ოფისის და სკოლის პროექტორები მნიშვნელოვნად გასხვავდებიან სახლისთვის განკუთვნილი მოდელებისგან. პირველ შემთხვევაში ძირითადად სტატიკური გამოსახულებების (პრეზენტაციები, გრაფიკები, სასწავლო სურათები და სლაიდები) საჩვენებლად გამოიყენება, ხოლო მეორე შემთხვევაში – ფილმების დიდ ეკრანზე სანახავად.

პირველ რიგში სანამ პროექტორის არჩევაზე გადახვიდოდეთ, საკუთარ თავს დაუსვით კითხვა თუ რა მიზნით გჭირდებათ იგი? გინდათ მუდმივად თან ატაროთ თუ მის ერთ ადგილზე დამონტაჟებას აპირებთ? გამოსახულების როგორი ხარისხია თქვენთვის მისაღები? და ბოლოს, რა რაოდენობის თანხის გაღებას აპირებთ ახალი მოწყობილობის შესაძენად?

გამოყენების სფერო

ოფისის და სკოლის პროექტორები მნიშვნელოვნად გასხვავდებიან სახლისთვის განკუთვნილი მოდელებისგან. პირველ შემთხვევაში ძირითადად სტატიკური გამოსახულებების (პრეზენტაციები, გრაფიკები, სასწავლო სურათები და სლაიდები) საჩვენებლად გამოიყენება, ხოლო მეორე შემთხვევაში – ფილმების დიდ ეკრანზე სანახავად.

ოფისისა და სკოლის მოდელების მახასიათებლები:

• მაღალი რეზოლუციის კომპიუტერებთან მუშაობის უნარი. პროექტორის ოპტიმალური მუშაობისთვის აუცილებელია, რომ მისი მატრიცის რეზოლუცია (Native Resolution) ძალიან არ ჩამოუვარდებოდეს კომპიუტერის ვიდეოკარტის მონაცემს.

• პროექტორში DVI და VGA პორტების არსებობა, რომლებიც უზრუნველყოფენ მის კომპიუტერის ვიდეოკარტასთან პირდაპირ დაკავშირებას.

სახლის მოდელების მახასიათებლები:

• პროექტორში ანალოგური და ციფრული ვიდეო-პორტების არსებობა.

• მაღალი გაფართოვების ვიდეოს დაკვრის შესაძლებლობა.

რომელი ტიპი ავირჩიოთ: DLP თუ LCD

პროექტორის არჩევისას აუცილებელია გავითვალისწინოთ მისი ტიპი. ბაზარზე მოდელები ძირითადათ ორ ტიპად იყოფიან:

1. DLP-პროექტორი საუკეთესო არჩევანია სახლისთვის, რადგან ვიდეოს ჩვენების საკმაოდ მაღალი ხარისხით გამოირჩევა. ამ ტიპის არჩევას ვურჩევდი ასევე მათაც, ვისთვისაც პროექტორის დაბალი წონა გადამწყვეტი ფაქტორია. ჩვეულებრივ, DLP-პროექტორებს სხვა ტიპებისაგან განსხვავებით მსუბუქი მასა გააჩნიათ. მათში გამოსახულება ფორმირდება სპეციალური მატრიცის მეშვეობით, რომელიც უამრავი პატარა სარკისგან შედგება, ხოლო მოწყობილობის გრაფიკული პროცესორი მათ ისე უცვლის მდებარეობას, რომ მაქსიმალურად ხარისხიანი გამოსახულება შექმნან. ამ სეგმენტში მოწინავე პოზიციები უკავიათ შემდეგ მოდელებს - Xiaomi Mi Laser , Acer EY JE001010 ,  LG PH550 .  

2. LCD-პროექტორის სტრუქტურა ძირეულად განსხვავდება ზემოთ ნახსენები ტიპისგან. იგი კარგი ვარიანტია ოფისში ან სკოლაში პრეზენტაციებისთვის, რადგან ასეთი აპარატი საკმაოდ მაღალი კონტრასტულობისა და ნათელი გამოსახულების ჩვენების საშუალებას იძლევა. LCD-პროექტორში გამოსახულება ფორმირდება თხევად-კრისტალურ მატრიცაში, რომელიც ლამპიდან წამოსულ სინათლეს ატარებს. ასეთი ტიპის აპარატების მთავარი პლიუსი არის ელ-ენერგიის მცირე მოხმარება და შედარებით დაბალი ფასი. მაგალითისთვის შეგიძლიათ გადახედოთ შემდეგ მოდელებს - NEC NPME301X, Fogetek FG857 , Epson.

კომპაქტურობა

არც ისე უმნიშვნელო მახასიათებელია პროექტორის კომპაქტურობა. მაგალითად, თუ სახლისთვის ვეძებთ თავისუფლად შეგვიძლია თავს უფლება მივცეთ მსხვილგაბარიტიანი მოდელი შევიძინოთ, ხოლო ოფისის ან სკოლის შემთხვევაში კი უფრო პორტატული აგებულების აპარატი დაგვჭირდება. მასიდან გამომდინარე მოწყობილობები იყოფიან შემდეგ ტიპებად:

• ულტრაპორტატულები – 1 კილოგრამამდე. გაიცანით მსოფლიოში ყველაზე პატარა პროექტორი, რომლის წონა 92 გრამია;

• პორტატულები – 1-3 კილოგრამამდე. მაგალითად Dell P318S;

• სტაციონარულები – 3+ კილოგრამი;

გამოსახულება

გამოსახულების გამოსხივება იზომება ANSI ლიუმენებში. ყიდვის წინ ეს მაჩვენებელიც უნდა გაითვალისწინოთ. ბაზარზე წარმოდგენილია შემდეგი მოდელები:

• გამოსხივება 1000 ლიუმენამდე აქვთ შედარებით იაფ პროექტორებს. ისინი არ გამოდგება ოფისში პრეზენტაციისთვის, რადგან გამოსახულების ეკრანზე საჩვენებლად პრაქტიკულად ოთახის მთლიან ჩაბნელებას საჭიროებენ. ასეთი მოდელები კარგია მცირეწლოვანი ბავშვებისთვის ანიმაციური ფილმების საყურებლად. 600 ლიუმენიანი, 800 ლიუმენიანი.  

• 1000-2000 ლიუმენამდე პროექტორი მისაღებია ოფისში სამუშაოდ. ასეთი მოდელები განათებულ ოთახშიც კი უზრუნველყოფენ ხარისხიანი პრეზენტაციების ჩატარებას. აგრეთვე საუკეთესო ვარიანტია სახლისთვის დიდ ეკრანზე ფილმების საჩვენებლად. 1200 ლიუმენიანი , 1600 ლიუმენიანი.

• 2000-3000 ლიუმენამდე პროეტორები საკმაოდ მაღალ კლასს განეკუთვნება. მათ ძირითადად დიდ საკონფერენციო დარბაზებში იყენებენ. 2500 ლიუმენიანი, 3000 ლიუმენიანი.

• 3000 ლიუმენზე ზევით გამოსხივების მქონე პროექტორები ბაზარზე საკმაოდ იშვიათად გვხვდება. მათი დადგმა თავისუფლად შეიძლება ღამის კლუბებსა და კინოთეატრებში. 4000 ლიუმენიანი, 4700 ლიუმენიანი.

ჩინური პროექტორები

ცალკე მინდა გამოვყო არაბრენდი ჩინური პროექტორები, რომლებსაც იბეიზე პროექტორების განყოფილების პრაქტიკულად 80% უჭირავს. ასეთი ტიპის პროექტორები უშუალოდ ჩინეთის კერძო ფაბრიკებიდან ხვდება ბაზარზე. ისინი გამოირჩევიან დაბალი ფასითა და მეტნაკლებად დაბალი ხარისხით. ხარისხში ვგულისხმობ პროექტორის მუშაობის ხანგრძლივობას, მათი უმეტესობა პირველი მეორე წლის შემდეგ საჭიროებს ამა თუ იმ ნაწილის შეცვლას. ხშირად შეხვდებით პროექტორის დასათაურებაში ლიუმენების ძალიან მაღალ ციფრებს, ხოლო ფასს კი შეუსაბამოდ ნაკლებს. რეალურად ლიუმენის ეს მაჩვენებელი რამოდენიმეჯერ აქვთ გაბერილი ჩინელ გადამყიდველებს. ასეთი ტიპის პროექტორების ყიდვას არ გირჩევთ, თუ მცირე ბიუჯეტი გავთ უმჯობესია ისევ მეორად ან აღდგენილ მოდელებს გადახედოთ და შედარებით სანდო გამყიდველისგან იყიდოთ.

აქვე პირადი გამოცდილებიდან იმასაც გეტყვით, რომ ჩინურ პროექტორებშიც შეხვდებით ისეთ მოდელებს, რომელთა ყიდვა დაბალი ღირებულებისა და მეტ-ნაკლებად დამაკმაყოფილებელი ხარისხის გამო ნამდვილად შეიძლება. თუ პროექტორისგან ბევრს არაფერს ითხოვთ და მხოლოდ საღამოობით სასურველი ანიმაციური თუ მხატვრული ფილმების საყურებლად გჭირდებათ შემდეგი ულტრაბიუჯეტური მოდელები საუკეთესო არჩევანი იქნება - GM60 , UC40. თუ შედარებით უფრო ნათელ ოთახში გსურთ გამოსახულების ჩვენება მაშინ უმჯობესია Exelevan 96+ , ან Uhappy აირჩიოთ.

დამატებითი მახასიათებლები

1. ლამპის რესურსი, რომელიც იზომება საათებში, პროექტორის ერთ-ერთი მთავარი მახასიათებელია. სასურველია ეს მაჩვენებელი მაღალი იყოს რადგან მოწყობილობა დიდი ხნით მოგვემსახუროს.

2. გეომეტრიული კორექციის შესაძლებლობა. იმ შემთხვევაში თუ პროექტორს „უცხო“ გარემოში მივიტანთ შესაძლოა შესაბამისი სივრცე არ დაგვხვდეს, ამიტომ აუცილებელია აპარატს ფოკუსის ხელოვნურად გასწორების ფუნქცია ჰქონდეს.

3. ხმაურის დონე. სასურველია, რომ პროექტორის გამაგრილებელი ვენტილატორის ხმა 34 დეციბალს არ აჭარბებდეს, წინააღმდეგ შემთხვევაში ფილმის ყურებით სრულ სიამოვნებას ვერ მიიღებთ, ხოლო სამსახურშიც ხარისხიანი პრეზენტაცია არ გამოგივათ.

4. ჩამონტაჭებული TV-tuner. მისი საშუალებით პროექტორზე პირდაპირ შეძლებთ ანტენის მიერთებას და ტელეგადაცემების ყურებას. გაითვალისწინეთ, რომ IP ტელევიზიის ქონის შემთხვევაში ტელეგადაცემების ყურება HDMI პორტის მეშვეობითაცაა შესაძლებელი.

5. მოწყობილობას დასამაგრებელი ბუდე აუცილებლად უნდა გააჩნდეს, რადგან ერთ კონკრეტულ ადგილზე  დამონტაჟება ადვილად შეძლოთ. უმეტესად პროექტორებს ჭერზე ამაგრებენ.

პროექტორი ოფისისთვის ან სკოლისთვის

პრეზენტაციებისა და სასწავლო მასალების დემონსტრირებისთვის უმჯობესია აარჩიოთ ისეთი პროექტორი, რომელიც შემდეგ მოთხოვნებს პასუხობს:

• LCD-ტიპის მოდელი, რომელიც ფინანსური თვალსაზრისითაც სასარგებლოა.

• გამოსხივება 1500-2000 ლიუმენამდე უნდა იყოს, რაც უფრო მაღალია ეს მაჩვენებელი მით უფრო ნათელ ოთახში შეძლებთ პრეზენტაციების ჩატარებას.

• გამოსახულების ფორმატი სასურველია იყოს 4:3, რეზოლუციით (Native Resolution) 800x600 (რაც უფრო მეტია ეს მაჩვენებელი, მით უფრო ცოცხალია გამოსახულება).

• სურათის გეომეტრიული კორექციის შესაძლებლობა.

• კომპიუტერთან დასაკავშირებელი შესაბამისი პორტების არსებობა.

სახლის კინოთეატრი

სახლის საკუთარი კინოთეატრით აღსაჭურვად სასურველია შემდეგი რჩევები გაითვალისწინოთ:

• გამოსახულების ფორმატი აუცილებლად უნდა იყოს 16:9, წინააღმდეგ შემთხვევაში ფილმის ყურებისას სურათს ზედა და ქვედა ნაწილში შავი ზოლები ექნება, ხოლო რეზოლუცია (Native Resolution) 1280x720.

• უპირატესობა მიანიჭეთ DLP ტიპის პროექტორს, რადგან იგი უშუალოდ ვიდეოს ყურებისთვისაა შექმნილი.

• ყურადღება მიაქციეთ მოწყობილობაზე დასამაგრებელი ბუდის არსებობას.

• ხმის დონე 34 დეციბალს არ აჭარბებდეს.

ახლა უკვე იცით, თუ რა პარამეტრებს უნდა მიაქციოთ ყურადღება პროექტორის შერჩევისას. რაც მთავარია გაითვალისწინეთ აპარატის ღირებულება: მხოლოდ ხარისხიან და ძვირადღირებულ მოდელებს შეუძლიათ მაქსიმალურად ღირსეული გამოსახულების ჩვენება.