როგორ შევიძინო?

ავტორიზაცია

ყველა კატეგორია

რა ვაჩუქო?
აქსესუარები სილამაზე და კოსმეტიკა საჩუქარი ბავშვებისთვის დეკორი სხვადასხვა
ავტო ნაწილები ბავშვებისათვის ვიდეო თამაშები & კონსოლები ზოო პროდუქცია კომპიუტერული ტექნიკა მობილური ტელეფონები & აქსესუარები მუსიკა მუსიკალური ინსტრუმენტები საათები სათამაშოები & ჰობი
ასაწყობი სათამაშოები ბურთები, ფრიზბი & ბუმერანგები გამჭვირვალე & ფერადი ბურთულები დრონები თამაშები კლასიკური სათამაშოები მანქანები, თვითმფრინავები, გემები & ძრავები მატარებლები მოდელები & კომპლექტი მოქმედებითი / მოძრავი მცირე წლოვნებისთვის რობოტები, მონსტრები, კოსმოსური მხეცები საბავშვო დისტანციური მანქანები საბავშვო სატერფულიანი მანქანები საბითუმო გაყიდვები საგანმანათლებლო სათამაშო ჯარისკაცები საპნის ბუშტები სატელევიზიო & ფილმის პერსონაჟები სწრაფი კვების სათამაშოები ფაზლები, თავსატეხები, რუბიკის კუბები ფუმფულა / ბეწვის სათამაშოები ცნობილი ცხოველები ძველებური & ანტიკვარული სათამაშოები საბითუმო გაყიდვები
სამკაულები სამომხმარებლო ელექტროტექნიკა სახლი და ეზო სპორტული საქონელი ტანსაცმელი, ფეხსაცმელი და აქსესუარები ფოტო და ვიდეო კამერები წიგნები ჯანმრთელობა და სილამაზე

სმარტ საათები ყველასთვის: ფასები და ფუნქციები

ვალერი ტურიაშვილი
11686

წაკითხვა

მოწონება

ბლოგერი : ვალერი ტურიაშვილი

აკონტროლე მნიშვნელოვანი ზარები, შეტყობინებები, ფიტნეს მონაცემები. “ჭკვიანი” საათი მუშაობას კიდევ უფრო გაგიმარტივებთ და საკუთარი შესაძლებლობების მაქსიმალურად გამომჟღავნებაში დაგეხმარებათ. ბოლო რამდენიმე წელია, მაჯის საათებმა არნახული ევოლუცია განიცადეს. თუ ადრე „ჭკვიან“ საათებს მხოლოდ ფანტასტიკურ ფილმებში შეხვდებოდით, ახლა ისინი რეალობად იქცა და თითოეულ ჩვენგანს საშუალება გვაქვს, მიღწეული პროგრესი თავად გამოვცადოთ.

სმარტ საათი - შენი ცხოვრების ახალი კომპანიონი

„ჭკვიანი“ საათი, რომელიც ზრუნავს თქვენს ჯანმრთელობაზე

აკონტროლე მნიშვნელოვანი ზარები, შეტყობინებები, ფიტნეს მონაცემები. “ჭკვიანი” საათი მუშაობას კიდევ უფრო გაგიმარტივებთ და საკუთარი შესაძლებლობების მაქსიმალურად გამომჟღავნებაში დაგეხმარებათ. ბოლო რამდენიმე წელია, მაჯის საათებმა არნახული ევოლუცია განიცადეს. თუ ადრე „ჭკვიან“ საათებს მხოლოდ ფანტასტიკურ ფილმებში შეხვდებოდით, ახლა ისინი რეალობად იქცა და თითოეულ ჩვენგანს საშუალება გვაქვს, მიღწეული პროგრესი თავად გამოვცადოთ.

რა დანიშნულება აქვს მაჯის საათს? რა თქმა უნდა, პირველ რიგში გვაჩვენებს დროს, ზოგ შემთხვევაში - თვესა და რიცხვს და არის ერთ-ერთი უმნიშვნელოვანესი აქსესუარი, შეიძლება ითქვას, ადამიანის იმიჯისა და სტილის განმსაზღვრელი. ამას გარდა, დღესდღეობით მაჯის საათებს უამრავი ფუნქცია/პარამეტრი დაემატა.

სმარტ საათი თანამედროვე ელექტრონული მოწყობილობაა, რომელიც სმარტფონთან ერთად ან მის გარეშე ასრულებს მთელ რიგ ფუნქციებს. პირველ რიგში უნდა აღინიშნოს, რომ სმარტ საათები ახდენენ სმარტფონების შესაძლებლობების დუბლირებას.

სმარტ საათების ფუნქციებია:

  • შემოსული სმს-ები, ზარები, შეტყობინებები შეგიძლიათ, ძალიან მარტივად, ტელეფონის ამოუღებლად, პირდაპირ საათის საშუალებით აკონტროლოთ. ეს განსაკუთრებით გაუადვილებთ მუშაობას მძღოლებს, ველოსიპედისტებს, საზოგადოებრივი ტრანსპორტით მოსარგებლეებს.

  • საშუალება გექნებათ, სწრაფად ჩაიწეროთ სხვადასხვა შენიშვნა ხმოვანი ბრძანებით.

  • სმარტ საათი ფიტნეს ტრეკერადაც გამოგადგებათ. ნაბიჯების გამზომი, დახარჯული კალორიების მთვლელი, პულსომეტრი ერთ მოწყობილობაშია თავმოყრილი.

  • შეგიძლიათ, შეარჩიოთ სასურველი სიმღერა ტელეფონიდან და მოუსმინოთ ყურსასმენში, ან ტელეფონისგან დამოუკიდებლად საათს დაუკავშიროთ უკაბელო ბლუთუზ ყურსასმენი.

  • ზოგიერთ საათს შეუძლია სმარტფონის განბლოკვაც (ბლუთუზ კავშირის საშუალებით).

  • მნიშვნელოვნად დაგიზოგავთ ტელეფონის ელემენტს, რადგან გამუდმებით მისი ჩართვა აღარ მოგიწევთ.

  • და რაც ყველაზე მთავარია, სმარტ საათები ჩვეულებრივი მაჯის საათებისგან განსხვავებით, ძალიან ლამაზად აჩვენებენ დროს და ხელზეც საკმაოდ მიმზიდველად გამოიყურებიან.

სმარტ საათებშიც, ისევე, როგორც სმარტფონებში, არსებობს სხვადასხვა საფასო კატეგორია - როგორც ულტრაბიუჯეტური, ისე - უმაღლესი კლასის ძვირადღირებული მოდელები. შესაბამისად, როგორც ზემოთ აღვნიშნე, იგი ყველასთვისაა ხელმისაწვდომი.

1)  ულტრაბიუჯეტური სმარტ საათები - 50 ლარამდე

სმარტ საათი ისეთი აუცილებელი მოწყობილობა ნამდვილად არ გახლავთ, როგორიც, მაგალითად, სმარტფონია. ამასთან, დღესდღეობით ყველას არ აქვს იმის ფუფუნება, რომ მასში დიდი თანხა გადაიხადოს. ამიტომ, გთავაზობთ ყველაზე დაბალფასიან მოდელებს, რომელთა მთავარი დანიშნულება, ალბათ, უფრო გაცნობითი ხასიათისაა. ერთი შეხედვით ისინი ძვირადღირებული მოდელებისგან დიდად არ განსხვავდებიან.

სმარტ საათი U8 იხილეთ აქ

სმარტ საათი U8 - ამ 1.56 დიუმიანი ეკრანის მქონე „ჭკვიან“ საათს აქვს ხმის ჩამწერი, კალკულატორი, ნაბიჯისმზომი, ვიდეოფლეიერი, აქვს სიმ-ბარათის მხარდაჭერაც, შესაბამისად, შეგიძლიათ, განახორციელოთ ზარები სმარტფონთან დაკავშირების გარეშეც. ელემენტის მოცულობა შეადგენს 380mAh, რაც ნიშნავს, რომ 2-3 დღე თავისუფლად გეყოფათ. გაითვალისწინეთ, რომ ეს მოდელი მუშაობს მხოლოდ ანდროიდზე.

სმარტ საათი DZ09 მონაცემებით წინამორბედის იდენტურია, გარდა რამდენიმე განსხვავებისა. პირველ რიგში, დიზაინით ძალიან ჰგავს Samsung Gear S-ს. აგრეთვე, აქვს კამერა 0.3mp და შესაძლებელია მისი დაკავშირება როგორც Android-თან, ისე - IOS-სთან.

კიდევ ერთი სმარტ საათი, რომელსაც საჩუქრად უკაბელო, ბლუთუზ ყურსასმენები მოჰყვება, შეგიძლიათ იხილოთ აქ.

2) ბიუჯეტური სმარტ საათები - 100 ლარამდე

სმარტ საათი GT 88 - ეს გახლავთ Apple Smart Watch-ის კლონი, რაც მნიშვნელოვნად ზრდის მის პოპულარობას და როგორც მწარმოებლები აცხადებენ, იგი წყლის შეღწევისგან დაცულია (თუმცა საათთან ერთად აბაზანის მიღებას მაინც არ გირჩევთ). სხვა შემთხვევაში, იგი იმეორებს წინამორბედის მონაცემებს სმარტფონთან დაკავშირების გარეშეც. მუშაობს როგორც ანდროიდზე, ისე - აიოსზე. საათი ნახეთ ბმულზე.

სმარტ საათი G6-ს აქვს კლასიკური სტილი, კორპუსი მრგვალი ფორმისაა. შეძენა შესაძლებელია როგორც მეტალის, ისე - სილიკონის სამაჯურით. ეკრანი მომცროა, რაც მნიშვნელოვნად ზრდის ელემენტის გაძლების დროს, რაც დაახლოებით 4-5 დღეა. ხარისხი საკმაოდ მაღალია, დეტალები მჭიდროდაა ერთმანეთთან დაკავშირებული. ერთადერთი მინუსი სხვებთან შედარებით დაბალი ხმის დინამიკია. მუშაობს ანდროიდზეც და აიოსზეც.

3) ბრენდირებული სმარტ საათები - 300 ლარამდე

Sony SmartWatch 3 ერთ-ერთი ყველაზე ხელმისაწვდომი მოდელია, რომელიც Android Wear-ზე მუშაობს. ეს გახლავთ სმარტ საათებისა და ფიტნეს ტრეკერების ოპერაციული სისტემა გუგლისგან, რომელიც დღესდღეობით ერთ-ერთი ყველაზე პოპულარული და დახვეწილია. მხოლოდ ის ფაქტი, რომ სონის ამ საათს აქვს GPS და NFC, რაც შეხების გარეშე გადახდების განხორციელების საშუალებას მოგცემთ, ძალიან ბევრ რამეზე მეტყველებს. მწარმოებლის მიხედვით, დატენვის გარეშე დაახლოებით 2 დღე ძლებს.

Asus ZenWatch 2 - ეს მოდელიც Android Wear-ზე მუშაობს. სმარტ საათის ტრადიციულ ფუნქციონალთან ერთად, მისი მთავარი ღირსებაა ელეგანტური და დახვეწილი დიზაინი, რომელიც გულგრილს არავის დატოვებს. აგრეთვე, Asus ZenWatch 2-ის 1,45 დიუმიანი ეკრანი გაფართოვებით 280x280 მაქსიმალურად ცოცხალი გამოსახულების გადმოცემის საშუალებას იძლევა.

სმარტ საათი Amazfit Pace Xiaomi-სგან აღჭურვილია GPS-ით და Glonass-ით, აგრეთვე დაცულია წყლისგან (IP67) და აქვს გულისცემის რიტმის ოპტიკური მონიტორი. მუშაობის ხანგრძლივობა შეადგენს 11 დღეს. მისი სხვა ფუნქციები კი შეტყობინებებისა და ზარების კონტროლამდე დადის.

ბიუჯეტური და საშუალო ფასებით გამოვყოფდი ისეთ ნაკლებად ცნობილ მწარმოებელს, როგორიცაა Pebble-ი (დღეს Fitbit-ის საკუთრება). ამერიკული კომპანია, რომელიც 2012 წელს დაარსდა და უშუალოდ „ჭკვიანი“ საათების წარმოება დაიწყო, შეიძლება ითქვას, ამ საქმეში პიონერი გახლდათ. მისი სმარტ საათები გამოირჩევა მაღალი ხარისხით, დახვეწილი დიზაინითა და მიმზიდველი ფასით. Pebble-ის მოდელები შეგიძლიათ იხილოთ აქ.

4) ტრენდული სმარტ საათები - 1000 ლარამდე

თუ iPhone-ის მომხმარებელი ხართ, გირჩევთ, Apple Watch Series 3 შეიძინოთ - იგი თითოეულ დეტალამდე  iOS-ის მენიუს იმეორებს, რაც მის გამოყენებას ძალიან კომფორტულს ხდის. Apple Watch-მა გაყიდვებით ისეთ გიგანტს აჯობა, როგორიც Rolex-ია. Apple Watch-ის მთავარი მიგნება საათის გვერდით, კორპუსზე დამაგრებული ღილაკია, რომლის მოძრაობის შედეგად მენიუში ძალიან მარტივად გადაადგილდებით და ეკრანზე გამუდმებით შეხება აღარ გიწევთ.

საათი მუშაობს საკუთარ ოპერაციულ სისტემა Watch OS-ზე, რომლის ფუნქციონალიც საკმაოდ ფართოა. ის შეტყობინებების ასახვასთან ერთად Instagram-ის სიახლეებსაც გაჩვენებთ. აგრეთვე, ზრუნავს თქვენს ჯამრთელობაზეც. მაგალითად, თუ დიდი ხნით ერთ ადგილზე ზიხართ, შეგახსენებთ, რომ დროა, წამოდგეთ და სუნთქვითი ვარჯიშები შეასრულოთ.

Samsung Gear S3 საათები იყიდება ორ ვერსიაში: Classic და Frontier. ზომით ორივე მოზრდილია და თითქოს, ერთი შეხედვით ჩანს, რომ მამაკაცებისთვის უფროა განკუთვნილი, ვიდრე - ქალბატონებისთვის, თუმცა დღევანდელ დროში ნივთების სქესის მიხედვით დაყოფა უკვე ძალიან უცხოა. სმარტ საათი მუშაობს ოპერაციულ სისტემა Tizen OS-ზე, რომელიც საკმაოდ ხარისხიანია - ის სწრაფია და აქვს მარტივად გასაგები ინტერფეისი. საათში უკვე ჩამონტაჟებულია სასარგებლო ვიჯეტები და აპები, თუმცა ახლების ჩამოტვირთვაც შესაძლებელია.

Gear S3 აღჭურვილია უამრავი სენსორით: გიროსკოპი, აქსელერომეტრი, გულისცემის სენსორი, ბარომეტრი, განათების სენსორი, ალტიმეტრი, GPS - ყველაფერი გაერთიანებულია. სმარტ საათის საშუალებით ასევე შესაძლებელია გადახდების განხორციელება.

თუ უშუალოდ სპორტზე ხართ ორიენტირებული, გირჩევთ, Gear Sport-ს მიანიჭოთ უპირატესობა. მას უფრო პატარა ეკრანი აქვს, თუმცა შედარებით იაფიც ღირს. იგი განსაკუთრებით გამოადგება მოცურავეებს, რადგან საათს 50 მეტრამდე წყალქვეშაც შეუძლია ფუნქციონირება. მისი ნახვა შესაძლებელია ამ ბმულზე.

თქვენ რას ფიქრობთ, რომელ სმარტ საათთან გქონიათ შეხება და რომელი მოდელია თქვენთვის ყველაზე მისაღები? გაგვიზიარეთ თქვენი შეხედულებები კომენტარებში. გისურვებთ წარმატებულ შოპინგს.

ბლოგერი : ვალერი ტურიაშვილი
წაკითხვა : 11686
მოწონება :
გაზირება :
სხვა ბლოგები :
კომენტარები :