საუკეთესო მომენტი სმარტფონის შესაძენად, რჩეული მოდელები საჩუქრებით, როგორ ვიპოვოთ "ფოტოგრაფი" ტელეფონები?

შეხვდით ახალ სასწავლო სეზონს თანამედროვე სმარტფონით ან უბრალოდ, გამოცვალეთ ძველი მოდელი და გაუხსენით გზა ახალ შესაძლებლობებს. დღესდღეობით ტელეფონი მხოლოდ დასარეკი და სამესიჯო საშუალება როდია. მასშია გაერთიანებული ყველა ის მნიშვნელოვანი ფუნქცია, რომელიც ყოველდღიურ ცხოვრებაში ასე გვეხმარება. თავისუფლად შეიძლება ითქვას, რომ კარგი სმარტფონი ცხოვრების კარგი კომპანიონია.

იბიჯი პრაიმი წარმოგიდგენთ რჩეულ სმარტფონებს, რომელთაც მოყვება უფასო საჩუქარი თქვენი არჩევანით. ყველა პროდუქტზე ვრცელდება ოფიციალური 1-წლიანი გარანტია, აგრეთვე, მოქმედებს განვადების საკომისიო 3%-დან და უფასო მიწოდების სერვისი თბილისის მასშტაბით 24, ხოლო საქართველოში - 48 საათის განმავლობაში.

Samsung Galaxy A6+ Dual Sim

კორეული ბრენდის მიმართ მსოფლიოში ყოველთვის დიდი ინტერესია. სიძვირის გამო მისი ტელეფონების შეძენის ფუფუნება ყველას არ გააჩნია. ამიტომ, წარმოგიდგენთ ტელეფონს სხვებთან შედარებით მისაღები ღირებულებით. 2018 წლის მაისში სამსუნგმა განაახლა A-სერია და მსოფლიოს ორი სმარტფონი, Galaxy A6 და Galaxy A6+ წარუდგინა. აქ საუბარი მაქვს ამ უკანასკნელზე, რომლის ფასიცა და ხარისხიც ერთმანეთთან იდეალურ თანხვედრაშია.

A-სერიის უნიკალურობა იმაშია, რომ იგი ერთდროულად იმეორებს S-სერიისა და J-სერიის ინოვაციურ დეტალებს, როგორც გარეგნული დიზაინის კუთხით, ისე - ტექნიკური მიმართულებით. Samsung Galaxy A6+ აღჭურვილია 6-დიუმიანი Super AMOLED (რაც ნიშნავს, რომ ბევრი პიქსელის აქტივაცია, ე.ი. გახსნა, ხდება ძალიან სწრაფად) ეკრანით, რომელიც დაფარულია ნაკაწრებისგან დამცავი Corning Gorilla Glass 5 შუშით. რეზოლუცია შეადგენს 2220*1080 Pixel-ს, თანამედროვე 18.5:9 შეფარდებით. ის ფუნქციონირებს Snapdragon 450-ის 8 ბირთვიან პროცესორზე (1.8 GHz), 4GB ოპერატიული მეხსიერებით.

რაც შეეხება კამერას, სამსუნგი აგრძელებს ჩვეულ ტენდენციას­ – ძირითადი კამერების რაოდენობაა ორი, 16MP და 5MP-იანი, ხოლო სელფის კამერა 24 მეგაპიქსელიანია, დიაფრაგმით (ეს სმარტფონის ის ნაწილია, სადაც სინათლის სხივები შედის. რაც უფრო პატარაა მაჩვენებელი, უფრო კარგ სურათს იღებს ტელეფონი) f/1.8-ზე, რაც უფრო დაბალია ეს მაჩვენებელი, მით უფრო ფართოა ობიექტივი და მეტი სინათლე ხვდება მასში. სმარტფონის კიდევ ერთ ღირსებას წარმოადგენს მეტალის თხელი კორპუსი, რის გამოც ტელეფონი ძალიან მოსახერხებელია ხელში დასაჭერად. ამ აპარატის ყიდვის შემთხვევაში საჩუქრად შეგიძლიათ აირჩიოთ სელფის ჯოხი, დამცავი ან Power Bank-ი.

Apple iPhone X 64GB

პირველი აიფონი გაყიდვაში 2007 წლის 29 ივნისს ჩაეშვა. მისი ეკრანის დიაგონალი, სულ რაღაც, 3.2 დიუმი გახლდათ, ხოლო კამერა - 2MP (მეგაპიქსელი). დღევანდელი გადმოსახედიდან ეს მონაცემები, ალბათ, ღიმილის მომგვრელია, მაგრამ მაშინ ეფლმა ტექნიკის სფეროში ნამდვილი გადატრიალება მოახდინა და პირველ რიგში, ეს საკუთარი უნიკალური დიზაინის დამსახურებით შეძლო.

2007 წლიდან ყოველწლიურად გამოდიოდა ახალ-ახალი მოდელები გაუმჯობესებული მონაცემებით, თუმცა დიზაინი დიდად არ იცვლებოდა. პირველი სმარტფონის გამოშვებიდან 10 წლის თავზე ამერიკულმა კომპანიამ გადაწყვიტა, მომხმარებლებისთვის რაიმე ახალი და უჩვეულო წარედგინა და ეს მართლაც გამოუვიდა. iPhone X - ეფლის ის სმარტფონია, რომელიც თავისი ინოვაციური დიზაინით გამოგარჩევთ ყველგან და ყოველთვის.

iPhone X-ს აქვს 5.8-დიუმიანი Super AMOLED ეკრანი, რომელსაც აპარატის ზედაპირის თითქმის მთლიანი ფართობი უჭირავს (83%). სმარტფონი მუშაობს Apple A11 Bionic-ის 6-ბირთვიან პროცესორზე (2.39 GHz) 3GB ოპერატიული მეხსიერებით. იგი აღჭურვილია ორი 12MP-იანი ძირითადი კამერითა და ერთი 7MP-იანი ფრონტალური კამერით, ამასთან, გაუმჯობესებულია დიაფრაგმა f/2.8-დან f/1.8-მდე, რაც იმას ნიშნავს, რომ ნათელ და ხარისხიან ფოტოებს გადაიღებს, როგორც დღისით, ისე - ღამით. აგრეთვე, დამატებულია ორმაგი სტაბილიზაცია და სახის ამომცნობი სკანერი წინა კამერაში.

iPhone X-ის ნახვა შეგიძლიათ აქ. სამწუხაროდ, მისი შეძენისას საჩუქარს ვერ აირჩევთ.

Huawei Y5 Prime Dual Sim

ჩინური კომპანია ჰუავეის სმარტფონების მოდელების რიგში Y-სერია გახლავთ ყველაზე ხელმისაწვდომი და ამასთან, საშუალო მონაცემების მქონე ტელეფონების სერია, რომელზეც გაყიდვების მიხედვით ყველაზე დიდი წილი მოდის. გთავაზობთ 2018 წლის სმარტფონს უახლეს ანდროიდ სისტემაზე (Oreo 8.1). იგი საუკეთესო ვარიანტი იქნება მათთვის, ვინც ბიუჯეტურ აპარატს ეძებს თანამედროვე დიზაინით.

მას შემდეგ, რაც სამსუნგმა პირველად წარადგინა სმარტფონი „დაგრძელებული“ ეკრანით (Galaxy S8), ეკრანის შეფარდება 18:9-სთან ერთგვარ ტრენდად იქცა. Huawei Y5-ის 5.45 დიუმიანი HD+ რეზოლუციის მქონე ეკრანიც მსგავს სტილს იმეორებს. მოწყობილობის მულტიმედიურ ფუნქციებს ავსებს ერთსენსორული ძირითადი კამერა 13MP გაფართოებით. მოდელს აქვს HDR-ის მხარდაჭერა, რომელიც საშუალებას მოგცემთ, გადაიღოთ ფოტოები ფართო დინამიური დიაპაზონით (ჩრდილებისა და ზედმეტი სიმუქეების გარეშე). აგრეთვე, ჩაწერილი აქვს სხვადასხვა ფილტრი, რომელთა გამოყენებაც შეგიძლიათ როგორც გადაღებამდე, ისე - გადაღების შემდეგ.

სმარტფონის ავტონომიურობაზე პასუხს აგებს 3020 mAh მოცულობის ელემენტი. აგრეთვე, ტელეფონს აქვს, ასე ვთქვათ, საფირმო ელემენტის დამზოგის - Power Saving 6.0-ის მხარდაჭერა. ამ ტელეფონის შეძენის შემთხვევაში საშუალება გექნებათ, მიიღოთ 4 საჩუქრიდან ერთ-ერთი.

Xiaomi Mi A2 და A2 Lite Dual Sim

რამდენიმე თვის წინ ასევე ჩინურმა ბრენდმა შიაომიმ წარადგინა ორი ახალი სმარტფონი: Xiaomi Mi A2 და A2 Lite, რომლებიც წინა ვერსიებისგან განსხვავებით, თავისუფალია კომპანიის საფირმო ინტერფეისისგან (MIUI) და „სუფთა“ ანდროიდზე (Android One) მუშაობს. ასევე, აღსანიშნავია, რომ ძირითადი კამერის მოდული იმეორებს iPhone X-ის ვერტიკალურ განლაგებას.

საერთო სახელის მიუხედავად, აღნიშნული სმარტფონები ერთმანეთისგან საკმაოდ განსხვავდებიან, პირველ რიგში, ეკრანის დიზაინით: თუ Mi A2-ს ტრადიციული ეკრანი აქვს მინიმალური ჩარჩოებით, Mi A2 Lite-ს ზედა ნაწილში iPhone X-ის მსგავსი ე.წ. „მონოწარბი“ (The Notch) აქვს. ეკრანის რეზოლუცია ორივე შემთხვევაში Full HD+-ია. აგრეთვე, ლაით ვერსია შედარებით მოძველებულ Snapdragon 625-ზე მუშაობს 4GB ოპერატიული მეხსიერებით, ხოლო პრემიუმ ვერსიაში გამოყენებულია Snapdragon 660-ის პროცესორი და 6GB ოპერატიული მეხსიერება.

კამერებშიც განსხვავებაა. შიაომის წარმომადგენლებმა მადრიდში გამართულ პრეზენტაციაზე ყურადღება გაამახვილეს Mi A2-ის 20+12MP გაფართოების კამერაზე, რომლის დიაფრაგმა f/1.75-მდეა შემცირებული, აღჭურვილია SuperPixel-ის სისტემითა (ოთხი პიქსელი ერთში ერთიანდება, რაც გადაღებას უფრო სწრაფსა და ხარისხიანს ხდის) და ბოკეს ეფექტით (სურათის ფონის დაბინდვა). რაც შეეხება სელფის კამერას, იგი 20MP-ს შეადგენს. გამარტივებულ Lite ვერსიაში ეს მაჩვენებლები, შეიძლება ითქვას, განახევრებულია – ძირითადი კამერა 12+5MP, ხოლო ფრონტალური - 5MP-ია.

სხვაობაა კოპრუსის დამზადების მასალაშიც. Mi A2-ის შემთხვევაში გამოყენებულია ალუმინი, ხოლო A2 Lite პლასტმასისგანაა დამზადებული. თუ რომელს აირჩევს მომხმარებელი, რასაკვირველია, მის გემოვნებაზეა დამოკიდებული. ერთი რამ ფაქტია - ორივე სმარტფონი საკმაოდ ორიგინალური და საინტერესოა.

Mi A2-ის ან A2 Lite შეძენის შემთხვევაში საჩუქრად გადმოგეცემათ 6 აქსესუარიდან ერთ-ერთი თქვენი არჩევანით: უსადენო სელფის ჯოხი, Hoco ყურსასმენი, მეხსიერების ბარათი, Power Bank, მანქანის დამტენი ან უსადენო ყურსასმენი.

Nokia 6.1 Dual Sim

ნოკიას ბრენდი საქართველოში 2000-იან წლებში გამოჩნდა და მალევე საკმაოდ დიდი პოპულარობა მოიპოვა. ერთი პერიოდი ნოკია გახლდათ „მარტივი“ ტელეფონების ყველაზე მსხვილი მწარმოებელი, მაგრამ შემდეგ ბაზარზე გამოჩნდნენ სმარტფონები და ყველაფერი შეიცვალა. ფინური კომპანია რამდენჯერმე დაიხურა და ხელახლა გაიხსნა. ახლა, როგორც ჩანს, დადგა ის მომენტი, როდესაც კომპანია შედარებით მყარად დგას ფეხზე და სტაბილურად მუშაობს ხარისხიანი მოდელების გამოშვებაზე.

Nokia 6.1 გახლავთ შარშანდელი Nokia 6-ის განახლებული ვარიანტი. ძირითადი განსხვავებაა პროცესორი - სუსტი Snapdragon 430 (1.4 GHz) შეცვლილია 8-ბირთვიანი Snapdragon 630-ით (2.2 GHz), რაც მნიშვნელოვნად ზრდის მის პროდუქტიულობას ყველა ასპექტში. აგრეთვე, ტრადიციული microUSB 2.0 პორტი ჩანაცვლებულია თანამედროვე Type-C პორტით, რომელსაც სწრაფი დატენვის ფუნქცია აქვს. რაც შეეხება ძირითად კამერას, გაფართოებაა 16MP, ხოლო ფრონტალური - 8MP. აგრეთვე, კამერის მნიშვნელოვანი მახასიათებელია Carl Zeiss-ის ლინზების არსებობა. გერმანული კომპანია Zeiss AG-ი ოპტიკურ პროდუქციას 1846 წლიდან აწარმოებს და მისი სახელი ყოველთვის მაღალ ხარისხთან ასოცირდება.

ერთი სიტყვით, აღნიშნული სმარტფონი დააინტერესებს მათ, ვინც ეძებს უბრალო, მაგრამ ხარისხიან და სასიამოვნო დიზაინის ტელეფონს ნორმალური კამერით, თანამედროვე სპეციფიკაციებით და რაც მთავარია, Android One სისტემით, რაც იმის გარანტიაა, რომ განახლებები რეგულარულად მოვა ტელეფონზე. Nokia 6.1-ის შეძენის შემთხვევაში მიიღებთ ჩამოთვლილთაგან თქვენთვის სასურველ საჩუქარს: ტელეფონის დამჭერს მანქანაში, Power Bank-ს ან მანქანის დამტენს. სმარტფონის ნახვა შეგიძლიათ ამ ბმულზე.

შეგიძლიათ, იხილოთ აგრეთვე ტელეფონების სრული შეთავაზება, სადაც ნახავთ ჩამოთვლილთა გარდა სხვა მოდელებს საჩუქრებით. შეგხვდებათ ისეთი მობილურებიც, რომელთა შეძენის შემთხვევაშიც მიიღებთ 100-ლარიან ვაუჩერს. აქ შეგიძლიათ აირჩიოთ სასურველი მოდელი ბრენდის (Apple, Samsung, Huawei, Xiaomi და Nokia) და ფასის (დაბალბიუჯეტიანები და ტრენდულები) მიხედვით, ასევე, საუკეთესო მოდელები ფოტოების გადასაღებად. ამას გარდა, შეძლებთ, გამოიწეროთ ახალი ან ქარხნულად აღდგენილი სმარტფონი იბეიდან.