულ ზედაპირს, შემდეგ რამდენიმეჯერ გადაატარეთ მასზე ცხელი უთო და შედეგი გაგაკვირვებთ. ვინაიდან ლამინატი მჭიდროდ ჩაპრესილი ქალალდია, მისი „დაუთოება“ ნამდვილად სასურველ შედეგს მოგიტანთ.
როგორც დასაწყისში ვახსენე, ყოველდღიური საოჯახო საქმეების კეთება გადამღლელია, მაგრამ მეტი ფანტაზიით და კრეატიულობით სასურველ შედეგს ნაკლები ძალისხმევის შედეგად მიაღწევთ. ამ ბლოგში ის საშუალებები მოვიხსენიე, რაც პირადად ჩემთვის ძალიან პრაქტიკული აღმოჩნდა. ასევე, საინტერესო იქნება თქვენი გამოცდილების გაზიარებაც. თქვენ რომელ მეთოდებს მიმართავთ ხოლმე, როცა სახლში ესა თუ ის საქმე იჩენს თავს? მოგვწერეთ კომენტარებში.
დეტალურად
.დარეგისტრირდით ჩვენს ვებგვერდზე
.სტატია კავშირში უნდა იყოს ebg-ს საქმიანობასთან ან და პროდუქციასთან
.გაფორმებული უნდა იყოს ხარისხიანი ფოტო მასალით
.არ უნდა არღვევდეს კანონს საავტორო უფლებების შესახებ
.და, რაც მთავარია, უნდა იყოს საინტერესო
.ყოველ გამოქვეყნებულ სტატიაზე თქვენ მიიღებთ 15 ლარს ebg.ge-ს ბალანსზე
.დამატებითი ანაზღაურება განისაზღვრება 30 დღის განმავლობაში დაგროვებული
უნიკალური წაკითხვის შესაბამისად : 2000 წაკითხვა = +5 ლარი
გადმოგვიგზავნეთ სრულყოფილი სტატია.
ჩვენი რედაქტორი მალევე დაგიკავშირდებათ