ნივთის შეძენა ისეთივე მარტივია როგორც 1,2,3
1. გაიარეთ საიტზე რეგისტრაცია
2. ჩაირიცხეთ თანხა თქვენს პროფილზე
3. დააჭირეთ ღილაკს “ყიდვა”
სხვა დანარჩენი ჩვენ მოგვანდეთ
თანხის ჩარიცხვა შესაძლებელია
Visa, Mastercard, American Express
-თანხის ჩასარიცხად საიტის პროფილიდან გადადით ბალანსის გვერდზე
-დააკლიკეთ ღილაკს "ბალანსის შევსება"
-შეიყვანეთ ბარათის მონაცემები
-დადასტურების შემდეგ თანხა ავტომატურად ჩაგერიცხებათ
Express Pay, TBC Pay, PayBox
-თანხის ჩასარიცხად გადახდებში იპოვეთ ჩვენი ლოგო
-ჩაწერეთ თქვენი ტელეფონის ნომერი, რომლითაც დარეგისტრირდით ჩვენს საიტზე
-ეკრანზე დაინახავთ თქვენს სახელს, გვარსა და ბალანსს
-შეიტანეთ სასურველი თანხა
-დადასტურებიდან რამდენიმე წამში თქვენს პროფილზე აისახება ჩარიცხული თანხა
თიბისი ბანკი
- გადადით კომუნალურ გადახდებში
- აირჩიეთ "გადახდის დამატება"
- აირჩიეთ "ამანათები და ფოსტა"
- აირჩიეთ "Ebaygeorgia"
- შეიყვანეთ მობილურის ნომერი რომლითაც დარეგისტრირებული ხართ ჩვენს საიტზე
საქართველოს ბანკი
- გადადით გადახდებში
- აირჩიეთ "გადახდის დამატება", (მობილური აპლიკაციის სარგებლობის შემთხვევაში "შაბლონის შექმნა")
- აირჩიეთ "სხვა გადახდები"
- აირჩიეთ "ამანათები და ფოსტა"
- დაამატეთ "EBG"
- შეიყვანეთ მობილურის ნომერი, რომლითაც დარეგისტრირებული ხართ ჩვენს საიტზე
↪ სად მივიღებ ამანათს?
გამოწერილი ამანათის გატანას შეძლებთ საქართველოს მასშტაბით 40-ზე მეტი ფილიალიდან
*სასურველ ფილიალს აირჩევთ ყიდვის დროს.
*ამ ეტაპზე გამოწერილი ამანათების სახლში მიწოდების სერვისი არ გვაქვს.
↪ როგორ ჩავრიცხო თანხა?
წაკითხვა
მოწონება
დღეს სუნამოს ადამიანების უმრავლესობა იყენებს, მაგრამ რეალურად, როდის დაიწყო ადამიანმა იმაზე ზრუნვა, რომ სასიამოვნო სურნელი ჰქონოდა? ეს საკმაოდ შორეული წარსულიდან მოდის. პირველი სუნამოს ბოთლები მესოპოტამიაში აღმოაჩინეს. როგორც შემდგომ გაირკვა, იქ სუნამოებს ძირითადად, ვულკანის ამოფრქვევის შემდეგ დარჩენილი ნივთიერებებისგან ამზადებდნენ და მთელი ცხოვრება კისერზე ჩამოკიდებულს დაატარებდენ. ანტიკური ცივილიზაციებისათვის პარფიუმერია ღვთის საჩუქრად იყო მიჩნეული. მაგალითად, არაბები პატივისცემის ნიშნად სტუმრებს მოსვლისას ვარდის წყალს აპკურებდნენ, ხოლო წასვლისას - ფიმიამს.
ისინი, ვინც სუნამოს გარეშე ვერ ძლებენ, თვლიან, რომ იგი თავის გამოხატვის ერთ-ერთი საუკეთესო საშუალებაა. მცენარეებისაგან სურნელოვანი სითხის შექმნა საუკუნეების განმავლობაში ხელოვნების ერთ-ერთ დარგადაც კი ჩამოყალიბდა, რასაც საფუძველი ძველმა რომაელებმა, ეგვიპტელებმა და ბერძნებმა ჩაუყარეს. სიტყვა სუნამო ლათინური წარმოშობისაა, მოგვიანებით ფრანგებმა მას PERFUM უწოდეს.
სუნამო ქალს ალამაზებს. მოდის სფეროში ერთ ყველაზე გამორჩეულ ადამიანს უთქვამს, რომ სურნელი ქალის საუკეთესო სამკაულია. ჩვენ, ადამიანები, ერთმანეთს ხშირად სურნელით ვიმახსოვრებთ. ის შეხედულებაც არსებობს, რომ სუნამო ადამიანის სულს უსვამს ხაზს. ასე რომ, ძალიან მნიშვნელოვანია, თუ როგორ შევარჩევთ სუნამოს, რადგან ამით შეიძლება, ადამიანებს ჩვენზე შთაბეჭდილება შეექმნათ. ამიტომ, ნურც ძალიან მძაფრ სუნამოს გამოიყენებთ და ნურც - ძალიან ტკბილს. აირჩიეთ მათ შორის გარდამავალი სურნელი. თანაც, ამ შემთხვევაში, თქვენი ამოცნობა უფრო რთული იქნება. ახლა კი, კონკრეტულ, ყველაზე ცნობილ სუნამოებზე გადავიდეთ, ბოლოს კი მოგცემთ რჩევას, როგორ შეარჩიოთ სასიამოვნო სურნელი:
Chanel No.5
"სუნამო - ეს უხილავი, მაგრამ დაუვიწყარი მოდური აქსესუარია. ის გვამცნობს ქალის გამოჩენას და გვახსენებს მას, როცა წავა" - ეს კოკო შანელის სიტყვებია. თუმცა, ეს მხოლოდ სიტყვები იქნებოდა, რომ არ არსებობდეს მისი სუნამოები, კერძოდ კი Chanel no.5. როგორც ამბობენ, ამ სუნამოს დიდი ხნის ისტორია აქვს, ჯერ იყო და შანელმა შექმნის შემდეგ "იეშმაკა" და ის მეგობრებს დაურიგა, თან აღუნიშნავს, რომ გაყიდვას არ აპირებდა. სხვებს კი, chanel no.5-ის სურნელი ისე მოსწონებიათ, რომ მისი ფან-კლუბიც კი შეუქმნიათ. შანელმა ეს სუნამო შემდეგ გამოიტანა გასაყიდად.
მას შემდეგ 95 წელი გავიდა. პარფიუმერები ათასობით ახალ-ახალ არომატს იგონებენ. სხვა, უცხო არომატების სუნამოები ჩნდებიან და ქრებიან. საკულტო Chanel No.5 კი პარფიუმერიის სამყაროში დღემდე წამყვან სუნამოდ რჩება. ეს არომატი არის ყველაზე პოპულარული დღესდღეობითაც. დადგენილია, რომ ყოველ 55 წამში მსოფლიოში Chanel №5-ის ერთი ფლაკონი იყიდება. იგია სუნამო, რომელიც გახდა ერთგვარი ლეგენდა.
Opium, Yves Saint Laurent
Opium, Yves Saint Laurent – ეს სუნამო ივ სენ ლორანმა 1977 წელს წარმოადგინა. დიზაინერის აღმოსავლეთის მიმართ სიყვარული ამ არომატში საუკეთესოდ იგრძნობა. კომპოზიცია ხილის ნოტებით იხსნება (ამბრა, მუსკუსი, დაფნა, მიხაკი, ვანილი, დარიჩინი, წიწაკა, მანდარინი, ფორთოხალი, ქლიავი, ატამი), შუაგულში თავმოყრილია ყვავილების თაიგული: ვარდი, ჟასმინი, ილანგ-ილანგი, ირისი – ეს საღამოსთვის განკუთვნილი არომატი იმდენად ძლიერია, რომ მეორე დილითაც იგრძნობთ. აღნიშნავენ, რომ ეს სუნამო საუკეთესოა 40-60 წლის ასაკისთვის.
Obsession, Calvin Klein
ეს სუნამო ჟან გიშარმა 1985 წელს შექმნა. ის იხსნება მანდარინის, ბერგამოტის, ვარდის და ფორთოხლის ყვავილების ნოტებით, შუაგული მეტად არასტადარტული აქვს, საბაზო არომატებში ამბრა და ხავსი დომინირებს. Obsession-ის პრეზენტაციაზე კელვინ კლაინს განუცხადებია: „ძველმოდური სუნამოს მიღება არ მსურდა, მინდოდა, რაღაც მგრნობიარე, ემოციური და პროვოკაციული შემექმნა, ისეთი, როგორადაც ნამდვილ ქალს ვხედავ!“ როგორც ჩანს, მას ეს გამოუვიდა. სუნამო შეიგიძლიათ იხილოთ ამ ლინკზე.
Shalimar, Guerlain
Shalimar, Guerlain - მგონი არ გაგიკვირდებათ, თუ მას ლეგენდარულ პარფიუმს დავარქმევ, რადგან ის 1921 წელს შეიქმნა და დღემდე ცოცხლობს. ეს პარიზში, ერთ დიდ სასახლეში მოხდა. კლასიკური აღმოსავლური სუნამო ჟაკ გერლენმა წარმოადგინა მაშინ, როდესაც პარიზში აღმოსავლური მოდა იყო დამკვიდრებული. ამიტომ, არომატზე მუშაობისას, გერლენი შთაგონებას პრინცესა მუმტაზ-მახალისგან იღებდა - ეს ის პრინცესაა, რომლისთვისაც მეუღლემ, შახმა ჯახანმა ტაჯმაჰალი, სიყვარულის ტაძარი ააგო.
პარფიუმერული კომპოზიცია შედგება მანდარინის, ლიმნის, კედრისა და ბერგამოტის არომატებით, შუაგულში თავმოყრილია ირისის, ჟასმინის, მაისის ვარდის, ვეტივერის ნოტები, ამაღელვებელ ბაზას რაც შეეხება, ის სანდალის ხის, ოპოპონაქსის, ცივეტას, ვანილისგან შედგება. სუნამო იხილეთ აქ.
Estee Lauder
Estee Lauder - 1950 წელს მადამ ლაუდერმა გადაწყვიტა, ისეთი არომატი შეექმნა, რომლის გამოყენებაც დღის ნებისმიერ მონაკვეთში იქნებოდა შესაძლებელი. ასევე, მას სურდა, პარფიუმერია ყველა ქალბატონისთვის მაქსიმალურად ხელმისაწვდომი გაეხადა. 1952 წელს ბაზარზე აბაზანის ზეთი Youth Dew გამოჩნდა, ხოლო შემდეგ წელს ამავე დასახელების სუნამოც გამოვიდა. მიიჩნევენ, რომ ეს პირველი ამერიკული სუნამოა, რომელმაც მსგავსი პოპულარობა მოიპოვა.
როგორ შევარჩიოთ სუნამო?
სუნამოს შერჩევისას არის რამდენიმე წესი, ეს იმისთვის არის საჭირო, რომ შემდეგ სუნამო სხვანაირად არ მოგვეჩვენოს. მაგალითად, როდესაც მას ყიდულობთ, უნდა დაიპკუროთ და დაელოდოთ 15 წუთი მაინც, რომ ნამდვილი სურნელი შეიგრძნოთ. ეს, რა თქმა უნდა, მაშინ დაგვჭირდება, როცა არ ვიცით, სუნამო როგორია, ასევე, არასდროს გაუსვათ დასხმულ ადგილს ხელი, რადგან ამ დროს ნამდვილი სურნელი იკარგება.
რაც შეეხება სუნამოს ზომას, ეს იმის მიხედვით უნდა შევარჩიოთ, თუ რა სიხშირით იყენებთ სუნამოს. მაგალითად, თუ იშვიათად ისხამთ, მაშინ გვირჩევენ, ვიყიდოთ მცირე ზომის ფლაკონი, რადგან დიდი ხნის განმავლობაში შეიძლება აორთქლდეს და არომატი დაკარგოს. რამდენი ხანი და სად შეიძლება სუნამოს შენახვა? სუნამო ინახება 6 თვის ან უფრო დიდი ხნის განმავლობაშიც, მზის სხივებისგან მოშორებით, მშრალ ადგილას. ზაფხულში, თუ ძალიან ცხელა, შეიძლება მაცივარში შენახვაც.
დაბოლოს, არასდროს დაივიწყოთ, რამხელა როლი აქვს სურნელს და ეცადეთ, იყოთ გამორჩეული და დასამახსოვრებელი. ბლოგში შემოთავაზებულმა ხუთივე სუნამომ დროს გაუძლო, რაც მიმანიშნებელია იმაზე, რომ ისინი საუკეთესოა. ხოლო რაც შეეხება შერჩევას, ნაყიდის გამო შემდეგ გული არ უნდა დაგწყდეთ, ამიტომ სასურველია, ყოველთვის წინასწარ იცოდეთ, როგორ სურნელს ეძებთ თქვენთვის.
დეტალურად
.დარეგისტრირდით ჩვენს ვებგვერდზე
.სტატია კავშირში უნდა იყოს ebg-ს საქმიანობასთან ან და პროდუქციასთან
.გაფორმებული უნდა იყოს ხარისხიანი ფოტო მასალით
.არ უნდა არღვევდეს კანონს საავტორო უფლებების შესახებ
.და, რაც მთავარია, უნდა იყოს საინტერესო
.ყოველ გამოქვეყნებულ სტატიაზე თქვენ მიიღებთ 15 ლარს ebg.ge-ს ბალანსზე
.დამატებითი ანაზღაურება განისაზღვრება 30 დღის განმავლობაში დაგროვებული
უნიკალური წაკითხვის შესაბამისად : 2000 წაკითხვა = +5 ლარი
გადმოგვიგზავნეთ სრულყოფილი სტატია.
ჩვენი რედაქტორი მალევე დაგიკავშირდებათ