როგორ შევიძინო?

ავტორიზაცია

ყველა კატეგორია

რა ვაჩუქო?
აქსესუარები სილამაზე და კოსმეტიკა საჩუქარი ბავშვებისთვის დეკორი სხვადასხვა
ავტო ნაწილები ბავშვებისათვის ვიდეო თამაშები & კონსოლები ზოო პროდუქცია კომპიუტერული ტექნიკა მობილური ტელეფონები & აქსესუარები მუსიკა მუსიკალური ინსტრუმენტები საათები სათამაშოები & ჰობი
ასაწყობი სათამაშოები ბურთები, ფრიზბი & ბუმერანგები გამჭვირვალე & ფერადი ბურთულები დრონები თამაშები კლასიკური სათამაშოები მანქანები, თვითმფრინავები, გემები & ძრავები მატარებლები მოდელები & კომპლექტი მოქმედებითი / მოძრავი მცირე წლოვნებისთვის რობოტები, მონსტრები, კოსმოსური მხეცები საბავშვო დისტანციური მანქანები საბავშვო სატერფულიანი მანქანები საბითუმო გაყიდვები საგანმანათლებლო სათამაშო ჯარისკაცები საპნის ბუშტები სატელევიზიო & ფილმის პერსონაჟები სწრაფი კვების სათამაშოები ფაზლები, თავსატეხები, რუბიკის კუბები ფუმფულა / ბეწვის სათამაშოები ცნობილი ცხოველები ძველებური & ანტიკვარული სათამაშოები საბითუმო გაყიდვები
სამკაულები სამომხმარებლო ელექტროტექნიკა სახლი და ეზო სპორტული საქონელი ტანსაცმელი, ფეხსაცმელი და აქსესუარები ფოტო და ვიდეო კამერები წიგნები ჯანმრთელობა და სილამაზე

სწავლის გამარტივების ხერხები (მხოლოდ ზარმაცებისთვის)

ტარიელ მარაქველიძე
1359

წაკითხვა

მოწონება

ბლოგერი : ტარიელ მარაქველიძე

ყურადღების გაფანტვის თავიდან აცილების ხერხები. ,

რატომ არის აუცილებელი განრიგის ქონა? ,

როგორ ვიყოთ ორგანიზირებულები სწავლის პროცესში.,

იმ მომენტიდან, როცა ბავშვი განათლების მიღებას იწყებს, ნელ-ნელა უფრო და უფრო იკვეთება ის სირთულეები, რაც სწავლასა და კონცენტრირებას უშლის ხელს. სკოლის ბოლო კლასებში და უნივერსიტეტში სასწავლო მასალა იზრდება და რთულდება, ამასთანავე, ჩნდება მეტი ფაქტორი, რომელიც ყურადღების გაფანტვას იწვევს: მეგობრები, გართობა, ხმაური, არეული რეჟიმი, დამახსოვრების პრობლემა, არაორგანიზებულობა, დროის გადანაწილების არცოდნა - შეიძლება, თითოეულმა მათგანმა საქმის გადადებისკენ გვიბიძგოს. ეს თემა დღეს საკმაოდ აქტუალურია, ვინაიდან ახლახანს დაიწყო ახალი სასწავლო სეზონი. სწორედ ამიტომ, გადავწყვიტე, გამემხილა პატარა ხერხები იმისთვის, თუ როგორ გავუმკლავდეთ თითოეულ პრობლემას და გავიმარტივოთ სწავლის პროცესი. ისინი ალბათ, ყველაზე მეტად, ბოლო კლასების მოსწავლეებსა და სტუდენტებს გამოადგება.

1) საღეჭი რეზინი

რაც არ უნდა უცნაურად მოგეჩვენოთ, პირველი ხერხი, რომელიც დაგვეხმარება სწავლაში, არის კითხვისას საღეჭი რეზინის ღეჭვა. მეცნიერულად დამტკიცებული ფაქტია, რომ ეს ეხმარება ადამიანის ტვინს, სიგნალების ყურადღება მიმართოს წიგნის შინაარსისაკენ. ასე რომ, კითხვისას აღარასდროს დაგეძინებათ. ამას გარდა, თუ გამოცდაზე იმავე საღეჭ რეზინს დაღეჭავთ, რომელსაც ამა თუ იმ საგნის მეცადინეობისას ღეჭავდით, ეს დაგეხმარებათ ათვისებული მასალის სრულიად გახსენებაში.

2) ფეხსაცმელები

ალბათ, გაგიჩნდათ შეკითხვა, თუ როგორ დაგვეხმარება ფეხსაცმლის ჩაცმა უკეთ სწავლაში. საქმე იმაშია, რომ როდესაც ოთახში სწავლისას თქვენ ფეხსაცმელს ჩაიცმევთ, ამით თქვენი გონების გაცურებას შეძლებთ. ამ დროს ჩვენი ტვინი ფიქრობს, რომ დაკავებულები ვართ, არ ვართ ბოლომდე მოდუნებულები, შესაბამისად, თუკი მეცადინეობისას ფეხსაცმელი გვაცვია, ნაკლებად გვეფანტება გონება და სრული კონცენტრირება შეგვიძლია. შეგიძლიათ, სცადოთ და დააკვირდეთ, იმოქმედებს თუ არა ეს თქვენზე. სტუდენტებს შორის პოპულარული ფეხსაცმელები შეგიძლიათ, იხილოთ აქ.

3) საკანცელარიო ნივთების მარაგი

იქონიეთ საკანცელარიო ნივთების მარაგი. არავინ იცის, როდის გვიღალატებს საწერი კალამი ან როდის გამოგველევა ადგილი რვეულში, ასე რომ, მუდმივად გქონდეთ მათი მარაგი უჯრებში, ხოლო როცა უეცრად დაგჭირდებათ, საყიდლად არც სირბილი არ მოგიწევთ, და მეცადინეობისთვის თავის ასარიდებელი მიზეზიც აღარ გექნებათ. მარკერები დაგვეხმარება მნიშვნელოვანი ინფორმაციის ხაზგასმაში (რა თქმა უნდა, თუ მასალა ამობეჭდილი გვაქვს ან მისი ნაწილი რვეულში გვიწერია - ჯობს, წიგნები აჭრელებით არ გააფუჭოთ), რაც შემდგომ უფრო მარტივს გახდის მის გამეორებას, ასევე, მეცნიერულად დამტკიცებულია, რომ ფერადად ხაზგასმულ მნიშვნელოვან იმფორმაციას ტვინი ადვილად ითვისებს და იმახსოვრებს.

4) მოიშორეთ ყოველგვარი ხმაური

ცხადია, რომ სწავლის დროს სიჩუმე უნდა იყოს (რათა შევძლოთ სრული კონცენტრაცია, რაც საგრძნობლად შეამცირებს სწავლისათვის საჭირო დროს). მაგრამ როგორ უნდა მოვახერხოთ ეს? ხანდახან გარემოს ვერ ვიცვლით და ხმაურს ვერ ვიშორებთ. მაგრამ სულ მარტივად, ნებისმიერ დროს შეგიძლიათ, გამოიყენოთ ყურის საცობები. საცობები საგრძნობლად ახშობს ხმას - ოჯახის წევრების საუბარი, კარის დაკეტვისა და გაღების ხმა, მშენებლობისგან გამოწვეული ხმაური გარეთ - საცობების მეშვეობით ამ ყველაფრის მიმართ ზედმეტად მგრძნობიარე აღარ იქნებით და შეგეძლებათ, ბოლომდე ფოკუსირდეთ სასწავლო მასალაზე.

5) არ მოიკლოთ კვება

მეცადინეობა არ დაიწყოთ მაშინ, როცა შიმშილს გრძნობთ. რატომ? პასუხი მარტივია - საკვების მიღების შემდეგ სწავლისას არ მოგიწევთ მისი შეწყვეტა რაიმე მიზეზის გამო. ხანდახან მეცადინეობის გაწყვეტა წახემსების სურვილის მიზეზით იწვევს ჯაჭვურ რეაქციას, რაც იმით ბოლოვდება, რომ მთლიანად უარს ამბობთ მეცადინეობის გაგრძელებაზე და სხვა საქმეს კიდებთ ხელს. ეს ასე ვთქვათ, ტვინის "ფანდებია", რომელიც სწავლას უსიამოვნო პროცესად აღიქვამს და ცდილობს, აქედან როგორმე თავი დაგაღწევინოთ. თანაც, მშიერ კუჭზე ტვინს სათანადოდ ფუნქციონირება უჭირს, ამიტომ, საქმის დაწყებამდე უკვე გამოკვებული უნდა იყოთ.

6) გქონდეთ ორგანიზებული და სუფთა კუთხე

პირველ რიგში, ეცადეთ, რომ იქ, სადაც მეცადინეობთ, ყველაფერი დალაგებული გქონდეთ. გქონდეთ სამეცადინო კუთხე, სადაც კომფორტულად იგრძნობთ თავს და ამასთანავე, ყველა საჭირო საკანცელარიო ნივთი იქონიეთ თქვენთან ახლოს. როცა ოთახი და ნივთები არეულია, ეს ფსიქოლოგიურ გავლენას ახდენს ადამიანზე და მან არც კი იცის, საიდან დაიწყოს სწავლა. როგორც ბევრი მოსწავლე და სტუდენტი ამბობს, ყველაზე რთული მომენტი სწორედ სამეცადინოდ დაჯდომაა. ამიტომ, პირველ რიგში, დაალაგეთ ოთახი, თქვენი ნივთები, სახელმძღვანელოები.

7) შექმენით სასწავლო განრიგი

შექმენით თქვენი პროგრამა, სწავლის განრიგი. ეს უკეთ დაგეხმარებათ დროის გადანაწილებაში და დამიჯერეთ, ასჯერ გაამარტივებს თქვენს რთულ საქმიანობას. განხორციელების პროცესში უფრო მიხვდებით, რამდენი ძალისხმევის გაწევა გჭირდებათ, რომელ საგანს სჭირდება უფრო მეტი დრო თქვენ მიერ ნავარაუდევთან შედარებით და რომელს - ნაკლები. ამასთანავე, დღის წესრიგის შექმნის პროცესი დაგეხმარებათ, გადააფასოთ ყოველი საგნის სირთულე, ამოარჩიოთ კონკრეტული საგნები, რომლებშიც თქვენი უნარების განვითარება გსურთ, რომელთა მასალის სწავლაც პრიორიტეტულია. სცადეთ, ყველაფერში თქვენი მაქსიმუმი გააკეთოთ.

ამ ყველაფრის ორგანიზებისათვის საჭირო ნივთების სია მცირეა, თქვენ უბრალოდ ფურცელი, კალამი და ცოტაოდენი ფანტაზია დაგჭირდებათ. შეგიძლიათ, გამოიყენოთ To-Do List-ის (გასაკეთებელი საქმეების სიის) ფურცლებიც. სასურველია, თუ კედელზე თქვენი მეცადინობის განრიგის ჩამოსაწერად პატარა დაფასაც დაკიდებთ, რომელიც თქვენს შესასრულებელ გეგმას გამუდმებით შეგახსენებთ. დაბოლოს, რა ჯობს იმ შეგრძნებას, როცა რაიმე საქმეს ბოლომდე მიიყვანთ და ამას თქვენს განრიგში აღნიშნავთ?

8) იმუშავეთ ჯგუფურად

ჰარვარდის უნივერსიტეტში ჩატარებული კვლევები ცხადყოფს, რომ ჯგუფური მეცადინეობისას მასალის შეთვისების დრო 2-ჯერ მცირდება, ვიდრე მარტო მეცადინეობისას, ასე რომ, იმეცადინეთ მეგობართან ან მეგობრებთან ერთად. ეს შესაძლებლობას მოგცემთ, მასალა ერთმანეთს გამოჰკითხოთ კიდეც, შეამოწმოთ ერთმანეთის ცოდნა - ანუ, გაიაროთ გამოკითხვის პატარა რეპეტიცია. ეს სწავლის პროცესს უფრო სახალისოს და მარტივს გახდის, რაც უფრო აამაღლებს თქვენს მოტივაციას. მგონი, უნდა ვენდოთ ჰარვარდის უნივერსიტეტის მკვლევარებს, ვინ იცის, იქნებ მათ კარიერულ მწვერვალს სწორედ ამ გზით მიაღწიეს?..

9) არ დაიტვირთოთ თავი ზედმეტად

ეცადეთ, თავი ძალიან არ გადაიტვირთიოთ. კვირაში 7 დღე და დღეში 24 საათის მეცადინეობით თავს ზიანს მოუტანთ, რაც იმაში გამოიხატება, რომ არამარტო ახალი შეთვისებული მასალა დაგავიწყდებათ, არამედ - მანამდე ნასწავლი და კარგად ნაცნობიც. ამას თავი რომ დავანებოთ, შესაძლოა, ჯანმრთელობის და/ან ფსიქოლოგიური პრობლემებიც შეგექმნათ. ამიტომ, ჩემი რჩევა იქნება, რომ იცოდეთ საკუთარი ლიმიტები და ნელ-ნელა შეეცადოთ მათ გაფართოებას. არ შეიძლება მთელი მასალის ბოლოსათვის მოტოვება და შემდეგ ერთად შეჭიდება, ასევე, არ შეიძლება მთელი ღამის გათენება გამოცდების წინა დღეს. თუმცა, ამ უკანასკნელს რაც შეეხება, მოსწავლეებისა და სტუდენტების უმეტესობა მაინც ასე იქცევიან - ამ შემთხვევაში კი შეიძლება, ზურგი გეტკინოთ, დისკომფორტის მოსახსნელად კი მასაჟორებს შემოგთავაზებთ.

დაბოლოს, მინდა აღვნიშნო, რომ ამ ერთი შეხედვით წვრილმანი ასპექტების გამოსწორება შესაძლოა, ვიღაცისთვის გადამწყვეტი იყოს - მათი გათვალისწინება საქმეებს მნიშვნელოვნად გააუმჯობესებს. და თუ გსურთ, მომავალში წარმატებული იყოთ და მაინც გრძნობთ, რომ დიდად არც ზემოთ ნახსენები ხერხები დაგეხმარათ, მაშინ, როგორც კი სიზარმაცე შემოგიტევთ, მაშინვე გაიხსენეთ ეს ორი ფრაზა:

• აირჩიე: გააკეთო ის, რაც ახლა გინდა, თუ გააკეთო ის, რაც ყველაზე მეტად გინდა;

• როცა მიზეზს იგონებ იმისთვის, რომ არ ისწავლო, გახსოვდეს, ზუსტად ამ დროს ვიღაც თავაუღებლად შრომობს.

ბლოგერი : ტარიელ მარაქველიძე
წაკითხვა : 1359
მოწონება :
გაზირება :
სხვა ბლოგები :
კომენტარები :